Gjykata theksoi se secili nga katër të akuzuarit mban përgjegjësi personale, por njëkohësisht përcaktoi se ata bashkërenduan veprimet dhe arritën një marrëveshje për të ndjekur një qëllim të përbashkët penal.

Gjyqtari Smith nënvizoi se grupi ngriti së bashku pika ndalimi, u shpërndau detyra dhe funksione bashkëpunëtorëve për të realizuar këtë plan, si dhe publikoi deklarata për të përhapur idetë dhe strategjitë e tyre.

Po ashtu, trupi gjykues konstatoi se të pandehurit u garantuan autorëve të veprave penale imunitet të plotë nga ndjekja.

Gjykatësi Charles Smith është duke lexuar konkluzionet e trupit gjykues në lidhje me pretendimin për vrasje të kundërligjshme, të trajtuar si krim lufte.

The post Vendimi i trupit gjykues: Katër të pandehurit vepruan në bashkëpunim për një synim të përbashkët kriminal appeared first on Albeu.com.

Pas përfundimit të “Orës së Pritjes”, e organizuar për herë të fundit pranë Gjykatës Speciale në Hagë, qytetarët janë larguar gradualisht nga zona, ndërsa rikthimi i tyre pritet të bëhet nesër në mëngjes.

Organizatorët e “Liria ka Emër” njoftuan se policia holandeze u ka kërkuar që personave që lëvizin nëpër qytet me flamuj ose shtiza t’u merren këto sende.

Verdikti i shkallës së parë për ish-krerët e Ushtrisë Çlirimtare të Kosovës, Hashim Thaçi, Kadri Veseli, Rexhep Selimi dhe Jakup Krasniqi, pritet të shpallet nesër në orën 10:00.

Seanca e së mërkurës konsiderohet një prej pikave më të rëndësishme të procesit gjyqësor në Hagë. Në këtë rast, mbështetës dhe qytetarë pritet të mblidhen përsëri pranë Gjykatës Speciale.

The post Qytetarët largohen nga zona pranë Gjykatës në Hagë, nesër shpallet verdikti për ish-krerët e UÇK-së appeared first on Albeu.com.

Qindra shqiptarë janë mbledhur sonte vetëm pak metra larg Gjykatës Speciale, për të shprehur mbështetjen e tyre për krerët e UÇK-së, ndaj të cilëve vendimi pritet të shpallet nesër.

Si pjesë e kësaj pritjeje, është vendosur edhe “Ora e Pritjes”, e cila shënon momentet e fundit përpara dhënies së vendimit të rëndësishëm.

Kanë mbetur më pak se 13 orë nga shpallja e aktgjykimit për ish-krerët e UÇK-së.

Seanca përmbyllëse do të nisë nesër në orën 10:00, kur pritet të publikohet verdikti përfundimtar i shkallës së parë për Hashim Thaçin, Kadri Veselin, Jakup Krasniqin dhe Rexhep Selimin.

The post Në prag të vendimit, qindra shqiptarë mblidhen pranë Gjykatës Speciale në Hagë appeared first on Albeu.com.

Më 16 shtator 2026, në orën 10:00, Dhomat e Specializuara të Kosovës në Hagë do të shpallin aktgjykimin e shkallës së parë për Hashim Thaçin, Kadri Veselin, Rexhep Selimin dhe Jakup Krasniqin.

Pas një procesi që zgjati disa vite dhe 234 ditësh seanca gjyqësore, vendimi do të merret nga Trupi Gjykues II, i përbërë nga amerikani Charles L. Smith III, gjermani Christoph Barthe dhe zvicerani Guénaël Mettraux.

Fergal Gaynor, nga Irlanda, është pjesë e trupit gjykues si gjyqtar rezervë. Rregullat e Dhomave të Specializuara përcaktojnë se ai nuk voton dhe nuk shpreh qëndrim për vendimet e panelit, përveç rastit kur caktohet për të zëvendësuar një prej gjyqtarëve të rregullt.

Aktgjykimi miratohet me shumicën e tre anëtarëve të trupit gjykues. Nëse ata nuk arrijnë një qëndrim unanim, vendimit mund t’i bashkëngjitet një mendim i veçantë ose kundërshtues.

Charles L. Smith III drejton Trupin Gjykues II dhe mban gjithashtu detyrën e zëvendëspresidentit të Dhomave të Specializuara.

Gjyqtari amerikan ka pasur edhe më herët një rol në sistemin e drejtësisë në Kosovë. Ai shërbeu si gjyqtar i EULEX-it nga viti 2010 deri më 2013, ndërsa gjatë periudhës 2011–2013 ishte anëtar i Gjykatës Supreme të Kosovës.

Christoph Barthe është jurist gjerman, me një karrierë të gjatë në fushën e së drejtës penale dhe së drejtës ndërkombëtare.

Ai ka qenë prokuror në Gjykatën Federale të Drejtësisë të Gjermanisë, ku është angazhuar në ndjekjen e rasteve që lidhen me krimet e luftës dhe gjenocidin.

Zvicerani Guénaël Mettraux ka përvojë të gjatë në drejtësinë penale ndërkombëtare.

Gjatë karrierës së tij, Mettraux ka punuar në çështje të shqyrtuara nga Tribunali Ndërkombëtar për ish-Jugosllavinë, Tribunali Special për Libanin, Dhomat e Jashtëzakonshme në Kamboxhia dhe Gjykata Penale Ndërkombëtare.

Gjyqtari i katërt i panelit është irlandezi Fergal Gaynor, i cili e ka ndjekur procesin në rolin e gjyqtarit rezervë.

Gaynor nuk merr pjesë në votimin për aktgjykimin, përveç nëse caktohet zyrtarisht për të zëvendësuar një nga tre gjyqtarët e rregullt.

Katër të akuzuarit përballen me gjithsej dhjetë pika të aktakuzës.

Gjashtë akuza kanë të bëjnë me pretendime për krime kundër njerëzimit, përkatësisht përndjekje, burgosje, akte të tjera çnjerëzore, torturë, vrasje dhe zhdukje me forcë.

Katër pikat e tjera lidhen me pretendime për krime lufte: arrestim dhe ndalim të paligjshëm apo arbitrar, trajtim mizor, torturë dhe vrasje.

Thaçi, Veseli, Selimi dhe Krasniqi i kanë mohuar të gjitha akuzat dhe janë deklaruar të pafajshëm.

Procesi gjyqësor nisi më 3 prill 2023. Gjatë shqyrtimit gjyqësor dëshmuan 134 persona: 125 dëshmitarë të thirrur nga Prokuroria, dy nga përfaqësuesi i viktimave dhe shtatë nga ekipet e mbrojtjes.

Më 16 shtator 2026, Smith, Barthe dhe Mettraux do të vlerësojnë për secilën pikë të aktakuzës dhe për secilin të akuzuar nëse Prokuroria e ka dëshmuar fajësinë përtej dyshimit të arsyeshëm.

Vendimi që do të shpallet është i shkallës së parë dhe mund të kundërshtohet përmes një ankese para panelit të Gjykatës së Apelit të Dhomave të Specializuara.

Hashim Thaçi, Kadri Veseli, Rexhep Selimi dhe Jakup Krasniqi ndodhen në paraburgim në Hagë që nga nëntori i vitit 2020.

The post Tre gjyqtarët që do të vendosin për Thaçin, Veselin, Selimin dhe Krasniqin, ndërsa një tjetër mbetet rezervë appeared first on Albeu.com.

Data 16 shtator shënon momentin e shumëpritur kur Kosova do të mësojë fatin e ish-komandantëve të lartë të Ushtrisë Çlirimtare të Kosovës.

Të mërkurën, pas një procesi gjyqësor që zgjati 234 ditë, do të shpallet aktgjykimi përfundimtar.

Hashim Thaçi, ish-presidenti i vendit, Kadri Veseli e Jakup Krasniqi, të cilët më parë drejtuan Kuvendin, si dhe ish-deputeti Rexhep Selimi përballen me pretendimet për krime lufte dhe krime kundër njerëzimit.

Të katër personat janë shprehur të pafajshëm ndaj të gjitha akuzave të ngritura nga Zyra e Prokurorit të Specializuar.

Kolegji që do të marrë këtë vendim historik përbëhet nga katër gjyqtarë ndërkombëtarë: kryesuesi amerikan Charles Smith III, gjyqtari gjerman Christoph Barthe, gjyqtari zviceran Guénaël Mettraux dhe gjyqtari irlandez Fergal Gaynor.

The post Zbulohet paneli i gjyqtarëve që do të shpallë vendimin për ish-udhëheqësit e Ushtrisë Çlirimtare të Kosovës appeared first on Albeu.com.

Në këtë çështje, para Gjykatës së Lipjanit aktualisht po përballen Bekim Meta dhe Skënder Shahini, teksa ende pritet vendimi i gjykatës.

Rasti ka të bëjë me një incident të ndodhur në fshatin Magurë. Sipas protestuesve, gjithçka kishte nisur pasi një familje e komunitetit rom kishte përfunduar të pamet për një familjare, kur më pas një grup personash kishte shkuar në mënyrë të organizuar te shtëpia e Skënder Shahinit, fqinjit të Bekim Metës, dhe e kishte sulmuar atë.

Sipas tyre, përplasja ishte zhvilluar para hyrjes së shtëpisë së Shahinit. Në momentin e konfliktit, Bekim Meta kishte vërejtur atë që po ndodhte dhe kishte ndërhyrë për të ndarë palët, duke i dalë në ndihmë fqinjit të tij.

Burime lidhur me rastin thonë se shkaku i konfliktit dyshohet të jetë i lidhur me një ngjarje të pasluftës. Pretendohet se Skënder Shahini kishte gjetur armë dhe municion në shtëpinë e kësaj familjeje rome dhe më pas i kishte denoncuar në polici. Sipas të njëjtave informacione, ky veprim mendohet se kishte shkaktuar pakënaqësi, ndërsa sulmi i romëve ndaj Skënderit dyshohet se kishte për motiv hakmarrjen.

The post Protestë para Gjykatës së Lipjanit në mbështetje të Bekim Metës, në pritje të vendimit appeared first on Albeu.com.