Në një deklaratë nga zëdhënësi i shefit të OKB-së , Stephane Dujarric, Guterres përsëriti natyrën ligjërisht të detyrueshme të vendimeve të GJND-së, duke shtuar se ai beson “se të gjitha palët do të zbatojnë siç duhet Urdhrin e Gjykatës”.

Shefi i OKB-së ka bërë thirrje vazhdimisht për një armëpushim humanitar në Gaza, duke shprehur shqetësim të thellë për numrin e lartë të raportuar të viktimave civile dhe situatën “katastrofike” humanitare në enklavë. Kryeministri izraelit Benjamin Netanyahu përshëndeti më parë vendimin paraprak mbi akuzën e Afrikës së Jugut për gjenocid si një refuzim të diskriminimit kundër vendit të tij.

The post Shefi i OKB-së: Shpresoj që Izraeli t’i përmbahet vendimit të GJND-së për Gazën appeared first on Albeu.com.

jykata Ndërkombëtare e Drejtësisë ka urdhëruar të premten Izraelin që t’i marrë të gjitha masat për të parandaluar akte të gjenocidit në Gazë.

Gjykata ka thënë të premten se ka juridiksion për të vendosur për masa urgjente, të kërkuara nga Afrika e Jugut, në rastin kundër Izraelit, në luftën e tij kundër Hamasit në Gazë.

Hamasi, grup palestinez që udhëheq Rripin e Gazës, është shpallur organizatë terroriste prej Shteteve të Bashkuara dhe Bashkimit Evropian.

Gjykata ka thënë se Izraeli duhet të sigurohet që forcat e tij nuk kryejnë gjenocid dhe marrin masa për të përmirësuar situatën humanitare në Gazë.

Sipas saj, Izraeli duhet t’i raportojë gjykatës brenda një muaji për të treguar se çfarë po bën për të zbatuar urdhrin.

Gjykata ka thënë se nuk do të refuzojë rastin, siç ka kërkuar Izraeli.

Në mesin e masave të kërkuara prej Afrikës së Jugut, përfshihet ndalja e menjëhershme e operacionit ushtarake të Izraelit në Gazë, si pasojë e të cilit janë vrarë më shumë se 25.000 palestinezë, sipas autoriteteve shëndetësore palestineze.

Kryetarja e trupit gjykues, Joan Donoghue, ka thënë se gjykata është “thellësisht e shqetësuar” nga vazhdimi i humbjes së jetëve dhe vuajtjeve të njerëzve.

Kërkesa për ndëshkim të Izraelit është bërë prej Afrikës së Jugut në dhjetor të vitit 2023.

Afrika e Jugut dhe Izraeli janë pjesë e Konventës së OKB-së për Gjenocid.

Për një vendim të gjykatës për supozimet e Afrikës së Jugut për kryerjen e gjenocidit nga ana e Izraelit pritet të kalojnë vite.

Izraeli i ka konsideruar akuzat ndaj tij si të “pabaza”.

Johanesburgu beson se Izraeli është duke vepruar në kundërshtim me Konventën e OKB-së për Gjenocid, të vitit 1948, e cila është hartuar pas Luftë së Dytë Botërore dhe Holokaustit.

Izraeli i ka shpallur luftë Hamasit më 7 tetor 2023, pak pasi grupi ka kryer sulme vdekjeprurëse në tokën e tij, duke i lënë rreth 1.200 njerëz të vrarë dhe duke marrë mbi 240 pengje.

Disa janë liruar ndërkohë.

Kombet e Bashkuara dhe agjenci ndërkombëtare për ndihmë, vlerësojnë se luftimet kanë shkaktuar katastrofë humanitare në Gazë, pasi një çerek i këtij territori, me 2.3 milionë banorë, po përballet me uri./

The post Gjykata Ndërkombëtare e Drejtësisë nuk urdhëron armëpushim në Gazë: Izraeli të parandalojë vdekjet dhe dëmet appeared first on Albeu.com.

Këtë herë është Gjermania, shkaktarja e luftës që ngre pretendime në Gjykatën Ndërkombëtare të Drejtësisë, duke paditur aleaten e vet në kohën e luftës; Italinë.

Në një parashtresë në Gjykatën Ndërkombëtare të Drejtësisë (ICJ), Gjermania thotë se Italia vazhdon të lejojë çështje gjyqësore që lidhen me vitet e luftës në gjykatat e saj të brendshme pavarësisht një vendimi të vitit 2012 se pretendime të tilla ishin të papranueshme.

Padia thotë se, që nga ai vendim, mbi 25 raste të reja janë depozituar në Itali dhe në disa prej tyre, gjykatat kanë vendosur që Gjermania duhet të paguajë kompensim.

Berlini thotë se po e paraqet ankesën tani për shkak të dy rasteve në gjykim ku kërcënohet edhe sekuestrimi i pronave të shtetit gjerman në Romë në formë kompensimi për pagesat, që Berlini pas 2012 refuzon t’i kryejë.

Një gjykatë në Itali thotë se do të vendosë deri më 25 maj nëse do të detyrojë shitjen e disa ndërtesave, disa prej të cilave strehojnë institucione kulturore, historike dhe arsimore gjermane.

Mosmarrëveshja daton në vitin 2008, kur gjykata më e lartë e Italisë vendosi që Gjermania duhet të paguajë rreth 1 milion € për të afërmit e nëntë personave që ishin në mesin e 203 të vrarëve nga forcat gjermane në Toskanë në 1944.

Gjermania argumenton se tashmë ka paguar miliarda euro për vendet e prekura nga Lufta e Dytë Botërore që nga përfundimi i konfliktit në 1945.

Regjistrimi i padisë gjermane citon një pjesë të vendimit të vitit 2012 që thotë se, duke lejuar pretendimet në gjykatat e saj, Italia kishte “shkelur detyrimin e saj për të respektuar imunitetin që Republika Federale e Gjermanisë gëzon sipas ligjit ndërkombëtar”.

Mund të duhen vite që Gjykata Ndërkombëtare të nxjerrë vendime, por Gjermania i ka kërkuar gjykatës të marrë masa për të ndaluar Italinë të nxjerrë në ankand çdo pronë, ndërsa çështja është duke u shqyrtuar.

GJND-ja, me seli në Hagë, Holandë, është organi kryesor gjyqësor i OKB-së, me një nga rolet e saj kryesore që është zgjidhja e mosmarrëveshjeve ligjore ndërmjet shteteve.

The post Gjermania kërkon “larje hesapesh” me Italinë, e padit për kompensimet e Luftës së Dytë Botërore appeared first on Albeu.com.

GJND beson se Rusia duhet “të pezullojë menjëherë operacionin ushtarak të nisur më 24 shkurt 2022 në territorin e Ukrainës”.

Presidenti i gjykatës, Joan Donoghue, tha se në Ukrainë po ndodh një tragjedi e vërtetë, ku po vriten civilë të pafajshëm.

The post Gjykata Ndërkombëtare e Drejtësisë: Rusia të ndërpresë sulmin appeared first on Albeu.com.

Në aplikim, Ukraina thotë se Rusia “ka pretenduar në mënyrë të rreme se akte gjenocidi kanë ndodhur” në rajonet separatiste të Luhansk dhe Donetsk, duke shtuar se Rusia më pas deklaroi dhe zbatoi një “operacion special ushtarak” kundër Ukrainës, thuhet në njoftimin për shtyp.

Presidenti Volodymyr Zelensky njoftoi lajmin në Twitter, duke kërkuar një “vendim urgjent” nga GJND.

Ukraina akuzon gjithashtu Rusinë për “planifikimin e akteve të gjenocidit” në vend dhe thotë se Rusia “qëllimisht po vret dhe po shkakton lëndime serioze ndaj anëtarëve të kombësisë ukrainase”, sipas njoftimit për shtyp.

The post Ukraina paraqet padi kundër Rusisë në Gjykatën Ndërkombëtare të Drejtësisë appeared first on Albeu.com.