Bleart Tolaj është shndërruar në qendrën e një situate të pazakontë mes Ballkanit dhe Gjilanit. Dy klubet e Superligës së Kosovës e bënë publik zyrtarizimin e anësorit pothuajse në të njëjtën kohë.

Klubi i Ballkanit njoftoi se 26-vjeçari nga Deçani ka rinovuar kontratën me skuadrën e Suharekës edhe për 2 vite të tjera. Ndërkohë, në të njëjtin interval kohor, edhe Gjilani publikoi në rrjetet sociale prezantimin e Bleart Tolajt.

Për momentin, nuk ka ende një qartësi të plotë nëse futbollisti ka zgjatur marrëveshjen me Ballkanin apo ka kaluar te Gjilani. Një episod i tillë mbetet i pazakontë dhe vështirë se kujtohet të ketë ndodhur më parë nga një klub shqiptar.

Sa i përket paraqitjeve në fushë, Tolaj njihet si një lojtar shumë i dobishëm në repartin ofensiv, jo vetëm për finalizimin e aksioneve, por edhe për asistet. Sipas “Transfermarkt”, vlera e tij është 600 mijë euro. Sulmuesi ka fituar edhe titullin kampion në Superligën e Kosovës me Ballkanin, në periudhën kur në stol ishte Ilir Daja.

The post Bleart Tolaj krijon konfuzion mes Ballkanit dhe Gjilanit, anësori zyrtarizohet në të njëjtën kohë nga dy rivalë appeared first on Albeu.com.

Sabit Bilali nuk do të jetë më futbollist i Gjilanit, pasi palët kanë vendosur me marrëveshje të ndërpresin bashkëpunimin. Mesfushori 28-vjeçar mbyll kështu aventurën e tij te skuadra e kuqe e Superligës së Kosovës.

Bilali iu bashkua Gjilanit në korrik të vitit 2024, menjëherë pasi kishte përfunduar eksperiencën me Rabotnickin në Maqedoninë e Veriut. Gjatë karrierës së tij, 28-vjeçari ka luajtur edhe për Partizanin në Superiore, si dhe për Shkëndijën e Tetovës, Shkupin dhe Dinamo Zagreb U19.

Në reagimin e bërë në rrjetet sociale, klubi nga Gjilani shkruan mes të tjerash: “Sport Club Gjilani e falënderon Sabit Bilalin për kontributin e dhënë gjatë kohës së kaluar në klub, duke i uruar shëndet dhe suksese në vazhdimin e karrierës së tij sportive”.

The post Zyrtare/ Gjilani njofton ndarjen me ish-mesfushorin e Partizanit, Sabit Bilali largohet nga klubi i kuq appeared first on Albeu.com.

Pasi mbylli aventurën me skuadrën e kuqe të Superligës së Kosovës, “shkatërruesi” tashmë po kërkon destinacionin e tij të radhës.

Raportimet nga Kosova bëjnë me dije se Tirana ka shfaqur interes për Taipin dhe mes dy palëve kanë nisur bisedimet.

Për 29-vjeçarin ka vëmendje edhe nga klube të tjera në Kosovë, por deri në këto momente pista më konkrete duket se është ajo e “rekordmenëve” të Shqipërisë, Tirana.

The post Tirana hidhet menjëherë në lëvizje, bardheblutë nisin kontaktet për Shqiprim Taipin pas largimit nga Gjilani appeared first on Albeu.com.

Ekipi i Ilir Dajës ka vazhduar me formë të dobët duke shkuar në tri ndeshje pa fitore dhe duke rrezikuar tashmë pozitën e parë nga Llapi.

Pjesa e parë e ndeshjes u karakterizua me lojë më të mirë të vendasve, të cilët krijuan më shumë, por të dy skuadrat arritën të shënojnë nga një herë.

Të parët në epërsi kaluan vendasit duke shënuar me anë të Edvin Kuc (18’) nga distanca për 1-0, por Elvedin Heric (35’) ishte i saktë nga penalltia për 1-1.

Në pjesën e dytë, Ballkani u hodh i gjithi në sulm, por edhe Gjilani rrezikonte kohë pas kohë me anë të kundërsulmeve.

Megjithatë, vendasit patën shanse më të mira dhe në shtesë dy herë u shpëtuan nga portieri Aridon Bllaca për të marrë një pikë të madhe pas barazimit 1-1.

Pas këtij barazimi, Ballkani ka 45 pikë në vendin e parë, dy më shumë se Llapi i dyti me një ndeshje më pak. Gjilani renditet i teti me 22 pikë.

Në ndeshjen e ardhshme, Ballkani udhëton te Dukagjini, ndërsa Gjilani e pret Malishevën.

The post Ballkani vazhdon formën e dobët, ndalet nga Gjilani dhe mund ta humb pozitën e parë appeared first on Albeu.com.

Portieri shtatlartë pësoi një lëndim në ndeshjen e fundit ndaj Prishtinës, e zhvilluar më 16 shkurt, shkruan Gazeta Express.

Pas ekzaminimeve mjekësore është konstatuar se ai ka këputur ligamentin ACL të gjurit të majtë dhe në këtë mënyrë është i detyruar t’i nënshtrohet operacionit.

Klubi gjilanas bëri të ditur se Halimi do të futet në operim ditëve në vijim.

Njoftimi nga SC Gjilani:

“Sport Club Gjilani njofton mbi gjendjen e futbollistit Betim Halimi, i cili u lëndua në duelin e 16 Shkurtit në përballjen kampionale ndaj FC Prishtina.

Pas ekzaminimeve mjekësore është konstatuar se futbollisti ka këputur ligamentin ACL të gjurit të majtë dhe në këtë mënyrë është i detyruar t’i nënshtrohet operacionit.

Futbollisti do të futet në operim gjatë ditëve në vijim dhe më pas do të ndjekë rikuperimin fizioterapeutik. Periudha e kthimit në aktivitet do të vlerësohet pas operimit, teksa do të humbasë të gjitha ndeshjet e mbetura të këtij edicioni.

Të gjithë në SC Gjilani i urojnë shërim të shpejtë Betimi dhe presin më të fortë në fushat e blerta”. /Gazeta Express/

The post Halimi këput ligamentin e gjurit, humb pjesën e mbetur të sezonit appeared first on Albeu.com.

Klubi gjilanas ka njoftuar këtë të hënë për huazimin e tij nga kampionët e Maqedonisë së Veriut, Struga, shkruan Gazeta Express.

25-vjeçari do të jetë pjesë e “Skifterave” deri në fund të sezonit.

Sulmuesi me prejardhje boshnjake, por që ka nënshtetësi gjermane, ka ndërtuar karrierë te disa klube evropiane.

Jarovic e nisi te grupmoshat e Unterrathit, për të vazhduar pastaj edhe tek të rinjtë e Dusseldorfit dhe Domzales, për t’u aktivizuar edhe si profesionist te kjo e fundit.

Ai pastaj vazhdoi karrierën te klubet si NK Dob, Spartak Trnava, SonderjyskE, Zlate Moravce, SKF Sered, NK Radomlje, Petrolul, Sloboda Tuzla e Minaur.

Njoftimi i plotë nga SC Gjilani:

“Sport Club Gjilani dhe FC Struga janë dakorduar për huazimin e futbollistit Senad Jarovic.

Sulmuesi 25 vjeçar do të qëndrojë në skuadër deri në fund të edicionit 23/24 si futbollist i huazuar nga kampionët e Maqedonisë së Veriut.

Jarovic më parë ishte pjesë e shumë klubeve në Evropë, derisa te ‘kuqebardhët’ vjen si vlerë e shtuar për repartin sulmues.

Të gjithë në SC Gjilani i urojnë mirëseardhje Jarovic dhe i dëshirojnë sukses në objektivat që klubi ka vënë para”. /Gazeta Express/

The post Gjilani përforcohet me transferimin e Senad Jarovic appeared first on Albeu.com.

Ka qenë klubi gjilanas që ka zyrtarizua transferimin e malazezit që së fundmi ishte pjesë e UTA Arad në kampionatin rumun. Roganoviç, përveçëse të Laçika luajtur më parë edhe me Titogradi, Cetinje dhe Mladost.

NJOFTIMI I GJILANIT:

Sport Club Gjilani komunikon me kënaqësi angazhimin e futbollistit Margo Roganovic.

Marrëveshja a firmosur është e vlefshme deri në verën e vitit 2025 me mundësi vazhdimi.

27 vjeçari vjen si një vlerë e shtuar për të forcuar edhe më shumë repartin defansiv. Në edicionin e fundit ai ishte pjesë e klubit të njohur rumun Uta Arad.

Të gjithë në SC Gjilani i urojnë mirëseardhje Roganovic dhe i dëshirojnë sukses në objektivat që klubi ka vënë para. /panoramasport/

The post Ish-futbollisti i Laçit firmos me skuadrën e trajnerit vlonjat appeared first on Albeu.com.

Mesfushori ishte pjesë e Lirisë së fundmi, por që u larguar nga ta për t’u bërë pjesë e klubit gjilanas.

Përmes një video në Facebook, Gjilani bëri të ditur se Bunjaku është pjesë e tyre edhe zyrtarisht.

Lojtari ka marrë numrin tetë në fanellë, derisa është një prezantim i bukur nga Gjilani. /Telegrafi/

The post Gjilani prezanton Fatjon Bunjakun appeared first on Albeu.com.

Që prej 15 korrikut, një e mitur nga Gjilani është raportuar si e zhdukur nga familjarët e saj. Vajza e mitur është paraqitur dje në polici dhe ka deklaruar se gjatë kësaj kohe ka qenë duke bashkëjetuar me një burrë të moshës 34-vjeçare.

Para policëve, viktima ka deklaruar se gjatë kohës që ka bashkëjetuar me të, është keqtrajtuar nga i dyshuari. Policia nuk raporton për të arrestuar, ndërsa rasti vazhdon të hetohet.

Raporti i plotë:

BASHKËSI JASHTËMARTESORE ME PERSONIN NËN 16 VJEÇ | Gjilan 15.07.2022 – 14:00. Më 06.08.2022 ankuesja femër kosovare (e mitur) ka raportuar në polici se nga koha e cekur, kur nga familjarët e sajë ishte raportuar si e zhdukur, ka bashkëjetuar me një të dyshuar mashkull kosovar i moshës rreth 34 vjeç. Sipas ankueses në periudhën sa ajo kishte bashkëjetuar me të dyshuarin ai e kishte keqtrajtuar atë. Nuk raportohet për të arrestuar, thuhet në raportin e Policisë./albeu.com

The post U raportua si e zhdukur, e mitura u keqtrajtua nga i dashuri 34-vjeçar nga Gjilani appeared first on Albeu.com.

Ballkani ishte në epërsi 1-0 deri në sekondat e fundit të ndeshjes me golin e Krasniqit të realizuar pas vetëm 30 sekondave lojë, por në fund të sfidës, në skenë doli portieri i Gjilanit i cili shënoi me kokë për 1-1.

Menjëherë pas golit, disa tifozë hynë në fushë dhe me këtë rast ka mbetur i lënduar portieri i Ballkani Stivi Frashëri i cili kishte nevojë për ndihmë mjekësore dhe u largua nga fusha me autoambulancë.

Loja është ndërprerë dhe ende nuk dihet nëse do të vazhdoj.

The post Dramë në fund të ndeshjes Ballkani-Gjilani, tifozët hyjnë në fushë, ndërpritet ndeshja (VIDEO) appeared first on Albeu.com.