Masat janë marrë në kuadër të planit për parandalimin e aksidenteve rrugore, ku policia ka shtuar kontrollet në qytetin e Elbasanit, teksa janë vendosur 1194 masa administrative.

Gjithashtu bëhet me dije se janë pezulluar 11 leje drejtimi 7 për drejtim automjeti, nën ndikimin e alkoolit dhe 4 për shpejtësi tej normave të lejuara.

Policia Rrugore i bën thirrje drejtuesve të mjeteve që të respektojnë rregullat e qarkullimit dhe fton qytetarët të denoncojnë në komisariatin digjital nëse evidentoj në shkelje.

Njoftimi i Policisë:

Vijojnë kontrollet nga Policia Rrugore, me qëllim parandalimin e aksidenteve rrugore dhe ndërgjegjësimin e përdoruesve të rrugës, për zbatimin me rigorozitet të rregullave të qarkullimit rrugor.

Gjatë kontrolleve janë ndaluar 7 drejtues automjetesh, nga të cilët 3 janë arrestuar, ndërsa 4 janë proceduar në gjendje të lirë, për veprat penale “Drejtimi i automjeteve në mënyrë të parregullt” dhe “Shkelja e rregullave të qarkullimit rrugor”.

Janë pezulluar 11 leje drejtimi, nga të cilat 7 për drejtim automjeti, nën ndikimin e alkoolit dhe 4 për shpejtësi tej normave të lejuara.

Janë vendosur 1194 masa administrative, konkretisht:

338 masa për parakalime të gabuara;

67 masa për mosvendosjen e rripit të sigurimit;

28 masa për përdorimin e celularit gjatë drejtimit të mjetit:

26 masa për mosvendosjen e kaskës mbrojtëse;

372 masa për tejkalim shpejtësie;

5 masa për drejtim mjeti, nën efektin e alkoolit;

358 masa për shkelje të rregullave të tjera të Kodit Rrugor, të cilat janë burim aksidenti.

Kontrollet do të vazhdojnë çdo ditë, me qëllimin e vetëm, parandalimin e ngjarjeve rrugore me pasoja për jetën e përdoruesve të rrugës.

Policia Rrugore e Elbasanit falënderon drejtuesit e mjeteve dhe këmbësorët që respektojnë rregullat e qarkullimit rrugor dhe fton të gjithë qytetarët që të denoncojnë në 112 dhe në Komisariatin Dixhital, çdo rast të shkeljeve të rregullave të qarkullimit rrugor, duke u garantuar reagim të shpejtë.

The post Mbi 1100 masa, policia “fundos” shoferët e pabindur në rrugët e Elbasanit appeared first on Albeu.com.

Edhe pse mund t’ju duket e çuditshme, në gjobën e vënë ndaj këtij drejtuesi mjeti shkruhet se shkak është bërë mënyra se si ka mbajtur qenushin në mjet.

“Është konstatuar dhe provuar me pamje duke transportuar një kafshë shtëpiake të mbajtur në mjet, jo sipas kushteve të përcaktuara në dispozitë”, thuhet në gjobën e vendosur.

Gjoba e vendosur që qytetari duhet të paguajë është 6 mijë lekë të reja./albeu.com/

The post “Nxori kokën jashtë”, qytetari në Tiranë gjobitet se shëtiti qenin me makinë appeared first on Albeu.com.

Ne dy kuadrate vendosen targa e makines dhe numri i shasise dhe pas nje kerkimi ne ekran shfaqet detyrimi qe mund te keni ndaj policise rrugore.

Disa rregulla:
Pagesa bëhet brënda 5 diteve kur merr formë të prerë. Me kalimin e afatit paguhet 2%.
Për pagesat brenda 5 ditëve bëhet 50% zbritje në vlerën e kundravajtjes.
Për çdo shqetësim apo ankesë qytetarët mund të komunikojnë dhe në adresat e-mail: policiaeshtetit@asp.gov.al apo policiarrugore@asp.gov.al

Ky sistem bën të mundur verifikimin e detyrimeve të pashlyera që qytetari ka në të gjithë Shqipërinë.

Klikoni këtu për të kontrolluar gjobat e policisë rrugore!

.

kontrolloni gjobat policise rrugore

The post Si mund të kontrolloni online gjobat e policise rrugore? appeared first on Albeu.com.

Në mesin e tyre kanë qenë rreth 37 masa për shprejtësi tej normave të lejuara.

Nga MPB informojnë se 17 sanksione janë për lëvizje pa patentë shoferi, pesë për vetura teknikisht jo në rregull dhe të paregjistruara.

“Janë shqiptuar 20 masa për përdorim të celularit, gjashtë sanksione për kalim në dritë të kuqe, gjashtë për mospërdorim të rripit të sigurisë, 64 për parkim të parregullt”, njofton MPB./albeu.com/

The post Policia rrugore “bën kërdinë” me gjoba në Shkup, brenda 24 orëve vendosi 192 masa kundër “të pabindurve” appeared first on Albeu.com.

Gjatë orëve të fundit efektivët kanë proceduar dhe arretsuar 28 drejtues mjetesh.

Gjithashtu mësohet se janë pezulluar 192 leje drejtimi, nga të cilat: 56 për drejtim mjeti nën ndikimin e alkoolit, 100 për drejtim mjeti mbi shpejtësinë e lejuar dhe 36 për shkelje të tjera të Kodit Rrugor.

Policia bën me dije se gjithashtu janë bllokuar 32 mjete, nga të cilat: 25 mjete me targa të huaja dhe mjete luksi, të cilat janë shoqëruar në ambientet e Komisariatit Rajonal të Policisë Rrugore Tiranë, për verifikim nga Seksioni kundër Trafiqeve të Paligjshme në Drejtorinë Vendore të Policisë Tiranë, 4 mjete për moslikuidimin e gjobave dhe 2 për mungesë në dokumentacion.

Njoftimi i plotë:

Policia Rrugore e Tiranës, masa të shtuara për parandalimin e aksidenteve rrugore.

Gjatë javës që lamë pas, si rezultat i shtimit të kontrolleve me radarë, dragera, dronë, patrulla në lëvizje me mjete të paloguara, si dhe falë edhe bashkëpunimit me qytetarët të cilët kanë denoncuar në 112 e në Komisariatin Dixhital, shkeljet e konstatuara, janë ndëshkuar dhe proceduar një numër i madh drejtuesish të automjeteve.

Si rezultat i kontrolleve gjatë javës që lamë pas, janë proceduar dhe arrestuar 28 drejtues mjetesh, nga të cilët 20 janë arrestuar në flagrancë për drejtim mjeti në gjendje të dehur dhe 2 për drejtim mjeti pa leje drejtimi, 2 janë proceduar në gjendje të lirë për shkak se ishin të mitur, pasi janë kapur duke drejtuar mjetet pa leje drejtimi, 2 për kundërshtim të punonjësit të Policisë apo mosbindje ndaj urdhrit të tyre dhe 2 persona të proceduar për veprën penale “Falsifikimi i dokumenteve zyrtare”.

Janë pezulluar 192 leje drejtimi, nga të cilat: 56 për drejtim mjeti nën ndikimin e alkoolit, 100 për drejtim mjeti mbi shpejtësinë e lejuar dhe 36 për shkelje të tjera të Kodit Rrugor.

Janë vendosur 6.178 masa administrative, mesatarisht 883 masa në ditë, të ndara sipas shkeljeve:

56 masa për drejtim mjeti nën ndikimin e pijeve alkoolike, 100 masa për shpejtësi tej normave të lejuara/gara shpejtësie, 362 masa për parakalime të gabuara, 627 masa për përdorim të aparatit celular, 378 masa për mosvendosjen e rripit të sigurimit, 295 masa për mosvendosjen e kaskës mbrojtëse, 62 masa për mosrespektim të semaforit, 312 masa për mosrespektim të orarit të qarkullimit brenda qendrave të banuara të mjeteve të tonazhit të rëndë dhe atyre të transportit të mallrave, 3986 masa për parkime të gabuara dhe shkelje të tjera të Kodit Rrugor.

Janë bllokuar 32 mjete, nga të cilat: 25 mjete me targa të huaja dhe mjete luksi, të cilat janë shoqëruar në ambientet e Komisariatit Rajonal të Policisë Rrugore Tiranë, për verifikim nga Seksioni kundër Trafiqeve të Paligjshme në Drejtorinë Vendore të Policisë Tiranë, 4 mjete për moslikuidimin e gjobave dhe 2 për mungesë në dokumentacion.

Policia Rrugore e Tiranës falënderon drejtuesit e mjeteve dhe këmbësorët që respektojnë rregullat e qarkullimit rrugor dhe apelon për zbatim me rigorozitet të rregullave të qarkullimit rrugor.

#Frike Rregull

#PerdoreRrugenEMjetinMeKujdes

#NxitimiPakujdesiaShkelja/albeu.com/

The post Të dehur dhe me shpejtësi të lartë, policia “fundos” shoferët e pabindur appeared first on Albeu.com.

Kanë qenë 678 drejtues mjetesh që e kanë “pësuar”, pasi janë evdentuar nga makina inteligjente duke qarkulluar me shpejtësi mbi normat e lejuara.

Nga këta, 123 drejtues mjetesh janë evidentuar në shkelje të dyfishtë për shpejtësi e përdorim të celularit, 109 drejtues për shpejtësi e mosvendosje të rripit të sigurimit dhe 91 drejtues në shkelje të trefishtë: shpejtësi, celular e mungesë të rripit të sigurimit.

Njoftimi i plotë:

Vijon monitorimi i qarkullimit rrugor nga makina inteligjente.Për shkak të motit të keq, me reshje të dendura shiu dhe në disa akse edhe reshje dëbore, shërbimet e Policisë Rrugore kanë rritur prezencën në të gjitha akset rrugore duke përdorur mjetet e paloguara, kamerat, aparatet fotografikë dhe makinën inteligjente.

Për gjatë 24 orëve të fundit makina inteligjente ka monitoruar qarkullimin rrugor akset nacionale Milot – Morinë, Durrës – Fier – Vlorë ndërsa gjatë pasdites së sotme aksin rrugor Elbasan – Tiranë dhe në mbrëmje në rrugën e Teg-ut, ku shpesh drejtues mjetesh tentojnë të bëjnë gara shpejtësie apo të qarkullojnë me shpejtësi deri në dyfishin e normës së lejuar.

Pavarësisht apelit të bërë nga Policia e Shtetit dhe masave të shtuara për zbatim të rregullave të qarkullimit rrugor duke treguar kujdes të shtuar pasi në shumë akse ka prezencë uji, rrëshqitje gurësh e dheu, përsëri shumë drejtues mjetesh janë evidentuar në shkelje të rregullave të qarkullimit.
Janë ndëshkuar me masë administrative përgjatë 24 orëve të fundit nga Morina në Vlorë e nga Elbasani në Teg, 678 drejtues mjetesh pasi janë evdentuar nga makina inteligjente duke qarkulluar me shpejtësi mbi normat e lejuara.

Nga këta, 123 drejtues mjetesh janë evidentuar në shkelje të dyfishtë për shpejtësi e përdorim të celularit, 109 drejtues për shpejtësi e mosvendosje të rripit të sigurimit dhe 91 drejtues në shkelje të trefishtë: shpejtësi, celular e mungesë të rripit të sigurimit.

Policia e Shtetit apelon për të gjithë drejtuesit e automjeteve dhe këmbësorët, që të zbatojnë me rigorozitet rregullat e qarkullimit rrugor, drejtuesit e mjeteve dhe motomjeteve të moderojnë shpejtësinë, të ruajnë distancën, të mos kryejnë parakalime të gabuara, të qëndrojnë në radhë në rastet kur ka fluks të shtuar mjetesh apo ngadalësim të lëvizjes për shkak të reshjeve të dendura të shiut, të vendosin rripin e sigurimit, kaskën mbrojtëse, të mos drejtojnë mjetet nën ndikimin e alkoolit apo në gjendje të dehur, të mos përdorin celularin gjatë drejtimit të mjetit si dhe të mos drejtojnë mjetin pa leje drejtimi.

Shërbimet e Policisë Rrugore, në bashkëpunim me Patrullat e Përgjithshme dhe “Shqiponjat”, janë angazhuar në të gjitha akset rrugore nacionale, qendrat urbane dhe akset kryesore rurale dhe janë në gadishmëri për t’u ardhur në ndihmë drejtuesve të mjeteve që mund të kenë probleme, si dhe për të parandaluar aksidentet rrugore. Në rast nevoje për ndihmë, telefononi Policinë, në numrin 112, ose dërgoni njoftim në Komisariatin Dixhital. Zbatoni rregullat e qarkullimit rrugor, për të mbërritur të sigurt në destinacion!/albeu.com/

The post Makina Inteligjente “fundos” pilotët e “vdekjes” (VIDEO) appeared first on Albeu.com.

Sipas policisë, gjobat janë vendosur për parkimet e gabuara.

Vetëm këtë javë, thekson policia janë ndëshkuar me masa administrative për parkime të gabuara 3146 drejtues mjetesh.

“Krahas trafikut të ngarkuar, një nga shkaqet për situatën e rënduar në disa rrugë urbane kryesore dhe dytësore, janë edhe parkimet në shkelje të rregullave të qarkullimit rrugor, shkelje të cilat manifestojnë jo vetëm paligjshmëri, por edhe papërgjshmëri në raport me respektimin e rregullave të bashkëjetesës në një komunitet.

Shërbimet e Policisë Rrugore të DVP Tiranë në bashkëpunim me Patrullat e Përgjithshme  të Komisariateve në varësi të DVP Tiranë  janë angazhuar maksimalisht që rregullat e vendosura me Ligj, të zbatohen nga të gjithë, me qëllim krijimin e një mjedisi të qetë dhe rrugë më të sigurta e të disiplinuara për të gjitha kategoritë e përdoruesve të saj.

Përgjatë kësaj jave si rezultat i kontrollit të përbashkët dhe koordinimit të veprimeve edhe me Policinë Bashkiake, me qëllim lehtësimin e qarkullimit të automjeteve dhe eleminimin e pengesave që sjellin trafikun e rënduar në rrugët e kryeqytetit, nga Policia Rrugore e DVP Tiranë  janë ndëshkuar me masa administrative për parkime të gabuara 3146 automjete të ndryshme.

Shërbimet e Policisë Rrugore të DVP Tiranë në bashkëpunim me Patrullat e Përgjithshme  të Komisariateve në varësi të DVP Tiranë, apelon për të gjithë drejtuesit e automjeteve që të mos parkojnë mbi trotuar, në vija të bardha, në rresht të dytë, duke u bërë pengesë për lëvizjen e lirë të këmbësorëve dhe të automjeteve , pasi do përballen me sanksionet administrative që parashikon Kodi Rrugor.

Nisur dhe nga fakti se në rrugë ka prezencë të lagështirës për shkak të motit me shi, Policia e Shtetit apelon për të gjithë përdoruesit e rrugës në tërësi, veçanërisht drejtuesit e mjeteve, motomjeteve dhe çiklistët, që të tregojnë kujdes dhe të zbatojnë me rigorozitet rregullat e qarkullimit rrugor pasi të gjitha rrugët monitorohen nga patrullat e policisë rrugore duke përdorur radarë, makinën inteligjente, dronë, kamera dhe aparate fotografikë si dhe ftohen qytetarët që të denoncojnë në Komisariatin Dixhital dhe në numrin e emergjencave 112, çdo paligjshmëri në rrugë” njofton policia./albeu.com/

The post Parkim i gabuar, policia “mbyt” me gjoba shoferët në Tiranë appeared first on Albeu.com.

Policia ka vënë në punë makinën inteligjente që kap shkelësit, në rrugën Tiranë-Durrës dhe Tiranë-Elbasan.

Makina inteligjente ka konstatuar konstatuar 461 shkelje për shpejtësi, ndërkohë që një numër i madh i tyre janë kapur në shkelje të dyfishtë. 51 prej tyre të cilët janë kapur me shpejtësi tej normave të lejuara, krahas gjobës do u hiqet edhe patenta ndërkohë që masa e pezullimit do u dërgohet në adresën e tyre të banimit.

Policia e Shtetit apelon për të gjithë përdoruesit e rrugës që të respektojnë me rigorozitet rregullat e qarkullimit rrugor.

Njoftimi i policisë:

Nëse shkelni rregullat e qarkullimit, masa administrative ju vjen në shtëpi. Vijon monitorimi i qarkullimit në rrugët e kryeqytetit dhe në rrugët interurbane Tiranë – Durrës – Tiranë dhe Tiranë – Elbasan – Tiranë, me makinën inteligjente. Prej së hënës, makina inteligjente ka filluar funksionimin për monitorimin e qarkullimit rrugor, duke evidentuar dhe ndëshkuar ata drejtues mjetesh që qarkullojnë me shpejtësi mbi normat e lejuara, pa vendosur rripin e sigurimit, që kryejnë parakalime të gabuara apo përdorin celularin gjatë drejtimit të mjetit.

Gjatë orëve të mbrëmjes deri në orën 22:40, në rrugët e kryeqytetit dhe në rrugët interurbane Tiranë – Durrës – Tiranë dhe Tiranë – Elbasan – Tiranë, duke e vendosur makinën inteligjente në punë, me intervale kohore të shkurtra në shumë pika dhe njolla të zeza ku kanë ndodhur më parë aksidente rrugore, por edhe në afërsi të vijave të bardha, janë konstatuar 461 shkelje për shpejtësi.

Gjatë verifikimit rezultoi se krahas shpejtësisë, një numër i madh i drejtuesve të mjeteve kishin bërë dhe një shkelje të dytë, konkretisht: 104 ishin edhe për përdorim të celularit gjatë drejtimit të automjetit, 97 për mosvendosje të rripit të sigurimit dhe 76 për parakalime të gabuara. Njëkohësisht, 51 prej tyre u shpallën alert, pasi janë konstatuar nga makina inteligjente me shpejtësi mbi 30 km/h, shkelje që krahas masës administrative, shoqërohet edhe me pezullim të lejes së drejtimit.

Drejtuesve të automjeteve të konstatuara në shkelje që nuk shoqërohen me masën plotësuese të pezullimit të lejes së drejtimit, do t’ju shkojë masa administrative në adresat e banimit të tyre. Gjithashtu, nga makina inteligjente janë konstatuar 98 drejtues mjetesh, të cilët krahas shpejtësisë mbi normat e lejuara, janë konstatuar edhe në shkelje të dytë me rrezik të madh për përfshirje në ngjarje rrugore, konkretisht për mosdhënie përparësie këmbësorëve në vija të bardha.

Ndërkohë vijojnë kontrollet intensive në të gjitha rrugët e vendit, duke përdorur radarë, dronë, mjete të paloguara, kamera, aparate fotografike e alkooltestues, me qëllim parandalimin e aksidenteve rrugore. Policia e Shtetit apelon për të gjithë përdoruesit e rrugës që të respektojnë me rigorozitet rregullat e qarkullimit rrugor dhe fton qytetarët që të denoncojnë në numrin 112 dhe në Komisariatin Dixhital, çdo shkelje të Kodit Rrugor, duke iu garantuar anonimat të plotë dhe reagim të shpejtë e profesional. /albeu.com

The post Makina inteligjente e Policisë u bën “pritë” shoferëve, gjoba “shkon” para tyre në shtëpi (VIDEO) appeared first on Albeu.com.

Policia e Shtetit në kuadër të operacioneve për mbarvajtjen e situatës në rrugët e vendit, gjatë kontrolleve të zhvilluara konstatoi se pesë shoferë qarkullonin pa leje drejtimi dhe dy të tjerë ishin të dehur në timon.

Gjithashtu janë pezulluar 39 leje drejtimi për shpejtësi tej normave të lejuara dhe konsum alkooli në timon.
Për më tepër shihni bilancin e Policisë së Shtetit.

Njoftimi i Policisë së Shtetit:

Masa të shtuara në fundjavë për parandalimin e aksidenteve rrugore dhe rritjen e parametrave të sigurisë.
Në të gjithë vendin, vijojnë kontrollet intensive për evidentimin dhe ndëshkimin e atyre drejtuesve të automjeteve dhe motomjeteve që abuzojnë me rregullat e qarkullimit rrugor duke rrezikuar përfshirjen në ngjarje rrugore me pasoja për jetën.

Edhe gjatë 24 orëve të fundit, janë konstatuar përsëri shumë drejtues mjetesh, që kanë tejkaluar shpejtësinë më shumë se limiti i lejuar nga 134 km/h në rrugën interurbane Tiranë – Elbasan deri në 161 km/h në Rrogozhinë – Kavajë si dhe drejtues që kanë drejtuar mjetet nën efektin e alkoolit apo në gjendje të dehur.
Janë arrestuar në flagrancë 7 drejtues mjetesh dhe motomjetesh, nga të cilët, 5 për drejtim mjeti pa leje drejtimi dhe 2 për drejtim mjeti në gjendje të dehur.
Janë pezulluar 39 leje drejtimi, nga të cilat 26 për shpejtësi mbi normat e lejuara dhe 13 për drejtim mjeti nën efektin e alkoolit apo në gjendje të dehur.
Po si rezultat i kontrolleve dhe denoncimeve të adresuara nga qytetarët në Komisariatin Dixhital dhe në nr 112, janë ndëshkuar me masë administrative, në të gjithë vendin, 1046 drejtues mjetesh, për shkelje që sjellin pasoja në jetën dhe shëndetin e përdoruesve të rrugës, kryesisht për parakalime të gabuara, për përdorim të celularit gjatë drejtimit të automjetit, për mos vendosje të rripit të sigurimit apo kaskës mbrojtëse, për shpejtësi tej normave të lejura, por pa sanksionin plotësues atë të pezullimit të lejes së drejtimit.

Policia e Shtetit, apelon për të gjithë përdoruesit e rrugës që të respektojnë rregullat e qarkullimit rrugor, të mos shpejtojnë dhe të mos kryejnë parakalime të gabuara e manovra të rrezikshme në rrugë, të mos përdorin celularin gjatë drejtimit të mjetit, të mos drejtojnë mjetin nën efektin e alkoolit apo në gjendje të dehur, të vendosin rripin e sigurimit dhe kaskën mbrojtëse, pasi në të gjitha rrugët e vendit ka radarë dhe prezencë të Policisë Rrugore, të pajisur edhe me dronë, dragera, kamera e aparatë fotografik.

Njëkohësisht, Policia e Shtetit fton qytetarët që të denoncojnë në numrin 112 dhe në Komisariatin Dixhital, çdo shkelje të Kodit Rrugor, duke iu garantuar anonimat të plotë dhe një reagim të shpejtë dhe profesional./albeu.com

The post Pa leje drejtimi, të alkoolizuar dhe me shpejtësi të lartë, prangosen 7 persona dhe gjobiten dhjetëra të tjerë (VIDEO) appeared first on Albeu.com.