Gjatë fjalës së tij ai tha se sapo të kalohet limiti i shpejtësisë së lejuar pasjisja do të vendosë gjobën dhe në këtë rast nuk do ketë mundësi përndërhyrje.

Drejtori i Policisë, Dhimitraq Ziu:

Cdo shkelje e normave të shpejtësisë mbi 90 km në orë do të ndëshkohet. Gjthashtu do të ndëshkohen edhe ata që nuk kanë vënë rripin.

Tani sa i përket procedurëssë punës, përcaktohet qartë me rregulla që do t thotë në momentin e konstatimit të shkeljes, do të printohet.

Pajisja është e kolauduar, nëse ne do konstatojmë shkelje mbi 90km/ orë, do të vazhdojnë menjëherë me masat adminsitrative.

Me rritjen e masave ndëshkuese administrative janë pakësuar edhe aksidentet. Kemi koordinuar punën dhe mendoj se ju jeni në dijeni të plotë se ne kemi realizuar objektivat e sezonit turistik.

A do vijohet me gjoba për të shmangur aksidentet apo do rrisni sigurinë në rrugë?

Në bashkëpunim me ARRSH po mundohemi të përmirësojmë sigurinë në rrugë. Në një analizë të shkurtër që ne kemi bërë , është rritur numri i mjeteve në Shqipëri gjatë sezonit turistik.

Nëse konstatohet një mjet që shkel rregullat? Gjobat kalon automatiksith apo shkon deri në disa ditë?

Kjo pajisje nuk pranon ndërhyrje. Gjoba kalon në mënyrë automatike dhe operatori bën printimin pasi janë të identifikuara të gjitha shkeljet. Kjo pajisje ka një cilësi të vecantë që punon edhe në errësirë por pa ndikuar për keq tek drejtuesi i mjetit.

The post Prezantohet pajisja që “nuk njeh mik” për shoferët: Nëse kaloni mbi 90 km/orë, ju vjen gjoba në shtëpi!(VIDEO) appeared first on Albeu.com.

Gjatë kontrolleve në 24 orët e fundit, nga Policia Rrugore e Tiranës janë goditur dy raste të tjera të mitëdhënies.

1 – Gjatë kontrolleve parandaluese në rrugën “Thoma Goxha”, efektivët e Komisariatit Rajonal të Policisë Rrugore Tiranë kanë konstatuar shtetasin I. H., i cili drejtonte mjetin pa vendosur rripin e sigurimit. Gjatë kryerjes së veprimeve policore, drejtuesi i mjetit, 43-vjeçari I. H. i ka ofruar punonjësit të Policisë, dy kartëmonedha me vlerë 1500 lekë të rinj, me qëllim shmangien e ndëshkimit për shkeljen e kryer. Nga shërbimet e Policisë Rrugore u bë arrestimi në flagrancë i drejtuesit të mjetit, për veprën penale “Korrupsioni aktiv ndaj personave që ushtrojnë funksione publike”.

2 – Gjatë verifikimit të një aksidenti rrugor vetëm me dëme materiale në rrugën “Hamdi Pepo”, efektivët e Komisariatit Rajonal të Policisë Rrugore Tiranë kanë testuar dhe verifikuar se njëri nga drejtuesit e mjeteve të përfshirë në aksidentin rrugor ishte nën ndikimin e alkoolit. Ky drejtues mjeti, për të shmangur masën administrative dhe pezullimin e lejes së drejtimit, i ka ofruar punonjësit të Policisë, një kartëmonedhë me prerje 1000 lekë të rinj, me qëllim shmangien e ndëshkimit për shkeljen e kryer. Shërbimet e Policisë Rrugore kanë bërë arrestimin në flagrancë të drejtuesit të mjetit, shtetasi I. D., 57 vjeç.

Falë telefonatave të qytetarëve, nga Policia Rrugore e Durrësit është parandaluar një ngjarje e mundshme rrugore. Në rrugën Maminas – Gjiri i Lalzit, shtetasi S. GJ. po kryente manovra të rrezikshme në rrugë ndërkohë që drejtonte mjetin në gjendje të dehur dhe për pasojë humbi edhe kontrollin e mjetit duke dalë nga rruga, pasi tentoi të devijonte rrugën, për t’iu shmangur shërbimeve të Policisë. Nga kryerja e alkool testit rezultoi se drejtonte mjetin në gjendje të dehur në masën 1.10 mg/l testi i parë dhe 1.05 mg/l testi i dytë.

Policia Rrugore e Sarandës, nisur nga telefonatat e banorëve të një lagjeje se një drejtues mjeti që kishte errësuar edhe xhamin e parë të mjetit sillte shqetësim duke xhiruar gomat gjatë orëve të vona të natës, kanë lokalizuar dhe ndaluar drejtuesin e mjetit, shtetasin K. B., të cilin e kanë ndëshkuar me masë administrative 20.000 lekë të rinj, i kanë pezulluar lejen e drejtimit për 1 muaj dhe i kanë hequr qeset me të cilat kishte errësuar xhamat e automjetit.

Gjithashtu janë arrestuar në flagrancë 11 drejtues mjetesh, nga të cilët 6 për drejtim mjeti në gjendje të dehur dhe 5 për drejtim mjeti pa leje drejtimi.

Janë pezulluar gjithsej 30 leje drejtimi, nga të cilat 17 për drejtim mjeti me shpejtësi tej normave të lejuara dhe 13 për drejtim mjeti nën efektin e alkoolit apo në gjendje të dehur.

Po falë denoncimeve të qytetarëve te Komisariati Dixhital apo në numrin 112 dhe kontrolleve intensive në të gjithë vendin janë ndëshkuar me masë administrative 1678 drejtues mjetesh, për shkelje të Kodit Rrugor që përbëjnë rrezik potencial për përfshirje në ngjarje rrugore, konkretisht për përdorim të celularit gjatë drejtimit të mjetit, për parakalime të gabuara, për mospërdorim të rripit të sigurisë, për shpejtësi mbi normat e lejuara, manovra të rrezikshme në rrugë dhe mosrregullim shpejtësie, veçanërisht në qendrat e banuara, për mospërdorim të kaskës mbrojtëse në mjetet me dy rrota, si dhe për mosruajtje të largësisë së sigurisë mes mjeteve.

Policia Rrugore apelon për të gjithë drejtuesit e automjeteve që të respektojnë rregullat e qarkullimit rrugor, si dhe fton qytetarët që të denoncojnë në Komisariatin Dixhital dhe në numrin e emergjencave 112, çdo paligjshmëri.

#MosUbejStatistike?
#RregullKujdesDurimDestinacion
#NeJemiAtyPerSigurineTuaj?

The post Shqiptarët nuk binden! Rrugorët blindojnë rrugët, kaq gjoba e kaq arrestime ndodhën gjatë 24 orëve të fundit (VIDEO) appeared first on Albeu.com.