Ai theksoi se ky ligj është i nevojshëm të ndërtohet me transparencë, si edhe që të krijoj një balancë mes partive.

Sipas tij, nuk duhet të lejojnë që të bëhet barrë për partitë e vogla, por gjithashtu shtoi se duhet të parandalojnë edhe financimet e paligjshme nga krimi apo nga ndikimet e huaja.

“Ndërtimi i një ligji me parametrat që kërkon koha është objektiv i rëndësishëm i joni. Çështje e rëndësishme por kemi masa pak më të mëdha politike se përmirëson një gjë që i shërben të gjitha partive politike. Ligji nuk do të udhehiqet nga parimi që njëra forcë të dominojë tjetrën, do të jetë proporcional, me standardet më të mira por edhe duke marrë parasysh edhe jetën shoqërore dhe traditën e shoqërisë.

Duke mos u kthyer një barrë e rëndë për partitë e vogla politike që mbase mund ta kenë më të vështirë nga kërkesat që mund të bëhen nga ky ligj. Duhet të gjejmë jë balanca që tregon transparencë, kontroll, autditim të pavarur dhe të parandalojmë fenomene që janë ndikime të paligjshme si financimet nga burime të papranueshme, qoftë nga bota kriminael e interesa biznesi të lidhura me pushteti apo fuqi të huaja”, tha ai.

The post Tryeza për Reformën Zgjedhore, Gjiknuri: Të mos bëhet barrë për partitë e vogla, të parandalojmë financimet nga krimi apo ndikimet e huaja appeared first on Albeu.com.

Ata janë pritur në Departamentin e Shtetit nga zëvendësndihmëssekretari Amerikan Alexander Kasanof, përgjegjës për zyrën e Evropës dhe çështjet e Euroazisë, ndërsa ishin nën shoqërinë edhe të ambasadorit të vendit tonë në SHBA, Ervin Bushati.

The post Gjiknuri në Departamentin e Shtetit në Uashington: SHBA, nxitësja e procesit të integrimit të Shqipërisë në BE appeared first on Albeu.com.

“Teksa analizoja siç e përmenda më lart, progresin e rritjes së ekonomisë së vendit, rritjes së Buxhetit të Shtetit dhe uljen e borxhit publik në kufijtë nën 57% të PBB , nuk kam pse të mos mendoj që ka hapësirë buxhetore për të bërë diçka më shumë në mandatin tjetër”, u shpreh Gjiknuri.

“Shteti është si një familje madhe”, vijoi ai, “dhe ashtu si në një familje kur mund të kesh në ngarkim edhe shumë anëtarë që nuk janë në gjendje të punojnë, çdo kryefamiljar i përgjegjshëm heq diçka nga vetja, shkurton ndonjë investim apo dhe merr diku borxh për të plotësuar nevojat më imediate të familjareve që nuk janë në gjendje”.

“Në kohën ku morëm qeverisjen dhe më kujtohet dhe nga puna si ish minister, na dukej si ëndërr që Borxhi Publik të arrinte në këto parametra që është sot, pasi në disa raste ai shkoi dhe 72 % PBB.

Duke thënë këtë, mendoj që në të ardhmen të shikohet kjo hapësire fiskale e kombinuar dhe heqjen e ndonjë investimi që nuk është aq prioritar me qellim adresimin e rritjes reale të pensioneve minimale.

Mendoj që si parti e majtë e kemi këtë detyrim njerëzor ndaj brezave para-ardhës të cilët me punën e tyre kanë kredituar dhe një pjesë të asaj çka gëzojmë ne sot. Një injektim i tillë buxhetor nuk duhet të na shqetësoje pasi është kontribut direkt në konsum dhe ekonomi”, theksoi Gjiknuri.

The post Buxheti 2025/ Gjiknuri: Të rrisim pensionet duke rritur pak borxhin publik, kur morëm qeverisjen na dukej ëndërr ta ulnim borxhin sa është sot appeared first on Albeu.com.

Ai tha se nuk ka asnjë vend ku lejohen koalicionet sikundër ishte në Shqipëri, lokomotiva me vagona nga pas, kjo është çështjes e mbyllur.

“Koalicionet lejohen, tani që janë edhe listat e hapura mund të aplikohet, brenda atij formati. Çështja e koalicioneve sikundër ka qenë është e mbyllur, nuk kthehemi mbrapa”, tha Gjiknuri.

Lidhur me votimin elektronik, ai tha se mund të aplikohet në 5 qarqe, por edhe kjo ka një afat kohor, sepse duhet që të merren masat. “Nëse nuk realizohet, atëherë kemi letrën. Ne jemi të hapur edhe për votimin elektronik, mund ta aplikojmë në 5 qarqet kryesore”, tha ai.

The post A do lejohen koalicionet parazgjedhore në 2025? Përgjigjet Damian Gjiknuri appeared first on Albeu.com.

Gjiknuri tha se ka ardhur koha për stabilitet në Himarë, e ndërsa thekson se s’ka përse të trajtohet si mollë sherri.

“Qytetarët e Himarës do e thonë fjalën e tyre, PS do garojë fort dhe pse jo do t’i fitojë zgjedhjet. Interesat kanë qenë të larta dhe të politikës ndërkombëtare dhe zgjedhjet lokale u kthyen në mollë sherri politik.

Përfundimi i garës do japë stabilitet në administrimin e bashkisë, s’ka pse të trajtohet Himara si mollë sherri politik. Qytetarëve të Himarës u intereson siguria e pronës, të zgjidhen konfliktet e pronës”, tha Gjiknuri.

The post Zgjedhjet në Himarë, Gjiknuri del me reagimin e fortë: Kjo është kthyer në mollë sherri! appeared first on Albeu.com.

Gjiknuri deklaroi se vota e diasporës mbetet ne diskrecionin e opozitës pasi PS nuk i ka votat në Parlament për ta votuar e vetme propozimin që kanë bërë.

Ndërsa aktivisti Haçkaj, e quajti të papranueshme qetësinë me të cilën Gjiknuri e shpjegon procedurën, ndërkohë që tha se zgjedhjet do të jetë anti-kushtetuese pa votën e diasporës, pas vendimit të Gjykatës Kushtetuese, e cila i ka lënë detyrë Kuvendit për plotësimin e legjislacionit, në mënyrë që diaspora të votojë.

Debati:

Damian Gjiknuri: E kam thënë që vota e emigrantëve u përfshi që në vitin 2021 në Kodin Zgjedhor, pavarësisht se KQZ nuk arriti dot të nxjerrë aktet nën ligjore dhe për këtë arsye GJK arsyetoi që Kuvendi duhet të plotësojë disa boshllëqe ligjore, siç ishte edhe detyrimi për t’i vënë një afat të caktuar KQZ-së për miratimin e akteve nën ligjore. Ky proces ka vite që diskutohet edhe brenda nesh edhe në Komisionin e Reformës Zgjedhore. Piketat kryesore janë arritur. Nëse do të kemi një miratim të ndryshimit të Kodit Zgjedhor, besoj se brenda korrikut duhet ta bëjmë këtë sepse nuk ka kohë, që të adresojmë disa nga boshllëqet që ka vërejtur GJK dhe duke marr parasysh edhe disa nga shqetësimet e organizatave të diasporës.

Ylli Rakipi: Të ndalemi konkretisht, mundet diaspora në vitin 2025 të votojë?

Damian Gjiknuri: Ndryshimet themelore, janë që vota e diasporës të llogaritet në nivel qarku. Pra një qytetar që adresën e fundit e ka patur në Durrës dhe tashmë jeton në një shtet europian, vota e tij do të llogaritet në qarkun ku ka patur rezidencën e fundit. Ai do të regjistrohet duke aplikuar në KQZ. Do të ketë një periudhë kohore që qytetarët që duan të regjistrohen si pjesëmarrës në votime jashtë vendit, duhet të paraqesin në KQZ dhe aplikimi do të shkojë edhe në zyrën e Gjendjes Civile, për t’u hequr nga lista në Shqipëri. Pra nuk ndryshon asgjë, veç parimit të votës në distancë.

Florian Haçkaj: Nëse këto tre pikat e fundit janë të dakordësuar, ne nuk do mbetemi te fjalët, duhet që komisioni i dialogut t’i hedhë në letër dhe të thuhet nga 10 pika, tre janë dakordësuar. Sot jemi 167 ditë në shkelje të afatit të GJK ndaj Kuvendit dhe nuk është kaq e thjeshtë sa thotë zoti Gjiknuri, që do ta bëjmë deri nga korriku. Kjo do rregull dhe data të caktuara. Përndryshe nuk ka për t’u bërë. Nuk e di kur do të mblidhet Komisioni i Dialogut.

Damian Gjiknuri: Kemi mbledhje. Kodi Zgjedhor kërkon konsensus. Opozita aty mund të kërkojë shumë gjëra, siç janë edhe kthimi i marrëveshjes së 5 Qershorit, koalicionet dhe histori të tjera si këto. Ne kemi detyrim që për dy vendime të GJK, që janë më deçizive, gjithcka tjetër është në diskrecion të politikës, por dy duhen zbatuar, rregullimet ligjore që mundësojnë votën e diasporës dhe e dyta, formula që ka të bëjë me shpërndarjen e mandateve, pra herësi. Nëse opozita nuk pranon, nuk do marrëveshje me mazhorancës dhe nuk sigurojmë 84 vota, nuk kemi çfarë të bëjmë. Do të bëjmë çdo përpjekje dhe për votën e diasporës të paktën mendoj se kemi gjetur mirëkuptim për këto tre-katër elementë që unë thashë.

Florian Haçkaj: Qetësia me të cilën ju flisni, është për t’u marrë shembull nëse do të kishim kohë përpara. Sesionit parlamentar i vjen fundi për 2-3 javë. Nuk e kuptoj si është lënë një vendimi i GJK deri në fund.

Damian Gjiknuri: Nuk ka patur konsensus, çfarë do të bëjmë? Sa vendime mbeten pa zbatuar, kur nuk ka konsensus, nuk kemi cfarë të bëjmë.

Florian Haçkaj: Nuk është aq kollaj sepse ky është vendim i GJK dhe i bën anti-kushtetuese zgjedhjet pa këtë votë.

Damian Gjiknuri: Ua kam thënë që nuk i bën të pavlefshme zgjedhjet kjo. E dyta, po të ishte ashtu, do të kishte bërë të pavlefshme edhe zgjedhjet e kaluara, sepse vajti në GJK.

Florian Haçkaj: Nuk është prapaveprues vendimi i GJK. Mbani përgjegjësi publike, politike, deri në Strasburg, nëse nuk e plotësoni këtë vendim të GJK. Kështu si e keni marrë me kaq qetësi, hajd se po nuk u zbatua edhe këtë here nuk ka asgjë, është turp për faqe të zezë, nuk e di si ua lejon ndërgjegja edhe si jurist.

Damian Gjiknuri: Nuk ka lidhje ndërgjegja edhe me pjesën juridike. Ka edhe vende që nuk e aplikojnë fare votën e diasporës. Unë jam pro kësaj por ka njerëz dhe shtete evropiane që nuk e zbatojnë.

Florian Haçkaj: Në Evropë vetëm Mali i Zi nuk e ka votën e diasporës.

The post Aktivisti përplaset me Gjiknurin: Zgjedhjet janë anti-kushtetuese pa votën e diasporës appeared first on Albeu.com.

News 24 ka zbardhur dëshminë e ish ministrit Gjiknuri, që ka dhënë disa muaj më parë në kuadër të hetimit ndaj ish-zv.Kryeministrit Arben Ahmetaj, pasi rezultoi në udhëtime me bosët e inceneratorëve.

Në lidhje me një udhëtim në Vjenë ku rezultoi se Klodian Zoto kishte prenotuar dhomën e hotelit në emër të Gjiknurit, ish-ministri thotë se shpenzimet janë paguar nga Ministria.

“Kemi qenë në një delegacion për negociatat e CEZ, ishin në Arbitrazh, për zgjidhje me pajtim. Unë në Vjenë kam qëndruar në hotel Ambasador, një natë bashkë me pjesëtarë të tjerë të delegacionit, kurse Arben Ahmetaj ndjenjti në një hotel tjetër. Arben Ahmetaj më ka thënë nëse desha dhe unë të vija te hoteli ku qëndronte ai, konkretisht të hotel Radisson, pasi ishte më një shok. Unë nuk pranova pasi ndërkohë e kisha dhomën të prenotuar tek hoteli që thashë më lart. Në darkë jemi takuar, kemi dalë dhe kemi pirë ndonjë gotë. Kemi qenë unë, Arben Ahmetaj dhe Mirel Mërtiri dhe një i huaj”, është shprehur ish-ministri Gjiknuri.

Ish-ministri thotë faktin që Klodian Zoto kishte prenotuar në emër të tij e mësoi nga mediat, por ka dyshime se këtë ia ka kërkuar Arben Ahmetaj.

“Më vonë kam mësuar nga të dhënat që janë bërë publike se qenka bërë booking në emrin tim nga Klodian Zoto në hotel Radisson Blue, por ju sqaroj dhe njëherë se Klodian Zoto nuk ka folur me mua ndonjëherë për këtë udhëtim dhe besoj se do ta ketë marrë vesh nga Arben Ahmetaj, i cili ka thënë që të më rezervonte një dhomë mua. Në këto data për të cilat po pyetem, mesa mbaj mend, Arbeni ka fjetur te Radisson, madje më ka thënë që kishte bërë gati një dhomë edhe për mua, ndërsa unë kam fjetur në një hotel tjetër me delegacionin, hotel Ambasador. Për këtë gjë Ministria disponon edhe dokumentacionin përkatës”, ka thënë ai.

Në lidhje me një udhëtim të shkurtit 2014, Gjiknuri thotë se pagesat janë kryer nga ministria që drejtonte Ahmetaj dhe nuk ka dijeni në lidhje me detajet.

“Dua të shpjegoj edhe udhëtimin që kam bërë me Arben Ahmetaj dhe Etien Xhafa në shkurt të 2014. Në datën 8 shkurt 2014 kemi mbërritur në Frankfurt për tu akomoduar një natë në hotel Marriot dhe të nesërmen kemi udhëtuar drejt Amerikës. Duke se ky rast është bërë public në media, unë jam interesuar pranë Ministrisë për të administruar praktikën e udhëtimit. Në praktikën që gjeta, citohej se të gjitha shpenzimet mbuloheshin nga mInistria e Ekonomisë, ku ministër ishte Ahmetaj. Pra ditën që unë kam fjetur në këtë hotel, nuk kam patur informacion se nga kush është bërë pagesa. Ka qenë dhe kolegu im Ahmetaj, i cili në dijeni timë kishte miqësi me Klodian Zoton e Klodian (Mirel) Mërtirin. Dua të sqaroj se unë nuk kam organizuar asnjëherë udhëtim me Mirel Mërtirin dhe Klodian Zoton, por mund të ketë ndodhur që kemi udhëtuar të të njëjtën linjë, por nuk ka qenë e planifikuar dhe nuk ka patur lidhje udhëtimi i tyre me mua”.

SPAK e ka marrë të pandehur ish zv.kryeministrin Ahmetaj për disa akuza si korrupsion, pastrim parash e fshehje pasurie.

The post Hetimet ndaj Ahmetajt nga SPAK, zbardhet dëshmia e Gjiknurit: Zoto ka paguar në emrin tim hotelin pa më pyetur unë… appeared first on Albeu.com.

Megjithatë, këtë të martë në Grupin Politik, PS-ja dhe demokratët e Rithemelimit, u dakordësuan që të nisin të diskutojnë më konkretisht dhe do të jetë kryekomisionieri Celibashi që të mërkurën, do t’i japë deputetëve panoramën e qartë se çfarë hapash mund të ndërmerren që emigrantët në 2025 të mund të hedhin votën e tyre.

“Vota e diasporës është në Kodin Zgjedhor. Është për t’u diskutuar si të materializojmë më mirë interpretimin që ka bërë Gjykata Kushtetuese. Sot në tavolinë kemi zgjidhje konkrete për votën e diasporës. Ka një përpjekje për ta mundësuar por duhen 84 vota”, u shpreh Gjiknuri.

Por mjetet e propozuara prej maxhorancës nuk pranohen prej grupit më të madh të deputetëve të opozitës.

“PS ngul këmbë që duhet të kalojë në filtrat politikë të shtetit dhe të ministrisë së Brendshme, në mënyrë që të vendosin kush voton e kush jo. Kjo është e papranueshme”, tha Bylykbashi.

Vota e emigrantëve është në propozimet e të dyja palëve, me riskun që edhe mund të mos gjendet konsensusi.

“Prisni deri në fund dhe e shikoni kush do të ketë fajin, nëse nuk do e bëjmë”, tha Gjiknuri.

Partia Demokratike e grupit të Rithemelimit e ka propozuar votën e diasporës, por për të, prioritet mbetet heqja e koalicioneve.

The post “Vota e emigrantëve”, nisin bisedimet/ Gjiknuri: Kemi zgjidhje konkrete. Por Foltorja refuzon appeared first on Albeu.com.

Nga ana e tij, Gjiknuri u shpreh se është Foltorja ajo që nuk do një Kod Zgjedhor: “Ju nuk doni Kod Zgjedhor. Mos bërtit më”, tha Gjiknuri.

Më herët, deputetët e krahut të ish-kryeministrit Sali Berisha tentuan të hyjnë me forcë në sallë.

Garda e Republikës ishte vendosur në kryesinë e Kuvendit, ndërsa nuk lejoi që deputetët “rrëmujaxhinj” të krahut të Berishës të hyjnë në ambientet ku mbahet mbledhja

The post Komisioni për Reformën Zgjedhore, mos bërtit, Damian Gjiknuri përplaset me Flamur Nokën appeared first on Albeu.com.

Berisha tha se Damian Gjiknuri u flak me këshillën për t’u arratisur, ashtu sic u veprua me Arben Ahmetajn.

Sipas Berishes, “ajo çka mund të thuhet me siguri nga ky zhvillim 50-minutësh është se djegësat po përzhitin, po përcëllojnë me flakët e tyre, ndonëse nuk janë ndërtuar, mazhorancën mafioze të Edi Ramës”.

“Ajo dosje që rëndom quhet dosja Ahmeti, në cdo rresht, në cdo fjalë ajo është dosja Rama, dosja Agaci, dosja viktima e fundit Damiani, i cili u flak sot si Arben Ahmetaj, natyrisht me këshillën për t’u arratisur. Dosja dhe flakët e saj kanë përcëlluar ministra dhe deputetë. Ndaj dhe lokali i bukur i pronarit të vet u shndërrua në një shpellë mafie për një orë. Nuk kam asgjë me lokalin, por dyert e mbyllura ishin fytyra e vërtetë e mafies shtetërore. Asambleja e mafies shtetërorë më të rrezikshme në Evrope u mblodh pas turpit të arratisjes së shekullit, të numrit dy të qeverisë.

Ai u arratis me porosi të Ramës pasi dekonspiroi kërkesën për arrest që do tja adresonin parlamentit. Në këtë kontekst dyert e mbyllura janë akt akuzë në vetëvete. Janë dëshmi e fajësisë të kupolës së plehrave. Dosja po shpërben këtë mazhorancë mafiozë, këtë kupolë mafioze. Rama është i gatshëm të shesë secilin prej tyre për të shpëtuar lëkurën e tij, por vetë është i pashpresë”, u shpreh ish kryeministri.

Gjithashtu Berisha tha se Gjiknuri është në hetim ndërkombëtar për aferën McGonigal.

“Gjiknuri është një kufomë politike e pakallur me dy hetime të tmerrshme, një kombëtar dhe një ndërkombëtar.

Është në hetim kombëtar për aferën e inceneratorëve, por në një vepër penale bashkautor me Edi Ramën dhe shpejt do e sjellin këtu, Gjiknuri është në hetim ndërkombëtar për aferën McGonigal, dhe Edi Rama kujton se do e kalojë Lanën duke hedhur Gjiknurin. Jo, do bjerë vetë. Çështja McGonigal i rri si shpatë Damokleu. Asambleja më shumë foli me dyert e mbyllura të saj.

Të dashur qytetarë dhe qytetare. U mblodhën si në bodrum se kanë frikë dhe tmerr nga ju. Jo vetëm ju, por edhe anëtarësia e PS. Nuk ndjejnë asnjë detyrim ndaj saj. Tani me moton erdhëm, vodhëm, ikim, ata nuk pyesin për asnjë njeri.

Ndaj dhe ka vetëm një zgjidhje dhe kjo zgjidhje është në duart tuaja. Kjo zgjidhje nuk është në duart e askujt tjetër përveç njerëzve të lirë, njerëzve idealistë që vendosin të përballen dhëmbë për dhëmbë me këtë mafie të rrezikshme dhe t’i japin përgjigjen që meriton.

Unë kam besim se së shpejti, shqiptarët do flasin me zërin e tyre”, tha Berisha.

The post “Gjiknuri u flak sot me këshillën për t’u arratisur”, Berisha: Është nën hetim ndërkombëtar për aferën McGonigal appeared first on Albeu.com.