Edhe pse të dy janë personazhe mjaft të njohur, ata kanë zgjedhur që jetën private ta mbajnë sa më diskrete, duke mos ndarë shumë detaje me ndjekësit e tyre.

Përveç disa postimeve të rralla në rrjete sociale, dyshja nuk kanë folur hapur për marrëdhënien e tyre.

Megjithatë, së fundmi, Vesa ka vendosur të jetë pak më e hapur në lidhje me romancën që po përjeton me futbollistin e njohur të Kombëtares së Shqipërisë, Mirlind Daku.

Nëpërmjet rubrikës “pyetje-përgjigje” në Instagram, ajo është përballur me një pyetje mjaft interesante nga një ndjekës, i cili e pyeti nëse do të vinte nuse në Tetovë.

Përgjigjja e Vesës ishte e shkurtër, por mjaft domethënëse dhe plot finesë. “Jam nuse në Gjilan”, shkroi ajo, duke iu referuar me krenari vendlindjes së futbollistit.
Ky reagim i saj jo vetëm që konfirmon lidhjen e tyre, por edhe tregon se marrëdhënia mes çiftit është mjaft serioze.

Vesa është një mbështetëse e madhe e Dakut dhe, së fundmi, e ka vizituar atë në Rusi për ta përkrahur nga tribunat e stadiumit të Rubin Kazan, ku ai luan aktualisht.

The post “Jam nuse në Gjilan”, Vesa Vllasaliu bën “lëmsh” rrjetin pas përgjigjes që i dha ndjekësit appeared first on Albeu.com.

Gjersa hetimet kanë hyrë në javën e dytë të tyre, njohës të këtyre çështjeve thonë se Shkodra i takon kategorisë së personave të përgatitur dhe mund të ketë gjetur një strehim në Serbi.

Ata udhëzojnë që Policia e Kosovës të bashkëpunojë me EULEX-in.

Para një jave në Gjilan, ndodhi një vrasje e trefishtë pas të shtënave me armë që dyshohet se erdhën si shkak i fajdeve.

Të dyshuarit kryesorë për këtë rast, Mefail Shkodra dhe djemtë e tij, Engjulli dhe Edonisi nuk kanë arritur të lokalizohen ende nga Policia e Kosovës edhe pse janë në kërkim prej 7 ditësh.

Të dielën, Drejtoria e Policisë në Gjilan ka deklaruar se po punohet intensivisht për kapjen e tyre.

Por, për njohës të çështjeve ku të përfshirë janë persona të kësaj natyre, lokalizimi i tyre s’është i lehtë.

“S’është e lehtë të gjendet persona të tillë sepse pas kryerjes së aktit, ata përgatitin terrenin dhe i shmangen komunikimit, jetojnë në situata tejet sekrete dhe për këtë paraqet vështirësi edhe tek organet e rendit. Me punë operative, me persona të caktuar zyrtar që nuk janë në uniformë punojnë në terren, komunikojnë për të ardhur deri te mundësia e gjetjes nëse janë brenda territorit”, ka thënë për Tv Dukagjinin Emrush Kastrati, ish-gjyqtar.

Me hetimet që po hyjnë në javën e dytë, Kastrati thotë se nuk duhet përjashtuar mundësia që ata të kenë kaluar në Serbi, për ç’ka, Policia e Kosovës, sipas tij, duhet të ndërmarrë veprime shtesë.

“Realisht dhe në formë potenciale ekziston mundësia që për shkak të pozitës gjeografike të Gjilanit dhe pjesës së Serbisë ku jeton komuniteti shqiptar, të njëjtit të kenë kaluar andej mirëpo, në rast se gjinden atje, mundësitë e bashkëpunimit me Serbinë janë të pamundshme sepse Serbia nuk bashkëpunon juridikisht me organet e Kosovës por mund të kryhet përmes EULEX për aq kohë sa ka vullnet edhe Serbia”, shprehet Emrush Kastrati.

Për ish-hetues policorë, kërkimi i ndihmës nga EULEX-i mbetet mundësia e vetme.

“Meqenëse Policia e Kosovës dhe e Serbisë nuk kanë një bashkëpunim direkt dhe ky bashkëpunim bëhet përmes disa strukturave të Policisë së UMNIKU-t apo edhe Policisë së EULEX që të bahet një trysni përmes EULEX ose BE Serbisë, që t’i arrestojë dhe t’i ekstradojë në Kosovë. Përndryshe, mundësitë janë të kufizuara”, ka thënë Hilmi Canolli, ish-hetues në Policinë e Kosovës.

Mefail Shkodra, ishte i dënuar nga Gjykata e Gjilanit për armëmbajtje pa leje, vjedhje të shërbimeve komunale e për shkaktim të rrezikut të përgjithshëm.

Së bashku me djalin e tij, i kërkuar gjithashtu, ishin arrestuar e më pas liruar gjatë vitit të kaluar për veprën penale të fajdes e detyrimit, për shkak se kishin paguar dorëzani.

The post Vrasja e trefishtë në Gjilan/ Ish-hetuesit: Të dyshuarit mund të kenë kaluar në Serbi, t’i kërkohet ndihmë EULEX-it appeared first on Albeu.com.

Në këtë incident, babë e bir Selami dhe Edmond Hasani të njohur në qytet si argjendarë, humbën jetën në një kafene pranë objektit të komunës, ndërsa Abedin Hoxha që kishte mbetur i plagosur vdiq më vonë në spital si pasojë e plagëve.

Autorët e dyshuar, Mefail Shkodra dhe dy djemtë e tij, Edonis dhe Engjull, ndodhen ende në arrati dhe të njëjtit janë shpallur në kërkim nga policia menjëherë pas rastit.

Lidhur me vendndodhjen e tyre policia, ka thënë se ende nuk kanë diçka të re dhe se po punohet intensivisht për lokalizimin e tyre.

“Po punohet intensivishta lidhur me rastin që keni pyet. Në momentin që ka zhvillime të reja që lidhen me këtë rast menjëherë do të ju njoftojmë”, ka deklaruar për Telegrafin, togeri Ismet Hashani nga Policia rajonale e Gjilanit.

Lidhur me rastin e fundit qindra qytetarë protestuan të premten para objektit të gjykatës me pankarta që kërkonin drejtësi dhe zbardhje të rastit. Ndërkohë, zyrtarë të lartë politikë reaguan me shqetësim.

Inspektorati Policor i Kosovës, ka rekomanduar pezullimin e katër zyrtarëve policorë në Gjilan, për të hetuar nëse ka pasur ndonjë neglizhencë ose shkelje të procedurës para apo pas ngjarjes.

Hetimet janë në vazhdim, ndërsa autorët mbeten ende të lirë.

The post Vrasja e trefishtë në Gjilan, autorët ende në arrati appeared first on Albeu.com.

Këta të tre banues në Gjilan, dyshohet për përfshirje në vrasjen e trefishtë që ndodhi në rrugën “Ibrahim Rugova”.

“Bazuar në autorizimin e Prokurorisë Themelore në Gjilan dhe me qëllim të lokalizimit dhe arrestimit të të dyshuarve, kërkojmë bashkëpunim nga qytetarët dhe mediat”, thuhet në njoftimin zyrtar të Policisë së Kosovës.

Policia ka publikuar fotografitë e të dyshuarve dhe kërkon nga qytetarët që, në rast se kanë ndonjë informacion lidhur me vendndodhjen e tij, të lajmërojnë autoritetet menjëherë.

“Lajmroni Policinë e Kosovës në stacionin më të afërt policor apo përmes aplikacionit digjital “Lajmëro Policinë’’, E-mail: info@kosovopolice.com dhe numrat kujdestarë:192; 03850807001. Të dhënat e juaja do të ruhen në konfidencialitet të plotë”, thuhet në njoftim.

Rasti i rëndë i së dielës rezultoi me tre viktima të konfirmuara, babë e bir, Selami Hasani dhe Edmond Hasani, të cilët janë argjendarë të njohur në Gjilan, si edhe Abedin Hoxha, ndërsa të dyshuarit janë ende në arrati. Autoritetet po vazhdojnë hetimet intensive për zbardhjen e plotë të motivit dhe rrethanave të këtij krimi. /Telegrafi

The post Vrasja e trefishtë në Gjilan/ Shpallet në kërkim Mefali Shkodra dhe 2 djemtë e tij appeared first on Albeu.com.

Përmes një njoftimi zyrtar, Policia ka bërë me dije se lidhur me tragjedinë ku mbetën viktima shtetasit: Selami Hasani, Abedin Hoxha dhe Edmond Hasani si dhe të plagosur, Naim dhe Bujar Hoxha, janë shpallur në kërkim tre shtetasit e familjes Shkodra.

Konkretisht Mefail Shkodra dhe dy djemtë e tij, Edonis Shkodra dhe Engjull Shkodra të cilët akuzohen për veprën penale “vrasje e rëndë”.

“Policia e Kosovës, Drejtoria Rajonale e Policisë në Gjilan, bazuar në autorizimin e Prokurorisë Themelore në Gjilan, me qëllim lokalizimin dhe arrestimin e të dyshuarve, lëshon këtë kërkesë për bashkëpunim me qytetarët dhe mediat.

Policia e Kosovës, Drejtoria Rajonale në Gjilan, kërkon nga qytetarët dhe mediat që kushdo që ka informacion për vendndodhjen e personave në fotot e bashkëngjitura, të lajmërojë Policinë e Kosovës në stacionin më të afërt policor apo përmes aplikacionit digjital “Lajmëro Policinë”, E-mail: info@kosovopolice.com dhe numrat kujdestarë 038 504 504 7299 dhe 038 504 504 7201. Të dhënat tuaja do të ruhen në konfidencialitet të plotë”, thuhet në njoftimin e Policisë së Kosovës.

Mefail Shkodra, ashtu sikurse raportuam dhe më herët ishte një emër i njohur për drejtësinë kosovare pasi më herët ka qenë i dënuar për fajde.

Në rrjetet e tij sociale, ku shtetas nuk ngurronte të tregonte jetën e tij luksoze si dhe takimet me politikanë të ndryshëm të Kosovës. Përpos fotove të cilat tregojnë jetën e tij luksoze dhe makinat e luksit, ai shfaqet edhe krah politikanëve të lartë në Kosovë, përfshirë Albin Kurtin, Vjosa Osmanin, ministrin e Brendshëm Xhelal Sveçlën, kryetarin e Prishtinës, Përparim Rama apo dhe me Ramush Haradinajn.

Madje, në albumin e fotove ai mban dhe një status i cili shkruan:” “nëse ndalesh sa herë që një qen leh, nuk ke për ta mbaruar kurrë rrugën tënde”.

Sakaq kujtojmë se Shkodra, së bashku me të birin, u arrestuan në qershor të vitit të kaluar pasi akuzoheshin se jepnin para me fajde dhe më pas i kërcënonin dhe i shantazhonin personat të cilëve u jepnin shumën momentare.

“Personat e arrestuar dyshohet se në këtë rast kanë ushtruar presion dhe kërcënime ndaj viktimës me qellim të marrjes së interesit nga veprimtaria e fajdes dhe si rezultat i veprimeve të kundërligjshme personat e dyshuar i kanë shkaktuar dëme materiale viktimës në vlerën mbi 600.000 euro“, thuhej në njoftimin e 21.06.2024 të Policisë së Kosovës.

Zija “pllakos” dy familjet, rëndohet bilanci i viktimave në Gjilan! Babë e bir humbin jetën, në luftë me vdekjen edhe i dhëndri; Autori fotografohej krah Kurtit dhe Vjosa Osmanit

Ata u liruan në tetor të 2024, por mesa duket nga informacionet e deritanishme ai nuk e ka lënë “huqin” e vjetër dhe dyshohet se shkak i tragjedisë këtë 10 gusht të jenë bërë paratë me fajde.

The post Vrau sot me të bijtë tre persona, kush është Mefali Shkodra, kosovari që reklamonte jetën e luksit dhe “miku” i politikanëve appeared first on Albeu.com.

Burime të KosovaPress brenda policisë në Gjilan kanë njoftuar edhe për vdekjen e një personi tjetër ndërkohë.

Më herët u njoftua për dy të vrarë dhe dy të plagosur në incidentin e rëndë sot në Gjilan.

Sulmuesi aktualisht ndodhet në arrati dhe është në kërkim nga Policia.

The post Rasti i rëndë në Gjilan, thellohet bilanci tragjik, arrin në tre numri i viktimave appeared first on Albeu.com.

Në fjalën e tij, presidenti Begaj, vlerësoi këtë titull jo vetëm si një nderim personal, por si një përgjegjësi për të mbështetur arsimin e lartë dhe për të investuar në brezat e rinj.

“Ne duhet të rrisim një brez të ditur, me moral, me ndjenjën e përkatësisë, përgjegjësisë dhe interesit kombëtar”, u shpreh ai.

Duke analizuar sfidat e arsimit të lartë, kreu i shtetit theksoi se vendet tona kanë nevojë për profesionistë të aftë dhe me integritet. “Nuk mjafton të kemi më shumë universitete dhe diploma. Na duhen më shumë shkencëtarë, sipërmarrës, mendimtarë dhe udhëheqës të përgjegjshëm që mendojnë për gjeneratën tjetër”, deklaroi ai.

Në një botë që po transformohet me shpejtësi nga teknologjia dhe inteligjenca artificiale, presidenti bëri thirrje për përgatitjen e një shoqërie konkurrente dhe përfshirjen aktive të Shqipërisë dhe Kosovës në krijimin e dijeve, jo vetëm në konsumimin e tyre. “Teknologjia sot është një filtër që ndan kombet: në ato që udhëheqin dhe ato që ndjekin. Ne duhet të jemi kontribuues aktivë”, u shpreh ai.

Presidenti theksoi gjithashtu se suksesi i shqiptarëve në fusha të ndryshme si mjekësia, shkenca, arti apo diplomacia është rezultat i investimit të tyre në dije dhe vlera, duke theksuar se çdo brez që ka ecur përpara, e ka bërë përmes dijes, jo fatit.

Ai bëri apel për krijimin e kushteve që këto mendje të ndritura të kontribuojnë në vend: “Një komb që ka një rini të shkolluar, është një komb që nuk mund të ndalet. Një komb që investon te rinia, ecën i sigurt drejt së ardhmes.”

Pas ceremonisë, presidenti Begaj, së bashku me drejtuesit e Universitetit “Kadri Zeka”, mbolli një pemë në oborrin e rektoratit, si simbol i rritjes dhe së ardhmes. Më pas, vizitoi edhe shtëpinë muze të heroit kombëtar Rexhep Mala.

The post Presidenti Begaj nderohet me titullin “Doctor Honoris Causa” në Universitetin “Kadri Zeka” të Gjilanit appeared first on Albeu.com.

Gjatë fjalës së tij përshëndetëse, Presidenti Begaj shprehu mirënjohjen për këtë nderim, duke theksuar se e pranon me përulësi titullin si një shprehje e lidhjes së ngushtë mes shqiptarëve në të gjitha trojet. Ai vlerësoi Gjilanin si një qytet me traditë, histori, sakrificë dhe qëndresë.

“Ky titull u përket të gjithë shqiptarëve që në momentet më të vështira të historisë së Kosovës qëndruan pranë dhe krah jush, si pjesë e pandashme e një trungu të përbashkët,” tha Presidenti Begaj.

Ai kujtoi me respekt figurat historike të Gjilanit, si Idriz Seferi, Kadri Zeka, Rexhep Mala, Nuhi Berisha, Agim Ramadani dhe Rrahim Beqiri, duke theksuar se kontributi i tyre për lirinë është i gjallë në vetëdijen e brezave të rinj.

Duke folur për të ardhmen, Presidenti u shpreh se Shqipëria ka qenë dhe do të mbetet gjithmonë pranë Kosovës, jo vetëm në kohë të vështira, por edhe në paqe, në rrugën e përbashkët drejt integrimit evropian.

“Paqja kërkon mendje të mençura, vizion të qartë dhe guxim për të ndërtuar një të ardhme më të begatë për kombin tonë. Dy shtete, një komb, një gjuhë, një gjak – kjo është ADN-ja jonë,” deklaroi ai.

Presidenti theksoi rëndësinë e bashkëpunimit konkret ndërshqiptar në ekonomi, arsim, diplomaci dhe në krijimin e një tregu të përbashkët. Sipas tij, kjo është një mundësi historike që duhet kthyer në zhvillim të prekshëm për qytetarët në të dy anët e kufirit.

Gjatë vizitës në Gjilan, Presidenti zhvilloi takime me drejtuesit lokalë dhe përfaqësues të forcave politike në Asamblenë Komunale. Ai kreu gjithashtu homazhe dhe mbajti një minutë heshtje në Varrezat e Dëshmorëve, së bashku me familjarë dhe përfaqësues të shoqatave të të rënëve për liri.

The post Presidenti Bajram Begaj shpallet “Qytetar Nderi” i Gjilanit appeared first on Albeu.com.

Në axhendën e presidentit, bëhet e ditur se pas takimit me kryetarin Hyseni nga ora 13:20, Begaj do të takohet edhe me shefat e grupeve parlamentare nga ora 13:45.

Gjithashtu, Begaj do të nderohet edhe me titullin “Qytetar Nderi” i komunës së Gjilanit.

Ndërsa nga ora 20:00 deri në orën 21:00, Begaj do të bashkëbisedojë me bashkëbisedoj me personalitete të qytetit të Gjilanit, duke përfshirë të dënuar politikë, përfaqësues të shoqatave të dala nga lufta, shkrimtarë dhe artistë.

The post Presidenti Begaj viziton sot Kosovën, pritet të shpallet qytetar nderi në Gjilan appeared first on Albeu.com.

Këtë të premte rreth orës 10:00, një 23 vjeçare ka vdekur si pasojë e një vetaksidenti në fshatin Domoroc të komunës së Ranillugut.

Edhe dy pasagjere janë lënduar, derisa janë dërguar për trajtim në Emergjencën e Spitalit në Gjilan.

Aksidentin e ka konfirmuar zëdhënësi i policisë për rajonin e Gjilanit, Ismet Hashani.

“Ju informojmë se rreth orës 10:00 në aksin rrugor të fshatit Domoroc-Hodonoc (Komuna Ranillug) ka ndodhur një vet-aksident trafiku me fatalitet. Në këtë vet aksident ka qenë e involvuar vetura Golf VII me targa 06, ku drejtuesja shtetase e Kosovës (2002) si pasojë lëndimeve ka ndërruar jetë , ndërsa dy pasagjere (të gjinisë femërore) kanë pësuar lëndime dhe janë transportuar në emergjencën e spitalit në Gjilan”.

“Policia e Kosovës njësitet e trafikut rajonal me urgjencë kanë dalë më vendin e ngjarjes dhe në koordinim me prokurorin e shtetit janë duke i hetuar rrethanat se si ka ndodhë ky vet aksident i rëndë që na ka tronditë të gjithëve”, tha Hashani.

The post Aksident i rëndë në Kosovë, humb jetën 23 vjeçarja appeared first on Albeu.com.