Një nga çështjet kryesore që Çela ngriti, ishte ajo e sigurisë së njerëzve të drejtësisë, pas ngjarjes së rëndë të fillim tetorit 2025, ku gjyqtari Astrit Kalaja u vra brenda sallës së gjyqit në Gjykatën e Apelit.

“Janë dy elementë, disa lidhen me standardet dhe garancitë që kanë të bëjnë me statusin. Sa i përket godinave, jemi në fazën e projektimit të tyre, por ka një vonesë. U bënë disa vite që e ngre si shqetësim, situata nuk është aspak e mirë”, deklaroi Çela.

Sipas tij, veçanërisht në Tiranë, kushtet e punës për prokurorët dhe oficerët e policisë gjyqësore janë bërë të papërballueshme.

“Në Tiranë nuk kemi më hapësira për prokurorët dhe oficerët. Situata është e papërballueshme. Duhet një zgjidhje sa më e shpejt”, theksoi ai.

Duke iu referuar vrasjes së gjyqtarit Kalaja, Çela nënvizoi se kjo tragjedi duhet të shërbejë si nxitje për të vepruar menjëherë në drejtim të përmirësimit të masave të sigurisë.

“Siguria e magjistratëve lidhet me gjendjen e godinave dhe me stafet e sigurisë. Ka shumë vend për përmirësim. Ngjarja e rëndë është një nxitje për të vepruar sa më shpejt. Do të kemi disa kërkesa konkrete për Kuvendin që lidhen me këtë çështje”, përfundoi ai.

The post Vrasja e gjyqtarit Astrit Kalaja/ Olsian Çela: Të veprojmë për të përmirësuar sigurinë e magjistratëve appeared first on Albeu.com.

Ngjarja tronditëse ndodhi në ambientet e Gjykatës, ku gjykatësi Kalaja ishte duke përfunduar seancën gjyqësore. Autori i krimit, Elvis Shkambi, ka qëlluar për vdekje gjykatësin, pak momente pasi ky i fundit kishte dhënë vendimin gjyqësor ndaj tij.

Kryetari i Kuvendit Niko Peleshi dhe deputetët, shprehën solidaritetin dhe dhimbjen për humbjen e gjykatësit, duke dënuar ashpër aktin e dhunshëm që godet themelet e shtetit të së drejtës.

“Vrasja e një gjyqtari u dënua nga i gjithë spektri politik dhe mbarë opinioni publik në vendin tonë. Gjyqtari Kalaja i shërbeu sistemit të drejtësisë me përkushtim, profesionalizëm dhe integritet. Në shenjë respekti ju ftoj të mbajmë një minutë heshtje”, tha Peleshi.

The post Kuvendi nis me një minutë heshtje, në nder të gjykatësit Astrit Kalaja appeared first on Albeu.com.

Berisha u shpreh se; vrasja në sallën e gjyqit e gjykatësit Kalaja ngjitet në nivelin e krimit shtetëror, sepse vrasja ndodhi në mungesë të plotë të të gjitha përgjegjësive dhe detyrimeve shtetërore, qoftë edhe atyre më minimale për mbrojtjen e jetës dhe veprimtarisë së zyrtarëve të shtetit brenda institucioneve të tyre.

Berisha: Duke ruajtur ndjeshmërinë e plotë ndaj reagimeve që më pëlqejnë apo nuk më pëlqejnë në tërësi dhe në veçanti ndaj rastit konkret, dua të përsëris qëndrimin tim të prerë se nuk pajtohem kurrë me marrjen e jetës dhe aq më tepër ekzekutimin në detyrë të zyrtarëve për asnjë lloj arsye, ndaj dhe kam dënuar dhe dënoj me forcën më të madhe ekzekutimin e gjykatësit Kalaja në sallën e gjyqit dhe përsëri shpreh ngushëllimet e mia familjes Kalaja.

Por me këtë rast dua të theksoj se ekzekutimi publik në sallën e gjyqit i gjykatësit Kalaja sikur të ishte në një kafene apo mejhane të qytetit, dëshmon shkallën ekstreme të pasigurisë në Shqipëri, narkoshtetin e parë dhe të vetëm në Europë.

Në këtë kuadër, vrasja në sallën e gjyqit e gjykatësit Kalaja ngjitet në nivelin e krimit shtetëror dhe kjo jo se plumbat u shkrehën nga shteti, por se vrasja ndodhi në mungesë të plotë të të gjitha përgjegjësive dhe detyrimeve shtetërore, qoftë edhe atyre më minimale për mbrojtjen e jetës dhe veprimtarisë së zyrtarëve të shtetit brenda institucioneve të tyre. Kjo ka vetëm një shpjegim, zëvendësimin e shtetit, e ligjit me Maliqin.

The post Sali Berisha: Dënoj me forcën më të madhe ekzekutimin e gjykatësit Astrit Kalaja, vrasja në sallën e gjyqit tregon dështimin e plotë të reformës së sistemit të drejtësisë appeared first on Albeu.com.

Në një postim në Twitter ajo shkruan se lufta kundër korrupsionit dhe përpjekjeve për të minuar demokracinë përbëjnë një interes themelor të sigurisë kombëtare për Shtetet e Bashkuara të Amerikës.

Postimi
Në Twitter Kim shkruan: “Nëse të “ndërhysh në procese gjyqësore” do të thotë të nxisësh gjykatësit & prokurorët të bëjnë punën e tyre pavarësisht kërcënimeve apo shtysave, të bësh të qartë se do vazhdojnë të mbështesin zbatimin e reformës në drejtësi ,të nënvizosh se askush nuk është mbi ligjin dhe të nxisësh që të gjithë të bëjmë pjesën tonë për të luftuar kundër korrupsionit dhe pandëshkueshmërisë, atëherë PO, Shtetet e Bashkuara kanë bërë & do të vazhdojnë të bëjnë pikërisht këtë – sepse lufta kundër korrupsionit dhe përpjekjeve për të minuar demokracinë përbëjnë një interes themelor të sigurisë kombëtare të Shteteve të Bashkuara”./albeu.com

The post Yuri Kim përgjigjet ndaj Berishës: “SHBA do vijojë të inkurajojë prokurorët dhe gjykatësit” appeared first on Albeu.com.