Prej më shumë se një jave, qytetarë nga Bulqiza dhe Pogradeci, po përballen me një situatë të papranueshme në zyrat e gjendjes civile.

Në Bulqizë, banorët ankohen se sistemi për aplikimin e pasaportave 2-javore nuk funksionon, ndërkohë që shërbimi për pasaportat 3-ditore me kosto më të lartë është aktiv, duke ngritur dyshime për trajtim të pabarabartë dhe përfitime të mundshme nga situata.

“Jam nje banor nga Bulqiza. Desha te denoncoj nje rast ne gjendjen civile Bulqizë pasi ka 1 jave qe me thone nuk ka sistem per pashaporta 2 javore 75 mij lek ndersa 3 ditore qe kushton 180 mj lek ka sistem ju lutem shperndajeni te na japin nje zgjidhje”, shkruan qytetari për JOQ Albania.

Ndërkohë në bashkinë e Pogradecit, prej 9-ditësh sistemi nuk funksionon fare dhe institucionet përgjegjëse nuk japin asnjë shpjegim konkret për situatën.

Kjo ka paralizuar të gjithë shërbimet, shpalljet martesore, regjistrimet civile dhe dokumentet e tjera jetike.

“Si jeni? A beni pubilke ju lutem, ka qe te henen e kalur me shume se 9dit ne qarkun e Korces bashkia Pogradec nuk ka sistem gjendja civile, nuk funksjonin, eshte turp i madh per ketë ven m*ti e shtet m*ti, se kane bere cdo gje onlin as nuk mund te besh martesa as shpallje asgjë asnjeri s’mban pergjegjesi vetem po punohet thone, turp i zotit, jetoj jashtë Shqipërie dhe kam ardh t bej martës eshte e pa mundur”, denoncon qytetari për JOQ.

The post Gjendja civile në kolaps/ Mirlinda Karçanaj e AKSHI-t lë qytetarët pa pasaporta dhe pa martuar appeared first on Albeu.com.

Sipas Gjendjes Civile, ish-Kreu i Shtetit nuk e ka bërë një gjë të tillë.

Sipas verifikimeve nga nga ky organ, ish-Presidenti rezulton i regjistruar si Ilir Metaj. Gjendja Civile bën me dije se sipas verifikimeve të kryera nga regjistri dhe arkivi i gjendjes civile rezulton se shtetasi Ilir Rexhep Metaj ka të njëjtin emër që nga lindja.

Ndërkohë, kujtojmë se Monika Kryemadhi e publikoi një ditë më parë certifikatën personale të kreut të Partisë së Lirisë, me pretendimin se po ndihmonte SPAK./albeu.com/

The post DOKUMENTI/ Hetimi për Ilir Metën, Gjendja Civile i kthen përgjigje SPAK-ut appeared first on Albeu.com.

Bëhet fjalë për një shkresë ku SPAK i kërkon informacion Gjendjes Civile mbi gjeneralitetet duke përfshirë edhe ndryshimet, për nevoja të hetimit të këtij procedimi penal.

“Një kërkesë tjetër serioze për karagjozët më të mëdhenj të Ramaformës”, e cilësoi Meta këtë shkresë.

Meta shtoi se shtatori po afron dhe askush nuk e ndal dot rrëzimin e Edi Ramës./albeu.com/

The post DOKUMENTI/ Hetimi ndaj Metës, SPAK letër gjendjes civile: Duam informacion (FOTO LAJM) appeared first on Albeu.com.

Një zonjë nga Korça, e cila është nusja e djalit e të ndjerës Qazibe Pajo, është drejtuar pranë “Stop” për një problem të pazakontë. Vjehrra e saj ka ndërruar jetë para 18 vitesh. Por së fundi familjarët kanë mësuar, se e ndjera figuron e gjallë në Gjendjen Civile të Njësisë Miras Devoll.

“Kur vete në Miras, nëna e vet, ka 18 vite që ka vdekur dhe atje mëson që nëna ekzistonte e gjallë në dokumentet e shtetit. Shkon në Bilisht, vete te sigurimet shoqërore dhe atje figuronte e gjallë. Ne thjesht na duhej certifikata dhe pastaj dolën këto problemet e tjera”, tha denoncuesja.

Zonja e ndjerë ka jetuar në fshatin Sul të Devollit. Asaj i ka kaluar pensioni, por nuk e dinë nëse është tërhequr nga dikush.

“Stop” u drejtua në Gjendjen Civile Miras në Devoll dhe pyetën për zonjën. Atje thanë se Qazibe Pajo rezulton e gjallë dhe për ta çregjistruar mjafton një skedë vdekjeje nga mjeku i ambulancës.

Punonjësja e Gjendjes Civile: Qazibe Pajo e datëlindjes 1933, babai Halil, nëna Hajrije! Cfarë ka zonja?

Gazetarja: Nuk është e çregjistruar?

Punonjësja e Gjendjes Civile: Jo, nuk është e çregjistruar.

Gazetarja: Ku të del vendbanimi?

Punonjësja e Gjendjes Civile: Në Sul. Para pandemisë bëhej me vendim gjykate për këto, që kanë kaq shumë kohë. Ama tani mjafton vetëm një skedë vdekje tani nga doktori. Doktori, që është tani në Ambulancë, patjetër, që ka një dokument, që kjo ka vdekur dhe në qoftë se e gjen atë dokument, bën një tjetër dublikatë dhe çregjistrohet. Ama të jenë të dhënat e sakta, data e vdekjes, emri, mbiemri. Nga mjeku i Ambulancës i Qendrës Shëndetësore. Ka mjek atje në Sul.

“Stop” shkoi edhe në varrezat e fshatit, ku ndodhet edhe varri i të ndjerës. Fshatarët e zonës thonë se zonja ka vdekur për shkak të një sëmundje.

Vajza: Ne dinim të çregjistruar atë.

Gazetarja: Dini gjë kush është marrë me procedurën e çregjistrimit nga fëmijët?

Gazetarja: Këtu nuk është se ka ndonjë letër të mjeku i familjes? Ndonjë kartelë ndonjë gjë?

Vajza: Po janë ndërruar mjekët.

Gazetarja: Mos ka ndonjë shënim te kartela mjekësore, që filan person ka ndërruar jetë në këtë datë?

Vajza: Jo, jo u interesuam ne edhe këtu edhe në Bilisht.

Në zyrat e Sigurimeve Shoqërore të Bilishtit, punonjësit thonë, se pensioni është xhiruar, por nuk është tërhequr. Pa ardhur shkresë nga Gjendja Civile nuk mund të bëhet bllokimi i pensionit.

Punonjësja: Në momentin, që nuk bëhet çregjistrim në Gjendje Civile, Sigurimet Shoqërore s’kanë nga ta dinë, që kjo zonjë ka vdekur dhe të bllokojnë pensionin.

Gazetarja: Unë këtë doja nga ju, që nuk është tërhequr pensioni dhe është kthyer në Thesar.

Punonjësja: Siç e pe dhe vetë, datë pagese nuk ka. Është kaluar në sistem, po fond nga ne dhe Posta, nuk kanë dalë. Thjeshtë pensioni gjenerohet, sepse pa patur dokumente këtu, që t’i vëmë në sistem për bllokim të përhershëm, ajo gjë do vazhdojë siç ka vazhduar.

Gazetarja: Ju nuk e bëni këtë bllokim?

Punonjësja: Pa ardhur nga Gjendja Civile nuk e bllokoj dot unë. Si do ta bllokoj unë?!/tvklan.al/

The post Çudia në Korçë, gruaja rezulton e gjallë 18 vjet pas vdekjes appeared first on Albeu.com.