Kryediplomati amerikan, tha përmes deklaratës se në përgjigje të veprimeve të qeverisë gjeorgjiane, Uashingtoni po zbaton një politikë të re të kufizimit të vizave për Gjeorgjinë.

Masa përfshin zyrtarë, familjet e tyre dhe bashkëpunëtorët, përgjegjës për minimin e demokracisë në Gjeorgji.

Dhjetëra mijëra njerëz kanë protestuar në rrugët e kryeqytetit gjeorgjian, Tbilisi, kundër vendimit të parlamentit për të miratuar projektligjin mbi agjentët e huaj, që kritikët e quajnë një ligj të stilit rus.

Protestues dhe anëtarë të opozitës janë dhunuar nga forcat e rendit.

Në deklaratën e Sekretarit Blinken, thuhet se qeveria gjeorgjiane ndërmori një fushatë frikësimi dhe dhune për të shtypur protestat paqësore, veprime që dëmtojnë demokracinë gjeorgjiane.

“Mbështetja amerikane për demokracinë në Gjeorgji është e gjatë dhe themelore për marrëdhëniet tona dypalëshe. Kushdo që minon proceset ose institucionet demokratike në Gjeorgji, përfshirë periudhën para, gjatë dhe pas zgjedhjeve të tetorit 2024 në Gjeorgji, mund të konsiderohet i papërshtatshëm për t’u pajisur me vizë amerikane dhe nuk i lejohet hyrja në Shtetet e Bashkuara”, thuhet në deklaratën e Sekretarit të Shtetit, Antony Blinken.

Kryediplomati amerikan, njoftoi një rishikim të plotë të marrëdhënieve mes Shteteve të Bashkuara dhe Gjeorgjisë, me shpresën që udhëheqësit në Tbilisi, të rishqyrtojnë projektligjin dhe të ndërmarrin hapat e duhur drejt aspiratave euroatlantike./VOA

The post Antony Blinken njofton rishikimin e marrëdhënieve mes Shteteve të Bashkuara dhe Gjeorgjisë appeared first on Albeu.com.

Pamjet e transmetuara në televizionin gjeorgjian treguan Mamuka Mdinaradze, kreun e fraksionit parlamentar të partisë qeverisëse “Ëndrra Gjeorgjiane” dhe një forcë shtytëse pas projektligjit, duke u goditur me grusht në fytyrë nga deputeti i opozitës Aleko Elisashvili ndërsa fliste nga foltorja.

Incidenti shkaktoi një përleshje më të gjerë midis disa ligjvënësve, një dukuri jo e pazakontë në Parlamentin shpesh të ashpër të Gjeorgjisë.

Pamjet treguan Elisashvili, duke u përshëndetur me brohoritje nga protestuesit jashtë ndërtesës së parlamentit.
“Ëndrra Gjeorgjiane”, tha në fillim të këtij muaji se do të rifusë legjislacionin që kërkon që organizatat që pranojnë fonde nga jashtë, të regjistrohen si agjentë të huaj ose do të përballen me gjoba, 13 muaj pasi protestat e detyruan atë të anulojë planin.

Projektligji ka tensionuar marrëdhëniet me vendet evropiane dhe Shtetet e Bashkuara, të cilat kanë thënë se e kundërshtojnë miratimin e tij.

Bashkimi Evropian, i cili i dha Gjeorgjisë statusin e kandidatit në dhjetor, ka thënë se masa është e papajtueshme me vlerat e bllokut.

“Ëndrra Gjeorgjiane”, thotë se dëshiron që vendi të anëtarësohet në BE dhe NATO, edhe pse ka thelluar lidhjet me Rusinë dhe është përballur me akuza për autoritarizëm në vend.

Ai thotë se ligji është i nevojshëm për të luftuar ato që i quan “vlera pseudo-liberale” të imponuara nga të huajt dhe për të nxitur transparencën.

Qeveria e Gjeorgjisë, tha se kryeministri Irakli Kobakhidze, mbajti një takim të hënën me ambasadorët e BE-së, Britanisë dhe SHBA-së, në të cilin ata kishin diskutuar projektligjin.

Në një deklaratë, Kobakhidze mbrojti projektligjin si promovues të llogaridhënies dhe tha se nuk ishte “e qartë” pse vendet perëndimore e kundërshtuan atë.

Kritikët gjeorgjianë, e kanë etiketuar projektligjin “ligji rus”, duke e krahasuar atë me legjislacionin e ngjashëm të përdorur nga Kremlini për të goditur disidencën në Rusi.

The post Përleshje mes deputetëve në Parlament (VIDEO) appeared first on Albeu.com.

Kosova ka publikuar 11-shen startuese kundër Gjeorgjisë

Formacionet zyrtare:

Gjeorgjia: Loria, Chabradze, Kashia, Khocholava, Azarov, Aburjania, Kankava, Tsitalshvili, Kitelshvili, Qazaishvili, Kvilitalia.

Kosova: Muric, Vojvoda, Rrahmani, Aliti, Hadergjonaj, V. Berisha, Halimi, Dresevic, L. Kastrati, Muriqi, Rashani.

The post Zyrtare: Formacioni i Kosovës kundër Gjeorgjisë (FOTO LAJM) appeared first on Albeu.com.

Para ndeshjes ka folur trajneri Bernard Challandes.

“Të dyja ekipet jemi në kërkim të tre pikëve të para, pasi jemi në një grup të fortë me ekipe si Spanja, Suedia dhe Greqia, mund të them që ne dhe Gjeorgjia kemi kualitet të përafërte”.

“Gjeorgjia në ndeshjet e kaluar ka pasur paraqitje të mira është mposhtur krejt në fund nga Spanja dhe ka arritur barazim ndaj Greqisë, sigurisht që ata synojnë fitoren ndaj nesh”.

“Ne hyjmë në këtë ndeshje pas një forme jo edhe aq të mirë por padyshim që synojmë maksimumin ndaj Gjeorgjisë, kjo do të jetë një ndeshje shumë e rëndësishme për ne dhe për vazhdimin tonë në këto kualifikime”.

“Ne jemi në një situatë të vështirë, kemi mungesa të shumtë të lojtarëve, shkaku i lëndimeve, disa lojtarë janë pa ekip dhe nuk kemi arritur ti ftojmë ndërsa disa të tjerë kanë probleme shëndetësore. Kështu ne kemi vendosur të ftojmë disa emra të rinj dhe t’iu japim rastin futbollistëve të tjerë që të kemi më shumë opsione”.

“Mungojnë Arbër Zeneli dhe Edon Zhegrova pasi të dy pasi vijnë pas një periudhe e lëndimeve, të dy janë operuar dhe nuk janë të gatshëm fizikisht për këtë duel”

“ Gjithashtu na mungon edhe Blendi Idrizi futbollistë i Schalkes, ndërsa për shkak të situatës me COVID-19 në këtë duel do të na mungojë edhe Milot Rashica”.

Trajneri u pyet nëse do të jetë më e lehtë për Kosovën që ndeshja e nesërme do të luhet pa tifozë.

“Nuk jemi të lumtur që do të luajmë pa shikues, pasi futbolli pa shikues nuk është shumë emocionues, edhe për futbollistët nuk do të jetë e lehtë të luajnë në një stadium pa tifozë”.

“Megjithatë jemi në një situatë të vështirë nga pandemia dhe duhet të mësohemi të luajmë kështu”.

“Unë besoj te këta futbollistë që kam dhe padyshim që synojmë maksimumin ndaj Gjoorgjisë”, përfundoi Bernard Challandes.

The post Challandes: Na pret një ndeshje e vështirë, synojmë rezultat pozitiv ndaj Gjeorgjisë appeared first on Albeu.com.