Prej 9 vitesh, disa biznesmenë të mëdhenj nga Katari apo vendet e tjera arabe, janë munduar që të ecin përpara me projektin, i cili kap vlerën e 216 milionë eurove. Fillimisht ata u “ndeshën” me grupe të “fortësh” në zonë, ku u penguan në çdo mënyrë që të ecnin përpara.

Megjithëse kishin ardhur me “rekomandime nga lart”, sërish arabët s’po çanin dot “tregun” shqiptar, për të bërë të mundur marrjen e lejeve. Ata e nisën projektin shumë kohë para projekteve të tjera në Gjirin e Lalzit, të ndërtuara nga shqiptarët.

Por, këta të fundit vijuan të ndërtojnë dhe, nga zonë të pyllëzuar, kanë ndërtuar mijëra vila, dhjetëra htoele e qindra lokale. Ndërkohë, arabët vijonin me procedura burokratike.

Në vitin 2021, pas shumë përpjekjesh të kota, ata vendosën që të bëjnë transaksione, duke shitur përqindje të firmës. Disa biznesmenë të fuqishëm, apo edhe personazhe të njohur të politikës, iu afruan dhe bën biznese me ta.

Fillimisht bleu aksione firma “KLAR”, me pronar z. Shkëlqim Beshirin, i njohur edhe si pronar i një firme kafeje. Më pas vëllezërit Arian dhe Besnik Leskaj, teksa mori aksione edhe firma “RDA”, e biznesmenit dhe ish-deputetit të Partisë Demokratike, Fatjon Veizaj.

Tre emra me shumë peshë në Shqipëri, me lidhje politike nga të gjitha krahët dhe me fuqi të mëdha të parasë. Papritmas, këta biznesmenë morën mazhorancën e aksioneve në një projekt shumë të kushtueshëm, që deri në ato kohëra do të ndërtohej nga arabët. Deri në ato momente, megjithëse arabët lobuan shumë fort deri në kupolën qeverisëse, ata nuk arritën që të merrnin lejet përkatëse dhe projekti po ngadalësohej nga simotrat e saj në Gjirin e Lalzit, që vijonin të ngriheshin në pjesën e pyllëzuar. Madje, ndërtime pati në Hamallaj, San Pietro dhe vetë Gjirin e Lalzit, por jo në zonën ku “Omnix” do të ndërtonte.

Të gjitha transaksionet, ku shqiptarët arritën të marrin plot 70 % të aksioneve të firmës “Omnix” përfunduan në datën 18 korrik 2022. Kontrata e fundit ishte ajo mes arabëve dhe firmës “Klar”, ku u modifikuan disa pasazhe nga kontrata e mëparshme. Në këtë datë që është shumë e rëndësishme u ra dakort që arabët do të merrnin edhe 2.5 milionë euro për disa aksione.

Por, çfarë ndodhi tjetër në atë datë?!

Sipas dokumenteve që ka hulumtuar VoxNews, po në datën 18 korrik 2022, Komiteti i Investimeve Strategjike i dha statusin si investitor strategjik firmës “Omnix” për “resort turistik me vendndodhje në Gjirin e Lalëzit”. Në dokumente shkruhet se është një “investitor i huaj”, por në fakt aksionet u blenë në mazhorancë nga shqiptarët.

Në dokumente theksohet se projekti është për turizëm dhe do investohen 216 milionë euro dhe do të hapen 252 vende pune.

Një koiçidencë e madhe, pasi në momentin që shqiptarët “zhvatën” 70 % të aksioneve, qeveria i shpalli investitor. Pas këtij vendimi me të drejtë lindin shumë pyetje; Përse u ndaluan arabët të vijonin më tej investimin? Kush ndërhyri deri sipër në qeveri që, pas transaksioneve, firma të merrte statusin e investitorit?!

Një mori pikëpyetjesh, pasi arabët u rrahën dhe u zhvatën për vite me radhë dhe në fund, në gjithë projektin 216 milionë euro, kanë vetëm 30 % të aksioneve.

Pas kësaj date, kur Omnix mori statusin e investitorit, pati të tjera transaksione, ku vëllezërit Leskaj ndanë aksionet nga 17.5 % secili apo edhe rimarrja e aksioneve nga ish-deputeti Fatjon Veizaj, pas dorëheqjes nga posti në Parlament.

Ndërkohë, në vitin 2025, Këshilli Kombëtar i Territorit dhe Ujit miratoi edhe “leje zhvillimi për objektin ‘Lalzi Bay Resort’, Kompleks Turistik dhe Rezidencial, me vendndodhje në Gjirin e Lalzit, Bashkia Durrës, me subjekt zhvillues shoqërinë ‘Omnix Albania’ sh.p.k”.

Mësohet se firma propozon zhvillimin e një investimi në bregdetin e Gjirit të Lalëzit, pranë Draç Durrës. “Projekti prek një sipërfaqe prej 145,400 m2 në pronësi të subjektit aplikues, lloji i pasurisë pyll. Gjithashtu projekti ka edhe një sipërfaqe prej 92,225 m2 në pronësi shtet si dhe 81,000 m2 plazh. “Nga sipërfaqja e lart përmendur që prek projekti, kërkohet të hiqet nga fondi pyjor dhe kullosor 60,000 m2 e cila është sipërfaqe e truallit e zënë nga gjurma. Kjo sipërfaqe prej 60,000 m2 është e ndarë në pasuritë pronë shtetërore me sipërfaqe 15,800 m2 dhe pasuritë pronë private në pronësi të “Omnix Albania” sh.p.k. sipërfaqja 44,200 m2” thuhet në vendim.

Si u mor pasuria shtetërore? Në dokumentet që ka hulumtuar VoxNews shkruhet se në zonën e zhvillimit të projektit, ndodhet një sipërfaqe trualli dhe fondi pyjor, në pronësi shtet, pjesë e ngastrës nr. 70 abcd, e cila i është dhënë me qira shoqërisë nëpërmjet kontratë qiraje e vitit 2011 me palë “Drejtoria e Shërbimit Pyjor Durrës” dhe Shoqëria “Omnix Albania” sh.p.k. për dhënie në përdorim sipërfaqen 28,018 ha për përdorim dhe sipërfaqe për rrugë kalimi. /VoxNews

The post Pas transaksioneve nga arabët te shqiptarët, qeveria miraton lejen e zhvillimit për projektin 216 mln euro “Lalzi Bay Resort” appeared first on Albeu.com.

Siç duket edhe në video, peshkaqeni është i vogël dhe ka rënë në rrjetën e peshkatarëve.

Është i çuditshëm fakti që këta grabitqarë kanë nisur të frekuentojnë brigjet shqiptare.

Kjo duket se ndodh për shkak të kushteve klimatike./Albeu.com/

The post VIDEO/ Peshkaqenët “vizitojnë” edhe Shqipërinë, kapet një grabitqar në Gjirin e Lalzit appeared first on Albeu.com.

Shtetasi e kishte filmuar momentin kur po hiqte flamurin, ndërsa policia e kishte shpallur në kërkim shtetasin SH.S, i cili pas ngjarjes ishte fshehur.

Pas kërkimeve nga Policia u bë i mundur lokalizimi, kapja dhe arrestimi i shtetasit Sh. S., për veprat penale “Nxitja e urrejtjes ose grindjeve” dhe “Prishja e rendit dhe qetësisë publike”.
Materialet i kaluan Prokurorisë Durrës, për veprime të mëtejshme./albeu.com

Njoftim policie

Hoqi me forcë nga një vendrojë detare, një flamur të shtetit turk, kapet dhe vihet në pranga 48-vjeçari.
Specialistët e Komisariatit të Policisë Durrës, pas disa orësh kërkime, bënë të mundur lokalizimin dhe kapjen e shtetasit Sh. S, 48 vjeç, banues në Mazrek, Tiranë.
Kapja dhe arrestimi i tij u bë për arsye se ky shtetas, gjatë kohës që ka qenë në plazhin e quajtur “Gjiri i Lalzit”, ka hequr me forcë nga një vendrojë detare, një flamur të shtetit turk, të cilin më pas e ka hedhur në mënyrë demonstrative në det.

Ky veprim është filmuar me celular dhe më pas është postuar në rrjetet sociale, nga ky shtetas.
Shërbimet e Policisë e shpallën fillimisht në kërkim shtetasin Sh. S., pasi ishte fshehur pas ngjarjes.
Pas kërkimeve nga Policia u bë i mundur lokalizimi, kapja dhe arrestimi i shtetasit Sh. S., për veprat penale “Nxitja e urrejtjes ose grindjeve” dhe “Prishja e rendit dhe qetësisë publike”.
Materialet i kaluan Prokurorisë Durrës, për veprime të mëtejshme.

The post Pushuesi në “Gjirin e Lalzit” hedh flamurin turk në det, policia arreston 48-vjeçarin (VIDEO) appeared first on Albeu.com.

Nga pamjet e siguruara nga Albeu.com, shihet se ka nisur menjëherë ndërhyrja nga ajri për të vënë nën kontroll flakët.

Shtëllunga e tymit është afruar në bregune detit duke shqetësuar edhe pushuesit e shumtë./albeu.com

The post Përfshihet nga flakët mali në Gjirin e Lalzit, nis ndërhyrja nga ajri (VIDEO) appeared first on Albeu.com.

Njoftimi i policisë:

Durrës/Informacion paraprak

Në vijim të informacionit të dhënë më datë 17.08.2021, se te Gjiri i Lalëzit, Durrës, dyshohet se është mbytur duke u larë në det shtetasi A.S., ju informojmë se:

Ditën e sotme rreth orës 08:15, shërbimet e Policisë Kufitare dhe Polumbarët kanë bërë të mundur gjetjen dhe nxjerren nga deti të trupit të pajetë për të cilin dyshohet se është shtetasi A. S., 22 vjeç, banues në Tiranë.

The post U mbyt te Gjiri i Lalzit para dy ditësh, nxirret nga deti trupi i 22-vjeçarit appeared first on Albeu.com.

Nga pamjet shihet se një automjet është përmbysur teksa nuk dihet nëse ka të lënduar.

Video e publikuar nga faqja “Aksidente Rrugore” tregon se automjeti ka dalë nga rruga duke përfunduar në kanal.

Pranë saj ndodhen disa qytetarë, të cilët janë në pritje të policisë.

The post Aksident te Gjiri i Lalëzit, makina përfundon në kanal (VIDEO) appeared first on Albeu.com.

Kjo është e disata herë që vendgrumbullimit të mbetjeve në Gjirin e Lalzit i vihet flaka, në një kohë kur zona është mjaft e populluar në këtë sezon veror.

Situatë problematike me djegien e mbeturinave është krijuar edhe në Plazhin e Spillesë, pasi Bashkia e Kavajës, ka hedhur tonelata mbeturinash në vendgrumbullime të paligjshme ndërsa më pas u ka vënë flakën.

The post I vihet flaka mbetjeve në Gjirin e Lalzit, asnjë zjarrfikëse në vendngjarje appeared first on Albeu.com.

Mëngjesin e sotëm ai ka publikuar një foto, veshur sportiv nga Gjiri i  Lalzit.

Ai po e kalon këtë dielë pranë shtëpisë së tij buzë bregdetit dhe duke bërë ecje.

“Pas një ecje të gjatë buzë detit, ju uroj të gjithëve një të diel të mbarë dhe të gëzuar!”, shkruan Meta karshi fotos.

Kujtojmë se pas nismës së 49 deputetëve për shkarkimin e tij, është ngritur dhe komisioni hetimor.

The post “Pas një ecje të gjatë buzë detit”, Meta e nis të dielën te Gjiri i Lalzit appeared first on Albeu.com.

Në aksident janë përfshirë një makinë tip “Opel Astra” dhe një “Audi”.

Një nga automjetet përfundoi i përmbysur në kanal, ndërsa për fat të mirë nuk ka persona të lënduar. Policia po punon për zbardhjen e plotë të ngjarjes. /albeu.com/

The post Aksident në rrugën e Gjirit të Lalzit, makina përmbyset dhe përfundon në kanal appeared first on Albeu.com.