Partia Demokratike, ka deklaruar se në këtë proces janë keqpërdorur edhe firmat e deputetëve demokratë, të cilat, sipas saj, ishin tërhequr paraprakisht, dhe se seEndri Shabani nuk ishte kandaturë e mbështetur nga grupi parlamentar demokrat.

Parlamenti votoi më 11 dhjetor Endri Shabanin si Avokat të Popullit, i cili mori 85 vota pro të deputetëve të PS-së dhe PSD-së dhe tre kundër.

Ndërsa Partia Demokratike dhe Partia Mundësia, nuk morën pjesë në votim.

The post Gjykata Kushtetuese rrëzon kërkesën e PD mbi zgjedhjen e Avokatit të Popullit appeared first on Albeu.com.

Këshilli i Emërimeve në Drejtësi ka vendosur të mos lejojë vijimin e kandidimit të Lulzim Hamitaj. Ky i fundit mund ta ankimojë vendimin.

Ende nuk është marrë vendim për kandidaturat e Genc Gjonçajt, Helena Papës, Alban Toros, Arta Vorpsit dhe Brunilda Barës, për të cilat po shqyrtohet nëse do të lejohen apo jo të vijojnë procesin.

Pas përfundimit të shqyrtimit të të gjitha kandidaturave, KED do të nisë vlerësimin me pikë. Tre kandidatët që do të renditen më lart do t’i përcillen Presidentit të Republikës dhe Kuvendit.

Presidenti do të përzgjedhë një prej tre emrave, ndërsa në Kuvend të tre kandidatët do të kalojnë në votim.

Dy vakancat në Gjykatën Kushtetuese u krijuan nga dorëheqja e Elsa Toskës dhe përfundimi i mandatit të Sonila Bejtes.

Procesi për emërimin e zëvendësuesve të dy gjyqtarëve kushtetues ka tejkaluar çdo afat të parashikuar nga ligji.

The post Llagami dhe Daci kalojnë filtrin e parë për Gjykatën Kushtetuese, Hamitaj jashtë garës appeared first on Albeu.com.

Partia Demokratike e Kosovës ka bërë të ditur se gjatë ditës së sotme do t’i drejtohet Gjykatës Kushtetuese për zhvillimet e fundit në Kuvendin e Kosovës dhe procesin e formimit të Qeverisë.

Para këtij institucioni, PDK-ja ka paralajmëruar edhe një konferencë për media, në të cilën do të prezantojë lëndën që synon ta dorëzojë për shqyrtim.

Subjekti politik ka sqaruar se kërkesa nuk do të lidhet vetëm me konstituimin e Kuvendit, por edhe me procedurën për krijimin e Qeverisë Kurti 4.

Një ditë më parë, të dielën, Kuvendi i Kosovës e miratoi Qeverinë Kurti 4 gjatë një seance të jashtëzakonshme. Kundër votuan tetë deputetët e Listës Serbe, ndërsa deputetët e PDK-së, LDK-së dhe Aleancës munguan në procesin e votimit.

Para votimit për Qeverinë u vazhdua seanca konstituive e Kuvendit, e cila u zhvillua gjatë orëve të paradites.

Kryetarja e Kuvendit, Albulena Haxhiu, deklaroi se Legjislatura e 11-të ishte konstituuar, edhe pse posti i nënkryetarit nga radhët e PDK-së nuk ishte plotësuar.

PDK-ja nuk mori pjesë në vazhdimin e seancës, duke argumentuar se gjatë këtij procesi janë shkelur ligjet dhe Kushtetuta e Kosovës.

Hapi i radhës pritet të jetë paraqitja e kërkesës së PDK-së në Gjykatën Kushtetuese, ndërsa më pas do të vlerësohet se si do të veprojë ky institucion lidhur me të.

The post PDK-ja paralajmëron dërgimin e çështjes në Gjykatën Kushtetuese appeared first on Albeu.com.

Gjatë një interviste në emisionin “Click Plus” të TV21, nënkryetari i Bashkimit Demokratik për Integrim, Bujar Osmani, bëri të ditur se formacioni i tij politik ka nisur përgatitjet për një proces të parakohshëm zgjedhor parlamentar që pritet të mbahet në pranverën e vitit 2027.

Duke iu përgjigjur pyetjes nëse BDI dhe OBRM-PDUKM kanë arritur ndonjë marrëveshje për zgjedhje në muajin prill, Osmani pranoi se ka pasur shkëmbime komunikimi me këtë parti, por shmangu dhënien e hollësive mbi një ujdi të mundshme konkrete.

“Ne synojmë zgjedhje. Natyrisht, ka pasur komunikim në forma të ndryshme edhe me OBRM-PDUKM-në dhe nuk hasim kundërshtime. Presim që zgjedhjet të zhvillohen në pranverë të 2027-ës dhe jemi duke u përgatitur për këtë”, theksoi Osmani.

Në vijim të intervistës, Osmani u ndal edhe te çështja e ish-zëvendëskryeministrit të parë Artan Grubi, i cili ndodhet para drejtësisë për aferën “Lotaria”. Sipas tij, është një vendim pa kuptim që Grubi të përballet me gjyq për një akt që ishte vendimmarrje kolektive e Qeverisë, duke kujtuar se për këto lloj vendimesh kompetencën e kanë Gjykata Administrative dhe ajo Kushtetuese.

Osmani shtoi se tani është momenti që vëmendja të zhvendoset nga spektakli që po krijohet rreth ngjarjes dhe të mbështetemi tek faktet konkrete.

The post Bujar Osmani njofton përgatitjet e BDI-së për zgjedhje të parakohshme parlamentare në pranverë të 2027-ës appeared first on Albeu.com.

Ajo sqaron gjithashtu se; mënyra e përllogaritjes së pagave në administrimin e saj të brendshëm dhe fondet buxhetore në dispozicion nuk ndikojnë në efektet juridike dhe detyrimet që burojnë nga vendimi.

“Gjykata rithekson se vendimet e saj janë përfundimtare dhe të detyrueshme për zbatim. Respektimi dhe zbatimi i tyre përbën një kërkesë të drejtpërdrejtë të rendit kushtetues dhe është i lidhur ngushtësisht me parimin e shtetit të së drejtës dhe të sigurisë juridike”, thekson Kushtetuesja.

REAGIMI I GJYKATËS KUSHTETUESE:

Në lidhje me diskutimet publike për çështjen e pagave të magjistratëve, Gjykata Kushtetuese vlerëson të nevojshme të sqarojë se për këtë çështje është shprehur tashmë me vendimin nr. 15, datë 17.02.2026

Përmes këtij vendimi, Gjykata Kushtetuese ka përcaktuar standardin kushtetues të zbatueshëm, duke evidentuar njëkohësisht detyrimet që burojnë prej tij për autoritetet përgjegjëse. Arsyetimi dhe dispozitivi i vendimit përbëjnë qëndrimin zyrtar të Gjykatës për çështjen e shqyrtuar dhe, për rrjedhojë ato duhet të lexohen e të zbatohen në tërësinë e tyre, në përputhje me parimet kushtetuese të përcaktuara në të.

Gjykata rithekson se vendimet e saj janë përfundimtare dhe të detyrueshme për zbatim. Respektimi dhe zbatimi i tyre përbën një kërkesë të drejtpërdrejtë të rendit kushtetues dhe është i lidhur ngushtësisht me parimin e shtetit të së drejtës dhe të sigurisë juridike.

Në këtë kuptim, Gjykata sqaron se mënyra e përllogaritjes dhe e ekzekutimit të pagave në administrimin e brendshëm të saj, në varësi të fondeve buxhetore në dispozicion, nuk mund të interpretohet si përcaktuese për efektet juridike të vendimit nr. 15, datë 17.02.2026 dhe as për detyrimet që ky vendim sjell për autoritetet përgjegjëse për zbatimin e tij.

The post Ngërçi me pagat e magjistratëve, reagon Gjykata Kushtetuese: Vendimi ynë duhet të zbatohet appeared first on Albeu.com.

Lista Serbe i është drejtuar Gjykatës Kushtetuese për të kundërshtuar aktgjykimin AA.nr.29/2026 të Gjykatës Supreme. Ankesa u paraqit tri ditë përpara përfundimit të afatit kushtetues për konstituimin e Kuvendit dhe dy ditë para se seanca konstituive e Kuvendit të Kosovës të vazhdojë më 6 gusht.

Në qendër të këtij kontesti është mandati i Nenad Rashiqit në Kuvendin e Kosovës. Lista Serbe argumenton se mekanizmi i ulëseve të rezervuara për komunitetin serb nuk ka marrë mbrojtje funksionale dhe pretendon se përfaqësuesit e këtij komuniteti duhet të përcaktohen vetëm përmes votave të qytetarëve serbë.

Sipas njoftimit të saj, iniciativa në Kushtetuese nuk synon mbrojtjen e një subjekti politik apo të një mandati të veçantë parlamentar. Lista Serbe thotë se po kërkon të mbrojë të drejtën kushtetuese të popullit serb, si dhe të komuniteteve të tjera joshumicë, për përfaqësim autentik politik, të cilin e cilëson si një prej parimeve bazë të pozitës së tyre kushtetuese në Kosovë.

Ky subjekt vlerëson se Komisioni Qendror i Zgjedhjeve, Paneli Zgjedhor për Ankesa dhe Parashtresa dhe Gjykata Supreme nuk kanë trajtuar pyetjen kryesore kushtetuese. Sipas Listës Serbe, duhet sqaruar nëse qëllimi i ulëseve të rezervuara ruhet kur në zgjedhjen e përfaqësuesve serbë ndikojnë votat e qytetarëve që nuk i përkasin këtij komuniteti.

Pas zgjedhjeve të qershorit, Lista Serbe e kishte dërguar çështjen fillimisht në PZAP dhe më pas në Gjykatën Supreme. Ajo pretendonte se partia e Nenad Rashiqit, ZSPO, kishte marrë një numër të konsiderueshëm votash në komuna ku, bazuar në regjistrimin e popullsisë të vitit 2024, komuniteti serb pothuajse nuk ekziston. Ankesat u hodhën poshtë nga të dyja instancat.

KQZ-ja kishte konstatuar se pretendimet e paraqitura nuk krijonin bazë ligjore për ta vënë në dyshim vlefshmërinë e votave ose rezultatin e zgjedhjeve. Edhe PZAP-i e cilësoi ankesën si të pabazuar, duke sqaruar se votimi mbështetet mbi barazinë dhe fshehtësinë. Po ashtu, u theksua se lista e votuesve nuk përmban të dhëna mbi përkatësinë etnike, pikërisht për të shmangur cenimin e këtyre parimeve.

Nga 10 ulëset e rezervuara për komunitetin serb në zgjedhjet e qershorit, Lista Serbe siguroi 9, ndërsa mandati i dhjetë i takoi Nenad Rashiqit.

Nëse konstituimi i Kuvendit nuk përfundon deri më 7 gusht, procedura kushtetuese kalon në etapën e zgjedhjes së presidentit të vendit. Për zgjedhjen e presidentit, Kushtetuta përcakton një afat 60-ditor. Dështimi edhe brenda këtij afati do ta çonte Kosovën përsëri në zgjedhje të reja.

Lidhur me ankesën ka reaguar për “Bota sot” opinionisti Gani Mehmeti. Ai akuzon Listën Serbe se po e përdor në mënyrë të gabuar garancinë për mandatet e rezervuara të serbëve dhe të pakicave të tjera në Kosovë, ndërsa thotë se kjo parti nuk vepron në interes të komunitetit serb në vend.

Mehmeti i ka kërkuar Listës Serbe të tregojë se si do të sillej nëse do të votonte për të elektorati shqiptar dhe nëse në një rast të tillë do t’i pranonte votat apo do të ankohej. Sipas tij, mandatet e garantuara për serbët dhe pakicat e tjera nuk janë krijuar për të luftuar Republikën e Kosovës, por Lista Serbe po abuzon me këtë mundësi.

Ai pretendon se kjo parti, në vend që të punojë për të mirën e pakicës serbe në Kosovë, shkon në Beograd dhe, së bashku me Vuçiqin, e lufton Republikën e Kosovës me të gjitha mjetet. Mehmeti thotë se, pavarësisht se Vuçiqi nuk e njeh Kosovën, Lista Serbe duhet ta njohë atë dhe të veprojë në përputhje me Kushtetutën dhe ligjet e saj.

Në vlerësimin e tij, vetëm duke mbështetur Pavarësinë e Kosovës, kjo parti do të fitonte të drejtën për garancinë e mandateve dhe për pjesëmarrje në Qeverinë e Kosovës, ashtu siç kërkohet me ligj dhe Kushtetutë. Mehmeti shton se jo vetëm Lista Serbe, por edhe shqiptarët që nuk veprojnë drejt dhe në përputhje me ligjet, duhet të mbeten jashtë.

Duke folur për mënyrën e votimit, opinionisti kujton se vota është e lirë dhe e fshehtë, ndaj çdo qytetar mund t’ia japë atë kujtdo që e konsideron të arsyeshme. Ai i përgëzon ata që mund të kenë votuar në këtë mënyrë dhe e pyet Listën Serbe pse nuk u ankua kur, sipas tij, mori më shumë të drejta sesa i takonin.

Mehmeti thotë se Lista Serbe po kundërshton faktin që shqiptarë mund të kenë votuar një parti serbe e cila mbështet Pavarësinë e Kosovës, e njeh shtetin dhe zbaton ligjet e Kushtetutën e tij. Ai i bën thirrje edhe Listës Serbe të ndjekë të njëjtën rrugë, në mënyrë që më pas diskutimi me të të zhvillohet ndryshe.

Opinionisti pyet gjithashtu pse kjo parti nuk ka kërkuar që në Kuvendin e Kosovës të ketë vetëm aq deputetë sa i takojnë dhe sa i sigurojnë votuesit e saj, por ka pranuar dhjetë vende. Sipas tij, ky numër është i lartë kur në Kosovë jetojnë vetëm rreth 50-60 mijë serbë. Ai e përmbledh qëndrimin e tij me pohimin se nuk mund të mos e njohësh Kosovën dhe njëkohësisht të kërkosh të jesh pjesë e saj.

Mehmeti thekson se asnjë dispozitë nuk përcakton se cilin kandidat ka ose nuk ka të drejtë ta votojë një qytetar. Për shkak se vota është e lirë dhe e fshehtë, zgjedhësi vendos vetë nëse dhe kujt do t’ia japë atë. Ai nuk përjashton mundësinë që, pas aktualizimit të kësaj çështjeje nga Lista Serbe, në zgjedhjet e ardhshme edhe më shumë shqiptarë të votojnë kandidatë serbë, duke shtuar se debati ua ka kujtuar dhe treguar këtë mundësi.

Sipas parashikimit të tij, për aq kohë sa mbetet nën dirigjimin e Vuçiqit, Lista Serbe nuk do të arrijë të sigurojë më shumë se 3 vende në zgjedhjet e ardhshme.

Duke iu referuar pretendimit të Listës Serbe se institucionet zgjedhore dhe gjyqësore nuk e kanë mbrojtur në mënyrë kushtetuese sistemin e vendeve të rezervuara për komunitetet joshumicë, Mehmeti thotë se këto institucione nuk kanë marrë përsipër t’i garantojnë asaj mbrojtje, veçanërisht kur ajo është kundër Republikës së Kosovës.

Ai shkon më tej duke deklaruar se, që nga sulmi në Banjskë, institucionet gjyqësore duhej ta kishin dënuar Listën Serbe si parti terroriste. Në lidhje me kërkesën që Kushtetuesja të sqarojë nëse mandatet e rezervuara e ruajnë qëllimin e tyre kur në zgjedhjen e përfaqësuesve serbë ndikojnë votues nga komunitete të tjera, Mehmeti thotë se Gjykata Kushtetuese duhet t’ia ndalojë Listës Serbe të drejtën e funksionimit si parti. Sipas tij, të drejtën për të marrë pjesë në zgjedhje duhet ta kenë vetëm subjektet që respektojnë ligjet, Kushtetutën dhe Republikën e Kosovës.

The post Gani Mehmeti kritikon ankesën e Listës Serbe: Po abuzon me mandatet e garantuara, Kushtetuesja duhet t’ia ndalojë veprimtarinë appeared first on Albeu.com.

Lista Serbe i është drejtuar Gjykatës Kushtetuese për ta kundërshtuar aktgjykimin AA.nr.29/2026 të Gjykatës Supreme. Ankesa u paraqit vetëm tri ditë përpara përfundimit të afatit kushtetues për konstituimin e Kuvendit dhe dy ditë para vazhdimit të seancës konstituive, të parashikuar për 6 gusht.

Në qendër të kontestit është mandati i Nenad Rashiqit në Kuvendin e Kosovës. Sipas Listës Serbe, mekanizmi i vendeve të rezervuara për komunitetin serb nuk është mbrojtur në mënyrë funksionale, ndërsa përfaqësuesit e këtij komuniteti duhet të përcaktohen vetëm përmes votave të pjesëtarëve të tij.

Subjekti politik serb ka deklaruar se qëllimi i ankesës nuk është mbrojtja e një partie apo e një mandati të vetëm në Kuvend. Lista Serbe pretendon se kërkesa synon garantimin e së drejtës kushtetuese të popullit serb dhe të komuniteteve të tjera joshumicë për përfaqësim politik autentik, të cilin e cilëson si një nga parimet bazë të pozitës së tyre kushtetuese në Kosovë.

Lista Serbe vlerëson se Komisioni Qendror i Zgjedhjeve, Paneli Zgjedhor për Ankesa dhe Parashtresa, si dhe Gjykata Supreme, nuk kanë trajtuar thelbin kushtetues të çështjes. Sipas saj, duhet sqaruar nëse ruhet qëllimi i ulëseve të rezervuara për komunitetin serb kur në zgjedhjen e përfaqësuesve të tij ndikojnë votat e qytetarëve që nuk i përkasin këtij komuniteti.

Pas zgjedhjeve të qershorit, Lista Serbe e kishte dërguar çështjen fillimisht në PZAP dhe më pas në Gjykatën Supreme. Ajo pretendonte se partia e Nenad Rashiqit, ZSPO, kishte marrë një numër të konsiderueshëm votash në komuna ku komuniteti serb, bazuar në regjistrimin e popullsisë të vitit 2024, pothuajse nuk ekziston. Ankesat u hodhën poshtë nga të dyja instancat.

KQZ-ja konstatoi se pretendimet e paraqitura nuk krijonin bazë ligjore për të vënë në dyshim vlefshmërinë e votave ose rezultatin e zgjedhjeve. Edhe PZAP-ja e cilësoi ankesën si të pabazuar, duke nënvizuar se votimi mbështetet te barazia dhe fshehtësia. Për të mos cenuar këto parime, në listën e votuesve nuk përfshihen të dhëna mbi përkatësinë etnike.

Nga dhjetë vendet e rezervuara për komunitetin serb në zgjedhjet e qershorit, nëntë u fituan nga Lista Serbe, kurse mandati i dhjetë i takoi Nenad Rashiqit.

Nëse konstituimi i Kuvendit nuk përfundon deri më 7 gusht, procesi kushtetues hyn në etapën e zgjedhjes së presidentit të vendit. Për zgjedhjen e kreut të shtetit, Kushtetuta përcakton një afat prej 60 ditësh. Dështimi edhe brenda kësaj periudhe do ta çonte Kosovën përsëri në zgjedhje të reja.

Lidhur me veprimin e Listës Serbe ka reaguar opinionisti Gani Mehmeti. Në një prononcim për “Bota sot”, ai ka thënë se ky subjekt po abuzon me garancinë e mandateve të rezervuara për serbët dhe pakicat e tjera në Kosovë dhe nuk po vepron në interes të komunitetit serb.

Mehmeti e ka pyetur Listën Serbe nëse do t’i kishte kundërshtuar votat në rast se ato do t’i ishin dhënë asaj nga shqiptarët, apo nëse do t’i kishte pranuar pa u ankuar.

Sipas tij, vendet e garantuara për serbët dhe komunitetet e tjera nuk janë krijuar që të përdoren për ta luftuar Republikën e Kosovës. Ai akuzon Listën Serbe se, në vend që të kujdeset për mirëqenien e serbëve të Kosovës, vepron nën ndikimin e Beogradit dhe, së bashku me Vuçiqin, përdor çdo mjet kundër shtetit të Kosovës.

Opinionisti ka deklaruar se, pavarësisht qëndrimit të Vuçiqit ndaj Kosovës, Lista Serbe duhet ta njohë realitetin e saj dhe të veprojë në përputhje me Kushtetutën dhe ligjet e vendit. Sipas Mehmetit, vetëm mbështetja e Pavarësisë së Kosovës do t’i jepte këtij subjekti të drejtën morale për të kërkuar mandatet e garantuara dhe pjesëmarrjen në Qeverinë e Kosovës, ashtu siç parashihet me ligj dhe Kushtetutë. Ai shtoi se jashtë duhet të mbeten jo vetëm përfaqësuesit e Listës Serbe, por edhe shqiptarët që nuk veprojnë drejt dhe sipas ligjeve.

Duke folur për ankesën, Mehmeti ka rikujtuar se vota është e lirë dhe e fshehtë, ndaj secili qytetar mund t’ia japë atë subjektit që e konsideron të arsyeshëm. Ai e ka vlerësuar pozitivisht faktin që mund të ketë pasur shqiptarë të cilët kanë votuar për një parti serbe që mbështet Pavarësinë e Kosovës dhe respekton Kushtetutën dhe ligjet e saj.

Mehmeti e ka pyetur Listën Serbe përse nuk është ankuar më herët për të drejtat që, sipas tij, i janë dhënë përtej asaj që i takon. Ai ka përmendur dhjetë vendet e rezervuara, duke thënë se ato janë shumë në raport me numrin prej rreth 50-60 mijë serbësh që jetojnë në Kosovë. Sipas tij, nuk mund të kërkohet bashkëpunim me një shtet që njëkohësisht refuzohet të njihet.

Opinionisti ka theksuar se askund nuk përcaktohet se cilin kandidat apo subjekt ka të drejtë ta votojë një qytetar dhe as se kë nuk duhet ta mbështesë. Për këtë arsye, secili votues vendos vetë nëse dhe kujt do t’ia japë votën.

Ai ka shtuar se, pas ngritjes së kësaj teme nga Lista Serbe, në zgjedhjet e ardhshme mund të ketë edhe më shumë shqiptarë që votojnë për përfaqësues serbë. Mehmeti ka ironizuar duke thënë se kjo çështje ua kujtoi dhe ua mësoi votuesve se mund të veprojnë edhe në këtë mënyrë.

Sipas parashikimit të tij, për sa kohë që Lista Serbe mbetet nën dirigjimin e Vuçiqit, në zgjedhjet e ardhshme nuk do të arrijë të fitojë më shumë se 3 vende.

Mehmeti ka kundërshtuar pretendimin e Listës Serbe se institucionet zgjedhore dhe gjyqësore nuk e kanë mbrojtur në aspektin kushtetues sistemin e vendeve të rezervuara për komunitetet joshumicë. Ai është shprehur se këto institucione nuk e kanë marrë përsipër garancinë e këtij subjekti, veçanërisht kur ai vepron kundër Republikës së Kosovës.

Duke iu referuar sulmit në Banjskë, opinionisti ka deklaruar se institucionet gjyqësore duhej ta dënonin Listën Serbe si parti terroriste që nga ajo ngjarje.

Në përfundim, Mehmeti ka komentuar edhe kërkesën që Gjykata Kushtetuese të përcaktojë nëse respektohet qëllimi i mandateve të rezervuara kur votues jashtë komunitetit serb ndikojnë në zgjedhjen e përfaqësuesve të tij. Sipas tij, Kushtetuesja duhet t’ia ndalojë Listës Serbe të drejtën për të funksionuar si parti, ndërsa pjesëmarrja në zgjedhje duhet t’u lejohet vetëm subjekteve që respektojnë ligjet, Kushtetutën dhe Republikën e Kosovës.

The post Mehmeti kritikon ankesën e Listës Serbe: Po abuzon me mandatet e garantuara, Kushtetuesja duhet t’ia ndalojë veprimtarinë appeared first on Albeu.com.

Lista Serbe i është drejtuar Gjykatës Kushtetuese të Kosovës për të kundërshtuar vendimin e Gjykatës Supreme lidhur me ndarjen e një mandati të rezervuar për komunitetin serb, të cilin e fitoi Nenad Rashiqi.

Në kërkesën e saj, kjo parti i kërkon Kushtetueses të përcaktojë nëse respektohet qëllimi i mandateve të rezervuara në rastet kur në përzgjedhjen e përfaqësuesve serbë ndikojnë votat e qytetarëve që nuk janë pjesëtarë të këtij komuniteti.

Sipas Listës Serbe, institucionet gjyqësore dhe zgjedhore nuk e kanë siguruar mbrojtjen kushtetuese të vendeve të garantuara për komunitetet joshumicë.

Partia vlerëson se mandatet e rezervuara nuk përbëjnë thjesht privilegje formale, por janë garanci kushtetuese që synojnë përfaqësimin autentik të komuniteteve.

Gjykata Supreme, më 7 korrik, e refuzoi ankesën e Listës Serbe, në të cilën pretendohej se subjekti politik i Nenad Rashiqit e kishte fituar mandatin e garantuar kryesisht përmes votave të siguruara në komunat me shumicë shqiptare.

The post Lista Serbe ankohet në Kushtetuese për mandatin e fituar nga Nenad Rashiqi appeared first on Albeu.com.

Sipas tij, pasi nuk arriti t’i ndalë këto procese përmes argumenteve politike, BDI tani po mbështetet te Gjykata Kushtetuese.

“Pasi dështuan t’i bllokojnë proceset me argumente politike, BDI sot shpresën e vetme e ka te Gjykata Kushtetuese. Nuk është rastësi. Për vite me radhë, BDI ishte partia dominuese në pushtet dhe ndikimi i saj është ende i dukshëm në shumë segmente të institucioneve. Prandaj, sa herë që humbin betejën politike para qytetarëve, kërkojnë shpëtim te strukturat që i konsiderojnë si trashëgimi të periudhës së tyre të qeverisjes. Në vend që të japin llogari për premtimet e parealizuara dhe për obligimet që i lanë peng për më shumë se dy dekada, ata vazhdojnë të pengojnë proceset dhe reformat që i kërkon koha”, ka shkruar Sali në reagimin e tij.

Ai ka theksuar më tej se Republika e Maqedonisë së Veriut ka nevojë për institucione të pavarura, profesionale dhe të shkëputura nga logjika partiake.

Në reagimin e tij, Sali vlerëson se “Çdo tentativë për ta përdorur sistemin institucional si mjet për beteja politike paraqet rrezik për shtetin multietnik, për besimin e qytetarëve dhe për perspektivën demokratike të vendit”.

The post Bekim Sali: BDI po bllokon ndryshimet e domosdoshme dhe shpresën e fundit e kërkon te Gjykata Kushtetuese appeared first on Albeu.com.

Ai vlerëson se edhe ky rast dëshmon, sipas tij, një punë të papërfunduar nga BDI-ja dhe një përpjekje për të goditur VLEN-in përmes goditjes së shqiptarëve.

“Edhe një punë gjysmake e BDI-së, pjesë e tangos BDI-Gjykata Kushtetuese! Tandemi BDI – Gjykata Kushtetuese vazhdojnë tentativat për ta goditur VLEN-in duke i goditur shqiptarët. Po shfuqizojnë një vendim që nuk është implementuar asnjëherë. Nuk ka dyshim se kjo përbërje e Gjykatës Kushtetuese ndien një detyrim ndaj shumicës së mëparshme qeverisëse që i zgjodhi ata dhe sjell vendime për të ndihmuar politikisht BDI-në. Mjafton të shohim se kush i gëzohet vendimit skandaloz të kësaj përbërjeje të Gjykatës Kushtetuese. BDI-ja, e cila bëri zgjidhje gjysmake për riemërtimin e rrugëve dhe sot tinëzisht nxit vendime të tilla nga gjykata që e votuan vetë. Këtë vendim skandaloz e bazojnë te procedura që BDI-ja nuk e respektoi dhe si rrjedhojë ato emra asnjëherë nuk u bënë të plotfuqishme. Ne i kemi parapri kësaj, prandaj ka një Komision për Riemërtimin e Rrugëve në Tetovë i cili po punon intensivisht dhe së shpejti do të miratojë zgjidhje gjithëpërfshirëse dhe të qëndrueshme e cila reflekton realitetin shoqëror të Tetovës”, ka shkruar Qamili.

The post Qamili pas vendimit për rrugët në Tetovë: BDI la procesin në gjysmë, së shpejti një zgjidhje e re appeared first on Albeu.com.