Sipas informacionit të bërë të ditur nga SPB – Veles, ngjarja është raportuar sot në mëngjes, në orën tetë, në DPB – Negotinë. Në autostradën Demir Kapi – Gjevgjeli, pas tunelit T-2, P.Z., 58 vjeç nga Republika e Serbisë, teksa drejtonte një kamion të tipit “Mercedes” me rimorkio dhe me targa të Serbisë, ka humbur kontrollin, ndërsa rimorkioja është përmbysur në rrugë.

Nga autoritetet bëhet e ditur se aksidenti ka shkaktuar vetëm dëm material. Po ashtu, ata njoftuan se në vendin e ngjarjes ka dalë një ekip inspektimi nga DPB – Negotinë, i cili ka kryer inspektimin përkatës.

Gjatë kohës së inspektimit, qarkullimi është zhvilluar vetëm në një korsi, ndërsa trafiku është normalizuar në orën 10:50.

The post Kamion me rimorkio del nga kontrolli dhe përmbyset në autostradën për në Gjevgjeli appeared first on Albeu.com.

Sipas të dhënave për paqëndrueshmërinë atmosferike, kjo situatë është regjistruar në orën 17:10, ndërsa stuhia më pas ka vazhduar lëvizjen gradualisht drejt pjesës juglindore të vendit.

Ndërkohë, reshje shiu të shoqëruara me bubullima dhe erë janë regjistruar edhe në hapësirën mes Negotinës dhe Demir Kapisë.

DPHM bën të ditur se moti i paqëndrueshëm vazhdon të ndikojë në zonat qendrore dhe verilindore të vendit, ndërsa kushtet atmosferike mbeten nën vëzhgim.

The post Stuhi me shi të dendur, bubullima dhe breshër përfshin Shtipin, Gjevgjelinë, Negotinën dhe Demir Kapinë appeared first on Albeu.com.