Qendra Kombëtare për Menaxhim Kufitar ka bërë publike informacionet më të fundit mbi qarkullimin në pikat kufitare të Kosovës. Përditësimi i të dhënave është kryer të dielën, më 9 gusht, në orën 14:08.

Ngarkesa më e madhe është evidentuar te Dheu i Bardhë, ku pritjet si për hyrje, ashtu edhe për dalje, zgjasin afërsisht 15 minuta. Në këtë pikë, kolonat e automjeteve shtrihen deri në 200 metra.

Edhe në Hani të Elezit, udhëtarët që hyjnë presin rreth 15 minuta, ndërsa kolona ka arritur në 200 metra.

Në Muçibabë janë shënuar pritje prej afërsisht 10 minutash në të dyja drejtimet, me radhë automjetesh deri në 100 metra.

Koha e pritjes në Merdarë varion nga 5 deri në 10 minuta, kurse në Kullë është nga 5 deri në 6 minuta.

Në vendkalimet e tjera kufitare, pritjet lëvizin kryesisht ndërmjet 1 dhe 5 minutash dhe nuk janë evidentuar kolona të konsiderueshme.

The post Situata aktuale në pikat e kalimit kufitar appeared first on Albeu.com.

Qendra Kombëtare për Menaxhim Kufitar ka bërë të ditur të dhënat e përditësuara për qarkullimin në vendkalimet kufitare, ku në disa pika automjetet po përballen me pritje më të zgjatura.

Fluksi më i madh aktualisht është regjistruar në Jarinjë. Automjetet presin nga 45 deri në 50 minuta, si për të hyrë, ashtu edhe për të dalë.

Në Dheun e Bardhë, koha e pritjes në të dyja drejtimet arrin rreth 30 minuta, ndërsa kolonat shtrihen deri në 300 metra. Në Muçibabë, ndërkaq, pritja në hyrje zgjat 40 minuta dhe kolona ka arritur në 500 metra.

Vonesa janë evidentuar edhe në Merdarë, ku hyrja kërkon 15-20 minuta pritje, ndërsa në dalje automjetet presin 25-30 minuta.

Në vendkalimet e tjera, mes tyre Bërnjaku, Hani i Elezit, Kulla, Glloboqica, Mutivoda, Qafa e Morinës, Qafa e Prushit, Stançiqi dhe Vërmica, pritjet mbeten të shkurtra, nga 2 deri në 15 minuta.

Për kamionët, koha e pritjes në të gjitha pikat kufitare është nga 3 deri në 5 minuta dhe nuk raportohet për kolona. Këto të dhëna janë përditësuar nga Qendra Kombëtare për Menaxhim Kufitar.

The post Situata e fundit në pikat e kalimit kufitar appeared first on Albeu.com.

Familja Raka u përball me një tragjedi mëngjesin e sotëm, pasi Rea, vajza e tyre 24-vjeçare, humbi jetën në një vetaksident në Komoran. Ngjarja ndodhi në orët e mëngjesit, derisa familja po kthehej nga Aeroporti i Tiranës.

Nga aksidenti mbetën të lënduar rëndë edhe tre pjesëtarë të tjerë të familjes, të cilët u transportuan për trajtim në Qendrën Klinike Universitare të Kosovës.

QKUK-ja ka bërë të ditura hollësi për gjendjen shëndetësore dhe trajtimin e tyre.

Të plagosurit fillimisht u pranuan në Emergjencë. Pas kryerjes së ekzaminimeve të nevojshme, njëra paciente u dërgua në sallën operative të QE, ku ndërhyrja u realizua nga ekipet e Kirurgjisë Abdominale, Urologjisë dhe Anestezionit.

Pas përfundimit të operacionit, pacientja u transferua në MIQ, ku po vazhdon trajtimin.

Dy të lënduarit e tjerë kanë pësuar dëmtime të rënda trupore, por aktualisht ndodhen në gjendje stabile. Njëri po merr trajtim në Klinikën Torakale, ndërsa tjetri është hospitalizuar në Ortopedi.

The post Tragjedia në Komoran, tre të plagosur po trajtohen në QKUK, njëra paciente operohet appeared first on Albeu.com.

Hykmete Bajrami, deputetja e sapozgjedhur nga radhët e Lidhjes Demokratike të Kosovës (LDK), ka shprehur kritika të forta ndaj gjendjes në sistemin shëndetësor, duke e cilësuar atë si pasojë të drejtpërdrejtë të qeverisjes së dobët dhe korrupsionit gjatë gjashtë viteve të fundit.

Në një dalje publike, Bajrami theksoi se realiteti i vendit nuk mund të matet përmes konferencave apo statistikave që ofron ekzekutivi, por duke parë nga afër kushtet brenda objekteve shëndetësore.

Ajo i ftoi qytetarët t’i drejtohen klinikave të Pediatrisë, Gjinekologjisë, Onkologjisë, Ortopedisë dhe asaj të Emergjencës për të dëshmuar vetë mungesat, radhët e tejzgjatura dhe sfidat e përditshme me të cilat ndeshen si pacientët, ashtu edhe personeli mjekësor.

Bajrami sqaroi se fajin për këtë realitet nuk e mbajnë mjekët dhe infermierët, të cilët vijojnë ta mbajnë në këmbë sistemin pavarësisht rrethanave të vështira të punës.

E zgjedhura e LDK-së drejtoi gishtin nga qeveria për keqadministrim të parasë publike, duke vënë në dukje se megjithë një buxhet vjetor prej rreth katër miliardë eurosh, sektori shëndetësor vuan vazhdimisht mungesë të barnave, materialeve mjekësore dhe furnizimeve elementare.

Sipas deputetes, në shëndetësi kryhen tendera me shuma të konsiderueshme për shërbime pastrimi, shtroja, ushqim dhe ilaçe, por pacientët ende ndeshen me mungesa thelbësore. Ajo solli në vëmendje edhe sinjalizimet për mungesën e terapisë për kancerin e gjirit në QKUK, duke pretenduar se pacientët janë të shtrënguar t’i sigurojnë vetë ato trajtime.

Bajrami theksoi se kjo gjendje mbart një emër të qartë, duke e ndërlidhur drejtpërdrejt me dukurinë e korrupsionit. Përgjegjësinë politike, sipas saj, e bart pushteti në detyrë, përfshirë edhe Komisionin parlamentar për Shëndetësi, në krye të të cilit qëndron kryeministri në detyrë Albin Kurti.

“Në rast se shëndetësia falimenton, nuk dështon thjesht një qeveri, por dështon i gjithë shteti”, u shpreh ajo.

Qëndrimet e saj erdhën vetëm një ditë pasi Qendra Klinike Universitare e Kosovës (QKUK) i mori me shumë seriozitet brengat e shprehura publikisht lidhur me eksperiencën e familjes së Aulona Memetit gjatë kurimit të të miturës në Klinikën e Pediatrisë. Rrjedhimisht, drejtori i QKUK-së ka urdhëruar krijimin e një komiteti ad-hoc, i cili po kryen një hetim të thelluar administrativ për të sqaruar të gjitha aspektet e ngjarjes.

The post Bajrami: Situata në shëndetësi është kritike, korrupsioni qëndron prapa saj appeared first on Albeu.com.

Menjëherë pas rastit, në vendngjarje kanë intervenuar ekipet e zjarrfikësve, policia dhe ekipet mjekësore, të cilat kanë arritur ta lokalizojnë zjarrin.

Si pasojë e këtij rasti, janë lënduar dy qytetarë, ndër ta edhe një fëmijë, ndërsa gjatë ndërhyrjes lëndime kanë pësuar edhe tre zjarrfikës.

Drejtori i Klinikës Emergjente të Kosovës, Naser Syla, ka bërë të ditur se gjendja e fëmijës është stabile.

“Pacienti është trajtuar në Klinkën Emergjente, për shkak të lëndimeve (djegie) nga zjarri do të transferohet në Kirurgjinë Plastike. Gjendja e pacientit është stabile”, tha shkurtimisht Naser Syla.

The post Stabile gjendja e fëmijës të lënduar në zjarrin që përfshiu një banesë te Parku i Qytetit në Prishtinë appeared first on Albeu.com.

Fotoja, me një atmosferë melankolike dhe estetikë minimale, ka nxitur dy këndvështrime në publik.

Disa ndjekës e panë atë thjesht si një zgjedhje artistike, pa ndonjë nëntekst të fshehur, duke e parë si një imazh me estetikë minimale.

Megjithatë, duke qenë se fotot bardhë e zi shpesh mbartin një gravitet tjetër, shumë ndjekës e interpretuan postimin si një pasqyrim të një gjendjeje emocionale më të ndërlikuar, duke aluduar për një trishtim apo moment reflektimi të brendshëm.

Forca e kësaj fotoje qëndron pikërisht në dykuptimësinë e saj. Postimi ka arritur të bëjë të gjithë të flasin pa thënë vetë Ledioni asnjë fjalë, duke treguar se ai di të përdorë sekretin e rrjeteve sociale për të mbajtur gjallë vëmendjen e publikut.

The post Gjithë vëmendja te Ledion Liço! – Ndjekësit nisin aludimet për gjendjen e tij emocionale (FOTO) appeared first on Albeu.com.

Gjatë kësaj periudhe janë raportuar 28 vatra zjarri, nga të cilat 3 vatra janë aktive dhe 6 janë në monitorim.

* Tërnovë (Bashkia Bulqizë) – Zjarri vazhdon të zhvillohet në kurorë me pyje të dendura nga qafa e malit në drejtim të qytetit të vjetër Bulqizë. Në operacion janë angazhuar 8 efektivë të MZSH të bashkisë Bulqizë, 4 forca bashkiake, 6 forca të pyjores, 3 forca policore, të mbështetur nga FA me 30 forca ushtarake dhe 1 helikopter. Po punohet për izolimin e zjarrit.

* Xeth (Bashkia Fushë-Arrëz) – Vijon puna për izolimin e zjarrit me angazhimin e 60 forcave operacionale, të ndihmuara nga 80 forca ushtarake dhe 1 helikopter. Intensiteti i flakëve është ulur, por puna për shuarjen vazhdon.

* Velë (Bashkia Mirditë) – Zjarr në një masiv me pisha, me rreth 6.5 ha të përshkruara nga flakët. Në terren janë 3 automjete zjarrfikëse me 6 efektivë të MZSH të bashkisë Mirditë, 12 forca bashkiake, 6 forca të pyjores, 2 forca policore dhe 6 forca ushtarake. Po punohet për shuarjen e plotë të zjarrit.

* Mali me Gropa – Bizë (Bashkia Bulqizë) – Zjarri zhvillohet në zonë shkëmbore, pa rrezik. Angazhuar 2 forca AdZM dhe 5 vullnetarë.

* Zhapokikë, Plashnik (lagja Lugas) dhe Rehovë (Bashkia Poliçan) – Vatra nën kontroll nga ndërhyrja e forcave, 2 helikopterëve, ndihmuar edhe nga reshjet e shiut.

* Velçan (Bashkia Berat) – Situata nën kontroll pas ndërhyrjes së 25 efektivëve MZSH, 2 helikopterëve dhe favorizuar nga reshjet e shiut.

* Mali i Bërzhitës, Ibë (Bashkia Tiranë) – Vatra nën kontroll nga 3 automjete zjarrfikëse, 5 forca APR dhe policia.

* Damjan-Fortuzaj dhe Isufaj (Bashkia Tiranë) – Nën kontroll pas ndërhyrjes së MZSH, APR dhe Policisë.

* Ferraj dhe Zall-Herr (Bashkia Tiranë) – Intensitet i ulët, nën kontroll dhe pa rrezik për banesat.

Në operacionet për shuarjen e zjarreve u angazhuan 52 automjete zjarrfikëse dhe 740 forca operacionale, të ndihmuar nga FA me 323 forca ushtarake, 7 automjete zjarrfikëse dhe 1 helikopter të FA. Gjithashtu morën pjesë 4 helikopterë (EBA, çek, sllovak) dhe 1 avion Canadair nga Italia.

The post Situata nga zjarret, Ministria e Mbrojtjes: 28 vatra në 24 orë, vetëm 3 janë aktive, 6 në monitorim appeared first on Albeu.com.

Sipas pamjeve të publikuara në faqen zyrtare të reality-show-t, Gjesti shihet me sy të ënjtur dhe shenja në fytyrë, si pasojë e sulmit që ndodhi para kamerave dhe publikut mbarëkombëtar.

Edhe pse gjendja e tij shëndetësore raportohet si e mirë, gjurmët e dhunës janë të dukshme, duke ngritur shqetësime të shumta për sigurinë e banorëve brenda shtëpisë.

Pas këtij episodi të paprecedentë, rrjetet sociale janë përmbytur me mesazhe përkrahjeje për Gjestin.

Qytetarë, figura publike dhe fansa të reality-show-t kanë reaguar fuqishëm, duke dënuar aktin e dhunës dhe duke i qëndruar afër artistit të njohur përmes komenteve, postimeve dhe thirrjeve për drejtësi.

Ky incident ka ndezur një debat të gjerë publik mbi përgjegjësinë e produksionit për të garantuar sigurinë dhe mirëqenien emocionale të pjesëmarrësve, veçanërisht në momentet kur tensionet brenda lojës kalojnë kufijtë e tolerancës dhe shpërthejnë në agresion fizik.

The post Gjendja e Gjestit një ditë pas sulmit fizik të Jozit në Big Brother VIP Albania 4, që ndodhi në transmetim direkt appeared first on Albeu.com.

“Kryefjala” ka siguruar një foto të Eglit me mikeshen e saj në Palasë në Beach Bar – Sky Sport.

Duket se Egli ka zgjedhur jugun e Shqipërisë për tu shkëputur nga zhurma e BB VIP dhe nga komentet negative, krahas atyre mbështetëse, dhe deklaratave të ndryshme për daljes e saj.

Ajo gjithashtu ka qëndruar larg rrjeteve sociale, duke mos bërë asnjë postim gjatë ditëve të fundit.

The post FOTO/ Egli është në gjendje shumë të rëndë, zbulohet e vërteta appeared first on Albeu.com.

Papa 88-vjeçar ka qenë në spital për më shumë se një javë pas pneumonisë.

Kolapsi më i fundit shëndetësor kërkonte flukse të larta oksigjeni, tha Vatikani sipas AP.

Udhëheqësi i kishës katolike mori gjithashtu transfuzion gjaku pasi analizat treguan se ai kishte një gjendje të lidhur me aneminë.

The post Përkeqësohet gjendja e Papa Françeskut, Vatikani: Ati i Shenjtë pësoi një krizë astmatike appeared first on Albeu.com.