“Asamblea e Përgjithshme e Kombeve të Bashkuara miratoi sot një rezolutë që e vendos 11 Korrikun Ditën Ndërkombëtare të Reflektimit dhe Përkujtimit të Gjenocidit të vitit 1995 në Srebrenicë.

Shqipëria edhe një herë e konfirmoi veten në grupin e vlerave perëndimore me votën dhe angazhimin e saj që kjo rezolutë të miratohej.

Kjo datë do të shërbejë si kambanë e përhershme për të përkujtuar dënimin e gjenocidit, që masakra të tilla të mos përsëriten më dhe njëkohësisht është edhe një përgjigje ndaj mohuesve të gjenocidit dhe krimeve të tilla të tmerrshme.” -shkroi Presidenti i Republikës.

The United Nations General Assembly adopted today a resolution establishing July 11th as the International Day of Reflection and Commemoration of the 1995 Genocide in Srebrenicë.

Albania once again affirmed its alignment with Western values by voting for and committing to the…

— Bajram Begaj (@BajramBegajAL) May 23, 2024

The post Miratimi i rezolutës për Srebrenicën, Presidenti Begaj: Shqipëria me votën e saj konfirmoi veten në grupin e vlerave perëndimore appeared first on Albeu.com.

84 vende të botës kanë dhënë përkrahjen e tyre për Rezolutën qe kthen 11 korrikun në Ditë Ndërkombëtare për Përkujtimin e Gjenocidit në Srebrenicë.

Pas votimit dhe miratimit të Rezolutës, Vuçiç ka publikuar një fotografi teksa mban flamurin e Serbisë në shpinë. Afër tij gjendet edhe Marko Gjuriq.

“Krenar për Serbinë time!”, ka shkruar Vuçiç në Instagram.

 

View this post on Instagram

 

A post shared by Александар Вучић (@avucic)

The post Asambleja e OKB-së votoi pro rezolutës për gjonicidin në Srebrenicë, Vuçiç mbështillet me flamurin e Serbisë appeared first on Albeu.com.

Rezoluta, e cila propozon që 11 korriku të shpallet Ditë Ndërkombëtare e Përkujtimit të Viktimave të Gjenocidit të Srebrenicës, si dhe dënon mohimin e gjenocidit dhe madhërimin e kriminelëve të luftës, u sponsorizua nga tridhjetë vende. Propozueset zyrtare të saj ishin Gjermania dhe Ruanda.

Mbështetje shprehën të gjitha vendet e Ballkanit Perëndimor, përveç Serbisë dhe entitetit serb të Bosnje e Hercegovinës, republika Sërpska. Zyrtarët e tyre, pavarësisht vendimeve të gjykatave ndërkombëtare, mohojnë se në Srebrenicë është kryer gjenocid kundër boshnjakëve dhe thonë se atje ka ndodhur një “krim i tmerrshëm”.

Në korrik të vitit 1995, forcat serbe të Bosnjës vranë mbi 8.000 burra dhe djem myslimanë në Srebrenicë. Për gjenocidin e kryer u dënuan më shumë se 50 persona me rreth 700 vjet burg. Në mesin e tyre janë edhe presidenti i kohës së luftës i republikës Sërpska, Radovan Karaxhiç dhe komandanti i përgjithshëm i ushtrisë së atëhershme serbe, Ratko Mlladiç. Të dy ata u dënuan me burgim të përjetshëm.

Serbia loboi kundër miratimit të rezolutës për Srebrenicën dhe një ditë para se të dilte në OKB, Asambleja e republikës Sërpska miratoi një notë proteste drejtuar vendeve anëtare të Kombeve të Bashkuara, duke kërkuar tërheqjen e rezolutës.

Në dokument nuk përmendet as republika Sërpska, e as Serbia. Gjykata Ndërkombëtare e Drejtësisë në Hagë e karakterizoi krimin në Srebrenicë si gjenocid në vitin 2007. Gjykata konstatoi se Serbia nuk ishte përgjegjëse për aktin e as bashkëpunëtore, por deklaroi se ajo nuk bëri asgjë për ta parandaluar atë.

The post Votohet sot në Asamblenë e Përgjithshme të OKB-së rezoluta për gjenocidin në Srebrenicë appeared first on Albeu.com.

“Në këtë moment, ne e dimë që seanca nuk do të mbahet më 2 maj, pasi sot po e dërgojmë tekstin e rezolutës për rishikim për të parë nëse shtetet e OKB-së kanë propozime të tjera për tekstin. Asambleja e Përgjithshme me gjasë do të mblidhet pas 6 majit, varësisht nga orari i seancave, por këtë do ta dimë të martën”, tha ai.

Siç tha ambasadori, misioni i Bosnje e Hercegovinës në OKB do të marrë pjesë në këtë diskutim në mënyrë që t’iu shpjegohet më mirë teksti i rezolutës të gjitha shteteve që kanë paqartësi.

Në selinë e OKB-së në Nju Jork po mbahen konsultime joformale për draft-rezolutën e cila parasheh shpalljen e 11 korrikut si Ditën Ndërkombëtare të Kujtimit të Gjenocidit në Srebrenicë.

Siç është njoftuar në ueb-faqen e OKB-së, konsultimet mbi draftin e rezolutës janë thirrur nga misionet e përhershme të Gjermanisë dhe Ruandës, së bashku me misionet e Shqipërisë, Bosnje e Hercegovinës, Kilit, Finlandës, Francës, Irlandës, Italisë, Jordanisë, Holandës, Lihtenshtajnit, Malajzisë, Zelandës së Re, Sllovenisë, Turqisë dhe Shteteve të Bashkuara.

Në draft-rezolutë, në të cilën më herët ka pasur qasje Radio Evropa e Lirë, veç tjerash kërkohet që të dënohet çdo mohim të gjenocidit në Srebrenicë dhe veprimet që madhërojnë të dënuarit për krime lufte, përfshirë ata që janë përgjigjës për gjenocidin në Srebrenicë.

Më 2007, Gjykata Ndërkombëtare e Drejtësisë e karakterizoi krimin në Srebrenicë si gjenocid, në të cilin u vranë më shumë se 8.000 burra dhe djem boshnjakë më 1995 nga Ushtria e Republikës Sërpska.

Deri më tani, më shumë se 50 persona janë dënuar me mbi 700 vjet burgim për gjencodin dhe krime të tjera të kryera në Srebrenicë./rel

The post Shtyhet votimi në OKB për rezolutën për gjenocidin në Srebrenicë appeared first on Albeu.com.

Ruanda dhe Gjermania po udhëheqin këtë përpjekje, por sipas informacioneve që ka siguruar Zëri i Amerikës, pjesë e kësaj nisme janë edhe Shtetet e Bashkuara, Shqipëria, Bosnja, Kili, Finlanda, Zelanda e Re, Turqia dhe vende të tjera.

Projektrezoluta bazohet pjesërsisht në rezolutën e Asamblesë së Përgjithshme të OKB-së të vitit 2004, që shpalli 7 prillin Ditë Ndërkombëtare të Reflektimit për Gjenocidin e vitit 1994 ndaj grupit Tutsi në Ruandë.

Projektrezoluta do të paraqitet në një takim më të gjerë me dyer të mbyllura të vendeve të OKB-së më 17 prill. Në këtë takim hartuesit e projektrezolutës mund të marrin parasysh propozimet e vendeve të tjera anëtare dhe të shohin se çfarë mbështetje mund të presin për nismën e tyre në Asamblenë e Përgjithshme të OKB-së, e cila përbëhet nga 193 vende anëtare.

Në tekstin e projektrezolutës, që ka parë Zëri i Amerikës, mes tjerash dënohet çdo përpjekje për të mohuar gjenocidin në Srebrenicë dhe për të ngritur figurat e atyre, që janë dënuar për krime lufte, krime kundër njerëzimit dhe gjenocid. Ajo gjithashtu thekson rëndësinë e përfundimit të procesit të gjetjes dhe identifikimit të vikimave të mbetura të gjenocidit në Srebrenicë dhe vazhdimin e përpjekjeve për të nxjerrë para drejtësisë autorët e këtij krimi.

Projektrezoluta i bënë thirrje Sekretarit të Përgjithshëm të OKB-së Antonio Guterres që të krijojë një program të quajtur “Gjenocidi i Srebrenicës dhe OKB-ja”, i cili do të merrej me përgatitjet për organizimin e aktiviteteve për shënimin e 30 vjetorit të Masakrës së Srebrenicës në 2025.

Sipas burimeve të Zërit të Amerikës, Serbia është duke lobuar fort kundër projektrezolutës.

Më 11 korrik të vitit 1995, më shumë se 8 mijë burra dhe djem myslimanë boshnjakë u ekzekutuan nga forcat e serbëve të Bosnjës në Srebrenicë.

Ish udhëheqësi i serbëve të Bosnjës, Radovan Karaxhiç, u dënua më burgim të përjetshëm në vitin 2019 për gjenocid, krime kundër njerëzimit dhe shkelje të ligjeve e zakoneve të luftës, lidhur me rolin e tij udhëheqës në fushatën e terrorit ndaj popullsisë civile, përfshirë masakrën e Srebrenicës, ndër mizoritë më të rënda në Evropë që nga përfundimi i Luftës së Dytë Botërore./voa

The post OKB bën me “dhimbje koke” Serbinë, harton projekt-rezolutë për të njohur gjenocidin në Srebrenicë! Përfshihet edhe Shqipëria appeared first on Albeu.com.

Vendimi pritet të marrë vëmendje të madhe në Lindje të Mesme dhe pjesën tjetër të botës.

Gjykata Ndërkombëtare e Drejtësisë mund të urdhërojë Izraelin që t’i japë fund fushatës ushtarake në Gazë, të nxitur prej sulmeve të pashembullta të Hamasit, më 7 tetor të vitit të kaluar.

Hamasi, grup palestinez që udhëheq Rripin e Gazës, është shpallur organizatë terroriste prej Shteteve të Bashkuara dhe Bashkimit Evropian.

Gjykata mund të detyrojë Izraelin edhe që të lehtësojë hyrjen e ndihmave në Gazë.

Megjithatë, gjykata nuk do të japë vlerësim nëse Izraeli është duke kryer gjenocid në Gazë.

Në këtë fazë, Gjykata Ndërkombëtare e Drejtësisë do të prezantojë urdhra emergjentë, para se të analizojë akuza më të gjera për akte gjenocidale në Gazë – proces që pritet të marrë vite.

Ky rast është dërguar në gjykatë prej Afrikës së Jugut, vend që beson se Izraeli është duke vepruar në kundërshtim me Konventën e OKB-së për Gjenocid, të vitit 1948, e cila është hartuar pas Luftë së Dytë Botërore dhe Holokaustit.

“Afrika e Jugut nuk ka nevojë të vërtetojë se Izraeli është duke kryer krime”, ka thënë Juliette McIntyre, eksperte ndërkombëtare për çështjet ligjore në Universitetin e Australisë së Jugut.

“Ajo vetëm duhet të vërtetojë që ka rrezik të madh për kryerje të gjenocidit”, ka thënë ajo për agjencinë e lajmeve AFP.

Pas dy ditëve seancë këtë muaj në Pallatin e Paqes në Hagë, një botë larg prej dhunës në Izrael dhe Gazë, avokatët kanë argumentuar mbi teknikalitetet e Konventës për Gjenocid.

Izraeli i ka shpallur luftë Hamasit më 7 tetor 2023, pak pasi grupi ka kryer sulme vdekjeprurëse në tokën e tij, duke i lënë rreth 1.200 njerëz të vrarë dhe duke marrë mbi 240 pengje.

Disa janë liruar ndërkohë.

Si pasojë e ofensivës ushtarake të Izraelit në Gazë janë vrarë mbi 25.000 palestinezë, sipas autoriteteve shëndetësore palestineze.

Kombet e Bashkuara dhe agjenci ndërkombëtare për ndihmë, vlerësojnë se luftimet kanë shkaktuar katastrofë humanitare në Gazë, pasi një çerek i këtij territori, me 2.3 milionë banorë, po përballet me uri./

The post Dyshime për gjenocid në Gazë, Gjykata e Kombeve të Bashkuara merr sot vendimin për Izraelin appeared first on Albeu.com.

I pyetur për koment, një zëdhënës i ministrisë së jashtme të Izraelit tha se Izraeli po mbledh gjithashtu prova të krimeve kundër njerëzimit dhe krimeve të luftës të kryera nga Hamasi gjatë sulmit të 7 tetorit dhe më tej, duke përfshirë përdorimin e civilëve si mburoja njerëzore. Tre organizatat, Al Haq, Al Mezan dhe Organizata për të Drejtat e Njeriut në Palestinë, thanë se i kërkuan ICC-së që të fokusohej në sulmet ajrore izraelite në zonat e populluara shumë civile në Gaza, rrethimin e zonës dhe zhvendosjen e popullsisë.

Gjykata njoftoi se kishte marrë komunikimet nga tre organizatat dhe se do të vlerësonte informacionin pa dhënë detaje për përmbajtjen e tij. Por edhe pse Izraeli nuk është anëtar i Gjykatës, ajo mund ta hetojë në këtë rast, pasi territoret palestineze janë përfshirë në listën e anëtarëve. Javën e kaluar, familjet e viktimave izraelite të sulmeve të 7 tetorit gjithashtu depozituan dokumente në ICC duke i bërë thirrje gjykatës të shqyrtojë krimet e Hamasit.

The post Organizatat palestineze çojnë Izraelin në Hagë: Krime lufte dhe gjenocid appeared first on Albeu.com.

Një deklaratë nga një grup ekspertësh të mandatuar nga OKB-ja, shprehu “zhgënjimin e thellë me refuzimin e Izraelit për të ndalur planet për të shkatërruar” Rripin e Gazës.

“Ne mbetemi të bindur se populli palestinez është në rrezik të madh të gjenocidit. Koha për veprim është tani. Aleatët e Izraelit mbajnë gjithashtu përgjegjësi dhe duhet të veprojnë tani për të parandaluar kursin e tij katastrofik të veprimit.

Situata në Gaza ka arritur një “pikë kthese katastrofike”, thanë ata, duke paralajmëruar nevojën e madhe për ushqim, ujë, ilaçe, karburant dhe furnizime esenciale dhe rrezikun e rreziqeve shëndetësore.

The post “Koha po mbaron”, OKB: Civilët në Gaza po përballen me gjenocid appeared first on Albeu.com.

Këtë kërkesë Rusia e bëri në nisje të seancës dëgjimore për këtë rast në Gjykatën Ndërkombëtare të Drejtësisë (GJND), që njihet edhe si Gjykata Botërore.

Moska ka thënë se Ukraina po e përdor këtë rast për të fituar një vendim gjyqësor lidhur me ligjshmërinë e aksionit ushtarak të Rusisë. Ekspertët kanë thënë se nëse do të merret vendim në favor të Kievit, ai nuk do të ndalte luftën, por në të ardhmen mund të ketë ndikim gjatë pagesave për reparacione.

Ukraina e ka ngritur këtë rast në gjykatë disa ditë pasi Rusia nisi pushtimin më 24 shkurt të vitit 2022. Kievi argumenton se Rusia po shkel ligjin ndërkombëtar duke thënë se pushtimi mund të justifikohet me ndalimin e një gjenocidi, që pretendon se po ndodh në lindje të Ukrainës.

Ukraina ka thënë se nuk ka rrezik të gjenocidit në lindje të shtetit, ku trupat e Kievit kanë luftuar kundër forcave të mbështetura nga Rusia që nga viti 2019. Ukraina ka thënë se traktati për gjenocid, në asnjë rast nuk lejon që të kryhet pushtim për të ndaluar një gjenocid të pretenduar.

Zyrtarët rusë kanë vazhduar ta akuzojnë Ukrainën për kryerje të gjenocidit. Të hënën, Rusia përsëriti pretendimet se “regjimi rusofobik dhe neo-nazist në Kiev” po përdor Konventën për Gjenocid të Kombeve të Bashkuara të vitit 1948, ku thuhet se dy shtetet janë palë. Delegacioni rus tha se ky është pretekst “për të zvarritur” këtë rast para gjykatës.

Seancat dëgjimore, që do të zgjasin deri më 27 shtator, do të përqendrohet në themelet e çështjes në vend se në argumentet ligjore lidhur me juridiksionin e gjykatës. Moska kundërshton juridiksionin e kësaj gjykate.

Konventa e vitit 1948 e përkufizon gjenocidin si krime të kryera “me qëllim për të shkatërruar, të gjithin apo një pjesë, një komb, një etni, një racë apo një grup fetar”.

“Ukraina insiston se nuk ka ndodhur gjenocid”, tha përfaqësuesi i Rusisë, Gennady Kuzmin, gjatë fjalës hapëse.

“Vetëm ky pretendim do të duhej të ishte i mjaftueshëm që gjykata të hidhte poshtë këtë rast. Sepse sipas jurisprudencës së gjykatës, nëse nuk ka gjenocid nuk mund të ketë shkelje të Konventës për Gjenocid”.

Kuzmin përmbylli fjalën e tij duke thënë se pozicioni ligjor i Ukrainës “është i pashpresë” lidhur me mundësinë që të shtyjë përpara këtë rast, duke u kërkuar gjykatësve që të hedhin poshtë rastin.

Ukraina veçse e ka një fitore ligjore pasi gjykata marsin e vitit të kaluar ishte në favor të saj gjatë vendimit preliminar. Bazuar në atë vendim, gjykata urdhëroi Rusinë që të ndalë menjëherë veprimet ushtarake në Ukrainë.

Përderisa Rusia ka injoruar urdhrin e gjykatës që të ndalë veprimet ushtarake dhe kjo gjykatë nuk ka mënyrë që të zbatojë vendimet e saj, ekspertët kanë thënë se një vendim eventual në favor të Ukrainës do të ishte i rëndësishëm në pretendimet në të ardhmen për dëmshpërblim.

Gjatë këtij rasti, gjykata do të dëgjojë dëshmitë edhe nga 32 shtete të tjera dhe të gjitha do të mbështesin argumentin e Ukrainës se gjykata ka juridiksion për të vazhduar me këtë rast. /REL

The post Rusia kërkon nga Gjykata Botërore ta hedhë poshtë rastin për gjenocid appeared first on Albeu.com.

Ukraina e solli këtë rast në gjykatën më të lartë të Kombeve të Bashkuara disa ditë pasi nisi pushtimi rus më 24 shkurt të vitit të kaluar. Kievi argumenton se Rusia po shkel ligjin ndërkombëtar duke thënë se pushtimi justifikohet me gjenocidin e pretenduar në lindje të Ukrainës.

Zyrtarët rusë vazhdojnë ta akuzojnë Ukrainën se po kryen gjenocid.

Rusia dëshiron që rasti të hidhet poshtë dhe kundërshton juridiksionin e Gjykatës Ndërkombëtare të Drejtësisë. Seanca dëgjimore, që do të zgjasë deri më 27 shtator, do të përqendrohet në themelet e çështjes në vend se në argumentet ligjore lidhur me juridiksionin e gjykatës.

Moska ka thënë se Ukraina po e përdor këtë rast për të fituar një vendim gjyqësor lidhur me ligjshmërinë e veprimit ushtarak të Rusisë. Ukraina veçse e ka një fitore pasi gjykata marsin e vitit të kaluar ishte në favor të saj gjatë vendimit preliminar. Bazuar në atë vendim, gjykata urdhëroi Rusinë që të ndalë menjëherë veprimet ushtarake në Ukrainë.

Në seancën dëgjimore do të ketë dëshmi nga 32 shtete të tjera dhe të gjitha do të mbështesin argumentin e Ukrainës se gjykata ka juridiksion për të vazhduar me këtë rast.

Përderisa Rusia ka injoruar urdhrin e gjykatës që të ndalë veprimet ushtarake dhe kjo gjykatë nuk ka mënyrë që të zbatojë vendimet e saj, ekspertët kanë thënë se një vendim eventual në favor të Ukrainës do të ishte i rëndësishëm në pretendimet në të ardhmen për dëmshpërblim.

Konventa për gjenocid e Kombeve të Bashkuara e vitit 1948 e përkufizon gjenocidin si krime të kryera “me qëllim për të shkatërruar, të gjithin apo një pjesë, një komb, një etni, një racë apo një grup fetar”. /REL

The post Rusia dhe Ukraina përballen në Gjykatën Botërore për rastin e gjenocidit appeared first on Albeu.com.