Gjatë tri ditëve të ardhshme, pjesëmarrësit do të përshkojnë rrugën që mijëra qytetarë të Srebrenicës kanë kaluar në verën e vitit 1995, në përpjekje për të shpëtuar nga forcat serbe.

Pas një rrugëtimi prej rreth 110 kilometrash, që nisi nga fshati Nezuk, ata do të arrijnë në Qendrën Përkujtimore Potoçari, ku më 11 korrik shënohet 27-vjetori i masakrës.

Atë ditë do të rivarrosen mbetjet e 50 viktimave të masakrës, të gjetura së voni.

Më 11 korrik të vitit 1995, forcat serbe të Bosnjës kanë hyrë në Srebrenicë, në zonën që ishte shpallur e sigurt nga Kombet e Bashkuara.

Në ditët që kanë pasuar, ato kanë vrarë mbi 8,000 burra dhe djem myslimanë, ndërsa trupat e tyre i kanë hedhur në gropa në pyjet përreth.

Vrasjet kanë ndodhur për pak ditë, por procesi i gjetjes së trupave ka marrë vite dhe identifikimi dhe varrimi i eshtrave vazhdojnë ende.

Masakra e Srebrenicës, e cila ka ndodhur pesë muaj para përfundimit të luftës në Bosnje, është cilësuar si më e rënda në Evropë që prej përfundimit të Luftës së Dytë Botërore, ndërsa nga Gjykata Ndërkombëtare e Hagës është njohur si gjenocid.

Deri më tani, 47 persona janë dënuar me më shumë se 700 vjet burgim për rolet e tyre në masakër.

Ish-udhëheqësi i serbëve të Bosnjës, Radovan Karaxhiq, është dënuar me burgim të përjetshëm, ashtu si edhe ish-udhëheqësi ushtarak në Bosnje, Ratko Mlladiq./REL

The post Nis Marshi i Paqes në kujtim të viktimave të Srebrenicës appeared first on Albeu.com.

Duke folur në Kuvend ai tha se rezoluta nuk përmend as Millosheviçin dhe as Vuçiçin.

Fjalimi i Berishës është filmuar gjatë gjithë kohës nga ambasadori boshnjak në Tiranë, i cili është i pranishëm sot në Kuvend teksa diskutohet rezoluta për Srebrenicën.

“Genocidi si forma më e urryer nuk mund të mos më sillte mua këtu kundër barbarisë serbe. Pasi refuzuat një rezolutë të opozitës sollët këtu një rezolutë, gjersa ajo dënon gjenocidin unë e vlerësoj, është e njerëzve me qëndrim të dyfishte. Dënoni gjenocidin por fshihni me qëllim ideologun, arkitektin e genocidit në Bosnje, si vllaun e Edi Ramës, Aleksandër Vuçiç. Po si mund ta bëni ju këtë kur në të gjithë mediat e botës ekziston deklarata në Parlament e Vuçiç i cili zotohet se për çdo serb të vrarë do të vriten 100 myslimanë. A e kuptoni se Vuçiç ka vetëm një vend, ai është Haga, ju nuk guxoni ta dërgoni në Hagë por bëni gjithcka për ta kufizuar madje pa ju referuar kasapëve. Sa ju nderon ju kjo? Pse bëni strucin që ta dënoni me gjithë zemër masakrën më të madhe që ka njohur Europa,” u shpreh Berisha.

The post Gjenocidi serb në Srebrenicë, Berisha: E dënoni, por fshihni Vuçiçin appeared first on Albeu.com.

Basha u shpreh se ne duhet t’i vëmë Serbisë dy kushte.

• Serbia duhet të kërkojë për falje për krimet e saj në Kosovë
• Serbia duhet të pranojë krimet që ka bërënë Kosovë

“Një vit më parë teksa përkujtonim përvejtorin e masakrës së Srebrenicës, kërkova që vendi ynë të kishte kurajon të dënonte me një rezolutë krimet si dhe genocidin serb në Kosovë. Sot është koha për të gjetur forcën për ti vënë emrin masakrave në Ballkan të shovinizmit serb. Që e shkuara të mos harrohet, duhet të tregojmë një zëri që rruga drejt të ardhmes është pranimi i të shkuarës.

Që Serbia të integrohet plotësisht në rajon duhet ta kushtëzojmë me kërkesën e faljes, me pranimin e krimeve. Që e shkuara të mos harrohet dhe që të mos lejojmë që faktet alternative të kurdisura nga propaganda hileqare dhe mohuese të ndryshojnë sipas orekseve politike apo konjukturave të momentit duhet ti tregojmë një zëri që rruga drejt të ardhmes është vetëm përmes pranimit të së shkuarës, pranimit të vërtetës.

Çdo qëndrim tjetër ndaj Serbisë e inkurajon kryeneçësinë e drejtuesve të saj në përpjekjet e hapura dhe të fshehura për rishikimin e dënueshëm që po shfaqin karshi krimeve të së kaluarës.

Shpesh viktima po shitet si aggressor siç po ndodh me komandantët e Kosovës në Hagë. Kushdo që ka kryer krime lufte duhet të mbajnë përgjegjësi. Sot është koha që bashkë me aleatët tanë euroatlantikë të veprojmë shpejt. Sot është koha, nesër mund të jetë vonë,” është shprehur Basha.

The post Gjenocidi serb në Srebrenicë, Basha: Dy kushtet që duhet t’i vëmë Serbisë appeared first on Albeu.com.