Haverbeck i bëri komentet e saj gjatë gjyqit të vitit 2015 kundër të ish-anëtarit eses nazist, Oskar Groning, roje dhe administrator në Aushvic. Groning, i cili vdiq në vitin 2018, u dënua për bashkëpunim në vrasje në vdekjen e 300 000 njerëzve.

Në një intervistë televizive me transmetuesin publik rajonal NDR ajo tha se ”nazistët nuk e përdorën Aushvicin si një kamp shfarosjeje”. Ajo gjithashtu dyshohet se u tha gazetarëve që mbulonin gjyqin e Groning-ut se Aushvici ishte thjesht një kamp pune.

Të paktën 1,1 milionë njerëz u vranë nga nazistët në kompleksin e kampit të përqendrimit Aushvic-Birkenau. Haverbeck është e popullarizuar në mesin e ekstremit të djathtë në Gjermani.

Ajo është përballur disa herë me ndjekje penale për deklaratat e saj në Gjermani, ku gjuha e urrejtjes dhe mohimi i Holokaustit janë të ndaluara me ligj.

The post Mohoi Holokaustin, del në gjyq 95-vjeçarja gjermane appeared first on Albeu.com.

Ndërkohë, linjat ajrore polake LOT anuluan fluturimet e së premtes për në Tel Aviv dhe Bejrut, shkruan CNN.

“Nuk janë planifikuar fluturime për në Izrael të shtunën dhe do të vendoset për fluturimet e së dielës të shtunën”, thuhej në njoftim.

Lufthansa është planifikuar të rifillojë fluturimet për në Tel Aviv dhe planifikon të fluturojë përsëri nëpër hapësirën ajrore të Irakut nga e shtuna.

Njoftimi vjen pas vendimit të linjës ajrore për të zgjatur pezullimin e fluturimeve drejt kryeqyteteve të Iranit dhe Libanit.

Lufthansa tha të mërkurën se fluturimet për në Teheran dhe Bejrut do të mbeten të anuluara dhe linja ajrore nuk do të përdorë hapësirën ajrore iraniane deri dhe duke përfshirë 30 prillin.

The post Linjat ajrore gjermane dhe polake anulojnë fluturimet në Tel Aviv appeared first on Albeu.com.

Deputetët e Bundestagut kanë votuar në favor të ndryshimit të ligjit që do t’i hapë rrugë mundësisë për dyshtetësi.

Ligji thotë se personat që kanë qenë rezidentë në Gjermani për pesë vjet do të kenë të drejtën për pasaportë gjermane.

Ata po ashtu do të mund ta mbajnë edhe shtetësinë e tyre.

Redaktori i Deutsche Welle, Bahri Cani ka treguar disa detaje të cilat sipas tij duhet t’i dijë çdo qytetarë i Kosovës apo Shqipërisë që synon të marrë pasaportën e Gjermanisë.

“Shtetësia gjermane tani merret brenda 5 vitesh dhe jo brenda 8 vitesh siç ka qenë tani. E në raste të integrimit shumë të mirë, merret madje, madje, edhe pas 3 vitesh. Integrimi i mirë do të thotë nëse dikush bën ndonjë punë tepër të mirë, shkollë tepër të mirë, punë vullnetare e të tjera. Ata që krijojnë probleme nuk mund ta marrin shtetësinë fare”, ka deklaruar Cani.

Pyetje: Nëse një 20 vjeçar niset nga Kosova edhe shkon në Gjermani. Dikush e ndihmon për të gjetur punë, shtrohet në punë, avash-avash mëson edhe gjuhën gjermane, se nuk mund t’i bëjë dot të gjitha përnjëherësh, dhe kaq mjafton për 5 vjet?

Bahri Cani: Shiko, për të marrë shtetësinë gjermane duhet të jetosh të paktën 5 vjet në Gjermani, siç thuhet, me punë të rregullta dhe me dokumente të rregullta. E dyta, duhet ta mësosh gjuhën, duhet të mësosh gjërat elementare për gjermanishten që jepet si mini-test dhe duhet të kesh para të mjaftueshme për të jetuar për veten dhe për familjen tënde.

The post Ligji i ri për shtetësinë gjermane/ Ja se cfarë duhet të dini appeared first on Albeu.com.

Siaps mediave gjermane trupi i 27-vjeçarit u gjet të shtunën në mbrëmje jo shumë larg banjave termale Holstentherme në Kaltenkirchen. Sipas policisë, ai ka marrë një plagë me armë zjarri, teksa mësohet se nuk kishte vendbanim të përhershëm, por ai ishte i njohur për policinë.

Ndër të tjera, është e paqartë se ku është vrarë saktësisht 27-vjeçari dhe si ka mbërritur trupi në Kaltenkirchen. Pas informacioneve për një incident në Uetersen (rrethi Pinneberg), policia kriminale e Itzehoe arrestoi të dyshuarin e mitur, një 17-vjeçar shqiptar.

Të dielën, me kërkesë të prokurorit publik, gjykata e qarkut Itzehoe lëshoi ​​një urdhër-arresti ndaj 17-vjeçarit me dyshime të forta për vrasje.

The post “Kam vrarë një njeri”, detaje të reja nga arrestimi i 17-vjecarit shqiptar: Kishte vrarë bashkëatdhetarin, identifikohet trupi appeared first on Albeu.com.

Sipas BILD, një 17-vjeçar shqiptar ishte dorëzuar më parë me avokatin e tij në një stacion policie në Pinneberg rreth mesnatës dhe kishte deklaruar se kishte qëlluar një person. Oficerët e habitur regjistruan gjithçka dhe e dërguan të riun në Norderstrasse në Kaltenkirchen, ku shqiptari i çoi oficerët e policisë në orën 2:41 të mëngjesit në një shteg pikërisht pranë zonës së ‘spa’ termale.

Në fakt ishte kufoma e një burri në pyll, i ekzekutuar me një plumb në kokë!

17-vjeçari ka heshtur për detajet e krimit, ndërsa doli para një gjyqtari të dielën. Zëdhënësja e policisë tha se është lëshuar një urdhër arresti për të miturin me dyshimin e fortë për vrasje nga pakujdesia.

“Holsten Therme”, pishina e aventurës është ndërtuar në vitin 1999, e cila përfshinë një pishinë të jashtme me ujë të nxehtë 2000 metra katrorë, një zonë të madhe sauna dhe një studio fitnesi.

Policia tani duhet të zbulojë se sa kohë qëndronte aty i vdekuri ende i paidentifikuar. Mjekët ligjorë besojnë se ai u qëllua mes të martës dhe të premtes. Gjithashtu është e paqartë nëse vendi ku është gjetur është edhe vendi i krimit. Me sa duket ka të dhëna se i panjohuri mund të jetë vrarë në zonën e qendrës së qytetit.

BILD mësoi se viktima dhe 17-vjeçari shqiptar ndoshta kanë pasur një mosmarrëveshje për pazaret e drogës. Deri më tani, shqiptari, i cili nuk ka vendbanim të përhershëm në Gjermani, thuhet se ka qenë i paskeduar më parë nga policia.

The post “Kam vrarë një njeri”, 17-vjeçari shqiptar vetëdorëzohet në policinë gjermane appeared first on Albeu.com.

Policia bën me dije se ka referuar materialet në Prokurori dhe nisi procedimin në gjendje të lirë për shtetasin E. G., 26 vjeç, banues në Lushnjë, pasi në lagjen “Loni Dhamo”, ka dalë nga oborri i banesës së 26-vjeçarit, qeni në pronësi të këtij shtetasi, i cili ka kafshuar në këmbë, një shtetase gjermane, 33 vjeçe. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme, për veprën penale “Shkelja e karantinës së bimëve dhe kafshëve”.

Kujtojmë se një ngjarje e rëndë ndodhi në Durrës në fillim të muajit nëntor, ku një i moshuar humbi jetën pasi u sulmua nga qentë.

Halil Basha, 84 vjeç u sulmua nga dy qen pitbull më 2 nëntor dhe katër ditë më pas ndërroi jetë në spital.

Pronari i qenve, Armand Lala u arrestua./albeu.com

The post Qeni del nga oborri dhe sulmon shtetasen gjermane në Lushnjë appeared first on Albeu.com.

Fati i bëri një lojë të keqe vajzës së re, pasi ajo do të fluturonte nga Izraeli në Gjermani mesditën e së shtunës, por Hamasi sulmoi ndërtesën ku ajo qëndronte me të dashurin e saj, duke i vrarë të dy.

Pak minuta para se të vritej nga luftëtarët e Hamasit, ajo po komunikonte me nënën e saj duke i thënë asaj se ata fshihen në një strehë.

“Jemi nën sulm, nuk e di kush janë. Jemi fshehur në një strehë. Mendoj se na zbuluan. Mami të dua”, thuhet në mesazhin e saj të fundit.

The post “Mami na zbuluan, të dua …”, historia prekëse e turistes gjemane që u gjet e vrarë në Izrael appeared first on Albeu.com.

Mediat e huaja shkruajnë se nëna e 22-vjeçares ka deklaruar se vajza e saj është ende gjallë, ndonëse në gjendje kritike për jetën.

Rrjetet sociale u mbushuën me pamjet dramatike të rrëmbimit të saj nga Hamas, teksa i zhveshën rrobat dhe e paraduan përmes Gazës në pjesën e pasme të një kamioni.

Louk, një artiste tatuazhesh e rritur në Izrael u rrëmbye gjatë festivalit të muzikës “Tribe of Nova”, mbi 260 të rinj dhe të reja që ndodheshin me të, nuk arritën të shpëtonin të gjallë pasi terroristët e Hamas nisën të hapin zjarr ndaj tyre.

Të martën, familja e Louk njoftoi se kishte prova që Louk është ende gjallë. Faqja gjermane e lajmeve Blick raporton se nëna e saj tha se ajo ishte në një spital në Gaza me lëndime të rënda në kokë.

“Tani kemi më shumë informacione se Shani është gjallë”, tha nëna e saj për kanalin televiziv NTV, duke shtuar se ajo e mori informacionin nga burime të paidentifikuara palestineze.

Nëna shtoi se Louk është plagosur rëndë dhe i kërkoi qeverisë gjermane ndihmë dhe veprim të shpejtë.

The post “Shani është gjallë”, nëna e 22-vjeçares gjermane të rrëmbyer nga Hamasi: Është plagosur rëndë appeared first on Albeu.com.

Për gjetjen e saj, ndihmë po kërkojnë familja e saj dhe policia.

15-vjeçarja ishte nisur për në shkollë në ditën kritike, shkruajnë gazetat gjermane.

Hetuesit fillimisht kërkuan tek të afërmit dhe të njohurit, por kjo sipas tyre nuk kishte sukses.

Fotografia e saj është shpërndarë kudo për të kërkuar ndihmë për gjetjen e të miturës.

Siç shkruan gazeta e njohur gjermane, Rahmone Jusufi kishte një pulovër të zezë-gri, një palë pantallona sportive dhe atlete të bardha.Kërkesa për ndihmë u shpërnda nga familjarët në rrjetet sociale.

Së fundi thuhet se ajo ishte parë në Hans-Ëarsch-Platz, Ludëigshafen

The post “Kush e sheh të na njoftojë menjëherë”, policia gjermane kërkon ndihmë për gjetjen e adoleshentes shqiptare (EMRI) appeared first on Albeu.com.

Pikërisht 75 vjet pas hapjes së Këshillit Parlamentar, përfaqësues të organeve kushtetuese gjermane kujtuan fillimet e punës për Kushtetutën e Gjermanisë, Ligjin Themelor. Ish-presidenti i Gjermanisë, Joachim Gauck mbajti fjalën e rastit në ceremoninë në Bon. “Ne u detyrohemi shumë grave dhe burrave të Këshillit Parlamentar,” tha ai në Muzeun e Historisë së Natyrës Koenig. Ky është vendi ku u mblodh për herë të parë Këshilli Parlamentar më 1 shtator 1948.

Gauck theksoi më tej se Kushtetuta ishte një bazë e sigurt. “Por shkalla në të cilën ajo përdoret në drejtim të lirisë, demokracisë, të drejtave të njeriut dhe paqes varet nga qytetarët,” tha Gauck. “Kjo varet nga ne.” Demokracia ka nevojë për qytetarë që nuk e konceptojnë shtetin vetëm si një institucion ndihmës, por që bëhen arkitektë të tij. “Shteti, demokracia – jemi ne”.

“Demokracia nuk është e vetëkuptueshme”

Presidentja e Bundestagut, Bärbel Bas tha: “Ligji themelor i përkohshëm është bërë një histori suksesi”. Por nuk ka nevojë të predikohet, shtoi ajo. Demokracia e lirë nuk është e vetëkuptueshme. Partitë dhe parlamentet duhet të provojnë mënyra të reja për të angazhuar e përfshirë njerëzit. Ne duhet të bashkohemi kundër atyre “që duan një vend në të cilin dinjiteti i njeriut nuk është i paprekshëm”.

Kancelari Olaf Scholz tha në kuadër të ceremonisë se ishte e rëndësishme të kuptohet “se kjo demokraci më e mirë që kemi pasur ndonjëherë në Gjermani është gjithashtu një demokraci që ne duhet ta mbrojmë”.

Ligji themelor për një shtet të Gjermanisë Perëndimore

Nga 1 shtatori 1948, 61 meshkuj dhe katër femra të Këshillit Parlamentar hartuan Ligjin Themelor për një shtet të Gjermanisë Perëndimore. Muzeu Koenig ishte një nga ndërtesat e pakta që nuk u dëmtuan gjatë luftës. Diskutimet faktike u zhvilluan në Akademinë Pedagogjike, që ndodhet 500 metra larg.

Më 23 maj 1949, Ligji Themelor u nënshkrua përfundimisht në Bon – dhe u miratua përsëri në vitin 1990 me ribashkimin e Gjermanisë Perëndimore dhe Lindore./DW

The post Kremtohet fillimi i punës për kushtetutën e Gjermanisë appeared first on Albeu.com.