Shkarkimi është një tjetër tronditje në kryesinë ushtarake dhe shërbimet e inteligjencës së vendit, dhe vjen disa muaj pasi detajet e raportit paraprak janë rrjedhur në media, sipas Reuters.

Në raport thuhej se programi bërthamor iranian ishte penguar vetëm për disa muaj nga sulmet amerikane, gjë që ishte në kundërshtim me pretendimet e Trumpit dhe kryeministrit izraelit, Benjamin Netanyahu.

Në një konferencë për shtyp pas sulmeve të qershorit, Hegseth sulmoi gazetarët për, siç pretendoi ai, anshmëri kundër ushtrisë, por nuk ofroi asnjë provë të drejtpërdrejtë për shkatërrimin e objekteve iraniane të prodhimit bërthamor.

Ky është një tjetër ndër vendimet e diskutueshme dhe kontroverse që lidhen me Hegsethin.

Më herët, ai kishte ndërmarrë “pastrime” brenda Ministrisë së Mbrojtjes, pasi nga Pentagoni kishin rrjedhur në media informacione që flisnin për kaos në këtë institucion.

Përveç kësaj, Hegseth shkaktoi polemika edhe kur ndau plane sekrete për një sulm amerikan në Jemen në aplikacionin Signal, në një grup ku gabimisht ishte shtuar edhe një gazetar i gazetës amerikane The Atlantic.

The post Shkarkohet gjenerali amerikan, Trumpit s’i pëlqeu si raportoi për sulmin ndaj Iranit appeared first on Albeu.com.

Në fjalimin e tij, Cavoli përmendi Kosovën dhe Bosnje e Hercegovinën si dy vende që vazhdojnë të përballen me sfida të sigurisë dhe stabilitetit.

Ai theksoi praninë aktuale të trupave të KFOR-it në Kosovë, duke nënvizuar se nga gjithsej rreth 4,300 trupa të dislokuara, rreth 600 janë nga Shtetet e Bashkuara të Amerikës.

“KFOR-i mbetet në terren dhe situata në Kosovë mbikëqyret nga afër. SHBA kontribuon me më pak se 600 ushtarë, ndërsa një pjesë e madhe e barrës mbahet nga aleatët tanë, si Italia, Turqia, Mbretëria e Bashkuar dhe Hungaria”, deklaroi Cavoli.

Ai gjithashtu vlerësoi reagimin e shpejtë të Francës ndaj tensioneve në Bosnje e Hercegovinë, duke përmendur vendosjen e aeroplanmbajtëses “Charles de Gaulle” dhe dy batalioneve parashutistë në verën e kaluar, si pjesë e një demonstrimi force në rajon.

Sipas Cavolit, Shtetet e Bashkuara kanë vendosur forca rezervë në Kosovë për të përballuar tensionet e rritura gjatë vitit të fundit dhe tashmë janë në proces të zgjerimit të pranisë së përhershme të trupave për të lehtësuar ngarkesën mbi rezervistët.

“Ne po zgjerojmë numrin e forcave të përhershme në Kosovë për të lehtësuar barrën që e mbajnë aleatët me forca rezervë. Dhe besoj se do të arrijmë marrëveshje për këtë shumë shpejt dhe do t’i kemi ato resurse”.

Komandanti amerikan po ashtu theksoi bashkëpunimin e ngushtë me Bashkimin Evropian për misionin e BE-së në Bosnje (Operation Althea), duke theksuar rolin e rëndësishëm të bashkëpunimit ndërkombëtar në ruajtjen e stabilitetit në rajon.

The post Gjenerali amerikan për Evropë: SHBA në proces të zgjerimit të pranisë së trupave në Kosovë appeared first on Albeu.com.

Hetuesit ende nuk kanë arritur në një përfundim që të mund të tregojnë rrethanat se si u ndanë nga jeta gjeneral Vladimir Sviridov, 68 vjeç, dhe gruaja e tij Tatyana, 72 vjeçe.

Trupat e gjeneralit dhe gruas së tij u gjetën në shtëpinë e tyre në fshatin Adzhievsky në rajonin e Stavropolit.

Ish-komandanti i mbrojtjes ajrore ruse e kishte kritikuar dikur presidentin rus për lejimin e një force ajrore të “rangut të tretë”.

Ai kishte denoncuar publikisht faktin që oficerët e lartë po largoheshin nga forcat e armatosura për shkak të pagave dhe kushteve të rënda.

Në raportet e vdekjes, thuhet se “punonjësit e shërbimit të gazit, pas matjeve të duhura nuk kanë zbuluar tejkalim të përqendrimit të lejuar të substancave të dëmshme”.

“Ajo që shkaktoi vdekjen e Vladimir dhe Tatyana Sviridov është ende e panjohur.”

Ai komandoi Ushtrinë e 6-të të Forcave Ajrore Ruse dhe Mbrojtjes Ajrore nga viti 2005 deri në 2009, si dhe është vizituar personalisht nga Putin.

Ai ishte një pilot shumë i nderuar pasi iu dha Urdhri i Yllit të Kuq dhe një tufë medaljesh.

Sviridov e la rolin e komandantit të tij në moshën 54-vjeçare pas një sërë komentesh të ashpra për forcat e armatosura ruse.

Ai paralajmëroi në një intervistë: “Një pilot duhet të ketë rreth 100 orë kohë fluturimi në vit për gatishmëri të plotë luftarake. Megjithatë, ky nuk është ende rasti ynë. Koha mesatare e fluturimit në ushtri është aktualisht 25-30 orë.”

Në një tjetër shpërthim, ai u ankua: “Ne jemi të detyruar të emërojmë oficerë jo plotësisht të trajnuar sepse nuk ka më të mirë. Për të njëjtën arsye ne po dërgojmë në akademitë ushtarake pilotë të rangut të tretë. Kjo nuk ka ndodhur në të kaluarën.”

Ai ishte mërzitur se si pagat e ulëta dhe sigurimi i dobët i strehimit po i detyronin oficerët me përvojë të largoheshin nga ushtria.

“Një në dy oficerë tanë, për fat të keq, nuk ka strehim”, tha ai.

“Deri në 10 për qind e oficerëve të rinj po bëjnë gjithçka që është e mundur për të dalë në pension para kohe.”

Ai i kërkoi Putinit “të krijojë kushte normale jetese për oficerët e rinj, si dhe për të gjithë ushtarakët, në mënyrë që ata të mund të kryejnë siç duhet detyrat e tyre të shërbimit”.

Rusia është përfolur për një varg vdekjesh të dyshimta që nga fillimi i luftës së Putinit kundër Ukrainës, me shumë të lidhura me sektorin e energjisë.

Muajin e kaluar, vdiq një ekzekutiv i lartë në kompaninë e dytë më të madhe të naftës në Rusi, duke shënuar vdekjen e fundit në një seri të profilit të lartë të manjatëve rusë të naftës.

Vladimir Nekrasov, 66 vjeç, kryetar i bordit të drejtorëve të Lukoil, thuhet se vdiq “papritmas” në shtëpinë e tij në Moskë.

Vdekja e Nekrasov pason atë të manjatit  Ravil Maganov, 67 vjeç, i cili ra nga dritarja e Spitalit  Klinik Qendror të Moskës  në shtator të vitit të kaluar.

Dhe miliarderi Alexander Subbotin, 43 vjeç, i lidhur gjithashtu me gjigantin energjetik Lukoil ku ai ishte një menaxher i lartë, u gjet i vdekur në maj.

Ndërsa lufta e përgjakshme e Putinit po kalon në muajin e saj të 21-të, vlerësimet e reja nga Ministria e Mbrojtjes e Mbretërisë së Bashkuar nxjerrin në pah dështimet e mëdha të Rusisë për të thyer vijën e frontit të ngrirë lindor të Ukrainës. Dhe statistikat nuk përfshijnë mijëra armë të tjera me qira që u shkatërruan duke luftuar për grupet mercenare të mbështetur nga Kremlini si Ëagner.

Rusia thuhet se ka pësuar humbjet e saj më të mëdha të vitit në betejën me mulli mishi për Avdiivka, ku forcat e saj nisën një përpjekje të kushtueshme dhe të pasuksesshme për të pushtuar qytetin strategjik.

Mijëra tanke ruse, automjete të blinduara dhe trupa të trajnuar dobët dhe të pajisur keq janë derdhur në fushat e vdekjes që rrethojnë Avdiivkën.

Në më pak se një muaj, Ukraina pretendon se Rusia ka pësuar 7000 viktima dhe ka humbur mbi 100 tanke dhe 250 automjete të blinduara për të përparuar më pak se një milje.

The post Gjenerali rus dhe gruaja e tij vdesin në mënyrë misterioze, një javë pasi kritikoi Putinin appeared first on Albeu.com.

“Fakti që ai ka shkuar në Bjellorusi është një çështje shqetësuese”, tha ish-shefi i shtabit të përgjithshëm të Ushtrisë Britanike.

Nëse ai “ka mbajtur një forcë efektive luftarake rreth tij, atëherë ai paraqet përsëri një kërcënim për krahun ukrainas më afër Kievit”, ku filloi lufta, tha ai.

Lordi Dannatt tha se “është mjaft e mundur” që Rusia të përdorë Grupin Wagner për të provuar të marrë përsëri Kievin.

Pasgoditjet e djeshme do të jehojnë për mjaft kohë.

Megjithatë, nuk ka pasur “fitues” të menjëhershëm nga “fiaskoja e djeshme”, tha ai.

“Putini është padyshim shumë i zvogëluar. Ushtria ruse… është qartë në një rrëmujë”, tha Lord Dannatt.

The post Gjenerali britanik bën paralajmërimin e fortë: Wagner mund të drejtojë sulmin nga Bjellorusia appeared first on Albeu.com.

Ndërsa fliste për Kyiv Post të enjten, Ryan foli për aspekte të ndryshme të forcave të armatosura të Ukrainës dhe se si ato kanë përdorur një sërë aftësish, si mbrojtja nga raketat, mbrojtja me dron dhe trupat luftarake të vijës së parë, në luftën e tyre kundër Rusisë.

“Dhe mendimi im është se ukrainasit janë ndoshta ushtria më e mirë në botë për momentin”, tha Ryan.

“Dhe nuk është ndoshta, ata në fakt janë. Ushtria e Ukrainës është ushtria më e mirë në botë. Ata kanë përvojë në luftën moderne, ata e kanë demonstruar këtë gjatë 13 muajve të fundit.

Ndonëse kanë humbur shumë të rinj dhe të moshuar, të jem i sinqertë, por ata janë ushtria më e mirë në botë. Ka shumë gjëra që mund të mësojmë prej tyre”, u shpreh ai.

Ryan tha për Kyiv Post se ka disa elemente që e bëjnë më të mirë ushtrinë ukrainase, ndonëse sipas tij nuk është e përkryer.

“Elementet të cilat e bëjnë të mirë ushtrinë ukrainase, janë forcat e mbrojtjes territoriale, ju keni ushtrinë profesionale e cila përbëhet nga ushtarët e vjetër dhe ushtarët e sapo-mobilizuar”, tha ai. “Duket se ka shumë njësi të pavarura”.

“Ju keni edhe trupa të huaja dhe bashkimi i tyre është një sfidë mjaft e madhe në një ushtri që është rritur shumë shpejt,” shtoi ai.

The post Gjenerali australian tregon se kush është ushtria më e mirë në botë e momentit appeared first on Albeu.com.

Xhengiz Khan thoshte shpesh se kishte 4 strategë të shkëlqyer:Jebe, Kublai, Jelme dhe Subutai. Khani e njohu që herët talentin e Subutait për luftë, dhe e përfshiu atë në diskutimetushtarake. Ai e vuri nën kujdesin e një ushtaraku me shumë përvojë si Jebe.

Gjatë karrierës së tij ushtarake 60-vjeçare, Subutai udhëhoqi mbi 20 fushata ushtarake dhe fitoi 65 beteja kundër 32 kombeve. Ai pushtoi më shumë territore sesa çdo komandant tjetër në histori, dhe nuk humbi kurrë asnjë betejë vendimtare. Subutai luftoi me sukses në Mongoli, Kinë, Azinë Qendrore, Gjeorgji, Rusi, Poloni dhe Hungari.

Në shekullin XIII, kur mënyra më e shpejtë e udhëtimit në tokë ishte me kalë, Subutaipushtoi kryeqytetin kinez Kaifeng dhe i mundi hungarezët në Mohi. Distanca ndërmjet këtyre dy qyteteve është 13.000 kilometra. Pasi e ndihmoi Xhengiz Khan që të pushtonte Perandorinë Kuarezmiane, Subutai nisi një fushatë të guximshme rreth Detit Kaspik, e njohur në histori si Bastisja e Madhe e viteve 1220-1223.

Ajo u shtri në një distancë prej 9.000 kilometrash në një hark kohor prej 3 vjetësh, duke e bërë atë fushatën më të madhe të kalorësisë në histori. Për këtë fushatë, Xhengiz Khan i siguroi Subutait dhe Jebes një forcë prej 20.000 kalorësish mongole. Gjatë bastisjes, Subutaiarriti disa fitore të jashtëzakonshme.

Ai e shkatërroi ushtrinë gjeorgjiane, që po përgatitej të bashkohej me kryqëzatën e pestë dhe që kishte 35.000 ushtarë. Duke përdorur një tërheqje të rreme, ai i joshi kalorësit gjeorgjianë të distancoheshin nga këmbësoria dhe i mundi ata. Pasi kapërceu malet e Kaukazit, Subutai mundi luftëtarët e stepës, përpara se të dërrmonte një ushtri ruse prej 80.000 trupash në vitin 1223.

Pas kësaj fitoreje, Subutai u kthye në shtëpi për të luftuar kundër kinezëve. Ai zotëronte aftësi të jashtëzakonshme në lëvizjen e ushtrive të tij nëpër terrene të vështira si shkretëtirat e thata dhe të nxehta apo kalimin e maleve edhe me 1.5 metra borë, si në rajonet e Kaukazit dhe Karpateve.

Pavarësisht sfidave të komunikimit dhe transportit në shekullin XIII-të, Subutai udhëhoqi me sukses pushtimet e Rusisë, Polonisë dhe Hungarisë, të cilat ishin 7500 kilometra larg Mongolisë. Në një rast, ushtria e tij udhëtoi 1200 kilometra brenda 7 ditësh.

Ai i ndau ushtritë e tij në 3–5 degë, të cilat vepronin 1000 kilometra larg njëri-tjetrës. Çdo degë kishte objektivat e veta, të cilat sulmoheshin njëkohësisht. Pasi arrinin objektivat e tyre individuale, mongolët takoheshin në një vend mbi të cilin kishin rënë dakord paraprakisht për të luftuar kundër armikut të çorientuar tashmë.

Gjatë sulmit të tij në Evropë, Subutai zhvilloi 2 beteja në vetëm dy ditë, një kundër polakëve (Beteja e Legnicës më 9 prill 1241) dhe një tjetër kundër hungarezëve (Beteja e Mohit më

11 prill 1241), duke i fituar që të dyja. Ky nivel koordinimi ishte i paprecedentë dhe i dha mundësi Subutait ta organizonte ushtrinë e tij në shumë njësi për t’i eliminuar kundërshtarëtpërpara se ata të kishin mundësi ta ndihmonin njëri-tjetrin.

Dhe i gjithë koordinimi u arrit pa ndihmën e pajisjeve të komunikimit radio apo satelitor qëkemi sot. Trupat e Subutait shkëlqyen në rrethimin dhe surprizimin e armiqve para se ata ta mësonin se çfarë po ndodhte. Për shembull, gjatë betejës së lumit Sit në 1238 kundër rusëve, skautët rusë u dërguan për të zbuluar ushtrinë mongole që po afrohej, por ata u kthyen me lajmin se ushtria ruse ishte tashmë e rrethuar nga mongolët. Rusët u masakruan.

Subutai u ndesh shpesh me kundërshtarët që ishin më të shumtë në numër. Për rrjedhojë, qëtë arrinte fitoren ai përdori taktika të ndryshme. Për shembull, mbështetej shumë tek spiunët, të cilët i jepnin informacione të vlefshme; përdorte diplomacinë për të fituar mbi armiqtë ose për t’i përçarë ata; i mashtronte kundërshtarët e tij duke fituar besimin e tyre dhe më pas i shkatërronte ata.

Po ashtu shkatërronte të gjitha burimet ushqimore pranë kalave, duke i detyruar të rrethuarit të vdisnin nga uria ose dorëzoheshin. Subutai përdori edhe taktikën e tërheqjeve të rreme. Në Betejën e lumit Kalka në vitin 1223, Subutai u shtir sikur nisi një tërheqje që zgjati për 9 ditë.

Pas 9 ditësh, ushtria prej 20.000 mongolësh u rikthye në mënyrë të befasishme duke i asgjësuar 80.000 rusët. Gjenerali i famshëm ishte një nga të parët që përdori në mënyrë efektive zjarrin e artilerisë kundër këmbësorisë armike, një taktikë që do të adoptohej plotësisht shekuj më vonë.

Në Betejën e Mohit në vitin 1241, ai përdori katapultat për të asgjësuar harkëtarët hungarezë.

Fisnikëria mongole i dërgoi djemtë e saj për të luftuar përkrah Subutait, duke e njohur atë si një udhëheqës dhe mësues të jashtëzakonshëm. Subutai u tërhoq në Mongoli dhe vdiq nga pleqëria si një legjendë në vitin 1248 kur ishte 73 vjeç.

Gjenitë ushtarakë si Ervin Romel dhe Xhorxh Paton, studiuan fushatat ushtarake të Subutait, ndërsa sovjetikët zhvilluan doktrinën e tyre ushtarake “Deep Battle” bazuar në taktikat e tij. Shumë parime moderne të luftës së mekanizuar u frymëzuan nga Subutai dhe mongolët e tij.

The post Kush ishte Subutai, gjenerali që pushtoi territorin më të madh në histori? appeared first on Albeu.com.

“Rusia ka goditur qëllimisht infrastrukturën civile me qëllim të dëmtimit të civilëve”, tha gjenerali i ushtrisë Mark Milley, kryetar i Shtabit të Përbashkët, në selinë e NATO-s në Bruksel.

“Ata kanë shënjestruar të moshuarit, gratë dhe fëmijët e Ukrainës”, tha ai, citon Al Jazeera.

“Sulmet pa dallim dhe të qëllimshme ndaj objektivave civile janë një krim lufte në rregullat ndërkombëtare të luftës”, shtoi gjenerali.

The post Gjenerali amerikan akuzon Rusinë për krime lufte në Ukrainë appeared first on Albeu.com.

Mediat raportojnë se presidenti rus ka shkarkuar nga detyra gjeneral-lejtnant Roman Berdnikov për shkak të dështimit të forcave ruse për të mbajtur pjesë të mëdha të territorit ukrainas në ditët e fundit. Në kundërsulmin e forcave ukrainase, trupat ruse u shtynë pothuajse në kufi dhe dyshohet se lanë pas tanke, armë dhe furnizime.

Disa burime perëndimore pohojnë se ushtarët rusë u larguan nga pozicionet e tyre, duke lënë pas edhe rrobat e trupit.

The post Kishte vetëm 16 ditë në detyrë, Putin shkarkon gjeneralin e lartë rus appeared first on Albeu.com.

Gjenerali Valeriy Zaluzhnyi, Komandanti i Përgjithshëm i forcave të armatosura të Ukrainës, tha në një konferencë të mbajtur për të nderuar veteranët ushtarakë dhe familjet e të vrarëve se fëmijët kishin nevojë për mbrojtje në disa pjesë të vendit, përfshirë kryeqytetin Kiev.

“Ata me të vërtetë nuk kuptojnë asgjë që po ndodh dhe patjetër kanë nevojë për mbrojtje … sepse babai i tyre ka shkuar në front dhe ndoshta është në mesin e pothuajse 9,000 heronjve që janë vrarë,” tha ai./albeu.com

The post Gjenerali ukrainas: Kemi humbur rreth 9 mijë ushtarë në luftën kundër Rusisë appeared first on Albeu.com.

Ai thotë se i kanë shikuar arkivat dhe kanë provuar të gjejnë diçka nga këto akuza, por se nuk kanë hasur në të tilla.

Bühler u pyet nga DW për këtë çështje dhe për proceset në Hagë kundër ish-krerëve të ish-UÇK’së.

“Në kohën sa kam qenë unë komandat është publikuar raporti i zviceranit Dick Marty. Natyrisht që ne i kemi shikuar të gjitha arkivat dhe kemi bërë përpjekje që të gjejmë dëshmi konkrete për këto akuza, por nuk kemi gjetur. Nuk kemi gjetur asnjë dëshmi për këto pohime. Unë i njoh tre prej tyre dhe gjithmonë nisem nga parimi, se secili njeri është i pafajshëm deri në vendimin përfundimtar të gjykatës. Natyrisht që ne e kemi përcjellë edhe të gjithë debatin për këtë çështje dhe shpreh keqardhje për zgjatjen kaq të madhe të proceseve. Është për të ardhur keq edhe fakti që provat kanë qenë kaq të pakta në fillim të procesit, sa që tani prokuroria po detyrohet të bëjë hetime të tjera të shumta pas publikimit të aktakuzës së parë”, ka thënë ai.

The post Ishte në krye të detyrës kur u publikua raporti i Dick Marty, gjenerali flet për DW se si po ndiqet procesi ne Hagë appeared first on Albeu.com.