Gjokë dhe Eduard Gurra, u ekzekutuan me 8 plumba kallashnikovi, ndërsa organet e hetimit deri në këtë fazë kanë mbetur në kuadër të dyshimeve mbi disa persona, banorë të zonës. “Ora News” mëson se një pjesë e banorëve të zonës janë marë në pyetje, të cilët kanë treguar se kanë dëgjuar të shtënat me armë dhe vetëm kaq. Ndërsa në polici është shoqëruar dhe personi me të cilin një vit më parë Gjokë Gurra, është konfliktuar për shkak të biznesit të druve.

Ai ka treguar se ditën e krimit, nuk ka qënë fare në fshatin Sumë. Por gjatë gjithë ditës ka qëndruar në Shkodër. Për të bindur policinë, personi ka vënë në dispozicion dhe disa pamje filmike, ku dukej silueta e tij në Shkodër.

Ndërsa policia ka kërkuar marjen në pyetje të disa kushërinjve të tij, por rezultuan se ata ndodheshin jashtë vendit.

Për ngjarjen në fjalë, policia ka ngritur dyshimet se në këtë krim kanë vepruar dy persona, njëri që në mesditë ka djegur shtëpinë e Gjokë Gurrës dhe një i dytë që ka zënë pritë me armë në hyrje të fshatit Sumë.

Hetimet për zbardhjen e kësaj ngjarje të rëndë janë duke u kryer, lidhur me pistën e kultivimit të drogës në zonën e Dukagjinit dhe tregtisë së lëndës drusore.

Gjokë Gurra, që dikur ka shërbyr si punonjës policie në Shkodër, kohët e fundit shërbente si kryeplak i fshatit Sumë.

Zona njihet si vatër e nxehtë e kultivimit të hashashit, ndaj dyshimet e kultivuesve se ai mund të jetë informator policie, mund të kenë sjellë ekzekutimin e tij dhe djalit.

Ndërsa pista e dytë, është ajo e konflikteve për shkak të tregtisë së lëndës drusore.

Bëhet fjalë për një konflikt të ndodhur 1 vit më parë mes Gjokës dhe një bashkëfshatari të tij. Gurra, dikur ka shërbyer në policinë e Shkodrës, kohët e fundit merej me aktivitetin e tregtimit të lëndës drusore për zjarr.

Ai kishte zënë disa zona pyjore për ti prerë dhe lëndën drusore e zbriste në Shkodër ku e shiste. Për shkak të këtij aktiviteti Gurra, një vit më parë është konfliktuar me një bashkëfshatarin e tij, me të cilin janë zënë me grushta.

Konflikti është mbyllur më heshtje, por ky sher mund të ketë shërbyer si indicie për goditjen e babë e bir me 8 plumba kallashnikovi./Ora News/

The post Mister me ekzekutimin e babë e bir në Shkodër, dëshmia e personit që bëri sherr me Gjokë Gurrën për drutë appeared first on Albeu.com.

Ende nuk ka asnjë gjurmë nga autorët apo motivet e mundshme të kësaj ngjarjeje të rëndë kriminale.

Policia e Shkodrës i ka përqendruar hetimet për zbardhjen e vrasjes në një konflikt që Gjokë Gurra ka pasur një vit më parë me një bashkëfshatarin e tij, sipas abc.

57 vjeçari dhe i njohuri i tij që tashmë po hetohet nga policia, janë konfliktuar dhe zënë me grushta vitin e kaluar.

Nga dëshmitë e banorëve të fshatit Sumë, por edhe të familjarëve të dy viktimave, shkak i sherrit të asaj kohe ishte bërë tregtimi i lëndëve drusore. Gjokë Gurra që deri në vitin 2008 ka shërbyer në radhët e policisë në Shkodër, kohët e fundit bashkë me të birin, Eduardin merrej me aktivitetin e tregtimit të lëndës drusore për zjarr.

Ata kishin zënë disa zona pyjore për t’i prerë dhe lëndën drusore e shiste në qytetin e Shkodrës.

Konflikti mes Gjokë Gurraj dhe bashkëfshatarit të tij një vit më parë kaloi në heshtje por policia dyshon se ky sherr mund të jetë bërë shkak për vrasjen e babë e bir pasditen e datës 29 qershor në hyrje të fshatit Sumë.

Gjokë dhe Eduard Gurra u qëlluan me 8 plumba kallashnikovi në makinën e tyre teksa ishin duke shkuar në fshatin ku kanë jetuar prej vitesh për të parë dëmet që u ishin shkaktuar nga djegia e banesës. Djegia e banesës para se t’u bëhej atentat babë e bir dyshohet se është organizuar me qëllim nga autorët për t`ju ngritur pritë atyre.

Gjokë Gurra ka punuar edhe si kryeplak i fshatit Bruçaj. Si pistë hetimore për zbardhjen e atentatit, policia ka edhe atë të kultivimit të bimëve narkotike, ku po verifikohen rastet që 57 vjeçari mund të ketë denoncuar në polici gjatë kohës që mbante postin e kryeplakut të fshatit./Albeu.com/

The post Ekzekutimi i babë e bir në Shkodër, pista e re ku po heton policia, çfarë ndodhi një vit më parë appeared first on Albeu.com.

Ngjarja e rëndë ndodhi në fshatin Bruçaj të njësisë Pult në Dukagjin.

Siç u mësua dje, të dy po shkonin me fuoristradë në shtëpinë e djegur në Dukagjin dy ditë më parë.

Ende pa mbërritur te banesa e shkrumbuar, disa persona i kanë zënë pritë dhe i kanë qëlluar me breshëri kallashnikovi duke i lënë të vdekur brenda automjetit.

Ngjarja ka ndodhur tek një kthesë e padukshme në një zonë të pyllëzuar, afro 500 metër pa mbërritur tek banesa e djegur e Gjokë dhe Eduart Gurrës.

Dyshohet se autorët kishin informacion të skatë se babë e bir po shkonin drejt banesës së djegur.

Pasi janë siguruar se Gjokë Gurra dhe Eduart Gurra kanë ndërruar jetë, autorët janë larguar në drejtim të paditur.

Pistat kryesore

Një prej pistave kryesore të këtij hetimi lidhet me dhënien e informacionit të shtetasit Gjokë Gurra për policinë e shtetit në aksionet për asgjësimin e kanabisit në zonën e Dukagjinit. Gjokë Gurra para afro 20 vitesh ka qenë efektiv policie por ka ruajtur kontaktet dhe marrëdhëniet me ish-kolegët. Sipas burimeve, 57-vjeçari herë pas here ka informuar policinë e Shkodrës lidhur me parcelat e kultivuara me kanabis sativa në Dukagjin. Kjo mbetet ende një pistë hetimi e pakonfirmuar zyrtarisht.

Ndërkohë një tjetër pistë hetimi ku është përqendruar policia janë edhe lëndët drusore ku babë e bir që mbetën të vrarë punonin prej vitesh duke i transportuar nga Dukagjini drejt Shkodrës, edhe pse kjo pistë është më pak e besueshme për grupin hetimor. Ndërkohë nuk përjashtohen edhe konflikte të tjera që Gjokë Gurra dhe djali i tij mund të kenë pasur me persona të ndryshëm. 52-vjeçari ishte edhe pronar i një lokali në afërsi të drejtorisë vendore të policisë Shkodër, ku edhe banonte prej vitesh.

Autorët e kësaj ngjarje ende nuk janë identifikuar dhe policia po punon për identifikimin dhe gjetjen e tyre. Zbardhja e ngjarjes mbetet e vështirë për shkak se forcat e policisë kanë mbërritur pas 2-3 orësh sepse rruga është e amortizuar në një terren të vështirë malor, çka i ka favorizuar autorët që të kryejnë vrasjen dhe të largohen në drejtim të paditur./Albeu.com. 

The post Autorët i zunë pritë, pistat kryesore për ekzekutimin e babë e bir në Shkodër: Dyshohet se 57-vjeçari bashkëpunonte me policinë appeared first on Albeu.com.

Ende nuk ka asnjë gjurmë nga autorët. Policia po punon për kapjen e tyre. Ngjarja ka ndodhur tek një kthesë e padukshme në një zonë të pyllëzuar, afro 500 metër pa mbërritur tek banesa e djegur e Gjokë dhe Eduart Gurrës.

Dyshohet se autorët kishin informacion të skatë se babë e bir po shkonin drejt banesës së djegur. Pasi janë siguruar se Gjokë Gurra dhe Eduart Gurra kanë ndërruar jetë, autorët janë larguar në drejtim të paditur.

Si ndodhi ngjarja tragjike

Babë dhe bir shkuan dje për të parë nga afër banesën e tyre në fshatin Sumë, e cila ishte djegur mbrëmjen e kaluar (28 qershor) , pasi i ishte vënë zjarri qëllimisht nga persona ende të paidentifikuar.

Por rruges per  në shtëpinë e tyre, Gjokë dhe Eduart Gurra janë përballur me plumbat mbi trupat e tyre. Dyshohet se autorët të jenë të njëjtët persona që i vunë zjarrin banesës së tyre. Mesa duket zjarrvënia e banesës ka qenë një kurth i ngritur për babë dhe bir, që në momentin që ata të shkonin për të parë dëmet të vriteshin.

Familja Gurra kishte pak kohë që ishte shpërngulur për të jetuar në qytetin e Shkodrës dhe banesa që u dogj nuk banohej. Gjokë Gurra ishte babai i dy fëmijëve, një djali e një vajze, ndërsa djali i tij Eduarti ishte baba i dy vajzave.

Dy viktimat rezultojnë pa precedentë penalë, madje Gjokë Gurra kishte punuar vite më parë në Polici. Ndaj dhe policia dyshon se ngjarja mund të ketë lidhje me kultivimin e kanabisit, pasi zona e Dukagjinit është e njohur për mbjelljen e tij./albeu.com/ 

The post Zi në familjen Gurra në Shkodër, babë e bir u ekzekutuan afër shtëpisë së djegur, asnjë gjurmë nga autorët appeared first on Albeu.com.

Babë e bir Gjokë dhe Eduart Gurra u vranë në oborrin e shtëpisë, të cilën persona të paidentifikuar e kishin djegur një natë më parë.

Një nga pistat ku po hetohet aktualisht për krimin është ajo e kultivimit të kanabisit.

Ngjarja ndodhi rreth orës 16:40 të ditës së sotme, teksa duket se ka qenë një plan i mirëmënduar që filloi me djegien e shtëpisë e më pas autori i ka pritur dhe i ka ezkekutuar.

Ndërkohë, policia është vënë në lëvizje vetëm pas telefonatëss ë familjarëve, pasi zona ku ka ndodhur ngjarja është e largët nga Shkodra dhe me shumë pak njësi banimi.

Dy viktimat rezultojnë pa precedentë penalë, madje Gjokë Gurra kishte punuar vite më parë në Polici. Ndaj dhe policia dyshon se ngjarja mund të ketë lidhje me kultivimin e kanabisit, pasi zona e Dukagjinit është e njohur për mbjelljen e tij.

Ndër të tjera, familja Gurra kishte pak kohë që ishte shpërngulur për të jetuar në qytetin e Shkodrës dhe banesa që u dogj nuk banohej.

Gjokë Gurra ishte babai i dy fëmijëve, një djali e një vajze, ndërsa djali i tij Eduarti ishte baba i dy vajzave.

The post Detaje nga vrasja e dyfishtë në Shkodër, babë e bir pa precedentë penalë, kultivimi i kanabisit një nga pistat ku po hetohet appeared first on Albeu.com.