Milaim Zeka ka deklaruar se Fatmir Sheholli njihej nga të gjithë si spiun. Megjithatë, në aktakuzën e Prokurorisë Speciale thuhet se pikërisht nga Sheholli ai kishte marrë materiale për publikim dhe 1 mijë euro. Zeka tani shpjegon se materialet iu paraqitën si të GIZ-it gjerman, ndërsa paratë ishin dhënë për përkthim. Por ky version përballet me mospërputhje kur krahasohet me deklaratat e tij dhe me faktet që, sipas Prokurorisë, janë dokumentuar.

Dosja ndaj Fatmir Shehollit, i cili akuzohet për spiunazh dhe shantazh, përmban komunikime, materiale dhe pagesa që Prokuroria i lidh me veprimtari në interes të BIA-s serbe.

Në këtë çështje është përfshirë edhe emri i Milaim Zekës. Vëmendjen e shton një deklaratë e vetë gazetarit, të bërë pasi aktakuza u bë publike: ai tha se “ka qenë e ditur që Sheholli është spiun”.

Kjo ngre një pikëpyetje të drejtpërdrejtë: si mundet një gazetar, i cili pretendon se e dinte se personi me të cilin kishte kontakt ishte spiun, të pranonte prej tij materiale komprometuese, të përfshihej në përgatitjen e tyre për publikim dhe të merrte edhe para?

Çfarë pretendon Prokuroria?

Sipas aktakuzës, Fatmir Sheholli ka vepruar në bashkërendim me Bojan Dimiqin, zyrtar i BIA-s serbe, me qëllim dëmtimin e interesave të Kosovës dhe ndikimin në procesin zgjedhor.

Prokuroria pretendon se Sheholli kishte siguruar materiale audio dhe transkripte që synonin komprometimin e zyrtarëve të Ministrisë për Komunitete dhe Kthim. Më pas, këto materiale ia kishte dorëzuar Milaim Zekës që të publikoheshin.

Në të njëjtën dosje thuhet se Zeka kishte marrë 1 mijë euro dhe se pas publikimit ishte paraparë t’i jepej edhe një mijë euro tjetër.

Sipas Prokurorisë, dorëzimi i materialeve dhe i parave është evidentuar përmes përgjimeve audio dhe kamerave të sigurisë.

Pra, pretendimet nuk mbështeten vetëm në deklarata publike, por janë pjesë e një aktakuze që, sipas organeve të hetimit, bazohet në prova të administruara gjatë hetimeve.

Versioni për materialet e GIZ-it

Pas publikimit të aktakuzës, Zeka tha se materialet i ishin prezantuar si informacione që vinin nga GIZ-i gjerman.

Kur u pyet se si mund të ishin materiale të GIZ-it, nëse ishin në gjuhën serbe, ai la të kuptohej se ato mund të kishin ardhur nga “dikush brenda GIZ-it”.

Megjithatë, ky shpjegim e bën edhe më të ndërlikuar çështjen. Në aktakuzë pretendohet se emri i GIZ-it ishte përdorur për të maskuar prejardhjen e vërtetë të materialeve, të cilat Prokuroria i lidh me BIA-n dhe Bojan Dimiqin.

Sipas këtij versioni, GIZ-i nuk ishte burimi i materialeve, por emri i tij shërbente si mbulesë.

Nëse Zeka thotë se e dinte që Sheholli ishte spiun, atëherë mbetet e vështirë të kuptohet pse ai do t’i besonte shpjegimit të Shehollit për origjinën e materialeve.

Një burim që ngjall dyshime kërkon verifikim të shtuar. Në rastin e një personi për të cilin vetë Zeka thotë se e dinte se ishte spiun, nevoja për verifikim do të duhej të ishte edhe më e madhe.

2 mijë euro për publikim apo 1 mijë euro për përkthim?

Një tjetër mospërputhje lidhet me pagesën.

Në një intervistë televizive, Zeka deklaroi se 1 mijë eurot që kishte marrë nga Sheholli ishin pagesë për përkthimin e materialeve.

Ndërkohë, aktakuza citon një deklaratë të tij dhënë në Polici, sipas së cilës Sheholli i kishte thënë se “GIZ-i gjerman” kishte ndarë 2 mijë euro për publikim: 1 mijë euro paraprakisht dhe 1 mijë të tjera pas publikimit.

Kështu, në deklaratën e dhënë në Polici përmenden 2 mijë euro për publikim, ndërsa në televizion flitet për 1 mijë euro për përkthim.

Kjo mospërputhje kërkon sqarim, jo për shkak të kundërshtarëve të Zekës, por sepse të dy versionet i atribuohen vetë atij.

Edhe për kthimin e parave ka dy versione

Zeka ka deklaruar se 1 mijë eurot ia kishte kthyer Shehollit para se ai të arrestohej.

Por në aktakuzë përmendet një komunikim me djalin e Shehollit, të zhvilluar pas arrestimit të tij, ku diskutohet pikërisht kthimi i parave.

Edhe kjo krijon një mospërputhje në kronologji. Nëse paratë ishin kthyer para arrestimit, mbetet pyetja pse kthimi i tyre diskutohet sërish pas arrestimit.

Ky element e bën më të ndërlikuar shpjegimin se pagesa ishte bërë vetëm për përkthim.

Përmendja e GIZ-it dhe pesha e pretendimit

GIZ-i nuk është një kompani private e zakonshme. Bëhet fjalë për institucionin gjerman të zhvillimit ndërkombëtar, i cili prej shumë vitesh është i pranishëm në Kosovë përmes projekteve në sundimin e ligjit, administratës publike, ekonomisë dhe integrimit evropian.

Për këtë arsye, pretendimi se “GIZ-i kishte ndarë 2 mijë euro për publikim” të materialeve komprometuese është veçanërisht serioz.

Nëse një pretendim i tillë nuk qëndron, atëherë emri i një institucioni gjerman mund të jetë përdorur për të mbuluar një operacion që Prokuroria e lidh me BIA-n serbe.

Çështja nuk lidhet vetëm me reputacionin e personave të përmendur. Ajo prek edhe besueshmërinë e një partneri të rëndësishëm të Kosovës. Për këtë arsye, referimi te GIZ-i nuk mund të shihet si hollësi dytësore.

Çfarë tregojnë materialet në gjuhën serbe?

Fakti që materialet ishin në serbisht, i vetëm, nuk dëshmon se nga kanë ardhur.

Megjithatë, kjo çështje merr rëndësi kur vendoset përkrah elementeve të tjera të dosjes: Fatmir Shehollit, komunikimeve me Bojan Dimiqin, pagesave, periudhës para zgjedhjeve, kërkesave për publikim dhe pretendimit të Prokurorisë se emri i GIZ-it është përdorur për të fshehur burimin e vërtetë.

Në këtë rrethanë, deklarata “mendova se ishin nga GIZ-i” nuk mjafton si shpjegim. Ajo që mbetet për t’u sqaruar është se çfarë verifikimi u krye përpara pranimit të materialeve.

Zeka dhe Sheholli njiheshin

Fotografitë e publikuara, ku shfaqen së bashku Zeka dhe Sheholli, tregojnë se mes tyre kishte njohje dhe kontakte.

Një fotografi nuk përbën, natyrisht, provë për ndonjë vepër penale. Por në këtë rast ajo ka rëndësi për një arsye tjetër: Zeka nuk po merrej me një person krejtësisht të panjohur, i cili i ishte shfaqur papritur.

Ai e njihte Shehollin dhe, sipas deklaratës së vet, ishte në dijeni edhe për reputacionin e tij.

Pikërisht për këtë arsye, çdo material i ardhur nga Sheholli do të duhej t’i nënshtrohej një standardi më të lartë verifikimi.

Pyetjet që mbeten të hapura

Aktakuza ndaj Fatmir Shehollit nuk e akuzon Milaim Zekën për spiunazh. Kjo duhet bërë e qartë.

Megjithatë, në aktakuzë emri i Zekës shfaqet në një episod ku, sipas Prokurorisë, materiale të lidhura me një plan të BIA-s përfunduan te ai për publikim, bashkë me para.

Në të njëjtën kohë, Zeka deklaron se ishte e ditur që Sheholli ishte spiun.

Prandaj pyetjet kryesore dalin nga vetë deklaratat dhe nga pretendimet e aktakuzës: nëse e dinte se kush ishte Sheholli, pse i pranoi materialet? Nëse e dinte këtë, pse i besoi historisë për GIZ-in? Nëse 2 mijë eurot ishin për publikim, pse më vonë 1 mijë euro u shpjeguan si pagesë për përkthim?

Dhe nëse materialet vinin vërtet nga GIZ-i gjerman, cila është prova për këtë?

Këto pikëpyetje nuk burojnë thjesht nga një debat mediatik. Ato dalin nga deklaratat e Zekës dhe nga përmbajtja e aktakuzës, duke e bërë këtë çështje veçanërisht të rëndësishme.

The post Nëse e dinte se Sheholli ishte spiun, pse Milaim Zeka pranoi materialet dhe paratë? appeared first on Albeu.com.

Një deklaratë e ministres serbe për Administratë Publike dhe Vetëqeverisje Lokale, Snezhana Paunoviq, ka nxitur reagime të forta ndërkombëtare. Ajo kishte thënë se, po të ishte në vend të Sllobodan Millosheviqit në vitin 1998, do ta kishte spastruar etnikisht Kosovën.

Zyrtarë të lartë nga Gjermania dhe Bashkimi Evropian e kanë dënuar këtë qëndrim, duke e konsideruar të papranueshëm dhe duke kërkuar largimin e saj nga posti.

Michael Gahler, eurodeputet gjerman i Partisë Popullore Evropiane (EPP), theksoi se deklarata të tilla nuk mund të shpërfillen kur vijnë nga një ministre e një shteti kandidat për anëtarësim në BE.

“Deklarime të këtilla nga një ministre e një vendi kandidat nuk mund të injorohen: më 11 korrik, ministrja serbe Paunoviq tha në një intervistë televizive se, sikur të kishte qenë në vend të Millosheviqit më 1998, ajo ‘do ta spastronte etnikisht Kosovën nga shqiptarët’”.

“Pres që ajo të shkarkohet nga detyra”, shkroi Gahler në platformën X.

Edhe Jasmina Hostert, deputete e Bundestagut gjerman për rrethin Böblingen, reagoi ndaj ministres serbe. Sipas saj, deklarata e Paunoviqit përbën shkelje të të drejtave të njeriut dhe të së drejtës ndërkombëtare.

“Është e papranueshme. Kushdo që justifikon spastrimin etnik po tall viktimat e Luftës së Kosovës dhe po shkel të drejtat e njeriut dhe të drejtën ndërkombëtare”, ka shkruar Hostert.

Ajo kërkoi gjithashtu largimin e Paunoviqit nga detyra.

“Nuk duhet të ketë vend për fjalë të tilla në një qeveri demokratike; ato dëmtojnë paqen në Ballkanin Perëndimor. Ministri duhet të japë dorëheqjen”, ka deklaruar deputetja gjermane.

Reagim pati edhe nga Adis Ahmetoviq, deputet i Bundestagut për Hanoverin Verior.

“Shtetet e Ballkanit Perëndimor i përkasin Bashkimit Evropian. Kjo përfshin edhe Serbinë. Por një frymë nacionalizmi dhe urrejtjeje, që buron nga disa qeveri, nuk ka vend në bashkësinë tonë evropiane të vlerave”, ka shkruar Ahmetoviq.

Sipas tij, Beogradi duhet t’i përgjigjet kësaj çështjeje me shkarkimin e menjëhershëm të Paunoviqit.

Qëndrim ka mbajtur edhe Komisioni Evropian. Komisionerja për Zgjerim, Marta Kos, deklaroi se nuk mund të përfytyrojë që Paunoviq të vijojë të jetë ministre pas deklaratave të tilla “të tmerrshme”.

Ndërkaq, institucionet e Kosovës e kanë shpallur Snezhana Paunoviqin “non grata”.

The post Zyrtarë gjermanë dhe të BE-së kërkojnë shkarkimin e ministres serbe pas deklaratës për Kosovën appeared first on Albeu.com.

Deputeti i Bundestagut nga radhët e Partisë Socialdemokrate të Gjermanisë, Adis Ahmetoviq, ka reaguar ashpër ndaj qëndrimeve të shprehura nga ministrja serbe Snezhana Paunoviq, duke theksuar se ato bien ndesh me parimet themelore të Bashkimit Evropian.

Në një deklaratë të tij, Ahmetoviq nënvizoi se megjithëse vendet e Ballkanit Perëndimor, përfshirë edhe Serbinë, kanë perspektivë të qartë evropiane, retorika nacionaliste dhe gjuha e urrejtjes janë krejtësisht të papranueshme për standardet e bllokut.

“Po, shtetet e Ballkanit Perëndimor i përkasin BE-së. Kjo përfshin edhe Serbinë. Por një frymë nacionalizmi dhe urrejtjeje, që vjen nga disa qeveri, nuk ka vend në komunitetin tonë evropian të vlerave”, shkroi Ahmetoviq në reagimin e tij.

Ai paralajmëroi se pikërisht ky mentalitet po minon seriozisht ambiciet e zgjerimit të Unionit dhe po dëmton përpjekjet për të forcuar më tej bllokun evropian.

Deputeti gjerman shtoi se “ky mentalitet e torpedon procesin që BE-ja të rritet dhe të bëhet edhe më e fuqishme. Shenja e duhur nga Beogradi do të ishte shkarkimi i menjëhershëm i ministres Paunoviq”.

Ky reagim erdhi si pasojë e deklaratave të ministres së Administratës Shtetërore dhe Vetëqeverisjes Lokale të Serbisë, Snezhana Paunoviq, e cila kishte përmendur termin “spastrim etnik” në një kontekst që lidhej me Kosovën, duke shkaktuar një valë të gjerë kritikash për qëndrimet e saj.

The post Deputeti gjerman Ahmetoviq kërkon dorëheqjen e menjëhershme të ministres serbe Paunoviq appeared first on Albeu.com.

Deputeti gjerman ka kërkuar sqarime mbi ndikimin që mund të ketë rasti i Veliajt në vlerësimin e procesit të integrimit evropian të Shqipërisë dhe në perceptimin për gjendjen e sistemit të drejtësisë në vend.
Në pyetjet e tij, deputeti Meyer pyet: se a është i njohur për Qeverinë Federale rasti i Kryetarit të Bashkisë së Tiranës, Erion Veliaj, i cili ndodhet në paraburgim, me sa duket për një periudhë joproporcionale prej tetë muajsh, prej të cilëve gjashtë pa akuzë, si dhe a është e njohur për Qeverinë Federale vlerësimi për Shqipërinë, nëse po, cilat përfundime nxjerr ajo prej kësaj në lidhje me procesin e anëtarësimit të Shqipërisë në BE?

Ai shton se “sistemi i drejtësisë, ashtu edhe paditë ndaj kundërshtarëve politikë dhe raportimet mediatike të njëanshme, përdoren si “arma politike” për të eliminuar kundërshtarët politikë”.
Deputeti gjerman i ka drejtuar qeverisë gjermane edhe pyetjen: a janë të njohura për Qeverinë Federale raportimet mediatike, sipas të cilave ka ndërhyrje në autonominë e pushtetit vendor, dhe nëse po, cilat përfundime nxjerr ajo prej kësaj në lidhje me procesin e anëtarësimit të Shqipërisë në BE?
Ndërkaq, në përgjigjen e saj, Qeveria Federale Gjermane ka theksuar se: “Ashtu si Gjermania, edhe Shqipëria e ka ratifikuar Kartën Evropiane të Vetëqeverisjes Vendore dhe është zotuar për respektimin e pavarësisë politike, administrative dhe financiare të njësive vendore. Qeveria Federale po ndjek zhvillimet përkatëse dhe do të ndjekë me vëmendje të veçantë rezultatet e vizitës së ardhshme të rregullt të monitorimit nga Kongresi i Pushteteve Vendore dhe Rajonale të Evropës në kuadër të Kartës”, thuhet në përgjigjen e qeverisë federale gjermane.

The post Arrestimi i Veliajt bëhet çështje në parlamentin gjerman, deputeti i Bundestag pyet Qeverinë: A u prek autonomia e pushtetit vendor? Ja qëndrimi i ekzekutivit appeared first on Albeu.com.

Martin i cili identifikohet si homoseksual dhe është kandidat i Partisë Demokratike të Lirë për qarkun Ostalb, shihet teksa fut fytyrën në WC. Përveç këtyre pamjeve skandaloze, Martin ka shpërndarë disa video të tjera eksplicite të tij, disa prej të cilave janë fshirë. Në një prej tyre, madje Martin ka filmuar veten duke u masturbuar nën himnin kombëtar gjerman të epokës naziste, si një shenjë “proteste” dhe kujtese për “dënimin” që i është dhënë në kohën e Hitlerit.

Disa përdorues të rrjeteve sociale shprehën neveri për videot e shpërndara nga politikani gjerman i cili aktualisht është kandidat i FDP-së për zgjedhjet e ardhshme lokale në Swabian.

The post Lëpin tualet publik, rrjeti skandalizohet nga videoja e politikanit gjerman appeared first on Albeu.com.

Kështu e ka nisur sot ditën reperja e njohur shqiptaro-gjermane, Loredana Zefi e cila ka uruar partnerin e saj Karim Adeyemi me një video ku përmbledh momentet e tyre më të ëmbla të lidhjes.

“Mendoj se ti meriton më tepër se një këngë për Shën Valentin”, shkruan ajo në videon e postuar.

View this post on Instagram

A post shared by babymama (@loredana)

The post Loredana publikon momentet më të bukura me Adeyemi-n për ‘Shën Valentin’ appeared first on Albeu.com.

Në njoftimin për media thuhet se pjesëmarrja e Gjermanisë në misionin paqeruajtës ndërkombëtar, pasqyron përkushtimin e saj për stabilizimin e paqes dhe sigurisë në rajon.

Pjesëmarrja e Gjermanisë në Forcën kosovare të udhëhequr nga NATO (KFOR), një mision paqeruajtës ndërkombëtar në Kosovë që nga qershori i vitit 1999, pasqyron përkushtimin e saj për stabilizimin e paqes dhe sigurisë në rajon. Sipas mandatit aktual të pafund, deri në 400 ushtarë gjermanë mund të dislokohen në KFOR”, bëhet e ditur në njoftim.

Mes tjerash thuhet se roli kryesor i ushtarëve gjermanë që shërbejnë përkrah ushtarëve nga 26 vende të tjera që bëjnë pjesë në KFOR-it, është ruajtja e rendit dhe sigurisë publike, koordinimi i ndihmës humanitare ndërkombëtare dhe asistimi në krijimin e Forcës së Sigurisë së Kosovës.

KFOR-i ka aktualisht rreth 4 mijën e 500 trupa në Kosovë nga 27 shtete të NATO-s dhe shtetet partnere.

Germany’s participation in the #NATO-led Kosovo Force (KFOR), an international peacekeeping mission in 🇽🇰 since June 1999, reflects its commitment to stabilising peace and security in the region. Under the current open-ended mandate, up to 400 🇩🇪 soldiers can be deployed to KFOR. pic.twitter.com/0A5RlrvEYe

— Germany at NATO (@GermanyNATO) February 2, 2024

The post Deri në 400 ushtarë gjermanë pritet t’i bashkohen KFOR-it ! appeared first on Albeu.com.

Kjo përballje i është besuar gjyqtarëve gjermanë, me kyresor Sven Jablonski, që do të bëjë kështu debutimin për sa i përket ndeshjeve të kombëtareve.

33-vjeçari është gjyqtar i Bundesligës, teksa kurrë më parë nuk ka vendosur drejtësi në arenën europiane.

Gjyqtar kryesor: Sven Jablonski GER

Asistent i parë: Lase Koslocski GER

Asistent i dytë: Eduard Beitinger GER

Gjyqtar i katërt: Frank Uillenborg GER

VAR: Bastian Dankert GER

AVAR: Benjamin Brand GER

VËZHGUESr: Kostadin Gerginov BUL

DELEGAT: Amil Gerina MNE

The post Euro 2024, Shqipëri – Ishujt Faroe do ta gjykojë një gjerman appeared first on Albeu.com.

42-vjeçari Michael Scherer dyshohet se ka pësuar infarkt në det, ku ka qenë duke lundruar me jahtin e tij.

Edhe pse ambulanca ka shkuar për t’i dhënë ndihmën e parë, marinari ishte pa shenja jete. Ai është dërguar në morgun e spitalit te Vlorës, i shoqëruar nga policia.

The post Gjendet i vdekur 42-vjeçari gjerman në Vlorë, dyshimet e para (EMRI) appeared first on Albeu.com.

Shkencëtarit Dirk Schulze-Makuch, Profesor në Universitetin Teknik të Berlinit, beson se eksperimenti i kryer në vitin 1976 në Mars nga NASA mund të ketë shkatërruar çdo jetë që mund të ekzistonte në planetin e kuq.

Teoria e tij bazohet në faktin se eksperimenti i NASA-s me shtimin e ujit në Mars mund të kishte vrarë çdo jetë.

Eksperimenti të cilit i referohet shkencëtari gjerman njihet si “Viking Labeled Release”, dhe është një nga 3 testet biologjike të kryera nga NASA në vitin 1976 kur zbarkuan në Mars.

Eksperimenti në atë kohë u realizua për të zbuluar praninë e mikroorganizmave të gjallë në tokën marsiane. Sipas teorisë, nëse në Mars do të kishte jetë, mikroorganizmat do të konsumonin lëndë ushqyese dhe do të lëshonin karbon radioaktiv.

Por shkencëtari Dirk Schulze-Makuch beson se uji që përmban tretësirë ushqyese në tokë mund të ketë qenë shumë i lëngshëm dhe të ketë vrarë çdo jetë që mund të ekzistonte.

Sipas tij, kjo mund të ketë ndodhur për shkak se Marsi ka një mjedis jashtëzakonisht të thatë.

“Meqënëse Toka është një planet ujor, në atë kohë dukej e arsyeshme që shtimi i ujit mund të bënte që të nxiste jetë në mjedisin jashtëzakonisht të thatë marsian. Në pamje të parë, mund të duket që qasja ishte shumë e mirë”, thotë shkencëtari gjerman në një shkrim për “BigThink”, duke nënvizuar se shkencëtarët e NASA në atë kohë kishin pak njohuri për mjedisin në planetin Mars.

Dy anijet kozmike të NASA “Viking 1” dhe “Viking 2” u ulën në Mars më 20 Korrik dhe 3 Shtator 1976 për misionin e planifikuar.

Megjithatë, shkencëtari gjerman i bën thirrje NASA-s për një mision të ri për të zbuluar jetë në Mars.  /tvklan.al

The post Habit shkencëtari gjerman: NASA zbuloi jetë në Mars por e shkatërroi atë appeared first on Albeu.com.