Instituti për Siguri dhe Reziliencë – PREVENT ka shprehur shqetësimin për rritjen e retorikës stigmatizuese ndaj Islamit dhe qytetarëve të besimit mysliman në Kosovë.

Në reagimin e publikuar në Facebook, Instituti vëren se në platformat online dhe në debatin publik po qarkullojnë deklarata përgjithësuese për Islamin, imamët, institucionet fetare dhe besimtarët.

Sipas PREVENT, diskutimi legjitim rreth fesë dhe temave shoqërore mund të kalojë në stigmatizimin e një komuniteti të tërë. “Polarizimi fetar duhet të trajtohet në mënyrë objektive dhe pa dallim, duke marrë parasysh të gjitha format dhe burimet e narrativave që mund të ndikojnë në marrëdhëniet ndërmjet komuniteteve”, thuhet në reagim.

Instituti kërkon vëmendje edhe ndaj kundërpërgjigjeve që mund të karakterizohen nga përjashtimi, përgjithësimet ose kundërvënia ndaj bashkësive të tjera.

PREVENT vlerëson se narrativat me përmbajtje fetare dhe identitare, përfshirë ato që ndikohen nga ngjarjet jashtë Kosovës, duhet të shqyrtohen duke u mbështetur në fakte. Në këtë kontekst, Instituti ka përmendur edhe diskurset që kanë të bëjnë me Serbinë dhe me pozitën e komuniteteve fetare në vend.

“Çdo narrativë që paraqet një komunitet fetar si kërcënim për një komunitet tjetër mund të ndikojë negativisht në kohezionin shoqëror dhe duhet të trajtohet me kujdes”, theksohet më tej.

Në reagim janë trajtuar gjithashtu zhvillimet që pasuan aktakuzën ndaj Fatmir Shehollit. PREVENT ka kërkuar që dokumentet procedurale të interpretohen me kujdes dhe gjithmonë brenda kuadrit të tyre juridik.

“Pretendimet e paraqitura në një aktakuzë përfaqësojnë pretendimet e Prokurorisë dhe nuk përbëjnë konstatim përfundimtar të fajësisë”, ka nënvizuar Instituti.

Sipas PREVENT, çdo çështje që prek fenë, identitetin ose mënyrën se si perceptohet shoqëria duhet t’i nënshtrohet një analize profesionale. Instituti kërkon njëkohësisht që të mos formulohen përfundime që tejkalojnë atë që përcaktohet nëpërmjet proceseve ligjore.

Duke rikujtuar se Kushtetuta e Kosovës garanton lirinë e besimit dhe të ushtrimit të fesë, PREVENT thekson se kritika ndaj feve, praktikave dhe institucioneve fetare është pjesë e debatit demokratik. Megjithatë, sipas Institutit, ajo duhet të ndahet qartësisht nga nxitja e urrejtjes, demonizimi dhe stigmatizimi.

PREVENT u ka kërkuar institucioneve të drejtësisë dhe të sigurisë që çdo rast i lidhur me intolerancën, përçarjen ose dhunën e motivuar nga feja të trajtohet në mënyrë të barabartë.

Thirrja për përgjegjësi në komunikimin publik u është drejtuar edhe mediave, bashkësive fetare, shoqërisë civile dhe drejtuesve politikë. Instituti kërkon që këta aktorë të mos përdorin narrativa që mund të thellojnë ndasitë, por të ndihmojnë në ruajtjen e bashkëjetesës fetare në Kosovë.

The post PREVENT paralajmëron për gjuhën e urrejtjes dhe polarizimin fetar, kërkon përgjegjësi për mbrojtjen e bashkëjetesës appeared first on Albeu.com.

Thelbësore është, thotë presidenti Pendarovski, që kushdo që fshihet pas komoditetit të tastierës duhet të jetë i vetëdijshëm se është përgjegjës për atë që thuhet apo shkruhet.

“Komunikimi nuk duhet të reduktohet siç është tani në një pjesë të madhe të energjisë negative, frustrimeve, sulmeve ndaj personit, fjalëve diskriminuese apo gjuhës së urrejtjes. Për këtë qëllim, parandalimi është thelbësor. Nuk duhet të lejojmë që fjalimi diskriminues të shndërrohet në gjuhë të urrejtjes dhe në këtë mënyrë të rrënohen themelet e një shoqërie që duhet të mbështetet në komunikim korrekt dhe debat të arsyeshëm”, thekson Pendarovski.

Kreu i shtetit shtoi se duhet të rikthejmë mirësjelljen në komunikimin në shtëpi, në vendin e punës, në publik dhe në rrjetet sociale, pra, siç tha ai, të masim peshën e fjalëve tona.

Qëllimi jonë i përbashkët, theksoi ai, është të dekontaminojmë hapësirën digjitale, por edhe hapësirën publike në përgjithësi dhe jetën tonë të përditshme nga retorika diskriminuese./ina

The post Pendarovski: Të mos lejojmë që gjuha diskriminuese të shndërrohet në gjuhë të urrejtjes appeared first on Albeu.com.

E ftuar në emisionin radiofonik “Live From Tirana”, artistja ka folur për gjuhën e urrejtjes në median online.

“Më kanë ngacmuar njerëzit por jo mendimet e tyre. E thënë në mënyrën më delikate të mundshme, s’më plas fare (qesh). Do jap një rast konkret, kam gjetur një vajzë në liqen me xham në dorë donte të priste damarët, 15-vjeçe nga Kamza sepse e kërcënonin në Instagram.

E pashë një ditë me sytë me lot, të enjtur dhe nuk u përfshiva, e pashë ditën e dytë dhe kyçet e duarve i kishte të fashuara dhe më kapi ankthi.

E pyeta se çfarë problemi ke dhe me diskutoi në lot që e kërcenonin me profile fallco dhe më tha që nuk i njoh personat. I thashë: “Të vras mëndjen për kërcënimet në Instagram, do të kisha luajtur mendsh që 17- vjeçe”. Kishte shkuar në komisariat për të bërë denoncim dhe nuk ja kishte marrë seriozisht policia.

Aty u nervozova, i dhashë numrin tim të telefonit dhe i thashë që do të shkojmë bashkë në komisariat. Shteti e ka mundësinë për të mbyllur profile të tilla edhe ligjërisht, por nuk e kishin ndihmuar. Kishte pasur një përplasje nga të gjitha anët. Ajo vajzë është mirë tani”, rrëfeu moderatorja./albeu.com/

The post “Tentoi të vetëvritej”, Roza Lati rrëfen historinë e dhimbshme: Ja si e shpëtova 15-vjeçaren (FOTO LAJM) appeared first on Albeu.com.