Mario Çela dhe Sergej Hasanpapaj, u estraduan pak muaj me parë nga Belgjika ku ishin arrestuar me kërkesë të Prokurorisë së Posaçme.

Çela dyshohet për veprat penale “Vrasja me paramendim”, ”Organizata kriminale”, ”Mbajtja pa leje dhe prodhimi i armëve, armëve shpërthyese dhe municionit” dhe ”Korrupsioni aktiv ne sektorin privat”.

Ai dyshohet gjithashtu për përfshirje në vrasjen e Bledar Muçës, i konsideruar si krahu i djathtë i Ardian Çapjas, i cili sipas hetimeve ishte vënë në shënjestër nga grupi i Suel Çelës.

Disa nga anëtarët, të cilët kishin role kyçe ishin pjesë operative e organizatës. Ata ishin të angazhuar në planifikimin dhe ekzekutimin e veprave të rënda penale, si vrasje me paramendim dhe trafikun e lëndëve narkotike.

Nga hetimet, SPAK ka dokumentuar se kjo organizatë kanë tentuar të trafikojë sasi të mëdha kokainë nga Amerikan Latine drejt Evropës.

Sipas SPAK, ka patur tentativa për trafikimin e afërsisht 930 kg të lëndës narkotike, lloji kokainë dhe është tentuar trafikimin e 466 kilogramë të lëndës narkotike, lloji kokainë nga Ekuadori në Holandë, në janar 2021

Ndërsa, Sergej Hasanpapaj akuzohet për veprat penale “Vrasja me paramendim”, mbetur në tentativë dhe kryer në kuadër të organizatës kriminale, dhe “Mbajtja pa leje dhe prodhimi i armëve, armëve shpërthyese dhe i municionit”.

Po ashtu, akuzohet edhe si autor i dyshuar i vrasjes së shtetasit Bledar Muça në Belgjikë.

The post Gjykata e Lartë rrëzon rekursin e Mario Çelës dhe Sergej Hasanpapajt, dy të ekstraduarit nga Belgjika mbeten në burg appeared first on Albeu.com.

“Kërkohet zëvendësimin e masës se sigurimit “Arrest ne burg”, parashikuar nga neni 238 i Kodit te Procedurës Penale, me një masë sigurimi më të bute si “Garanci pasurore” parashikuar nga neni 236 i Kodit të Procedurës Penale ose “Detyrim për t’u paraqitur në policinë gjyqësore”, parashikuar nga neni 234 i Kodit te Procedurës Penale”, thuhej në kërkesën e Veliajt.

Përveç këtij rekursi, Gjykata Kushtetuese ka rikthyer në Gjykatën e Lartë një tjetër kërkesë për liri të Veliajt. Sipas Kushtetueses, Gjykata e Lartë, në vendimin që do duhet të rimarrë për qytetarin e parë të Tiranës, do duhet të arsyetojë a është proporcionale masa “arrest me burg” në raport me pozicionin që Veliaj ka si kryebashkiak.

Kujtojmë që Veliaj ndodhet në arrest me burg që prej 10 shkurtit 2025, ndërsa SPAK e dërgoi kërkesën për ta kaluar dosjen për gjykim vetëm 5 muaj më parë. SPAK ka renditur ndaj Veliajt 13 akuza, të tilla si korrupsion pasiv, pastrim parash, mosdeklarim pasurie, shpërdorim detyre dhe futja e sendeve në burg.

The post Kërkon lirimin nga qelia, Gjykata e Lartë vendos sot mbi rekursin e Erion Veliajt appeared first on Albeu.com.

Sipas vendimit zyrtar të zbardhur këtë të martë, më 19 maj 2026, Kolegji Penal i Gjykatës së Lartë, i përbërë nga gjyqtarët Ilir Panda në cilësinë e relatorit, si dhe Sokol Binaj e Sandër Simoni, ka vendosur në dhomë këshillimi mospranimin e rekursit të paraqitur nga Haxhiu.

Në dokumentin zyrtar thuhet: “Mospranimin e rekursit të paraqitur nga i gjykuari Laert Haxhiu, kundër vendimit nr. 45 (87-2024-326), datë 13.11.2024, të Gjykatës së Posaçme të Apelit për Korrupsionin dhe Krimin e Organizuar.”

Me këtë vendim, Gjykata e Lartë konfirmon dënimin maksimal për Haxhiun lidhur me akuzat e rënda që rëndojnë ndaj tij, mes të cilave “vrasje me paramendim e mbetur në tentativë”, si dhe një sërë veprash të tjera penale në kuadër të grupit të strukturuar kriminal.

Laert Haxhiu është dënuar me burg përjetë si autor kryesor i ngjarjes së njohur si “Masakra e Lushnjës”, e ndodhur në vitin 2017, ku humbën jetën Zamir Latifi dhe Jurgen Hoxha. Objektiv i atentatit, sipas hetimeve, dyshohet se ishte Xhulio Shkurti, nipi i Aldo Bares.

SI NDODHI MASAKRA E LUSHNJES

Zamir Latifi dhe Jurgen Hoxha mbetën të vrarë në 11 tetor të vitit 2017, ndërsa dy persona të tjerë, Marjus Xhepexhiu, pronari i lokalit ku ndodheshin atë çast dy viktimat, si dhe një kalimtar i rastit, 66-vjeçari Bujar Turku, që po kalonte në atë moment me biçikletë, kanë mbetur të plagosur lehtë. Dy të rinjtë u ekzekutuan me breshëri automatiku në hyrje të lokalit.

Autori zbriti nga një automjet dhe në duar mbante një armë automatike, ndërsa në kokë kishte një maskë të zezë. Ai eci gati 20 metra, duke iu afruar dy të rinjve që qëndronin në kafene dhe menjëherë ka hapur zjarr me automatik.

Ai ka lëshuar dy breshëri kallashnikovi, ndërkohë që ka lënë të vdekur në vend Jurgen Hoxhën dhe shokun e tij, Zamir Latifi. Më pas, ai është larguar shumë shpejt në drejtim të daljes së Lushnjës, drejt zonës së ish-Fabrikës së Plastmasit. Zamir Latifit i ishte bërë atentat edhe një herë tjetër, një vit para ekzekutimit.

Ai ishte shok me Xhulio Shkurtin, nipin e Aldo Bares, ndërkohë që Xhulio Shkurti mori një plumb në këmbë, ndërsa u plagos edhe Sajmo Xhelili. Xhelili dhe Shkurti kanë edhe lidhje familjare me njëri-tjetrin. Dy vjet pas ngjarjes së rëndë, që u quajt edhe si “masakra e Lushnjës”, ndodhën edhe dy ekzekutime të tjera.

Enver Boriçi ishte viktima e radhës e atentateve mafioze, i cili u vra në dhjetor të 2019, ndërkohë u ekzekutua edhe Besnik Hida, ky i fundit daja i 23-vjeçarit Zamir Latifi. Nga Policia u dyshua se vrasja e tij mund të kishte lidhje me vrasjen e Latifit, për të cilin daja i tij kërkonte të bënte drejtësi dhe të zbardhej ngjarja.

Si i shpëtoi atentatit nipi i Aldo Bares

Nga hetimet e kryera ka rezultuar se masakra e datës 11 tetor 2017 ka pasur si objektiv Xhulio Shkurtin, nipi i Aldo Bares. Vrasja e mbetur në tentativë disa vite më parë ndaj Xhulio Shkurtit, konkludohet se është kryer për hakmarrje, referuar këtu dhe historikut të konflikteve midis familjeve të Xhulio Shkurtit dhe Laert Haxhiut. Kjo hakmarrje e ka zanafillën herët, pasi banda e Aldo Bares alias Alfred Shkurti i ka djegur shtëpinë xhaxhait të Laert Haxhiut, Shkëlqim Haxhiu.

Më pas në janar të vitit 2005, është vrarë djali i xhaxhait të Laertit, Klodian Haxhiu. Në vitin 2016, Laert Haxhiu tentoi të vriste Xhulio Shkurtin, vrasje të cilën nuk arriti ta finalizojë dhe tentoi përsëri në mënyrë të organizuar të finalizojë në vitin 2017, por përsëri pa sukses. Pikërisht, mosfinalizimi i vrasjes së Xhulio Shkurtit, ishte shtysa që Laert Haxhiu të tentonte përsëri për të eliminuar Shkurtin, por këtë radhë në mënyrë më të organizuar.

Për të realizuar këtë qëllim, Haxhiu pas shtatorit të vitit 2016 në një kohë të papërcaktuar saktë, ka krijuar një grup kriminal në përbërjen e të cilit ka future lidhjet e tij të ngushta shoqërore, Orgest Bilbilin dhe Anterio Kaloshin, si dhe persona të tjerë ende të paidentifikuar, për të cilët po vazhdon hetimi nga Prokuroria e Posaçme.

The post Masakra e Lushnjes, Gjykata e Lartë rrëzon rekursin e Laert Haxhiut, lë në fuqi dënimin me burgim të përjetshëm appeared first on Albeu.com.

Rekursi u bë më datë 6 maj, vetëm dy ditë pas vendimit të Kolegjeve të Bashkuara të Gjykatës së Lartë që ndryshoi pjesërisht praktikën për masën e arrestit në burg.

Vendimi parashikon se kufizimi më i rëndë i lirisë personale, masa e arrestit me burg duhet të merret pasi më parë të jenë shqyrtuar realisht masat e tjera alternative.

Po ashtu, kërkohet arsyetim për personin e pandehur dhe që të jetë prokuroria ajo që të ketë barrën e provës për të justifikuar nevojën e masës ekstreme.

“Kërkohet zëvendësimin e masës se sigurimit “Arrest ne burg”, parashikuar nga neni 238 i Kodit te Procedurës Penale, me një masë sigurimi më të bute si “Garanci pasurore” parashikuar nga neni 236 i Kodit të Procedurës Penale ose “Detyrim për t’u paraqitur në policinë gjyqësore”, parashikuar nga neni 234 i Kodit te Procedurës Penale”, thuhet në kërkesën e Veliajt.

Veliaj ndodhet në arrest me burg që prej 10 shkurtit 2025. SPAK ka ngritur 13 akuza, si korrupsion pasiv, pastrim parash, mosdeklarim pasurie, shpërdorim detyre dhe futja e sendeve në burg.

The post Kërkon lirimin nga qelia, Gjykata e Lartë cakton datën e shqyrtimit të rekursit të Erion Veliajt appeared first on Albeu.com.

Sipas vendimi, edhe Gjykata e Lartë ka rrëzuar rekursin e paraqitur nga qeveria dhe ministria e Brendshme, të cilat nuk pranonin vendimet e shkallëve të tjera të gjyqësorit që i dhanë të drejt Nanos për shkarkimit të tij nga detyra e kreut të Policisë së Shtetit.

Nano e konsideroi të paligjshëm shkarkimin e tij nga detyra nga kryeministri dhe ministri i kohës, duke ju drejtuar gjykatës. Edhe shkallët e tjera të gjyqësorit i kishin dhënë atij të drejtë.

Në thelb të çështjes ishte kërkesa e Nanos për shfuqizimin e vendimit nr. 580, datë 31.08.2022 të Këshillit të Ministrave, si dhe detyrimin e tyre për ta trajtuar me pagë deri në përfundim të mandatit 5-vjeçar, ose për ta sistemuar në strukturat e Policisë së Shtetit apo funksione të tjera.

The post Gjykata e Lartë i jep të drejtë Gledis Nanos, quan të paligjshëm shkarkimin appeared first on Albeu.com.

“vendosi prishjen e vendimit nr. 39 (87-2025-261), datë 22.07.2025 të Gjykatës së Posaçme të Apelit për Korrupsionin dhe Krimin e Organizuar dhe vendimit nr.25, datë 13.03.2025, të Gjykatës së Posaçme të Shkallës së Parë për Korrupsionin dhe Krimin e Organizuar, për sa i përket pikës 4 të disponimit të Gjykatës së Posaçme të Shkallës së Parë për Korrupsionin dhe Krimin e Organizuar, lidhur me konfiskimin e pasurive të paluajtshme, dhe dërgimin e çështjes për rigjykim në Gjykatën e Posaçme të Shkallës së Parë për Korrupsionin dhe Krimin e Organizuar, me tjetër trup gjykues”, thuhet në vendim.

Goro është dënuar nga GJKKO për çështjen e tjetërsimit të tokave në zonën bregdetare të Himarës, teksa ka edhe një proces të dytë.

Vendimi i Gjykatës së Lartë:

“JORGO GORO

VEZIR GJIKOKAJ

SHOQERIA AG.TCC SH.P.K.

Neni 248 e 25, 257/a paragrafi i dyte, te Kodit Penal          -//-        

1.Mospranimin e rekursit të të gjykuarit Jorgo Goro, kundër vendimit nr. 39 (87-2025-261), datë 22.07.2025 të Gjykatës së Posaçme të Apelit për Korrupsionin dhe Krimin e Organizuar.

2.Prishjen e vendimit nr. 39 (87-2025-261), datë 22.07.2025 të Gjykatës së Posaçme të Apelit për Korrupsionin dhe Krimin e Organizuar dhe vendimit nr.25, datë 13.03.2025, të Gjykatës së Posaçme të Shkallës së Parë për Korrupsionin dhe Krimin e Organizuar, për sa i përket pikës 4 të disponimit të Gjykatës së Posaçme të Shkallës së Parë për Korrupsionin dhe Krimin e Organizuar, lidhur me konfiskimin e pasurive të paluajtshme, dhe dërgimin e çështjes për rigjykim në Gjykatën e Posaçme të Shkallës së Parë për Korrupsionin dhe Krimin e Organizuar, me tjetër trup gjykues”.

The post Gjykata e Lartë kthen për rigjykim në GJKKO dosjen e ish-kryebashkiakut të Himarës, Jorgo Goro! Ja për çfarë bëhet fjalë appeared first on Albeu.com.

Edison_Memolla

Relator i rekursit të Memollës ështe caktuar gjyqtari Genti Shala.

Pas shpalljes së vendimit nga Apeli i GJKKO në shkurt, Memolla u vetëdorëzua në polici dhe më pas u transferua në institucionin e vuajtjes së dënimit në Rrogozhinë, ku po kryen aktualisht dënimin e tij.

Si pasojë e arrestimit, drejtimi i bashkisë është marrë përkohësisht nga një kryetar i komanduar.

Sipas SPAK, Memolla kishte ndikuar te elektricisti Blerim Xhamani, me qëllim që ky i fundit të mos i ndërpriste energjinë elektrike një abonenteje debitore, në mënyrë që ajo të votonte në favor të tij në zgjedhjet e pjesshme lokale të 6 marsit 2022, ku ai garoi nën siglën e Partisë Socialiste.

The post U dënua me 1 vit burg për korrupsion zgjedhor, ish kryebashkiaku i Rrogozhinës Edison Memolla bën rekurs në Gjykatën e Lartë appeared first on Albeu.com.

Gjyqtari Ilir Panda, vendosi për të mos kthyer pasaportën e Ballukut, e cila është bllokuar prej 19 nëntorit me vendim të GJKKO.

Ballukut iu komunikua akuza akuza e shkeljes së barazisë në tenderë. Balluku është person nën hetim edhe për 7 lotet e Uanzës së Madhe dhe e dyshuar për 3 tenderë të tjerë.

The post Gjykata e Lartë rrëzon Belinda Ballukun, ish-zv/kryeministres nuk i lejohet dalja jashtë shtetit appeared first on Albeu.com.

Sipas burimeve, zëvendësprokurori i përgjithshëm, Arqile Koca, ka kërkuar që seanca të zhvillohet me dyer të mbyllura.

Kërkesa lidhet me faktin se çështja që ka vënë në lëvizje gjykatën, është aktualisht në shqyrtim në një seancë paraprake po në Gjykata e Lartë e Shqipërisë.

Avokati Luan Hazneziri, u shpreh se çështja ka interes të lartë publik dhe, për këtë arsye, duhet të jetë e hapur për publikun të paktën në pjesën që lidhet me njëhsimin e praktikës gjyqësore.

Ndërkohë, Kolegjet janë tërhequr për të marrë një vendim.

The post Mblidhen Kolegjet e Bashkuara të Gjykatës së Lartë, shqyrtohen ndryshimet e praktikës për masat e sigurisë appeared first on Albeu.com.

Malltezi deklaroi se në çështjen e tij mungon fakti penal, ndërsa prokurorët kanë kryer mbi 30 falsifikime dhe se gjykatat janë kthyer në “lepe peqe” të prokurorisë dhe pushtetit. Një tjetër pikë e denoncimit ishte shkelja e afateve ligjore. Ai shpjegoi se ligji antimafia lejon sekuestrimin për një afat maksimal dyvjeçar, por në rastin e tij kanë kaluar 2.5 vite pa një vendim.

Jamarbër Malltezi: Çështja është që këtu nuk ke çështje, nuk ke fakt penal. Këtu të gjithë pretendimet e fillimit, premisat e fillimit dolën të gënjeshtra. Prokurorët kanë bërë mbi 30 falsifikime. Kur nuk ke fakt penal, kur premisat dalin të rreme, cilido student i juridikut që të ishte, do ngelte në klasë në rast se do i mbante.

Këtu për fat të keq, gjykatat tona janë bërë lepe peqe të prokurorisë. Siç e pamë para vetëm para një jave, Gjykata e Strasburgut gjeti Shqipërinë me shkelje. Thelbi i shkeljeve është shpifja dhe falsifikimi i Taulant Ballës. Domethënë shpifja e Taulant Ballës u bë falsifikim për prokurorët politikë. Prokurorët politikë i imponohen gjykatës. Prokurorët politikë mbërritën deri aty sa i thanë gjykatës që ne mund të sekuestrojmë çështje civile dhe ju si gjykatë na e bëni ne kërkesën. Imagjinoni dot ku jemi? Pra nuk janë palë. Për fat të keq, nuk kemi të bëjmë me një shtet ligjor, kemi të bëjmë me thjesht lepe peqe. Kemi një çështje e cila nuk ka fakt penal. Kemi mbi 30 falsifikime të dokumentave zyrtarë, ku mbërrin prokurori falsifikon deri ligjin, imagjinoji të tjerat. Kemi të njëjtin prokuror i cili liroi fshehurazi gjithë pronat e Oljan Bistrit me krimin e organizuar.

Drejtësia e Edi Ramës e kapur në çdo nivel të saj. Të kemi parasysh që dhe ligji antimafia maksimumin lejon gjashtë mujori, i ka afatet e sekuestrove. Me detyrimin e gjykatës që çdo gjashtë muaj mund ta zgjasi deri në dy vit. Pra afati final duhet të ishte dy vite. Këtu kanë kaluar 2.5 vite dhe nuk guxojnë gjyqtarët të shprehin atë që duhet të shprehin, që premisat ishin të rreme. Dhe mbi bazë të premisave të rreme që në krye të herës ka qenë e gjitha, proces i ndotur politikisht.

Të kemi parasysh që këtu kanë shkelur të drejta kushtetuese dhe konventore, jo vetëm të miat, por edhe të personave që nuk kanë asnjë lidhje në çështje, duke përfshirë dhe të partnerit tim në biznes, që është person i lidhur me personin e lidhur të personit të lidhur. Pra çfarë kemi të bëjmë? Kemi të bëjmë me anti-ligjin. Anti-ligji i cili imponohet përmes fytyrës së Edi Ramës e Irena Gjokave. Kjo është çështja. Ne do përballemi, do vijojë. Strasburgu sërish do t’i gjejë të gjitha këto me shkelje, por për fat të keq, nuk kemi të bëjmë me shtetarë, nuk kemi të bëjmë me zyrtarë, kemi të bëjmë me lepe peqe, nuk kemi të bëjmë me gjykata të pavarura, kemi të bëjmë me gjyqtarë të kapur, kemi të bëjmë me frikën ndaj ndaj Edi Ramës dhe sulltanatit që ka krijuar.

Gazetari: Gjykata e lartë rrëzoi sot rekursin tuaj për pasuri në lidhje me vendimin e 16 janarit për atë pasurore. E njëjta gjë. Do t’i drejtoheni Gjykatës Kushtetuese dhe a do kërkoni ju ekspertë të rinj për vlerësimin financiar të pasurive?

Jamarbër Malltezi: Po patjetër. Pak rëndësi ka ajo. E rëndësishmja është që këtu janë në shkelje të ligjit. Kur ligji antimafia të lejon maksimumi deri dy vjet dhe të bësh çdo gjashtë muaj, nuk mund ta zgjasësh pa mbarim. Ne jemi 2.6 vite, dy vite e gjysëm. Pra jemi goxha më tepër se ç’të lejon ligji. Qartazi ne do i drejtohemi Strasburgut. Qartazi, Gjykata e Lartë, po të kemi parasysh, janë të njëjtët njerëz të cilët në rastin tim e ndërruan, në rast tjetër kanë ndërruar dhe kanë thënë që neni për korrupsionin pasiv nuk mund të shtrihet tek privati. E kanë thënë vetë, është e zezë në të bardhë. Por duhet të jetë e para zyrtar publik, e dyta zyrtar publik që të ketë të bëjë direkt me cilësitë dhe duhet që gjykatat të tregojnë cilat cilësi kanë ndikuar. Këtu s’kemi asnjë gjë. Pra janë të njëjtët gjyqtarë që janë lepe peqe të pushtetit. Nuk na çudit asnjë gjë. Ne do presim përsëri Strasburgun. Qartazi, këtu kemi të bëjmë me vjedhjet e Edi Ramës, me lepe peqe prokurorë, lepe peqe kamikaz të Edi Ramës, por neve vetëm Strasburgun kemi. Strasburgu para një javë e rrëzoi. Për fat të keq dhe Kushtetuesja i rrëzoi. Natyrisht ne do kalojmë nga Kushtetuesja, por dhe Kushtetuesja i bën lepe peqe. E pamë vendimin e Strasburgut që tha që gjyqtarët u treguan lepe peqe, nuk kanë zbatuar ligjin. Pra e gjeti Shqipërinë me shkelje në aksesin në gjykatë.

The post GJL rrëzoi rekursin për heqjen e sekuestros së pasurisë/ Malltezi: Proces i ndotur politikisht! Prokurorët falsifikojnë, gjyqtarët janë lepe peqe të pushtetit appeared first on Albeu.com.