Sipas Institutit Robert Koch, 3,448 raste të tjera me koronavirus u shënuan në 24 orët e fundit, duke treguar se numërimi i rasteve ishte përsëri në një trend rritës. Autoritetet shëndetësore regjistruan mbi 3,000 infeksione të reja për ditën e tretë me radhë, për herë të parë që nga qershori.

Rastet e reja janë rritur veçanërisht tek adoleshentët dhe të rinjtë, sipas institutit. Deri të Premten, kishte 29,900 raste aktive të COVID-19 në të gjithë vendin.

Gjermania ka rritur fushatën e saj të vaksinimit kohët e fundit dhe ka arritur përparim të rëndësishëm në vaksinimin e plotë të një përqindje të lartë të popullsisë së saj kundër COVID-19.

The post COVID-19 alarmon Gjermaninë, 97 përqind të rasteve të reja janë Delta appeared first on Albeu.com.

Më 1 gusht hyri në fuqi detyrimi i testit për të kthyerit nga pushimet, masë që u mor për të penguar përhapjen e virusit në fund të pushimeve të verës. Të gjithë personat nga mosha 12-vjeçare duhet të paraqesin para hyrjes në Gjermani testin negativ, vërtetimin e vaksinimit apo shërimit nga virusi.

Ky rregull vlete deri tani për pasagjerët ajrorë, por tani vlen për të gjitha rrugët e hyrjes në Gjermani, me automjet, autobus apo tren. Kontrollet do të zhvillohen në masë të gjerë.

Ndërkohë në Gjermani debatohet për ndalimin e testimit falas për personat e pavaksinuar.

Megjithëse qeveria gjermane ka thënë, se testet falas aktualisht do të vazhdojnë ka mjaft zëra nga qeveritarë gjermanë, që kërkojnë përcaktimin e një date për futjen e testimit me pagesë.

Ministria gjermane e Shëndetësisë në një prononcim për agjencinë gjermane të lajmeve, dpa, tha se, “ministri gjerman i Shëndetësisë, Jens Spahn ka thënë para javësh, se e quan të mundur, që të mos ofrohen më falas testet për të pavaksinuarit në një kohë të mëvonshme. Se kur është ky afat mbetet të përcaktohet.”

Por sipas qarqeve qeveritare, ende nuk ka ujdi, nëse nga fundi i shtatorit nuk do të ofrohen më testet falas për të pavaksinuarit.

Edhe ministri gjerman i Financave, Olaf Scholz (SPD) në intervistë për grupin mediatik “Funkegruppe”, tha se “testet e Coronës do duhet të bëhen me pagesë, kur të gjithë të kenë mundësinë të vaksinohen, pra në pak javë.

The post Nga sot, hyrja në Gjermani vetëm me testim të detyrueshëm appeared first on Albeu.com.

Mësohet se kjo masë do të futet në fuqi ditën e dielë, me datë 23 maj. Ambasada gjermane në Britaninë e Madhe, deklaroi se kjo masë po merret për “shkak të shpërthimeve lokale që kanë ndodhur përsëri, duke përfshirë edhe shfaqjen e variantit të ri indian”.

Ambasadori Andreas Michaeli deklaroi se vendimi u mor pasi analizoi të gjitha të dhënat që iu vunë në dispozicion. Ai tha se ky nuk ishte një vendim i lehtë.

Qytetarët gjermanë që udhëtojnë nga Britania e Madhe do të lejohen të futen në Gjermani, ndërsa shtetasit e tjerë duhet kenë një arsye thelbësore.

Të gjithë personat që do udhëtojnë nga Britania drejt Gjermanisë, duhet të paraqesin testin Covid-19, i cili duhet të jetë kryer brenda 48 orëve, më pas do të duhet të karantinohen për 14 ditë.

The post COVID-19/ Gjermania ndalon udhëtimet me Britaninë e Madhe appeared first on Albeu.com.