gjon gjonaj Archives - Albeu.com

Të shtënat me armë në Pukë, kryebashkiaku Gjonaj: Autori, i paguar nga kandidati i opozitës për të kërcënuar mbështetësit e PS

E B — Sat, 06 May 2023 07:37:14 +0000

Mbëmjen e djeshme, pak pas mesnate, në Pukë është qëlluar me armë zjarri në ajër. Policia bën me dije se nga ngjarja nuk ka të lënduar dhe se autori është identifikuar dhe është shpallur në kërkim.

Bëhet fjalë për një 26-vjeçar nga Tirana me iniciale K. P.

Në lidhje me ngjarjen ka reaguar kryetari aktual i bashkisë Pukë, Gjon Gjonaj, i cili hedh akuza ndaj kundërshtarit të tij politik në garën e 14 majit, Rrok Dodaj.

Sipas Gjonajt, Doda ka paguar autorin të kërcënojë me armë mbështetësit e PS.

DEKLARATË NGA GJON GJONAJ

Puka pas shumë vitesh, afër mesnatës së kaluar degjoj krisma armësh, të cilët u shkrehen në qytet nga ata që të importuar me pagesë nga kandidati pa parti i opozitës tentuan të prishin traditen e Pukës.

Pasi kanë kërcënuar mbështetës të Partisë Socialiste duke ju drejtuar dhe armen, në largim e sipër, nga mjeti me të cilin ata leviznin është qëlluar në ajër.

Por a mund t’ju bëhet presion pukjanëve në shtëpinë e tyre?! Këtë ta harroj Rroku që mendon se mund të marr bashkinë nën presionin e armëve. Ja pra vizioni dhe strategjia përmes të cilës ai kërkon të vi në pushtet. Puka ka shpalosur qytetari, maturi dhe qetësi në çdo situatë, përfshirë këtu dhe fushatat elektorale dhe këtë nuk do mund ta prish Rroku dhe as njerzit me precedent që ai ka sjell me pagesë në Pukë. I bëj thirrje Policisë së Shtetit të zbardh ngjarjen menjëherë duke shfrytëzuar provat e gjetura pas kësaj ngjarje.

Një lutje të sinqertë bëj për të gjithë mbështetësit tanë që këto ditë të shmangin provokimet e sojit të këtyre që mendojnë se Puka voton nën kërcënimin e armëve të mercenarve, të cilët kanë zbarkuar nga qytete të tjera me qëllim friksimi. A mund të ndodh kjo?! Kurr Jo! Edhe ata pukjanë që kanë qenë në atë makinë do e ndjejnë shpejt barren e përgjegjësisë për prishjne e kësaj tradite të bashkjetesës dhe harmonisë që karakterizon Puken.

Për të gjith shqiptarët dua të bëj një sqarim: Nuk është kjo Puka, nuk është ngjarje që ndodh nga pukjanët. Siç e kemi dëshmuar, jemi popull i qetë dhe mikpritës e këtë e tregon dhe fakt se në Pukë ka dhjetra vite që nuk është shkrehur armë.

Ky është kandidati që pretendon të marr drejtimin e bashkisë që bashkë me humbjen me 14 Maj do të marr dhe përgjegjësinë e veprimeve të tilla që prishin imazhin e Pukës në prag të këtij sezoni turistik.

Zoti bekoft Puken!

Gjon GJONAJ

The post Të shtënat me armë në Pukë, kryebashkiaku Gjonaj: Autori, i paguar nga kandidati i opozitës për të kërcënuar mbështetësit e PS appeared first on Albeu.com.

SONDAZH/ Beteja për Pukën, bashkinë e fiton Rrok Dodaj apo Gjon Gjonaj?

Xh — Fri, 28 Apr 2023 14:05:34 +0000

AlbEu ka hapur sondazhin për 61 bashkitë e vendit duke vënë përballë kandidatët sipas regjistrimit që ka bërë KQZ.

Jepni pëlqimin tuaj: Kush fiton në Pukë?

Note: There is a poll embedded within this post, please visit the site to participate in this post's poll.

Në këtë sondazh do të kenë mundësi që lexuesit të japin pëlqimin e tyre për kandidatin e preferuar.

FUTU KËTU TE FAQJA KRYESORE E SONDAZHIT

Secili prej lexuesve do të ketë mundësi të votojë vetëm një herë në sondazh gjatë një jave.

Sondazhi do të mbyllet në fund të javës dhe rezultatet do të bëhen publike të dielën, për t’u rihapur sërish të henën e javës pasardhëse. /Albeu.com/

The post SONDAZH/ Beteja për Pukën, bashkinë e fiton Rrok Dodaj apo Gjon Gjonaj? appeared first on Albeu.com.

VIDEO/ Kryebashkiaku i Pukës kërcënon qytetarin: Për krye të fëmijëve të bëj të çuditesh

Xh — Thu, 06 Apr 2023 08:57:27 +0000

Kryebashkiaku socialist i bashkisë së Pukës, Gjon Gjonaj ka kërcënuar një qytetar në mes të ditës.

Në një video të siguruar nga AlbEu.com, kryebashkiaku i drejtohet qytetarit duke i thënë: Mos të të shoh…se për krye të fëmijëve të bëj të çuditesh. Po ik ore…

View this post on Instagram

A post shared by Albeu.com (@albeucom)

Nuk dihet se cili ka qenë shkaku i këtij konflikti.

Nga ana tjetër, nuk ka asnjë reagim zyrtar nga policia./Albeu.com/

The post VIDEO/ Kryebashkiaku i Pukës kërcënon qytetarin: Për krye të fëmijëve të bëj të çuditesh appeared first on Albeu.com.

Kryebashkiaku bën deklaratën që s’pritej : Ka kryetarë bashkish që hanë e pinë me trafikantë

E B — Mon, 14 Feb 2022 12:16:35 +0000

Në mbledhjen mes drejtorëve të policisë në Qarkun Shkodër që u zhvillua sot, uniformat blu kanë bërë bilance.

Në mbledhje ka qenë i pranishëm dhe kryetari i Bashkisë së Pukës, Gjon Gjonaj, ka lënë të nënkuptohet se ka kryetarë bashkish që favorizojnë kultivimin e drogës dhe janë të lidhur me trafikantë.

“Ky çrregullim vjen nga mungesa e burimeve njerëzore. Kjo situatë na bën të besojmë se gjendja do të ndryshojë. Unë mendoj që nuk mundet një polic që thyen disiplinën në Shkodër me e pru në Pukë. Kur ai ka thyer disiplinën e thyen kudo! Nuk mund të jetë kryetar bashkie dikush që telefonohet nga trafikantët dhe han e pinë me to. Ka një problem këtu dhe për këtë duhet me e nis kontrollin që nga kryetarët e bashkisë e deri te punonjësi i policisë se ka pas disa raste që janë konstatuar”, tha Gjonaj./albeu.com

The post Kryebashkiaku bën deklaratën që s’pritej : Ka kryetarë bashkish që hanë e pinë me trafikantë appeared first on Albeu.com.