“Ekziston një rreziku që Jakup Krasniqi të arratiset, dhe të pengojë progresin e procedurës, ose të kryejë vepra të mëtejshme kundër atyre që perceptohen si kundërshtarë të UÇK-së, përfshirë dëshmitarët që kanë ofruar ose mund të ofrojnë prova në këtë rast dhe/ose duhet të paraqiten para DhSK-së” , sqarohet në vendim.

Lidhur me këtë, Gjykata ka njoftuar se mbrojtja e Krasniqit mund të deponoj parashtresë për rishikimin e paraburgimit deri më datë 17 tetor, shkruajnë mediat në Kosovë.

Hashim Thaçi, Kadri Veseli, Rexhep Selimi dhe Jakup Kransiqi po akuzohen nga Zyra e Prokurorit të Specializuar me akuza për krime kundër njerëzimit, si përndjekje, burgosje, akte çnjerëzore, torturë, zhdukje dhe vrasje, si dhe me 4 pika për krime lufte si arrestim, ndalim arbitrar, torturë dhe vrasje të paligjshme. Sipas aktakuzës këto krime janë kryer në territore të ndryshme të Kosovës dhe Shqipërisë, si në Likoc, Jabllanicë, Llapushnik, Drenoc, Malishevë, Bajgorë, Majac, Zllash, Kleçkë, Kukës dhe Rahovec. Zyra e Prokurorit të Specializuar kishte njoftuar Gjykatën Speciale më 23 korrik për hetimin penal ndaj katër krerëve të UÇK-së.

The post Akuzat për krime lufte, Gjykata Speciale në Hagë lë në paraburgim Jakup Krasniqin, Prokurori: Mund të ikë appeared first on Albeu.com.

Por, a pati ndonjë gjasë që Jakup Kraniqi të ishte fizikisht i pranishëm në dasmën e djalit të tij, Gjykata Speciale ia ka kthyer një përgjigje Gazetës Express.

Në një përgjigje me shkrim për Gazetën Express, zyra për komunikim e Gjykatës Speciale tha se nuk ka parashtresa publike apo vendime që trajtojnë këtë çështje.

“Aktualisht, s’ka parashtresa publike apo vendime që trajtojnë këtë çështje. Nëse flasim përgjithësisht, kuadri ligjor i Dhomave të Specializuara i lejon personat e paraburgosur t’i bëjnë kërkesa trupit gjykues kompetent kur ka arsye bindëse humanitare. Paneli do të merrte vendim për çdo kërkesë të tillë”, thuhet në përgjigjen e Speciales për Gazetën Express.

Vajza e Jakup Krasniqit, Gresa, ka bërë dje një postim prekës për mungesën e babait në dasmën e vëllait të saj, Altinit.

“Babi do të jesh pranë nesh, në lutjet tona, në vallëzimet tona dhe në çdo dolli që do të ngremë! Do të jesh pranë nesh në mëngjes kur të zgjohemi, si bajraktar për të marrë nusen e deri në mbrëmje vonë. Do të jesh pranë nesh në lotët që sigurisht do të na tradhtojnë dhe në të qeshurat tona!”, ka shkruar ajo ndër të tjera.

Ndërsa, ka thënë se dje në orën 16:00 do të jetë Jakup Kraniqi i pranishëm në dasmë përmes teknologjisë.

The post Gjykata Speciale nuk i jep leje Jakup Krasniqit të merrte pjesë në dasmën e djalit appeared first on Albeu.com.

Haradinaj ka thënë se deri në moshën 17-vjecare është rritur në Kosovë.

Duke u përgjigjur në pyetjet e avokatit mbrojtës në Gjykatën Speciale në Hagë, Haradinaj tha se një pjesë të jetës e ka kaluar në burgjet serbe, shkruan Gazeta Express.

Ai foli edhe për emigrimin e tij në Suedi. “Po jam rritë një pjesë të jetës në Kosovë deri në moshën 17 vjeçare e gjysmë, ndërsa pjesën tjetër të jetës jam rritë në burgjet serbe. Derisa në vitet 90-të kam kaluar si klandestin në Suedi”, deklaroi Haradinaj.

Më pas, Haradinaj në seancën gjyqësore tha se në Suedi nuk ka qëndruar me dëshirë. Ai tha se ka qenë i detyruar që të shkojë atje.

“Edhe në Suedi në një mënyrë unë isha dhunshëm, pa dëshirën time. Unë nuk kisha dalë që të kërkojë të mira ekonomike qysh kanë dalë shumë, por kisha dalë prej dhune. Atje kom pas rrogë shumë të mirë, në vlerë prej pesë mijë euro neto por dëshira dhe nostalgjia ime ishte që të kthehesha në Kosovë. Përktheja dy gjuhë”, deklaroi Haradinaj./albeu.com/

The post Haradinaj në Hagë: Jam rritur në burgjet serbe appeared first on Albeu.com.

Ditën e sotme ka treguar versionin e tij dëshmitari i radhës kundër Mustafës.

Ai është pyetur nëse është takuar me Mustafën pas luftës, por përgjigja e tij ishte e paqartë.

Por në një moment ai e pranoi këtë gjë dhe shtoi se i është prezantuar atij si Cali.

Pjesë nga dëshmia:

Avokati Von Bone: A jeni takuar ndonjëherë me z.Mustafa më përpara?

Dëshmitari: Po jam takuar.

Avokati: A jeni takuar ndonjëherë pas luftës?

Përgjigja e dëshmitarit e paqartë.

Avokati: A e keni takuar ndonjëherë personalisht gjatë luftës.

Përgjigja e dëshmitarit paraqitet si përmbajtje e redaktuar.

Avokati: Je përshëndetur apo si?

Përgjigja e paqartë e dëshmitarit.

Avokati: Si u përshëndetët me të atëherë, si e dinit që ishte ai?

Dëshmitari: E kam njohur në bazë të shokëve.

Avokati: A të ka thënë ty dikush tjetër që personi ishte Salih Mustafa?

Dëshmitari: Po

Avokati: A të tha ai që ishte Salih Mustafa apo Cali?

Dëshmitari: Cali, Cali

Avokati: A ka ardhur ndonjëherë ai tek ti për ta riparuar veturën apo për diçka të ngjashme?

Përgjigja e dëshmitarit e paqartë.

Avokati: A keni pasur ju ndonjëherë ndonjë kontakt personal apo vetëm përshëndetje dhe asgjë tjetër?

Dëshmitari: Vetëm përshëndetje, kontakt personal jo asnjëherë.

Në momentin kur avokati e pyeti dëshmitarin për njësinë “Skifterët”, përgjigja e dëshmitarit u paraqit si përgjigje e redaktuar.

Avokati: Z. Dëshmitar, ti the që Brigada 153 e kishte shtabin tek shkolla. A është e saktë kjo?

Dëshmitari: Po.

Avokati: Kush ishin komandantët?

Dëshmitari: Kur kam shkuar unë ka qenë  Sejdi Veseli nëse nuk gaboj kështu.

Avokati: Për çfarë shkove ti atje?

Seanca kaloi në private.

Avokati: A varej nga Brigada njësia juaj?

Deklarata e dëshmitarit e paqartë.

Avokati:  A mund të na thuash se si e ke vënë re këtë gjë. Si e kuptove që varej nga Brigada.

Dëshmitari: Nuk kam përgjigje në këtë pyetje.

Avokati: a ju ka shpjeguar dikush më përpara që ju vareshit nga Brigada 153 bë kohën kur u anëtarësuat në UÇK.

Dëshmitari: Po.

Avokati: A vinin në njësinë tuaj udhëheqësit e Brigadës?

Përgjigja e dëshmitarët e paqartë.

Avokati: Me kë takoheshin kur vinin?

Dëshmitari: Me komandantin e njësisë.

Avokati: Pse shkojë atje, çfarë pune bëje?

Dëshmitari: Me qu ushqime.

Avokati: Të kujtohet se ke shkuar edhe tek baza e “Skifterëve”.

Dëshmitari: Vetëm njëherë kam qenë aty.

Avokati: A mund të na shpjegosh se si ishte baza atje kur ke shkuar?

Dëshmitari: Tash shumë pak po më kujtohet. Ka qenë një shtëpi, kemi marrë ushqimin aty dhe nuk më kujtohet kumedit sa ajo pjesë.

Avokati: E kishe parë ndonjëherë më përpara atë ushtarin ti?

Përgjigja e dëshmitarit e paqartë.

Avokati: A ishte vetëm një shtëpi e vetme aty për të cilën po flet?

Dëshmitari: Po.

Avokati: Mendon se ishte një vend i izoluar aty?

Dëshmitari: Në çfarë kuptimi i izoluar. S’po e kuptoj.

Avokati: Ishte pranë një fshati apo në një vend të humbur që s kishte shtëpi përreth?

Dëshmitari: S’kishte shtëpi përreth.

Avokati: E madhe apo e vogël ishte kjo shtëpia apo ishte një shtëpi normale për një familje, a mund të na e shpjegosh më tej.

Dëshmitari: Nuk e di. E di që ka qenë një shtëpi, por nuk e di se a ka qenë për një familje apo si ka qenë./albeu.com/

The post “Iu prezantova si Cali”, dëshmitari e pranon se është takuar me Mustafën appeared first on Albeu.com.