Gjyqtari Ilir Panda, vendosi për të mos kthyer pasaportën e Ballukut, e cila është bllokuar prej 19 nëntorit me vendim të GJKKO.

Ballukut iu komunikua akuza akuza e shkeljes së barazisë në tenderë. Balluku është person nën hetim edhe për 7 lotet e Uanzës së Madhe dhe e dyshuar për 3 tenderë të tjerë.

The post Gjykata e Lartë rrëzon Belinda Ballukun, ish-zv/kryeministres nuk i lejohet dalja jashtë shtetit appeared first on Albeu.com.

Sipas burimeve, zëvendësprokurori i përgjithshëm, Arqile Koca, ka kërkuar që seanca të zhvillohet me dyer të mbyllura.

Kërkesa lidhet me faktin se çështja që ka vënë në lëvizje gjykatën, është aktualisht në shqyrtim në një seancë paraprake po në Gjykata e Lartë e Shqipërisë.

Avokati Luan Hazneziri, u shpreh se çështja ka interes të lartë publik dhe, për këtë arsye, duhet të jetë e hapur për publikun të paktën në pjesën që lidhet me njëhsimin e praktikës gjyqësore.

Ndërkohë, Kolegjet janë tërhequr për të marrë një vendim.

The post Mblidhen Kolegjet e Bashkuara të Gjykatës së Lartë, shqyrtohen ndryshimet e praktikës për masat e sigurisë appeared first on Albeu.com.

Malltezi deklaroi se në çështjen e tij mungon fakti penal, ndërsa prokurorët kanë kryer mbi 30 falsifikime dhe se gjykatat janë kthyer në “lepe peqe” të prokurorisë dhe pushtetit. Një tjetër pikë e denoncimit ishte shkelja e afateve ligjore. Ai shpjegoi se ligji antimafia lejon sekuestrimin për një afat maksimal dyvjeçar, por në rastin e tij kanë kaluar 2.5 vite pa një vendim.

Jamarbër Malltezi: Çështja është që këtu nuk ke çështje, nuk ke fakt penal. Këtu të gjithë pretendimet e fillimit, premisat e fillimit dolën të gënjeshtra. Prokurorët kanë bërë mbi 30 falsifikime. Kur nuk ke fakt penal, kur premisat dalin të rreme, cilido student i juridikut që të ishte, do ngelte në klasë në rast se do i mbante.

Këtu për fat të keq, gjykatat tona janë bërë lepe peqe të prokurorisë. Siç e pamë para vetëm para një jave, Gjykata e Strasburgut gjeti Shqipërinë me shkelje. Thelbi i shkeljeve është shpifja dhe falsifikimi i Taulant Ballës. Domethënë shpifja e Taulant Ballës u bë falsifikim për prokurorët politikë. Prokurorët politikë i imponohen gjykatës. Prokurorët politikë mbërritën deri aty sa i thanë gjykatës që ne mund të sekuestrojmë çështje civile dhe ju si gjykatë na e bëni ne kërkesën. Imagjinoni dot ku jemi? Pra nuk janë palë. Për fat të keq, nuk kemi të bëjmë me një shtet ligjor, kemi të bëjmë me thjesht lepe peqe. Kemi një çështje e cila nuk ka fakt penal. Kemi mbi 30 falsifikime të dokumentave zyrtarë, ku mbërrin prokurori falsifikon deri ligjin, imagjinoji të tjerat. Kemi të njëjtin prokuror i cili liroi fshehurazi gjithë pronat e Oljan Bistrit me krimin e organizuar.

Drejtësia e Edi Ramës e kapur në çdo nivel të saj. Të kemi parasysh që dhe ligji antimafia maksimumin lejon gjashtë mujori, i ka afatet e sekuestrove. Me detyrimin e gjykatës që çdo gjashtë muaj mund ta zgjasi deri në dy vit. Pra afati final duhet të ishte dy vite. Këtu kanë kaluar 2.5 vite dhe nuk guxojnë gjyqtarët të shprehin atë që duhet të shprehin, që premisat ishin të rreme. Dhe mbi bazë të premisave të rreme që në krye të herës ka qenë e gjitha, proces i ndotur politikisht.

Të kemi parasysh që këtu kanë shkelur të drejta kushtetuese dhe konventore, jo vetëm të miat, por edhe të personave që nuk kanë asnjë lidhje në çështje, duke përfshirë dhe të partnerit tim në biznes, që është person i lidhur me personin e lidhur të personit të lidhur. Pra çfarë kemi të bëjmë? Kemi të bëjmë me anti-ligjin. Anti-ligji i cili imponohet përmes fytyrës së Edi Ramës e Irena Gjokave. Kjo është çështja. Ne do përballemi, do vijojë. Strasburgu sërish do t’i gjejë të gjitha këto me shkelje, por për fat të keq, nuk kemi të bëjmë me shtetarë, nuk kemi të bëjmë me zyrtarë, kemi të bëjmë me lepe peqe, nuk kemi të bëjmë me gjykata të pavarura, kemi të bëjmë me gjyqtarë të kapur, kemi të bëjmë me frikën ndaj ndaj Edi Ramës dhe sulltanatit që ka krijuar.

Gazetari: Gjykata e lartë rrëzoi sot rekursin tuaj për pasuri në lidhje me vendimin e 16 janarit për atë pasurore. E njëjta gjë. Do t’i drejtoheni Gjykatës Kushtetuese dhe a do kërkoni ju ekspertë të rinj për vlerësimin financiar të pasurive?

Jamarbër Malltezi: Po patjetër. Pak rëndësi ka ajo. E rëndësishmja është që këtu janë në shkelje të ligjit. Kur ligji antimafia të lejon maksimumi deri dy vjet dhe të bësh çdo gjashtë muaj, nuk mund ta zgjasësh pa mbarim. Ne jemi 2.6 vite, dy vite e gjysëm. Pra jemi goxha më tepër se ç’të lejon ligji. Qartazi ne do i drejtohemi Strasburgut. Qartazi, Gjykata e Lartë, po të kemi parasysh, janë të njëjtët njerëz të cilët në rastin tim e ndërruan, në rast tjetër kanë ndërruar dhe kanë thënë që neni për korrupsionin pasiv nuk mund të shtrihet tek privati. E kanë thënë vetë, është e zezë në të bardhë. Por duhet të jetë e para zyrtar publik, e dyta zyrtar publik që të ketë të bëjë direkt me cilësitë dhe duhet që gjykatat të tregojnë cilat cilësi kanë ndikuar. Këtu s’kemi asnjë gjë. Pra janë të njëjtët gjyqtarë që janë lepe peqe të pushtetit. Nuk na çudit asnjë gjë. Ne do presim përsëri Strasburgun. Qartazi, këtu kemi të bëjmë me vjedhjet e Edi Ramës, me lepe peqe prokurorë, lepe peqe kamikaz të Edi Ramës, por neve vetëm Strasburgun kemi. Strasburgu para një javë e rrëzoi. Për fat të keq dhe Kushtetuesja i rrëzoi. Natyrisht ne do kalojmë nga Kushtetuesja, por dhe Kushtetuesja i bën lepe peqe. E pamë vendimin e Strasburgut që tha që gjyqtarët u treguan lepe peqe, nuk kanë zbatuar ligjin. Pra e gjeti Shqipërinë me shkelje në aksesin në gjykatë.

The post GJL rrëzoi rekursin për heqjen e sekuestros së pasurisë/ Malltezi: Proces i ndotur politikisht! Prokurorët falsifikojnë, gjyqtarët janë lepe peqe të pushtetit appeared first on Albeu.com.

Çifti Malltezi, kishin kërkuar gjithashtu kthimin e të ardhurave nga qiratë e administruara nga Agjencia për Administrimin e Pasurive të Sekuestruara gjatë periudhës së sekuestrimit, por edhe kjo kërkesë është refuzuar nga gjykata.

Vendimi i Gjykatës së Lartë, lë në fuqi masën e sekuestros mbi pasuritë në fjalë, duke mbyllur për momentin përpjekjen ligjore të çiftit për çlirimin e tyre dhe rikthimin e përfitimeve financiare.

The post Kërkuan heqjen e sekuestros për disa prona, Gjykata e Lartë rrëzon çiftin Malltezi appeared first on Albeu.com.

Në të njëjtin vendim, Kolegji Penal ka lënë në fuqi edhe dënimin me 35 vite burg për Arjol Halilajn, i akuzuar për përfshirje në të njëjtën ngjarje të rëndë kriminale.

Sipas arsyetimit të Gjykatës së Lartë, rekursi i paraqitur nga dy të dënuarit është vlerësuar i pabazuar në ligj dhe në prova, duke lënë kështu në fuqi vendimin e mëparshëm të Gjykatës së Posaçme të Apelit.

Vendimi është marrë nga trupa gjykuese e përbërë nga gjyqtarët Sander Simoni, Ilir Panda dhe Sokol Binaj.

Kujtojmë që 24-vjeçari Maloku mbeti i plagosur në atentatin e 1 nëntorit 2019 të ndodhur në Shkozet, ndërsa drejtonte makinën, në të cilën ndodhej Prokurori Arjan Ndoja dhe Aleksandër Laho. I riu ndërroi më pas jetë në Spitalin e Traumës.

Rraja u dënua me burg për jetë në korrik të 2023, si një prej autorëve të atentatit ndaj prokurorit Arjan Ndoja, shoferit të tij Andi Maloku, i cili humbi jetën dhe Landi Muharremit, i njohur edhe me emrin Aleksandër Laho.

Rraja është i afërm i ish-deputetit të Partisë Socialiste, Rrahman Rraja dhe ka qenë edhe më herët i proceduar penalisht. Ai është denoncuar në një rast publikisht nga ish-oficeri i policisë Emiljano Nuhu se e kishte kërcënuar për të mbyllur hetimet ndaj djalit të deputetit, i akuzuar për dhunimin e të dashurës. Ramazan Rraja, pjesëtar tjetër i familjes është po ashtu i akuzuar si pjesëmarrës në atentati, por procesi gjyqësor ndaj tij është në vijim.

The post Atentati ndaj prokurorit Arjan Ndoja dhe vrasja e Andi Malokut, Gjykata e Lartë lë në fuqi dënimin me burgim të përjetshëm për Redjan Rrajën appeared first on Albeu.com.

Ai kërkonte heqjen e masës së sigurisë, duke arsyetuar se nuk ekzistojnë kushtet dhe kriteret për ta mbajtur në qelitë e paraburgimit, por pretendimet e ish kreut të shtetit nuk u morën në konsideratë nga gjykata supreme.

Ndërkohë Gjykata e Posaçme përmbylli seancën paraprake për Metën, ish-bashkëshorten e tij Monika Kryemadhi dhe tre të pandehurit e tjerë dhe të mërkurën e ardhshme do të vendosë nëse e kalon ose jo për gjykim dosjen penale ndaj tyre.

Ndaj Metës rëndojnë akuzat e korrupsionit, pastrimit të parave dhe fshehjes së pasurisë.

The post Gjykata e Lartë rrëzon rekursin e ish-presidentit, Ilir Meta mbetet në burg appeared first on Albeu.com.

Ai kërkonte heqjen e masës së sigurisë, duke arsyetuar se nuk ekzistojnë kushtet dhe kriteret për ta mbajtur në qelitë e paraburgimit, por pretendimet e ish-kreut të shtetit nuk u morën në konsideratë nga gjykata supreme.

Meta është rrëzuar edhe më herët nga të tre shkallët e gjyqësorit për ndryshimin e masës së sigurisë. Ai ka argumentuar se nuk ekzistojnë kushtet dhe kriteret ligjore për ta mbajtur në paraburgim dhe se masa ‘arrest me burg’ është e pajustifikuar dhe jo proporcionale në raport me rrethanat e çështjes.

Më herët, gazetarja Klodiana Lala, raportoi se Meta kishte hequr dorë nga kërkesa për zëvendësimin e masës së sigurisë “arrest në burg” që kishte paraqitur në GJKKO.

Kërkesa për ndryshimin e masës ishte depozituar më herët, por gjatë seancës së zhvilluar në GJKKO ai ka vendosur të tërhiqet.

Kreu i Partisë së Lirisë i është drejtuar gjithashtu edhe Gjykatës Kushtetuese për masën e sigurisë.

Kujtojmë që ish presidenti është dërguar për gjykim për akuzat e korrupsionit, pastrimit të parave dhe mosdeklarimit të pasurisë. Hetimet e SPAK u bazuan në tre çështje: CEZ-DIA, lobimi i LSI-së në SHBA dhe hetimi pasuror.

The post Gjykata e Lartë rrëzon sërish rekursin e Ilir Metës, ish-presidenti mbetet në qeli appeared first on Albeu.com.

Me një vendim të ndërmjetëm, kryetari i Gjykatës së Lartë, Sokol Sadushi, zbret për diskutim në Kolegjet e Bashkuara një nga çështjet konkrete kërkon njehsimin e praktikës gjyqësore, lidhur me caktimin e masës së sigurisë arrest me burg ndaj zyrtarëve që po hetohen për korrupsion, apo personave të tjerë që janë në konflikt me ligjin.

Sadushi analizon rastin e një të dyshuari për çështje droge, që fillimisht është lënë në arrest me burg nga Gjykata e Lezhës, ndërsa më pas Apeli e ka liruar në arrest shtëpie.

Prokuroria ka ushtruar rekurs për rastin në fjalë dhe kërkon rikthimin e tij në burg, përderisa pretendon se shkalla e dytë e gjyqësore nuk ka analizuar si duhet kushtet dhe kriteret mbi të cilat ka vlerësuar prokurori dhe ka kërkuar masën më të ashpër që parashikon ligji, privimin nga liria.

Rasti konkret sipas Sokol Sadushit, nuk paraqet interes vetëm për zgjidhjen e rastit individual, por ngre nevojën për të vlerësuar nëse praktika e konsoliduar nga vendimi unifikues nr. 7, datë 14.10.2011, duhet të vijojë të mbahet në të njëjtin kuptim apo kërkon rishqyrtim të pjesshëm.

Në arsyetimin e tij, Sadushi sjell në vëmendje disa vendime të Gjykatës Europiane për të Drejtat e Njeriut, një prej të cilëve ai për Thoma Gëllçin, ish-drejtor i Përgjithshëm i Televizionit Publik shqiptar, mbajtja e të cilit nën masën e arrestit me burg u konsiderua një shkelje e të drejtave themelore të tij.

Në vendimin që mban firmën e Sokol Sadushit, analizohet që për të privuar një person nga liria duhet plotësisht disa kushte, sikurse janë dyshimet e arsyeshme që ai ka kryer një vepër penale, rrezikshmëria që ai paraqet, rreziku nëse tenton t’i shmanget ose jo drejtësisë, apo ai që lidhet me prishjen e provave apo intimidimin e dëshmitarëve.

Kolegjet e Bashkuara, do t’i japin përgjigje pyetjes se “a mund të nxirret “rrezikshmëria e veçantë e veprës dhe e të pandehurit” si kriter për caktimin e masës së sigurimit “arrest në burg”, vetëm ose kryesisht nga natyra e veprës penale, nga rëndësia e saj e përgjithshme ose nga marzhi i dënimit, pa një vlerësim konkret dhe të individualizuar të rrethanave të rastit dhe të personit?

E duket se pikërisht këtu qëndron dhe kleçka, pasi në të ardhmen zyrtarët e lartë mund të përfitojnë nga kjo lëvizje, sepse të gjithë të nesërmen mund të pretendojnë se nuk përbëjnë rrezik dhe për rrjedhojë do të kërkojnë lirimin nga paraburgimi.

The post Gjykata e Lartë po rishikon “arrestin me burg”, ja si mund të përfitojnë zyrtarët e lartë appeared first on Albeu.com.

Rekursi është paraqitur kundër vendimeve të Gjykatës së Posaçme të Shkallës së Parë për Korrupsionin dhe Krimin e Organizuar, si dhe të Gjykatës së Posaçme të Apelit, raporton gazetarja Anila Hoxha.

Në objektin e kërkesës përfshihet heqja e masës së sekuestros mbi pasuri të paluajtshme, si edhe kundërshtimi i administrimit të tyre nga Agjencia për Administrimin e Pasurive të Sekuestruara dhe të Konfiskuara pranë Ministrisë së Brendshme.

The post Jamarbër dhe Argita Malltezi dorëzojnë rekurs në Gjykatën e Lartë, kërkojnë heqjen e sekuestros së pasurive appeared first on Albeu.com.

Burime bëjnë me dije se u rrëzua sot rekursi përmes së cilit Veliaj kërkoi prishjen e vendimit të Apelit të Posaçëm në lidhje me rrëzimin e kërkesës së bërë më përpara nga ai për pavlefshmëri të veprimeve hetimore të SPAK.

Ndërsa më sohet se ky vendim u mor ditën e sotme në dhomë këshillimi nga kolegji penal i përbërë: Albana Boksi, Sokol Binaj dhe Genti Shala.

Kujtojmë se ndaj Veliajt rëndojnë akuzat për veprat penale si:

-Korrupsion pasiv i funksionarëve të lartë shtetërore ose i të zgjedhurve vendorë;

– Korrupsion aktiv i funksionarëve të lartë shtetërorë ose të zgjedhurve vendorë;

-Pastrimi i produkteve të veprës penale ose veprimtarisë kriminale;

-Refuzim për deklarim, mosdeklarim, fshehja ose deklarimi i rremë i pasurive, interesave privatë të -personave të zgjedhur dhe nëpunësve publikë, ose i çdo personi tjetër që ka detyrim ligjor për deklarim.

The post Kërkoi pavlefshmërinë e hetimeve të SPAK, Gjykata e Lartë rrëzon sërish Erion Veliajn appeared first on Albeu.com.