“Nuk besoj që ka interes publik se si e konsumon ditën në qeli, sigurisht zoti Meta merret me materiale. Ai është President i Partisë së Lirisë dhe e ushtron detyrën edhe në kushtet e izolimit. Është zgjidhur ky problemi i komunikimit sepse letra dhe lapsi ka shekuj që funksionojnë dhe madje janë më të saktat, se sa rruga elektronike apo këto portalet. Ai është prezent, merret me lexim, me atë regjimin e përditshëm. Është në një gjendje shëndetësore ekselente, nuk ka asnjë lloj problemi.“

Madje, avokati tha se Meta është i gatshëm të komunikojë me mediat, nëpërmjet tij.

“Nëse do keni pyetje, të m’i jepni mua dhe t’ja çoj dhe t’u jap përgjigjet. E ka shprehur këtë gatishmëri publikisht, edhe nëpërmjet meje. Është detyrim që e ndjen tek vetja, por është edhe pjesë e natyrës së tij, komunikimi publik.”

Gjokutaj dha një përgjigje edhe për deklaratat e fundit të deputetes Monika Kryemadhi. Sipas saj, ajo dhe ish-Presidenti nuk ruajnë raport të mirë pas divorcit, “pasi e nxisin njerëz pranë tij”.

“Mendoj se është pjesë e një humori të shtuar të zonjës Kryemadhi, s’ka asgjë reale në këtë pjesë. Njerëzit rreth tij kush janë? Unë shkoj e takoj, fëmijët e tij, motra. E para s’e kemi integritetin të ndërhyjmë dhe e dyta Meta nuk pranon këshillime në tema të tilla.”

The post Si po e kalon Meta kohën në qeli? Gjokutaj: Është në gjendje ekselente appeared first on Albeu.com.

Avokati Genc Gjokutaj, nga studioja e ‘Kafe Shqeto’ u shpreh se raporti i Veliaj me SPAK, sot është sekondar dhe raporti primar është me Ramën, sepse Rama ka në dorë fatin e Veliaj, ka në dorë edhe SPAK, të cilit i hap dritën jeshile për tu marrë me Veliaj apo jo.

Genc Gjokutaj: “Drejtësia gjallë ka qenë, por jo me mend në kokë. Doja të sqaroja sot diçka për publikun. Raporti i Veliaj me Spak sot është sekondar, dhe raporti primar është me Ramën.

Kjo sepse Rama ka në dorë fatin e Veliaj, ka në dorë edhe SPAK të cilit i hap dritën jeshile për t’u marrë me Veliaj apo jo. Kush e pengoj SPAK deri tani të bënte kontrolle banesash?

Një Veliaj i fortë politikisht nuk mundet që t’i shkosh në banesë, që ta themi hapur.

Në fakt të dyja betejat me Ramën ai i ka të humbura, ku betejën e parë e ka me Ramën ku ky i fundit e ka lëshuar politikisht sepse nuk është më në Tiranë dhe kjo nuk është pak.

Qartazi për atë që e kupton, kjo është një heqje gradash ose degradim më saktë dhe sigurisht që Rama e ha Veliaj në atë zhargonin popullor, ndërsa Veliaj nuk e bën një gjë të tillë ndaj Ramës.

Tani që të mbarojmë pjesën politike me Ramën ka dhe një situatë tjetër që e agravon këtë çështje dhe është pikërisht fakti që jemi në prag të fushatës elektorale.

Një turbulencë aq e madhe dhe e fortë në këtë avion politik mundet dhe ta rrëzojë atë. Çfarë po bën djallëzisht SPAK? Po të ishte SPAK-u i pandëshkueshmërisë, do të bëntë diçka tejtër.

Familjarët janë njëra pjesë, por nuk mund të meresh ti me vagonin e mallrave, pa u marrë me lokomotivën.

Thirrja e vëllait, bashkëshortes apo personave të tjerë janë veprime që derivojnë nga hetimi dhe zgjidhja e statusit të kryestarit të bashkisë, bashkëshortit të zonjës Xoxa në lidhej me këtë proces.

Kryevepra penale e këtij procesi është inceneratori. Këtu del dhe dekriptohet SPAK-u i pandëshkueshmërisë që nxitoj me vrap dhe nisi gjyqi me inceneratorët.

E para e shkatërroj proceduralisht, sepse i ndau vec e vec inceneratorët, ndërkohë që ato janë pasojë e një mendimi unik kriminal, sepse të gjitha VKM-të për to janë bërë nga qeveria dhe ai i bashkon çështjet, ku kjo gjë do i detyronte që t’i çonte njëkohësisht në gjyq.

Politikisht këto duheshin veç e veç për të pickuar një herë njërin e pastaj tjetrin. Ky është rasti unikal, kur politika luan me drejtësinë”.

The post Veliaj në SPAK/ Gjokutaj: Një turbulencë e madhe dhe e fortë në këtë “avion politik”, mundet ta rrëzojë kreun e “5D” appeared first on Albeu.com.

Avokati e tha qartë: “Nesër plotësohet dy javë nga dita e ekzekutimit barbar të atij vendimi, për të cilin ne kemi përgatitur një kallëzim penal.

“I kam dëgjuar këto atribuime të mediave, portale. Me përgjegjësi ligjore dhe morale, iu them se nga pikëpamja shëndetësore nuk ka asnjë lloj problemi, nuk ka as luhatje të humorit.

Këto janë disa atribuime të shtypit që kanë dalë në momentet e para kur ka shkuar një avokat i paautorizuar që zoti Meta e ka përzërë.

Ka shkuar një avokat i paautorizuar nga askush. Unë shkova menjëherë në drejtorinë e policisë ku ndodhej Meta dhe e kam ndjekur edhe në vazhdim”, tha Gjokutaj në A2 CNN.

Më tej, avokati u shpreh se është bërë gati kallëzimi penal për mënyrën e arrestimit të Ilir Metës.

“Kemi përgatitur kallëzimin penal për personat që janë përgjegjës, ministri i brendshëm, drejtori i policisë. Kallëzimi duhet të përmbushë, duhet të dokumentojë faktin që ka ndodhur. Prokuroria është e detyruar të identifikojë personat.

Nëse ne bëjmë kërkesë do të na thonë janë sekret, të dhënë të klasifikuara, por prokurori është i detyruar të kërkojë dokumentacionin e plotë të atij operacioni. Arrestimi i Metës është mesazh për ta denigruar. I ngjajnë atyre aksioneve antimafia në Itali. Këto bëhen kur operacioni është i rrezikshëm dhe mund të godasë me armë”, tha Gjokutaj.

The post A ka probleme shëndetësore Ilir Meta në qeli? Gjokutaj: Gati kallëzimi për mënyrën e arrestimit! appeared first on Albeu.com.

Në foto duket Gjokutaj i cili pret para kangjellave për tu futur në ambientet e policisë ndërsa në dorë mban një qese me ushqime dhe në dorën tjetër dokumente. Meta pret daljen në GJKKO për konfirmimin e masës së sigurisë “arrest me burg”, me 3 akuza të rënda.

Kreu i Partisë së Lirisë Ilir Meta është arrestuar ditën e djeshme (21 tetor). Meta u vendos në pranga në orët e para të mesditës me urdhër të Prokurorisë së Posaçme. Pas arrestimit të Metës, Gjykata e Posaçme ka caktuar dhe masë sigurie detyrim paraqitje për ish-bashkëshorten Monika Kryemadhi.

The post Genc Gjokutaj shkon të takojë Metën, mban në duar dokumente dhe një qese me ushqime appeared first on Albeu.com.

Gjokutaj shprehet se nisjen e procedimit penal ndaj tij, e ka mësuar nga mediat.

Megjithatë, ai theksoi se protesta e tij “e shprehur në çdo lloj forme”, nuk ka lidhje me dhunën, por me forcën e opozitës në perballjen me shtetin.

Gjithashtu, Gjokutaj shprehet se statusi bën fjalë mbi konceptin e tij për rrotacionin politik, që sipas tij, duhet të bazohet tek protesta popullore!

Postimi i plotë:

Te nderuar Miq!

Mbreme kam bere nje status ne te cilin behet fjale mbi konceptin tim per rrotacionin politik i cili duhet te bazohet tek protesta popullore!

Thirrjet ne status si …..thyeni çdo sportel qe ju merr shpirtin nenkupton kundershtimin ndaj administrates se korruptuar ne abuzimin me fondet publike!

Thirrja …. rrihni çdo polic qe mbron hajdutet nenkupton kundershtimin dhe mosbindjen civile ndaj shtetit qe merr ne mbrojtje hajdutet!

Thirrja ….”vrisni” çdo patronazhist qe ju vjedh te ardhmen dhe familjen nenkupton zhdukjen e sistemit te patronazhimit i cili vjedh voten e lire!

Sot nepermjet Medias erdha ne dijeni te procedimit penal ndaj meje ne lidhje me kete status!

Konsideroj dhe bej me dije se asnjehere ne jeten time nuk kam shkelur ndonjehere ligjin!

Protesta ime e shprehur ne çdo lloj forme nuk ka lidhje me dhunen por me forcen e Opozites ne perballjen me Shtetin qe po gerryhet çdo dite nga korrupsioni!

Ju garantoj se kam qene e mbetem nje kundershtar i kesaj Mazhorance duke luftuar çdo dite per mbrojtjen e Ligjit dhe Lirise se neperkembur nga Pushteti!

The post Policia nisi procedim penal ndaj tij, Genc Gjokutaj sqaron deklaratat appeared first on Albeu.com.

Gjokutaj: Ata do të mbajnë të njëjtin qëndrim sepse ambasadori thotë se do të ishte turp për Mbretërinë e Bashkuar që të anulojmë, të hiqet ky vendim.

Bozdo: Ambasadori ka thënë që nëse kjo kthehet cënohet reputacioni i Mbretërinë e Bashkuar. I korruptuar është vendimi.

Mërtiri: Na thoni që SPAK është i korruptuar, Rama i korruptuar… po na i nxirrni të gjithë të korruptuar, vetëm Berishën e nxirrni të pastër.

Gjokutaj: Nuk ju vjen zor (I drejtohet Mërtirit). Fol për procedurën, gjithë ky çun.

Mërtiri: Ai ka gjithë jetën që flet ashtu (për Berishën), mua më habit se si flet ashtu.

Gjokutaj: Mos e degjenero bisedën mor burrë. Bëhu serioz.

The post Plas debati mes Gjokutajt dhe Mërtirit: Mos e degjenero bisedën mor… appeared first on Albeu.com.

Avokati Genc Gjokutaj, në një deklaratë për mediet akuzon SPAK se sillet si një parti politike. Ndër të tjera, ai paralajmëron se do të vijojnë betejën për lirimin e Berishës.

Gjokutaj: Të njëjtat fakte, kishte një shtesë për ndërtimet që kishin apo jo mbrojtje nga zjarri. Kjo ishte një risi që do i japë shumë pikë. U shty sepse janë shumë fashikuj që duhet t’i prezantojnë. Është i njëjti tekst, ky është një skandal më vete ndërsa lideri i opozitës vijon në arrest në shtëpi, pa u kryer hetimi.

Ne kemi dokumentuar shkeljet skandaloze të këtyre gjykatave, janë humbur disa beteja, por nuk është humbur lufta. Këtë luftë ne do ta fitojmë, nuk e di se kur.

Në gjyq është dyluftim. SPAK po sillet si një parti politike, po ndjekim rrugën ligjore, si i vetmi mjet i sigurt, për të na dërguar te e drejta. Këta bëjnë sikur s’dëgjojnë, por në fund do ta marrin përgjigjen./albeu.com

The post Apeli i Posaçëm lë në fuqi masën “arrest shtëpie” për Berishën dhe Malltezin, Gjokutaj: SPAK po sillet si parti politike appeared first on Albeu.com.

Duke folur para mediave Gjokutaj theksoi se nga ana e Berishës sot është bërë kallëzim në SPAK ndaj gjyqtares së çështjes, për shpërdorim detyre, sepse vendimi është në shkelje të Kushtetutës.

“Nga ana e Berishës sot është bërë kallëzim në SPAK ndaj gjyqtares së çështjes, për shpërdorim detyre, sepse vendimi është në shkelje të Kushtetutës. Kemi kërkuar përjashtimin e Irena Gjoka. Gjykimi është ndërprerë për të shqyrtuar këtë kërkesë. Po presim për vendimin e shqyrtimit për përjashtimin e saj ”, tha Gjokutaj.

The post Në pritje të vendimit të GJKKO, Berisha surprizon sërish, avokati: Kemi paditur gjyqtaren, duam përjashtimin e saj appeared first on Albeu.com.