Gjoni ka mohuar kategorikisht çdo përfshirje në ndonjë situatë me armë, duke sqaruar se ngjarja ka ndodhur jashtë automjetit dhe se nuk ka patur asnjë armë në posedim.

Sipas tij, makina e tij ishte ndjekur që nga fshati Mabë deri në Dajç, dhe të gjitha automjetet e përfshira, si dhe personat në to, janë të identifikueshëm.

Ai ka shtuar se gjithçka lidhet me përpjekjet për të mbrojtur integritetin e votës, duke theksuar se në terren janë organizuar grupe vullnetarësh që po monitorojnë procesin zgjedhor, pas informacioneve të përsëritura për përpjekje për blerje votash.

“Nuk po bëjmë fushatë me akuza, por po mbledhim prova,” u shpreh Gjoni, duke nënvizuar se, si ish-pjesë e sistemit të drejtësisë, ka bindjen se çdo shqetësim duhet hetuar.

Ai i bëri thirrje Prokurorisë dhe SPAK-ut që të ndërhyjnë pa vonesë dhe të hetojnë çdo veprim që cenon zgjedhjet e lira dhe të ndershme.

The post U denoncua nga kryetari i PS në Lezhë, reagon Gjin Gjoni: Nuk kishte armë, thjesht po mbrojmë votën appeared first on Albeu.com.

Gjoni siguroi 604 vota kundrejt kandidatëve, Albert Rrusti i cili mori 312 vota dhe Paulin Marku 131.

Pas fitores, në një prononcim për mediat, ai falënderoi qytetarët e Lezhës që e votëbesuan, ndërsa tha se situata në PD është shumë kritike, por dega e Lezhës i ka objektivat e qarta.

Ndër të tjera ish-gjyqtari u shpreh se do të fillojnë me riorganizimin e PD-së së Leshës dhe përgatitjen për fushatën elektorale për zgjedhjet e vitit të ardhshëm.

“Në radhë të parë doja të falënderoja dy kolegët e mi për garën dinjitoze. Populli i Lezhës arriti të më votëbesojë mua, është përgjegjësi shumë e madhe.

Patjetër që situata politike në të cilën ndodhemi është jashtëzakonisht shumë kritike, por Partia Demokratike Lezhës ka objektiva të qarta.

Të bashkuar, siç jemi sot, do të fillojmë me riorganizimin e partisë dhe përgatitjen për fushatën elektorale të 2025”, tha Gjoni.

The post U zgjodh kryetar i degës së Rithemelimit në Lezhë, Gjin Gjoni: Situata është kritike por Partia Demokratike e Lezhës ka objektiva të qarta appeared first on Albeu.com.