Futbollisti është zyrtarizuar te Germania Halberstadt, skuadër që militon në ligën e pestë gjermane. Kjo nuk është hera e parë e tij me këtë ekip, pasi ai ka qenë pjesë e tij edhe në periudhën 2017-2018.

Pas asaj eksperience, Doçi u aktivizua me ekipe si Magdeburg dhe formacionet e të rinjve të Wolfsburgut. Në vitin 2024 ai iu bashkua Dinamos si një lojtar me perspektivë, por nuk arriti asnjëherë të kishte hapësirat e nevojshme për të shfaqur cilësitë e tij.

NJOFTIMI I KLUBIT Halberstadt

The post Pas largimit nga Dinamo, Adrian Doçi rikthehet në Gjermani dhe firmos në kategorinë e pestë appeared first on Albeu.com.

Ky program profesional i avancuar synon përgatitjen e oficerëve në forcimin e shkathtësive për planifikim operacional, vendimmarrje dhe drejtim të operacioneve ushtarake në rrethana komplekse dhe shumëkombëshe. Kryerja me sukses e këtij kolegji vlerësohet si një arritje e rëndësishme profesionale dhe si një hap domethënës në zhvillimin e karrierës ushtarake, si dhe në marrjen e përgjegjësive të reja udhëheqëse.

Gjatë ndjekjes së programit, majorja Budeci u veçua jo vetëm për arritjet e saj të larta në mësime, por edhe për disiplinën, profesionalizmin dhe përkushtimin që tregoi. Në shenjë vlerësimi për performancën e saj, ajo u zgjodh të shërbejë si lidere grupi, duke dëshmuar aftësi të theksuara në lidership, koordinim dhe bashkëpunim në një mjedis akademik dhe ushtarak shumëkombësh.

Kjo arritje përbën një sukses të rëndësishëm për oficerët e FSK-së dhe dëshmon angazhimin e vazhdueshëm për ngritje profesionale, zhvillim të kapaciteteve drejtuese dhe përfaqësim dinjitoz të Kosovës në programet ndërkombëtare të edukimit ushtarak.

Përmbyllja e këtij programi nga majorja Budeci ndikon në fuqizimin e kapaciteteve profesionale të FSK-së dhe në avancimin e standardeve të saj në përputhje me praktikat dhe përvojat e partnerëve ndërkombëtarë.

The post Majorja Mimoza Budeci e FSK-së diplomon me rezultate të larta në një kolegj ushtarak në Gjermani appeared first on Albeu.com.

Viktimat janë E. Zubaku, 24-vjeçe, dhe A. Zubaku, 18-vjeçe. Lajmi për vdekjen e tyre është konfirmuar nga familjarët.

Sipas raportimeve të mediave gjermane, dy automjete të cilat po lëviznin me shpejtësi të lartë janë përplasur me njëra-tjetrën.

Shkaku i aksidentit dyshohet se ka qenë një manovër e pasuksesshme për ndryshimin e korsisë.

Si pasojë e përplasjes fillestare, një person ka mbetur i lënduar rëndë. Ndërkohë, pesë automjete të tjera që po qarkullonin pas tyre nuk kanë arritur të frenojnë me kohë, duke shkaktuar një aksident zinxhir ku u përfshinë gjithsej pesë vetura.

Sipas të dhënave paraprake të policisë gjermane, pasagjerët e katër automjeteve të përfshira në aksident nuk kanë pësuar lëndime.

Megjithatë, dy të rejat që udhëtonin së bashku në një automjet kanë ndërruar jetë në vendin e ngjarjes.

Autoritetet kompetente po vazhdojnë hetimet për të sqaruar rrethanat e plota të aksidentit.

The post VIDEO/ Aksident tragjik në Gjermani, humbin jetën dy vajza nga Kosova appeared first on Albeu.com.

Skuadra afrikane kaloi e para në avantazh në minutën e 30-të, kur ish-mesfushori i Milanit, Franck Kessie, dërgoi topin në rrjetë pas një situate të rrëmujshme në zonën kundërshtare.

Edhe Gjermania krijoi mundësi me Aleksander Pavlovic dhe Kai Havertz, madje të dy arritën të shënonin, por golat e tyre nuk u quajtën.

Pjesa e dytë nisi me ritëm të lartë, teksa të dyja ekipet kërkonin me ngulm golin. Reagimi i gjermanëve erdhi në minutën e 68-të, kur Deniz Undav barazoi shifrat.

“Pancerat” vazhduan të besonin deri në fund dhe në minutën e 94-të gjetën edhe golin e fitores, sërish me Deniz Undav.

Gjermanët e siguruan suksesin jo pa vështirësi përballë përfaqësueses afrikane, e cila tregoi potencial për vazhdimësinë në Kupën e Botës.

Goli i Franck Kessie (Gjermani 0-1 Bregu i Fildishtë)

Goli i Deniz Undav (Gjermani 1-1 Bregu i Fildishtë)

Goli i Deniz Undav (Gjermani 2-1 Bregu i Fildishtë)

The post VIDEO/ Gjermania përmbys Bregun e Fildishtë, Deniz Undav vendos duelin dhe kreun e grupit e lë për ndeshjen e fundit appeared first on Albeu.com.

Ai përmendi uljen e emigracionit të paligjshëm, kthimet mbrapsht dhe goditjen e rrjeteve të trafikimit.

Komisioni Evropian, nga ana tjetër, argumenton se reformat e fundit në politikat e emigracionit e bëjnë të panevojshme vazhdimin e kontrolleve, duke theksuar se numri i emigrantëve të parregullt është në rënie.

BE ka miratuar ligjin e ri të njohur si “Rregullorja e Kthimit”, që synon përshpejtimin e depërtimeve dhe krijimin e qendrave të ndalimit jashtë territorit të unionit.

Aktualisht, dhjetë vende të BE-së mbajnë kontrolle të brendshme, ndërsa Komisioni ka kërkuar heqjen graduale të tyre nga Gjermania, Austria, Franca, Italia, Holanda, Danimarka, Sllovenia, Suedia dhe Norvegjia.

The post Gjermania sfidon BE për kontrollet kufitare Ministri i Brendshëm Dobrindt: Masat janë të nevojshme, Brukseli kërkon heqje graduale appeared first on Albeu.com.

Sipas policisë, dy punëtorë u gjetën pa ndjenja brenda ambienteve të kompanisë. Njëri prej tyre humbi jetën më vonë në spital, ndërsa gjendja e personave të tjerë nuk është bërë ende e ditur. Autoritetet bavareze deklaruan se rrjedhja kimike u izolua në kohë brenda ndërtesës dhe se aktualisht nuk ekziston rrezik për shëndetin publik.

Deri tani nuk është bërë e ditur se çfarë substance kimike ka rrjedhur dhe as shkaqet që çuan në incident. Sipas raportimeve të Deutsche Presse-Agentur (dpa), rreth 65 zjarrfikës, disa prej tyre të pajisur me kostume speciale mbrojtëse kimike, morën pjesë në operacionin e emergjencës dhe evakuuan dhjetëra punëtorë nga godina.

The post Rrjedhje kimike në Gjermani, humb jetën një punëtor, 17 të tjerë përfundojnë në spital appeared first on Albeu.com.

Kujtojmë se disa ditë më parë, mes një mosmarrëveshjeje me Friedrich Merz, Shtëpia e Bardhë kishte njoftuar se SHBA-të do të tërhiqnin afërsisht 5,000 trupa personel ushtarak amerikan nga Gjermania gjatë një viti, pra afërsisht 15% të forcave të pranishme në vend.

Më shumë se 36,000 ushtarë amerikanë në Gjermani

Mediat shkruajnë se më shumë se 36,000 trupa amerikane janë të stacionuara në Gjermani, sipas një numërimi zyrtar të përfunduar në fund të vitit 2025.

“Ne parashikojmë që tërheqja të përfundojë në gjashtë deri në 12 muajt e ardhshëm”, tha zëdhënësi i Departamentit të Mbrojtjes, Sean Parnell.

Njoftimi erdhi pasi Trump tha këtë javë se po shqyrtonte uljen e numrit të trupave amerikane të stacionuara në Gjermani, një aleat i NATO-s, pasi komentet e Merz e zemëruan atë.

The post Lituania kërkon pesë mijë trupat amerikane që Donald Trump po i heq nga Gjermania pas përplasjeve me Merz appeared first on Albeu.com.

Ai theksoi gjithashtu se, “për momentin”, nuk pritet vendosja e raketave amerikane Tomahawk në territorin gjerman.

Njoftimi i Pentagonit për tërheqjen e 5,000 trupave nga bazat në Gjermani “nuk është i ri”, tha Merz, duke shtuar se “ndoshta është pak i ekzagjeruar, por nuk është i ri”. Ai hodhi poshtë spekulimet se ky vendim lidhet me qëndrimet e tij kritike ndaj luftës në Iran. “Nuk ka lidhje”, theksoi ai, duke përsëritur kritikat ndaj strategjisë së SHBA-së: “Nëse doni që ne t’ju ndihmojmë në një konflikt të tillë, na telefononi paraprakisht dhe na pyesni”, u shpreh kancelari, ndërsa mbrojti edhe deklaratën e tij se Irani po “poshtëron” SHBA-në.

Merz theksoi se nuk do të heqë dorë nga përpjekjet për të përmirësuar marrëdhëniet transatlantike.

“Nuk po heq dorë nga bashkëpunimi me Donald Trump”, tha ai, duke pranuar se presidenti amerikan ka një qasje të ndryshme. “Megjithatë, kjo nuk e ndryshon faktin se amerikanët mbeten partnerët tanë më të rëndësishëm në Aleancën e Atlantikut të Veriut”, shtoi Merz.

I pyetur për vendosjen e raketave amerikane Tomahawk në Gjermani, siç ishte premtuar nga ish-presidenti amerikan Joe Biden në vitin 2024, me synimin për të forcuar aftësitë parandaluese derisa Evropa të zhvillojë kapacitetet e veta, Merz u shpreh se aktualisht kjo nuk është e mundur.

“Amerikanët nuk kanë mjaftueshëm tani dhe, objektivisht, ka shumë pak gjasa që SHBA-të të dorëzojnë sisteme të tilla armësh. Por nuk është ende tepër vonë”, tha ai. Në të njëjtën kohë, ai siguroi se “nuk ka asnjë kufizim në angazhimin amerikan për parandalimin bërthamor në territorin e NATO-s”.

The post Tërheqja e 5 mijë trupave amerikanë nga Gjermania, Merz: Është pak vendim i ekzagjeruar, por nuk është diçka e re appeared first on Albeu.com.

Çokaj do të ishte transferim nga Panathinaikos. Kontrata e lidh me këto të fundit deri në fund të sezonit, edhe pse aktualisht është i huazuar te Levadiakos.

I lindur në Koplik, Çokaj e niste te moshat e Vllaznisë dhe Shkëndijës, para se të transferohej te Lokomotiva. Më pas, 27-vjeçari luajti edhe me Laçin në Abissnet Superiore si i huazuar nga klubi kroat.

Panathinaikos i bleu kartonin në vitin 2022. Tashmë është drejt eksperiencës për herë të parë në Gjermani. Kujtojmë se trajneri Silvinjo e ktheu te Kombëtarja përgjatë vitit të kaluar, ku mori minuta ndaj Gjibraltarit në miqësore.

The post Silvinjo e riktheu pasi ishte harruar, mesfushori i Kombëtares drejt firmës në Gjermani appeared first on Albeu.com.

Dita e parë e negociatave u përqendrua në një dialog të gjerë politik dhe sektorial, duke adresuar procesin e integrimit të Shqipërisë në BE, qeverisjen e mirë dhe avancimin e reformave kyçe.

Kuadri i bashkëpunimit vijon të fokusohet në tre shtylla kryesore.

Shtylla e parë, zhvillimi ekonomik i qëndrueshëm, arsimi dhe punësimi, mbështet arsimin dhe formimin profesional, zhvillimin e sektorit privat dhe SME-ve, zhvillimin rural dhe inovacionin, me synimin për të forcuar konkurrueshmërinë e Shqipërisë dhe përgatitjen e ekonomisë për integrim në tregun e Bashkimit Europian.

Shtylla e dytë, klima, energjia dhe tranzicioni i drejtë, prioritizon energjinë e rinovueshme, eficiencën energjetike, zhvillimin urban të qëndrueshëm dhe qëndrueshmërinë ndaj klimës, duke kontribuar në tranzicionin e gjelbër dhe sigurinë energjetike të Shqipërisë.

Qeverisja dhe integrimi në BE mbeten prioritete ndërsektoriale, duke mbështetur reformat në shtetin e së drejtës, kapacitetet institucionale, transparencën dhe luftën kundër korrupsionit.

Në këtë kuadër, të dy palët vlerësuan progresin e rëndësishëm të Shqipërisë në rrugën europiane, përfshirë hapjen e të gjitha grupe-kapitujve të negociatave me BE-në në vitin 2025, duke shënuar një fazë kritike drejt anëtarësimit. Gjermania rikonfirmoi rolin e saj si partner afatgjatë dhe i besueshëm në mbështetje të agjendës së reformave, stabilitetit rajonal dhe procesit të integrimit europian të Shqipërisë.

Nisur nga sfidat e zbatimit, veçanërisht në sektorin e ujit dhe ujërave të ndotura, pala shqiptare sinjalizoi një ndalesë të përkohshme për angazhime të reja me kredi në disa fusha të përzgjedhura, duke vendosur theks më të madh në përmirësimin e realizimit dhe performancës së projekteve në vijim.

Të dy palët ranë dakord të prioritizojnë efikasitetin, procedura më të shpejta dhe koordinim më të fortë, ndërsa financimet e ardhshme do të fokusohen gjithnjë e më shumë në sektorë strategjikë si energjia.

Dita e dytë e negociatave iu dedikua finalizimit të Protokollit, e ndjekur nga ceremonia zyrtare e nënshkrimit, duke shënuar një fazë të re në bashkëpunimin Shqipëri–Gjermani.

Protokolli i ri përfshin 29 milionë euro angazhime të reja financiare, të përbëra nga:

– 14 milionë euro në Bashkëpunim Financiar (financim i orientuar drejt investimeve, kryesisht në formë grantesh)- 15 milionë euro në Bashkëpunim Teknik (ekspertizë, këshillim dhe mbështetje për ngritjen e kapaciteteve)

Kjo shpërndarje pasqyron një qasje të balancuar ndërmjet investimeve në infrastrukturë dhe forcimit institucional.

Në kuadër të shtyllës së zhvillimit ekonomik, financimi përfshin:

– 12 milionë euro për Fondin Rajonal të Sfidës për forcimin e arsimit profesional dhe aftësive për tregun e punës

– 4 milionë euro për ProSEED 3.0 për rritjen e konkurrueshmërisë, inovacionit dhe integrimit në zinxhirët europianë të vlerës

– 4 milionë euro për Zhvillimin Rural të Qëndrueshëm për mbështetjen e bujqësisë, turizmit dhe bizneseve rurale

Në kuadër të shtyllës së klimës dhe energjisë, financimi përfshin:

– 2 milionë euro për mbështetjen e zbatimit të projektit “Green Transport Tirana”, përfshirë sistemin e parë Bus Rapid Transit me autobusë elektrikë

– 4 milionë euro për ekonominë qarkulluese dhe sistemet e menaxhimit të mbetjeve në përputhje me standardet e BE-së

– 0.5 milionë euro për mbështetjen e reformave në transportin urban të qëndrueshëm

Në mbështetje të integrimit në BE dhe qeverisjes, Protokolli përfshin:

– 1.5 milionë euro për forcimin e negociatave të anëtarësimit në BE përmes asistencës teknike të synuar

– 1 milion euro përmes Fondit të Studimeve dhe Ekspertizës për mbështetjen e reformave dhe përgatitjen e projekteve

– Mbështetje shtesë të targetuar për përafrimin ligjor me acquis të BE-së.

Marrëveshja thekson gjithashtu prioritete të rëndësishme ndërsektoriale, përfshirë barazinë gjinore, menaxhimin e migracionit, luftën kundër korrupsionit, zhvillimin e sektorit privat dhe bashkëpunimin rajonal në Ballkanin Perëndimor, përfshirë përmes Procesit të Berlinit.

Të dy palët nënvizuan se zbatimi efektiv mbetet thelbësor.

Ky moment i rëndësishëm rikonfirmon mbështetjen e vazhdueshme të Gjermanisë për Shqipërinë përmes një kombinimi të asistencës financiare, ekspertizës teknike dhe bashkëpunimit strategjik, duke kontribuar në zhvillimin e qëndrueshëm, tranzicionin e gjelbër dhe një rrugë të mirëpërgatitur drejt anëtarësimit në Bashkimin Europian.

The post Forcimi i Bashkëpunimit për Zhvillim Shqipëri–Gjermani: Nënshkruhet Protokoll i Ri në Tiranë appeared first on Albeu.com.