Përveç skenarëve për të kryer vrasje, fajdeve, lotove, trafikun dhe tregtinë e kokainës apo kultivimin e hashashit, një specialitet brutal i grupit të Behar Bajrit në Dobraç, ishte dhe rrahja e personave të ndryshëm.

Një gjë e tillë ka ndodhur me shumë persona në Shkodër, përfshirë dhunimin e fierakut, Fredi Alizoti, dhe persona të tjerë si: Zamir Naku, një zyrtar Partie, e deri tek individë të tjerë, që Bajri i dyshonte se ishin spiunë të policisë, apo që kërkonte t’ia merrte biznesin.

Por 11 ditë pasi kishte dalë nga burgu, Behar Bajri, kishte kapur dhe dhunuar në Dobraç një person të Partisë që etiketohet me nofkën “Tigri”, por deri në këtë fazë nuk është identifikuar se kush është.

Sipas bisedave të zhvilluara në vitin 2020 në aplikacionin “Sky”, mes Behar Bajrit dhe biznesmenit Pëllumb Gjoka, “Tigri” rezulton të jetë person i Partisë dhe në një rast Behari, gjatë kohës kur ishte i izoluar në burg ka kërkuar ndihmën e Pëllumbit, që “Tigri” të ndërhynte për të caktuar prokuror të dosjes, Xhevahir Litën.

Biseda zhvillohet në datën 10 shkurt 2020, mes Pëllumb Gjokës dhe Behar Bajrit (ky i fundit në këtë kohë në burg), ku të dy flasin për paracaktimin e Xhevahir Litës në këtë dosje dhe mundësinë e ndërhyrjes së një personi që Bajri e etiketon me nofkën “Tigri”.

Bajri i dërgon mesazh Gjokës nga burgu si vijon: “…He vlla ça bane…I tash ja morra këti shokut…telefonin. Mir ma vlla…Mir ma vlla… Mir vlla… Veç qeshtjen e nuses kam pas… At nat si më ka vra nusja vedin ka ken ne sherbim… Ja kam rrah edhe kushrinin… Veç ne folt “Tigri” me to… Me shku te aj shoku nuk asht problem. Me e marr Xhevi, me ken ma mir…30 afroji…”.

Ndërkohë emri i personit “Tigri” pas bisedës së 10 shkurtit 2020 del në skenë sërish, pasi në 10 korrik 2020, gjatë një bisedë të zhvilluar mes Behar Bajrit, që tashmë kishte 10 ditë që kishte dalë nga burgu,dhe biznesmenit Pëllumb Gjoka, ata flasin se personi me nofkën “Tigri” ishte kapur në Dobraç.

Behari i shkruan në “Sky” Pëllumb Gjokës, duke i thënë: “…a ta rraha “Tigrin” apo jo…?”

Kurse Pëllumbi ia kthen shkurt: “…Joooo…vetëm bërtiti fort…po fort ama…”.

Sërish Behar Bajri ia kthen: “…se thashë ta rrahi kurvën me shkom gomet…si thu ti…?”.

Por Pëllumbi vijon t’i përgjigjet si më poshtë: “…rrahe pak, se na duhet me e çu te Partia prap…, po të mos ketë njerëz… që të jetë pronto, ku ti thom me shkua…”.

Behari e pyet Pëllumbin: “…A ta nxih në fytyrë…”?

Ndërkohë pasi bisedojnë për disa persona nga Kosova dhe Serbia me qëllim sjelljen e tyre në Shqipëri për të bërë punë, Pëllumbi e pyet Beharin duke i thënë se: “…çfarë tha “Tigri”…“?

Po Behar Bajri, nuk i përgjigjet fare. Dhuna dhe keqtrajtimi i njerëzve të ndryshëm në Dobraç, ishte kthyer në një sagë e përhershme nga grupi i Behar Bajrit.

“Ora News” ka mundur shikojë mesazhe të mbërritura në komisariatin “Dixhital”, SMS i cili më pas solli identifikimin e Denis Brajoviçit dhe vetë Behar Bajrit.

Në mesazh ku pasqyrohet pengmarrja dhe dhuna thuhet se:

“…nga një qytetar për qytetin e Shkodrës…”.

Përshëndëtje!

Në portalin e komisariatit dixhital, ka ardhur një raportim me Nr. 237031, i cili bën fjalë për qytetin e Shkodrës nga një qytetar anonim i cili ka dërguar tekstin e mëposhtëm:

“…ju lutem merrni masa, pasi shtetasi Behar Bajri dhe Denis Brajoviç, janë duke na kërcënuar me armë që të na marin biznesin. Mrëmë kanë marë peng shtetasin Zamir Naku, që ka një local tek ambulanca dhe e kanë rrahur barbarisht…Adresa Shkodër.Ju letem na ktheni përgjigje me E-Mail. Ju faleminderit!..”.

Por nuk ka kaluar shumë minuta dhe ky mesazh që e ka dërguar qytetari në komisariatin dixhital, në vend të verifikohej nga Policia e Shkodrës, ai ka mbërritur me shpejtësi në telefonin e Behar Bajrit përmes një foto të bërë screenshot.

Më pas Behar Bajri, ja ka dërguar këtë foto përmes aplikacionit “Sky” Denis Brajoviq dhe ky i fundit ka filluar të interesohet në polici, duke aktivizuar dhe Ervis Martinaj të interesohej tek policia Shkodër, për situatën.

The post Zbardhen bisedat në “SKY”/ Bajri: A ta nxij nga fytyra? Kush është “Tigri” i Partisë, që hëngri kërbaç në Dobraç 11 ditë pasi Behari doli nga burgu appeared first on Albeu.com.

***
Kompania turke INTEKAR ASL, që fitoi mes procedurash të dyshimta garën për ndërtimin e Tunelit të Llogorasë, raportoi fitime prej 12 milionë eurosh vetëm për vitin 2023.

Të dhënat nga bilanci i kompanisë, të dorëzuara në Qendrën Kombëtare të Biznesit, të cilat janë siguruar nga Syri Televizion, tregojnë se në vitin 2023 të ardhurat e kompanisë, që ishin pagesa nga buxheti i shtetit, arritën në rreth 70 milion euro, teksa norma e fitimit të kompanisë rezultoi 17,3% gati sa dyfishi i normës mesatare të fitimit që gjeneroi ekonomia shqiptare për vitin 2022.

Kompania turke siguroi norma të larta fitimi pa u angazhuar në ndërtimin e tunelit, pasi punimet u realizuan me nënkontraktor, nga kompania Gjoka Konstruksion, e cila ka marrë pjesë në tenderin për ndërtimin e objektit, duke ofruar ofertë shumë më të ulët se kompania turke, por që ishte skualifikuar.

Këto të dhëna konfirmojnë akuzat e ngritura nga ish-zëvendës kryeministri Arben Ahmetaj në emisionin Çim Peka Live, i cili e cilësoi tunelin e llogarasë aferë të pastër korruptive. Ahmetaj deklaroi se kompania turke u shpall fituese pavarësisht se kishte ofruar 50 milion euro më shumë se kompania Gjoka Konstruksion.

Pas deklaratave të Ahmetaj Syri TV arriti të sigurojë provat e takimit në Ankara, ku u finalizua edhe kjo aferë. Siç e shihni edhe nga fotot në takimin e zhvilluar në kryeqytetin turk me përfaqësuesit e kompanisë merrnin pjesë Kryeministri Rama, Ministrja përgjegjëse për infrastrukturën Belinda Balluku dhe vetë ish-zvkryeministri Ahmetaj. Syri TV mësoi se ky takim u zhvillua pak para se të anulohej tenderi i parë dhe të çelej tenderi i dyti për ti dhënë kompanisë turke këtë fond. Pak javë pas këtij takimi, kompania turke do të rezultonte fituese e tenderit për ndërtimin e tunelit.

Këtu afera thellohet edhe më tej, pasi kompania turke, nuk sjell asnjë mjet apo punonjës në Shqipëri dhe për ndërtimin e tunelit merr si nënkontrakton kompaninë Gjoka, e cila më herët kishte ofruar 50 milionë euro më pak për ndërtimin e të njëjtës vepër. Pra në të gjithë këtë operacion, miqtë turq të Edi Ramës dhe Belinda Ballukut marrin 50 milionë euro pas takimit në Ankara, ndërsa punimet kryhen nga kompania Gjoka, e cila nëse nuk do ishte skualifikuar në tenderat e parë do i kishte kursyer taksapaguesve shqiptarë 50 milionë euro.

Referuar të dhënave zyrtare gjatë periudhës 2021-2023, INTEKAR ASL realizoi fitime në vlerën e 22,5 miliardë lekëve ose 22 milionë euro. Pagesat për ndërtimin e tunelit kanë vazhduar edhe këtë vit, teksa objekti u çel për trafikun në fillim të sezonit të verës 2024. /syritv

The post Skandali me tenderimin e Tunelit të Llogarasë, konfirmohen akuzat e Ahmetaj appeared first on Albeu.com.

Në bisedat e zhvilluara në aplikacionin “Sky”, Gjoka dhe Hasanbegaj, kanë një komunikim të ngjeshur me njëri-tjetrin, duke sjellë ndërhyrje të vazhdueshme nga Gjoka tek drejtuesi i policisë.

Në muajin Shkurt 2021, agjentët e anti-drogës kanë kapur në Velipojë një person me disa fara kanabisi dhe Pëllumb Gjoka, ka ndërhyrë në mënyrë që Ardrit Hasanbegaj ta ndihmonte.

Por personi ishte arrestuar dhe se Hasanbegaj i thotë se nuk ishte në Shkodër, që ta thëriste atë djalin e arrestuar në zyrë dhe ta porosite që të mos fliste, pasi e hante në bashkëpunim pstaj.

Nisur nga kjo situatë Pëllumb Gjoka, i ka kërkuar që të ndërhynte tek oficerët, por Hasanbegaj i thotë se nuk i thotë dotë atyre ekselentave të Lleshit, pasi njoftojnë direkt Ardi Veliun.

Sipas asaj që tregohet në materialin që ka parë gazetari i “Ora News”, Elton Qyno, del qartë se në 25 shkurt 2021, biznesmeni Pëllumb Gjoka, i shkruan në “Sky” zv/drejtorit të Policisë së Shkodrës Ardrit Hasanbegaj, se kanë kapur një djalë nga Velipoja me disa fara canabisi, pasi kishte filluar fushata e mbjelljes.

“…si je vëlla? Keni kap një djalë nga Velipoja me do fara. Shife nëse ke mundësi ndonjë ndihmë, se filloi fushata…”.

Ndërsa Hasanbegaj i përgjigjet si vijon: ”…mirë vëlla po, tani më thanë. Nuk kam çi bëj vëlla, është arrestuar po ishalla nuk nxjer emra të tjerë…”.

Dhe Pëllumbi që ia kthen:”…Ishalla…”. Më tej Hasanbegaj i shkruan se është duke pyetur për të mësuar situatën, pasi nuk është në policinë e Shkodrës, që ti thoshte të arrestuarit të mos fliste se e hante bashkëpunimin.

“…se po pysin, nuk jam aty që ti thoja mos folë se e ha bashkëpunimin. Ta merrja me vete të zyra ime…”-i thotë zv/drejtori Hasanbegaj. Ndërsa Pëllumbi ia kthen: ”…shif po pate ndonjë aty, se ai kalama është…”.

Kurse Hasanbegaj i shktuan se aty janë disa oficerë ekselenta të Lleshit, duke pasur parasysh ish-ministrin e Brendshëm Sandër Lleshi, që kishte vetëm 2 muaj që ishte larguar nga posti i ministrit, pas ngjarjes së 8 dhjetorit 2020, ku mbeti i vrarë Klodian Rrasha në Laprakë.

“…po ata aty, janë nga këta ekselentët e Lleshit, që njoftojnë direkt Ardi Veliun, po tu thuash…. Po ja do u them, lere se do pyes unë, mbase se kanë pyetur…”-i shkruan Hasanbegaj, biznesmenit Pëllumb Gjokës.

Pas 6 orëve nga zhvillimi i kësaj bisede, Pëllumb Gjoka sërisht i shkruan zv/drejtorit të policisë, Ardrit Hasanbegaj, duke e kujtuar si më poshtë vijon: ”…Vëlla foli gjë ai…se ata mendojnë që jeni ju…?”,duke nënkuptuar se njerëzit e personit të arrestuar dyshojnë se arrestimin e ka bërë zv/drejtori i Policisë Shkodër, Hasanbegaj.

Dhe Hasanbegaj ia kthen: “…jo jo nuk ka folë farë. Jo në dijeninë time. O vëlla ne nuk jemi, nuk di ça të them…S’kam shkuar janë në Tiranë…”.

Por Pëllumbi sërisht i shkruan: ”…as Tirana…?”.

Më tej Pëllumbi vijon duke i shkruar Hasanbegaj se: ”…Kusho, (e ka fjalën për Mir Brulin nga Velipoja i arrestuar së fundi tek dosja me 50 persona të arrestuar), po më thotë se i kanë ardhur letrat nga Mali i Zi…”. Me sa duket Mir Bruli ka pasur probleme me ligjin në Malin e Zi.

Dhe zv/drejtori i përgjigjet si më poshtë duke konfirmuar: ”…Po i kanë ardhur sotë, kur i paskan ardhur, unë kam qënë që të premten këndej…”.

Ndërkohë Pëllumbi vijon duke i shkruar se: ”…a mer ndonjë oficer nga Mali i Zi, në operacionin arrestimesh bashkë me ju këtu…? Shif nesër kur të shkosh…se ai më tha…”.

Kurse Hasanbegaj ia kthen:”…Po jo mo vëlla,ça lesh operacioni, veç po kanë ardhur këto dy ditë, po do mi kishin thënë. Mos ka ardhur në kufirin ai Malazezi?Se do mi kishin thënë…”.

Sërisht Pëllumbi i shkruan si më poshtë vijon:”…ok ok vëlla, shif nësër kur të shkosh…”.

The post Bisedat në “SKY”/ Pëllumb Gjoka: Shih se ke kap një djalë me fara në Velipojë, Arditi: S’jam aty që ta merja në zyrë, e t`i thoja mos fol appeared first on Albeu.com.

Disa kanë pasur një zhdërvjelltësi të plotë në kryerjen e bisedave, ndërsa disa të tjerë janë siguruar mirë, por sërish një gabim i vetëm ka sjellë zbulimin e plotë të tyre.

Në dhjetëra e dhjetëra biseda, figurat e botës së krimit janë kujdesur të mos zbulohen por koha kaloi dhe ata filluan të bëjnë gabime në aplikacionin “Sky”, pasi kanë ndjerë një siguri të tepruar se ky aplikacion nuk do përgjohej ndonjëherë nga autoritet shqiptare.

Por koha e solli që aplikacioni u zbërthye nga autoritet Francese dhe Belge, duke sjellë dhe shpërndarjen e bisedave.

Ervis Martinaj, njeriu më i kërkuar i Drejtësisë Shqiptare dhe njëherësh personi me fatin më mister rreth ekzistencës ose jo të tij, është zbuluar nga një mesazh i vetëm ngushëllimi.

Shkodrani Bardhyl Mavraj me përdorues “2Q4RSM” i shkruan në 18 shkurt përdoruesit të kodit “NP8LS4”,: ”…si je shok a je mirë, mora vesh për nusen e axhës. Ngushëllimet e mija, zoti ju forcoftë…”.

Ndërsa nga ana tjetër kodi “NP8LS4” i përgjigjet shkurt “…flm…”.

Nga verifikimet që ka kryer prokuroria e Posaçme SPAK dhe nga informacionet e siguruara në rrugë operative nga policia gjyqësore, Bardhyl Mavraj dhe Behar Brajoviq në këtë periudhë, ka pasur kontakte dhe bashkëpunim me biznesmenin Ervis Martinaj.

Nga ana e SPAK, është bërë verifikimi i Gjendjes Civili të Ervis Martinaj, babait të tij Mustafës dhe xhaxhait të Ervisit, Faik Martinaj.

Sipas SPAK, Faik Martinaj ka qenë i martuar me Z.Martinaj, e cila ka ndëruar jetë në 13 shkurt 2021. Z…, është gruaja e xhaxhait “axhës” së biznesmenit të lojërave të fatit Ervis Martinaj.

Nisur nga ky verifikim por dhe nga përmbajtja e bisedave të tjera, me kontekst se bisedat për kryerjen e takimeve liheshin tek hotel “Arbëria” në Kurbin, SPAK ka krijuar bindjen e plotë se përdorues i kodit “NP8LS4” i përket përdoruesit, Ervis Martinaj.

Një tjetër kod që ka folur zbuluar totalisht dhe ka qenë më i lehti për t’u identifikuar nga SPAK, është ai me emrin “Alkatraz”.

Në fakt ky emër personifikon një nga burgjet më të egra në San Francisco të Amerikës. Përdoruesi i këtij kodi ka qenë më trimi, pasi fliste hapur dhe mburrej që ishte Nuredin Dumani.

Mburja dhe identifikimi i tij, pasqyrohet jo vetëm tek emri i koduar “Alkatraz” por edhe tek përdorimi tjetër i emrit të koduar “Toto Rinaa”.

Në 14 shkurt 2021, mbrëmjen e “Shën Valentinit” Bardhyl Mavraj bisedon me përdoruesin e kodit “XNLTTP” “Alkatraz”, ku ky i fundit i shkruan:

“…vlla dua të them nji fjalë për besnikrin time mos e ver dyshim koha tregon. Z’dua as ti t’jesh siklet, unë quhem Nuredin Dumani, “Luli” më njofin datëlindja 1987/26/04…Dua të rrish i qet për çdo gjë, s’jam ke fjalët pork e veprat, zdo zhgënjehesh se unëboj ndrrim…”.

Nga ana tjetër, Bardhyl Mavraj i përgjigjet duke shkruar se: “…qosh me jetë vëlla, ishalla vetëm mir dëgjoj për ty por është kjo që nëse bahena me ba punë dhe me nimu njëri-tjetrin, s’do zhgënjehesh as ti. Për sa i përket ati Talos, të them unë personalisht skam asnjë info dhe se njof fare se smë ka pas interesu, por me pyt miq e shokë mase dhe na del diku, por konkrete është puna e këtij Dorit që folëm…”.

Pikërisht duke parë këtë përmbajtje, SPAK ka verifikuar të dhënat e Nuredin Dumanit në Gjëndjen Civile, ku rezultoi se ditëlindja e tij përputhet dhe me përmbajtjen e tekstit.

Ndërsa Klaudor Haka, njeriu që vrojtonte për të vrarë Kleanth Musabelliun është identifikuar nga një moment i vetëm, kur një skuadër e “Shqiponjave”, e kanë arrestuar me një pistoletë në trup.

Klaudor Haka, ka përdorur kodin C5FFC8 dhe në një moment në 16 korrik 2020 ai i dërgon një foto Pëllumb Gjokës, e cila tregon rrugën “Teodor Rusvelt” dhe orjenton në lidhje me banesën e mundshme të një personi që po vëzhgon.

Në vazhdimësi Klaudor Haka, i shkruan Gjokës:  “…kam një favor se jam në lagjen time dhe një xhiro me bo, kam 2-3 veta që i përshëndes…”.

Por teksa mundoheshin dhe bënin planin për të vrarë Kleanthin, në 24 shtator 2020 Behar Bajri i shkruan Pëllumb Gjokës, duke i thënë: “…e kanë kapur Dorin me armë, a thu kemi mundësi me ja thy gjëlpanën… e kanë kap në Tiranë tek “Liqeni i Thatë”, postobllok tek 1…”.

Nga ana tjetër, Pëllumbi i shkruan Beharit: “…e kanë kap “Shqiponjat”, ja kanë ba fotot sa e kanë kap…”.

SPAK, ka verifikuar dokumentet në komisariatin Nr.1 në Tiranë, duke konstatuar se personi që është arrestuar nga policia në datën 24 shtator 2020, është Klaodor Hakaj.

Nga ana tjetër, Olti Bistri, është identifikuar gjatë një bisede që ka zhvilluar me Pëllumb Gjokën, duke i pohuar këtij të fundit se ndodhet jashtë shtetit pasi kishte marë disa ditë lejë.

Nga verifikimet e SPAK, rezultoi se Olti Bistri ka marrë lejë në muajin Mars në Drejtorinë e Policisë për të shkuar në Athinë.

Kurse vetë biznesmeni Pëllumb Gjoka, i cili ka përdorur kodin “7142D9” është identifikuar nga vajza e hallës së tij, Lulë Zefi. Në të njëjtë bisedë është identifikuar dhe Ardit Hasanbegaj, i cili në datën 16 shkurt 2020 mbante postin e zv/drejtorit të Policisë Shkodër dhe përdorte kodin “DGLXJM”.

Në 16 shkurt 2020 Hasanbegaj i shkruan kodit 7142D9 duke i thënë: “…shoku, për një tokë në emrin tënd, ka ardhur një femër seç ka bërë një letër ankohej. Ishte ankuar lart dhe na çuan neve, por pa merak se tek mua vjen. Është vajza e një gruaje që ka bërë kontratë toke të një sipërfqe 100 dynym, me sa më kujtohet. Ja kanë marrë nënës me mashtrim dhe mua që ankohem më kanë gjuajtur disa herë dhe kanë dashur të më vrasin. Dhe e kishte me ty. Është e martuar në Laç…”.

Kurse përdoruesi i kodit 7142D9 ia ka kthyer si më poshtë vijon: “…vëlla ajo është vajza e hallës time, është e çmendur, është e çmendur për zotin…”.

Por “DGLXJM” mes të tjerave i shkruante se: “…ti je në rregull, një të trembur 100 dynym, ç’të duhet. I ke futur edhe lejen e resortit tani, na lerë ne fukarenjve…”.

Nga verifikimet e kryera nga SPAK, ka rezultuan se personi që kishte shkuar të bentë kallëzimin në policinë Shkodër, është pikërisht Lulë Zefi, e cila është vajza e hallës së biznesmenit Pëllumb Gjoka.

The post Bisedat e “SKY”/ Gafat e të fortëve që sollën identifikimin e tyre, njëri mburrej hapur… appeared first on Albeu.com.

Burime bëjn ëme dije se ka qenë gjyatarja Flora Hajredini e cila ka rrëzuar kërkesën e ish-kryeministrit Berisha për përjashtimin e gjyqtare Gjoka.

Kujtojmë se pala e ish-kryeministrit Sali Berisha ka depozituar sot në GJKKO kërkesën për përjashtimin e gjyqtares Irena Gjoka nga gjykimi i kërkesës penale të paraqitur nga Prokuroria e Posaçme, me objekt marrjen në pyetje të ish-kreut të qeverisë.

Berisha ka deklaruar më herët se gjyqtarja Irena Gjoka, e cila ka dhënë vendimin për “kufizimin e lirisë” për të, ka bërë shkelje të kushtetutës dhe ndaj saj do të depozitohet padi.

The post Rrëzohet kërkesa e Berishës për përjashtimin e gjyqtares Gjoka appeared first on Albeu.com.

Cili është borxhi moral që ai i ka Pëllumb Gjokës?

Dhe pse ai i ndihet kaq shumë borxhli ndaj tij sa edhe vrasjet siç edhe vetë thotë,‘tia bëjë për qef’, pra falas jo në këmbim të parave.

I arrestuar në kuadër të operacionit OAZ, bashkë me kushërinjtë e tij, por edhe ata që konsiderohen si krahu i armatosur i grupit kriminal Bajri, mbi supet e Behar Brajoviq, rëndonin akuza të rënda.

Por, shpejt operacioni që bëri bujë do të s’fumohej dhe ditë pas dite të gjithë anëtarët e grupit do të linin qelitë.

Nga ku tashmë del qartë se grupi Bajri kishte arritur deri aty sa jo vetëm të kishte nën kontroll policinë, por edhe të korruptonte njerëzit e drejtësisë, sikurse rezulton nga dosja e SPAK.

Po për të kuptuar se kush është Behar Brajoviç, mjafton të shikojmë mënyrën se si u lirua nga qelia dhe ndihma që i dhanë Pëllumb Gjoka dhe miku i këtij të fundit, prokurori Xhevahir Lita.

Të cilët siç shikohen edhe në këto biseda angazhohen maksimalisht që Behar Brajoviq jo vetëm të lirohet nga akuzat që rëndojnë mbi të, por edhe të dalë nga burgu.

Biseda të cilat fillojnë dhe zhvillohen më datë 8 qershor 2020.

Kohë kur Behar Brajoviq, ishte ende në qeli.

Dosja Hetimore

Më datë 8 Qershor 2020 në orën 12:52 poseduesi U2BA3G (Behar Brajoviq) komunikon me Pëllumb Gjokën. Ai e vë në dijeni se ‘Bardhi’ i ka thënë që dje (7 Qershor) gjyqi do të shtyhet dhe se i ka thënë shoqes së ‘Lopatës’ Behar Brajoviq që t’i thotë Beharit që të rri rehat pasi të enjten (11 Qershor) del.

Ai ka dërguar mesazhet: ‘Po fola me Bardhin. Më tha që ja kam thon që dje që po shtyhet…. Dhe do ja len të enjte.

Bardhi më tha i kam thënë shoqes së ‘Lopatës’.

SPAK pas sigurimit të bisedave të bëra në telefonat e inkriptuar që iu vunë në dispozicion nga francezët, bëri edhe këqyrje të fashikullit gjyqësor në Gjykatën e Apelit

Shkodër, ku ishte shqyrtuar ankimi i Behar Brajoviq.

Siç rezulton, biseda përputhet me atë çfarë kishte ndodhur në proces.

Seanca në Gjykatën e Apelit ishte shtyrë për në datën 11 Qershor 2020  ora 11.50 për shkak se ndodhej në kushtet e mosformimit të trupit gjykues.

Sipas SPAK, dyshohet se Bardhyl Mavraj, vëllai i Safet Bajrit, njëherazi djali i xhaxhait të Behar Brajoviq, ka njoftuar Jorida Muratin për shtyrjen e seancës gjyqësore.

Murati sikurse rezulton ishte e dashura e Behar Bajrit, e cila u arrestua edhe në kuadër të operacionit OAZ.

Dosja Hetimore

Më datë 14 Qershor 2020, Pëllumb Gjoka i kërkon Xhevahir Litës që ‘Daci’ Behar Brajoviq të mos të hetohet për 2 vrasjet, se përndryshe ‘ngel’ në burg, si dhe shpreh interes për një dosje tjetër.

Kërkon MHSE7L (Xhevahir Lita) të diskutoj me ‘Lazrin’ pasi ditën e nesërme (15 Qershor, ditë e hënë) shqyrtohet ne Apel kërkesa tjetër për zëvendësim mase, pas njoftimit të akuzës që i është bërë ‘Dacit’.

Xhevahir Lita e sqaron në orën 20:39:31 duke dërguar mesazh: ‘…o vlla nesër është për atë që nuk është këtu, ‘Daci’ ka mbaru punë’.

Më datë 21 Qershor 2020, ditë e hënë, në orën 15:46 Behar Brajoviq duke përdorur U2BA3G komunikon me Pëllumb Gjokën dhe e pyet nëse ka komunikuar me ‘Xhevin’ (Xhevahir Lita) se çfarë po bëhet me çështjen e tij (Beharit).

Behar Brajoviq i tregon se në burg po e mbajnë kundërshtarët e tij dhe se ata duan të godasin atë edhe ‘Xhevin’ por njohin të afërmit e tij e nuk mund të veprojnë.

Behari i tregon se ‘Xhevi’ ka ngrënë bukë disa herë në shtëpinë e Behar Bajrit dhe këtë gjë e dinë edhe kundërshtarët.

Mesa duket lirimi i Behar Brajoviq, nuk vonon. Vetëm një javë më pas gjithçka duket e përfunduar.

Dosja Hetimore

Më datë 29 Qershor 2020 në orën 16:34, Pëllumb Gjoka i dërgon mesazh: ‘…Ma në fund…’

Xhevahir Lita shprehet ‘. . ke rënë rehat tani..’

dhe Gjoka ja kthen me mesazh: ‘…Të dali ‘Daci’ i her…”.

Në vazhdim Lita dërgon mesazhet “… iku ai muhabet …tani thuaj merru vetë se ka punë përsëri…’.

Në orën 16:48, Gjoka dërgon mesazhet:

‘.. Vlla te pruni Eni 500 000.. Jepi sa të dojn.. Nuk ja ban ma burgun. Pranoje se të ka ba ftes dac i vogël…”.

Ku dyshohet se për ndryshimin e masës së sigurimit të Behar Brajoviq  janë dhënë/ofruar një shumë parash.

Sipas fashikullit hetimor, në këtë datë, me vendim Nr.307 datë 29 Qershor 2020 gjykata e Shkodrës, ka vendosur ndryshimin e masës së sigurimit personal ndaj Behar Brajoviq nga arrest me burg në atë të detyrimit për paraqitje në policinë gjyqësore, dy herë në javë.

Pas kësaj fitore, Behar Brajoviq, përgëzon mikun e tij prokuror.

Dosja Hetimore

Më datë 30 Qershor 2020, Xhevahir Lita merr kontakt me Behar Brajoviq.

Ku ky i fundit i dërgon mesazhin.

’Daci’ vogël jam…ta paça borgj vlla.

Ta po rrim një dit…Tiran jam…’

Lita e pyet se çfarë po bën dhe se ku ndodhet.

Po ashtu ai orienton ‘Dacin’ se si do veprohet më tej.

Por duket se Behar Brajoviq, edhe pse sapo ka lënë qelinë, nuk ka hequr dorë nga veprimet e tij të dhunshme.

Në një bisedë tjetër ai kapet duke rrëfyer se si e ka kërcënuar një gjyqtar, që mesa duket ka bërë rezistencë për të mos e liruar atë nga burgu.

Dosja Hetimore

Behar Brajoviç komunikon me Pëllumb Gjokën ku i tregon se është takuar me prokurorin Xhevahir Lita në ambientet e prokurorisë dhe i ka kërkuar atij që të flasë me një gjyqtar.

Gjatë kësaj bisede ai tregon edhe për mënyrën e dhunshme të presionit që ka kërkuar ti transmetojë gjyqtarit lidhur mbi një vendim.

Ai dërgon mesazhet.

‘…Isha në prokurori sot takova Xhevin…’

Pëllumb Gjoka i dërgon mesazh: ‘Ça të tha…’

Behar Brajoviq i përgjigjet: ‘….I thash fol me gjyqtarin… …çoji të fala në emër tem se nuk du gja gratis. O kryje e merri lekt ose un në male ti në vorr, i thash ti thotë…’

Në një moment tjetër Behar Brajoviq, i kërkon prokurorit Xhevahir Lita, t’i zgjidhë edhe problemin e të vëllait, që e ka në burg.

Dosja Hetimore

Behar Brajoviq i tregon se ka shqetësim me zgjidh edhe një problem të vëllait te tij, dhe e pyet se sa duhet me i dhënë ‘atij’.

Xhevahir Lita e sqaron:…Ai nuk është atje. Ai është akoma aty ku ishe ti.

Nuk ka shku atje për atë vazhdon te ne akoma… Ai është shumë problem nuk kryhet…’.

Behar Brajoviq i përgjigjet Xhevahir Litës. ‘Ndaji ti me të, dhe i qind mijë euro i ke kur dush…rregulloji vet me të…’

Dyshohet se Behar Brajoviq kërkon që me zgjidhjen e problemit të vëllait Enver Bajri, të merret Xhevahir Lita, dhe i ofron para prokurorit dhe gjyqtarit në këmbim të zgjidhjes së çështjes penale të Enver Bajrit.

Ndërkohë që bëhen këto biseda në gjykim është edhe çështja ndaj Astmer Bilalit.

Mikut të Behar Brajoviq.

I njohur si krahu i armatosur i grupit Bajri.

Për të cilin është ndërhyrë që edhe ky ti shpëtojë burgimit.

Dosja Hetimore

Më datë 23 Korrik 2020, Behar Bajroviq komunikon me Astmer Bilalin dhe i tregon se duhet të paraqitet patjetër që ti ndryshoj masa, ndryshe i shtyhet gjyqi dhe i ikën masa e arrestit në shtëpi.

Astmer Bilali i dërgon mesazh: ‘…Po ma po s’kam rrug tjetër …’

Behar Bajroviq i tregon se po flet me ‘të’ Xhevahir Litën në atë moment.

Pasi komunikimit me Astmer Bilalin, Behar Brajoviq njofton Xhevahir Litën se ndodhet në Tiranë.

Ndërkohë Xhevahir Lita në orën 15:49 i kthen përgjigje: ‘…Takohemi nga darka…unë te shpia jam…’

Në orën 19:30, Xhevahir Lita i kërkon Behar Brajoviq të vi tek Sanatoriumi.

Pas takimit me Xhevahir Litën, ky i fundit dyshohet se ka vënë në dijeni Behar Brajoviq se çfarë ka ndodhur me Astmer Bilalin.

Behar Brajoviq komunikon me Astmer Bilalin dhe se si do veprohet me tej me të.

‘….Ke dal në kërkim…mshehu…se po të kapin… deri në tetor kryn pun…’.

Në muajin tetor, Xhevahir Lita, duket se ngrihet në detyrë.

Nga një prokuror i thjeshtë në zv/ prokuror në Prokurorinë e Shkodrës.

Gjë që sjell gëzim te lidhjet e tij me botën e krimit në qytet.

Siç është edhe kjo bisedë e zhvilluar mes njërit prej tyre dhe prokurorit Xhevahir Lita.

Më datë 28 Tetor 2020, nga komunikimi midis Xhevahir Litës dhe Pëllumb Gjokës kuptohet që Lita është emëruar Zv/prokuror, pasi Gjoka i dërgon mesazhin: ‘… Je ba mendjemadh tash që u bane zv/prokuror…’

Ngritja e Xhevahir Litës në detyrë si zv/Prokuror, duket se ka rritur edhe stekën e kërkesave të grupit kriminal të cilin ai ka ndihmuar kohë pas kohe në Shkodër.

Ngjarja për të cilën ata interesohen tashmë që tja hedhin pa lagur është ajo e goditjes me armë pranë një karburanti, të makinës me të cilën udhëtonte Taulant Pepaj.

Ku kërkojnë që Xhevahir Lita të ndërhyjë për të shpëtuar nga burgu Arsid Bashlin, djalin e Bardhyl Mavraj, djalin e xhaxhait të Behar Brajoviq.

Dosja Hetimore

Më datë 23 Shkurt 2021, 9E6STL interesohet për ngjarjen që ka ndodhur në Shkodër dhe i kërkon që nëse mund të bëjë diçka, ta bëjë veç për të (9ESTL) ose për ‘Bardhokun’ nëse ndërhyn, për askënd tjetër.

Biseda e kësaj date, dyshohet se lidhet me ngjarjen e ndodhur në Shkodër, ku është qëlluar me armë zjarri ndaj Taulant Pepaj dhe ‘Bardhoku’ për të cilin flet Behar Brajoviq, është shtetasi Bardhyl Mavraj, djali i xhaxhait të tij.

Më datë 2 Mars 2021, Behar Brajoviq pyet Xhevahir Litën nëse ka komunikuar me gjyqtarin dhe se ku do t’i nisi paratë pasi ka folur.

Sipas dosjes së siguruar nga emisioni ‘Në Shënjestër’, personat që kanë qëlluar ndaj Taulant Pepaj dhe Kolec Markut janë tre të tillë.

Dhe udhëtonin me dy makina. Ngjarje e ndodhur më datë 21 shkurt 2021 në Shkodër.

Lidhur mbi këtë fakt, po këtë ditë, pas referimit të oficerëve të policisë gjyqësore Luan Hamzallari dhe Elton Myrtaj, prokurori Xhevahir Lita ka regjistruar procedimin penal.

Nr.193 për veprat penale ‘Vrasja me paramendim’, mbetur në tentativë e kryer në bashkëpunim dhe ‘Mbajtja pa leje e armëve shpërthyese dhe municionit’.

Persona të dyshuar nga policia gjyqësore ishin Eljon Hato, Shkëlzen Xhenje, Arsad Bashli dhe Behar Zagani.

Pas fillimit të hetimeve paraprake, Eljon Hato, Bardhyl Mavraj dhe Arsad Bashli identifikuar në bashkëpunim me njëri-tjetrin i kanë dhënë një shumë parash prokurorit Xhevahir Lita identifikuar si përdorues i Sky ECC ‘MHSE7L’ me qëllim devijimin e hetimeve dhe shmangen e ndjekjes penale për autorët.

Shuma e parave është siguruar nga Eljon Hato dhe Bardhyl Mavraj i cili ka diskutuar paraprakisht me prokurorin Xhevahir Lita lidhur me shumën dhe kjo shumë i është dorëzuar nga Arsad Bashli në Tiranë.

Pasi ka marrë paratë SPAK thotë se prokurori Lita orienton të dyshuarit se çfarë duhet të deklarojnë me qëllim që çështja të mbyllet në favor të tyre.

Dosja Hetimore

Pasi ka rënë dakord për shumën e parave, Xhevahir Lita ka ndihmuar duke i dhënë informacione lidhur me veprimet hetimore që po kryhen, ka dhënë orientimet se si dhe çfarë duhet të deklarojnë në policinë gjyqësore, si dhe nuk ka kryer veprime të tjera që mund të çonin në identifikimin e autorëve. Po kështu ka shmangur nga ndjekja penale Eljon Haton dhe Arsad Bashli duke akuzuar si autor të ngjarjes Shkëlzen Xhenje, për të cilin ka lehtësuar akuzat penale për të cilat është regjistruar procedimi penal duke e akuzuar për veprat penale

‘Mbajtja pa leje dhe prodhimi i armëve, armëve shpërthyese dhe i municionit” dhe “Kanosja”.

MHSE7L (Xhevahir Lita) i shpreh shqetësim nëse komunikon me ‘Arsad Bashli’ dhe babain e tij.

Por më pas i thotë që do i shoh vetë këto gjëra.

Ai në vijim dërgon mesazh duke i thënë të ketë kujdes mos të flasë në telefon.

‘..Tani kuptoje janë 50 veta në ………. mos fol më për këto gjëra rri.

Vetëm thuaj s’di gjë dhe s’merrem me këto fare. ok… po mos fol në tel.”

Ky mesazh krijon dyshim se ‘50 veta’ nënkupton një shumë parash që kërkohet për të zgjidhur çështjen përndryshe ai nuk merret fare.

Episodi i fundit, por aty nga ku filloi edhe operacioni’ Metamorfoza’, ku tashmë në pranga kanë rënë biznesmeni Pëllumb Gjoka, prokurori Xhevahir Lita, ish-shefi i krimeve në Policinë Shkodër Ardrit Hasanbega dhe Oltian Bistri ish- shef i Forcave të Posaçme Operacionale, por edhe Astmer Bilali dhe Edmond Preka, është ai i tjetërsimit të një sipërfaqe prej 39 hektarë në fshatin Pulaj në Velipojë.

Pronë e cila i ishte kthyer shtetases së ndjerë Drande Hoti Gjoka.

Por që familjarë të saj në muajin janar 2023 kallëzuan në SPAK se testamenti i lënë nga e afërmja e tyre ishte falsifikuar.

Lidhur mbi këtë fakt, më parë janë bërë disa kallëzime në Prokurorinë e Shkodrës si dhe më datë 9 Janar 2023, është kallëzuar edhe në

Prokurorinë e Posaçme, kallëzim mbi të cilin është regjistruar procedimi penal Nr.09 i vitit 2023.

Më datë 12 Nëntor 2020, Pëllumb Gjoka i kujton Xhevahir Litës një porosi qe i ka lënë. Lita i përgjigjet që e ka në vëmendje.

Po më datë14.11.2020, diskutojnë edhe për tërheqjen e disa shkresave nga arkiva.

Nga të dhënat e përftuara nga komunikimi i datës 23 Shkurt 2021, referuar fashikullit penal Nr.751/2020 të Prokurorisë pranë Gjykatës së Shkallës së Parë Shkodër, rezulton se më datë 24 Shkurt 2021, oficeri i policisë gjyqësore Çlirim Halili ka mbajtur procesverbal me shkrim të lirë dore për marrjen e të dhënave nga shtetasja Drande Hotaj dhe si i pranishëm në këtë procesverbal ka nënshkruar shtetasi Enea Liza Hoti.

Gjithashtu po këtë datë, Xhevahir Lita ka biseduar edhe me Pëllumb Gjokën lidhur mbi një akt ekspertimi për të cilin ky i fundit është në dijeni.

Xhevahir Lita i ka dërguar mesazhet “.

‘…Shih se ndoshta ka bërë një vendim përkryerje e ekspertimit e prokurës…takova dhe Valbonën dhe më tha se ka marrë mostra për t’i dërguar për ekspertim…

Unë jam e bindur, por më tha thuaj Pllumit të kapë dikë që të dalë tamam.

Po edhe këtij akti ekspertimi bjeri mbrapa që të qepet mirë si dosje se ai kolegu im…’.

Pëllumb Gjoka i kërkon që ta mbyllë si çështje dhe i dërgon mesazhet:

‘…Ti kërkoja nesër për ta myll…Se edhe një kafe të duhet ty…

Mik më ke edhe të kam, po çdo gja ka lezetin e vet. Më shkon mua se kafja është bereqet…

Kshu që kujtoju nesër ti japësh drejtim…’

Lita i përgjigjet se i ka marrë përgjigjet i ka fotokopjuar por ka harruar t’i marrë për t’ia treguar Gjokës.

Xhevahir Lita e mbyll bisedën duke dërguar mesazh: ‘…le të bëjmë dhe këtë ekspertim, të dalë se ka firmosë vetë Dranja te prokura dhe pastaj të haje një m.. ai kolegu im…’.

Por ajo që e rëndon edhe më shumë pozitën e ish zv/ prokurorit Xhevahir Lita, është fakti se ai del se është angazhuar në mbylljen e kallëzimeve të ngritura në vitin 2020 nga familjarë të Drande Hotaj.

Por siç thamë prokurori Xhevahir Lita apo shefi i krimeve në Shkodër, Ardrit Hasanbegaj, nuk ishin të vetmit të dyshuar në shërbim të krimit.

Oltian Bistri që në vitin 2019-2020, mbante detyrën e shefit të komisariatit nr 2, është një tjetër emër që del në bisedat e SKY ECC.

Dosja Hetimore

Lidhur mbi episodin e shpërdorimit të detyrës dhe nxjerrjen e sekretit hetimor nga ish-Shefi i Operacionales, Oltian Bistri, referuar bisedave të realizuara në SKY ECC në periudhën kohore nga data 25 Nëntor 2019 deri më datë 28 Prill 2020 ndërmjet tij dhe shtetasit Pëllumb, dyshohet se ky i fundit zhvillon aktivitetin e lojërave të fatit ne kundërshtim me ligjin dhe Bistri i krijon lehtësira duke përdorur mundësitë që i ofron pozicioni i punës si shef i komisariatit të Policisë nr.2 Tiranë.

Më datë 7 Dhjetor 2019, Oltian Bistri i shkruan Pëllumb Gjokës: ‘Kanë hap hetim për një tavolinë ata…

Ty të duhen më lek, jo si ata andej. Prit njëherë te mbarojë aksioni.

Unë e bëra për ty, s’më ngrenë ato lekë që marr. Edhe për anë morale… Vetëm këto sa bëjnë, ti lutem Rebos. Ai lekë do marrë dhe kot si merr. Se di pse ka frikë.

Më 28 Dhjetor 2019, Pëllumb Gjoka komunikon me Oltian Bistrin.

Ky i fundit i shkruan: ‘Ka qenë qetësi kaq kohë. Sot nga ora 7 pati nja dy telefonata, ka kazino, ruletë etj. Po s’ka problem, se i thashë çunave e bënë sikur erdhën dhe nuk konstatuan gjë.

Në një tjetër bisedë, Oltian Bistri e këshillon Pëllumb Gjokën që të mos e hapë për ca ditë kazinonë.

Sepse Operacionalja do jetë në qarkullim për kontrolle.

Dosja Hetimore

Më datë 18 Shkurt 2020 ora 11.32, Pëllumb Gjoka flet me Bistrin. Ky i fundit i shkruan: Nesër mos e hap. Këto 2 -3 ditë. Mos i thuaj njeriu. Nesër ka aksion Operacionalja në zonën time. Të lutem mos e diskuto me asnjë se më prish shumë punë. Po mora vesh se do të vijnë aty tek ti do të them vetë.

Në një tjetër rast Oltian Bistri e informon Pëllumb Gjokën edhe për një person që është shpallur në kërkim.

Dosja Hetimore

Oltian Bistri pyet Pëllumb Gjokën: E njeh këtë?

I ka dalë urdhri për paketim por mos i thuaj njeriu. Mendova se e ke shok ndaj ta thashë. Qendra e kërkon.

Më datë 25 Mars 2020 Gjoka komunikon me Bistrin: Ky i fundit i shkruan. Rebo s’do, ka frikë. Janë dy zv. për kë thua?

Por a është ky fundi i ‘Metamorfozës’, shndërrimit të shtetit në një patericë të krimit?

A do të gëlltisë në vazhdim ‘Metamorfoza’ të tjerë emra dhe a ka aty edhe politikanë të përfshirë në krim?

Kjo mbetet për t’u parë, por e sigurt është që kjo dosje sot është prova më e qartë se si shteti është kthyer në një vasal që i shërben krimit. Dhe se si policia dhe drejtësia duhet të meritojnë një tjetër operacion atë të pastrimit rrënjësor nga elementët kriminalë brenda tyre. /Ne Shenjester/

The post Gjoka pranoi të bënte falas vrasjen për llogari të Vis Martinajt, si u planifikua ekzekutimi i Dorian Dulit në varrimin e Indrit Rrajës appeared first on Albeu.com.

Behar Bajri një emër shumë i njohur i botës së kimit për drejtësinë shqiptare, u lirua nga burgu në vitin 2020, nga drejtësia shqiptare, pasi ishte ekstraduar nga Belgjika, ku ishte arrestuar në vitin 2019-të.

Emri i Behar Bajrit doli nga përgjimet e SKy, të cilat çuan në burg biznesmenë, dhe zyrtarë të lartë të Policisë s Shtetit.

Në këto përgjime Bajri bashkëpunon me Eris Martinajn për vrasjen e Gjin Ndojit.

Njoftimi: 

Operacioni, falë shkëmbimit të inteligjencës policore, ndërmjet Policisë së Shtetit dhe Policisë franceze.

Kapet në Francë, me qëllim ekstradimin, njëri prej shtetasve të shpallur në kërkim ndërkombëtar, në kuadër të operacionit “Metamorfoza”.

Në vijim të punës gjurmuese dhe kërkimore, si dhe bashkëpunimit me agjencitë ligjzbatuese brenda dhe jashtë vendit, mesditën e sotme, falë inteligjencës policore të siguruar nga Policia e Shtetit, shkëmbimit në kohë reale të informacionit, nëpërmjet oficerëve të kontaktit të Policisë së Shtetit dhe Policisë Franceze, si dhe koordinimit ndërmjet Interpol Tiranës dhe Interpol Parisit, u bë e mundur kapja në Francë, nga Policia franceze, e shtetasit shqiptar B. B., 43 vjeç.

Kapja e këtij shtetasi u bë me qëllim ekstradimin drejt vendit tonë.

Interpol Tirana, në bashkëpunim me agjencitë ligjzbatuese dhe me Interpol Parisin, vijojnë punën për plotësimin e dokumentacionit, me qëllim ekstradimin drejt vendit tonë, të 43-vjeçarit.

Kapja e këtij shtetasi tregoi edhe një herë bashkëpunimin serioz, profesional dhe të besueshëm mes Policisë së Shtetit dhe partnerëve, si dhe vendosmërinë e Policisë së Shtetit, për të gjurmuar, lokalizuar, kapur dhe çuar para drejtësisë, shtetasin e shpallur në kërkim kombëtar dhe ndërkombëtar.

The post Arrestohet Behar Bajri bashkëpuntori i Martinajt dhe Gjokës për vrasjen e Gjin Ndojit appeared first on Albeu.com.

Nuk mjafton rritja e çmimeve për shkak të luftës dhe abuzimeve, por në këtë kohë krize globale, shqiptarëve do t’iu duhet të paguajnë.

Rehabilitimin e tombinos së rrugës në aksin rrugor Qafa e Buallit-Fillimi i rrugës së Arbrit, punë që do të kushtojë 150 milione lekë me TVSH.

Autoriteti Rrugor Shqiptar i drejtuar nga Evis Berberi ka hapur një tender, për të ndihmuar me paratë e taksapaguesve firmën koncesionare ‘Gjoka’, e cila e ka fituar koncesionin 250 milionë euro për ndërtimin e kësaj rruge.

Në dokumentat e tenderit afati kohor për rehabilitimin është 2 muaj dhe në relacionin teknik thuhet se këto punime do të kryhen me kërkesë të bashkisë së Bulqizës.

Duke qenë se disa pjesë të rrugës së Arbrit janë ndërtuar, të tjera ende s’kanë filluar, nuk dihet saktësisht sa kilometra do të ndërtojë “Gjoka konstrakshën”.

Në relacionin teknik sqarohet edhe arsyeja se përse ka dalë jashtë pune tombino, për ndërtimin e së cilës do të shpenzohen plot 15 milionë lekë.

Sipas relacionit tombino ka dalë jashtë pune për shkak të uljeve gjeologjike të gjithë fushëgropës së Bulqizës një problem që duhet të ishte parashikuar në projekt, megjithatë Autoriteti Rrugor shqiptar nuk shpjegon nëse këtë pjesë duhet ta ndërtojë koncesionari i cili tashmë është paguar edhe për këtë punë./News 24/

The post SKANDAL/ ARRSH hap tjetër tender për rrugën e Arbrit, sa para do u “vjelë” shqiptarëve firma koncesionare “Gjoka” appeared first on Albeu.com.