02.08.2026 – 08:33

Qindra bashkatdhetarë që po udhëtojnë drejt Kosovës për pushime kanë mbetur të bllokuar prej më shumë se 15 orësh në radhët disakilometërshe të krijuara në pikën kufitare ndërmjet Malit të Zi dhe Kroacisë.

Informacionet e siguruara nga media tregojnë se vonesat e mëdha janë shkaktuar nga probleme teknike gjatë verifikimeve në kontrollin kufitar, të cilat e kanë ngadalësuar ndjeshëm lëvizjen e automjeteve.

Shumë prej mërgimtarëve deklarojnë se kanë kaluar afërsisht 18 orë në kolonë dhe se po përballen me kushte të rënda gjatë pritjes.

Një mërgimtar, i cili kërkoi të mos identifikohej, tha se po presin prej më shumë se 18 orësh në mes të malit. Sipas tij, udhëtarët kanë mbetur pa ujë dhe ushqim, ndërsa në atë zonë nuk ka markete ku mund të furnizohen.

Ai kërkoi ndërhyrjen e institucioneve të Kosovës për të ndihmuar në kapërcimin e situatës dhe për ta lehtësuar qarkullimin në kufi.

Më herët ishte raportuar se bashkatdhetarët kishin kaluar mbi 12 orë të bllokuar në kolonën disa kilometra të gjatë në kufirin Kroaci–Mal i Zi.

Edhe në atë fazë, pengesat teknike në verifikimet e kryera gjatë kontrollit kufitar po ndikonin në ngadalësimin e trafikut.

Qindra mërgimtarë që po kthehen në atdhe i kanë treguar io-s përvojat e tyre, duke thënë se pritja kishte nisur që në mëngjes.

Në kushte anonimiteti, një bashkatdhetar deklaroi se kishte 12 orë në kolonë dhe se nuk e dinte sa ishte zgjatur radha pas tij. Ai tha se për të përshkuar 15 km deri në destinacion po prisnin që nga mëngjesi, ndërsa kritikoi dënimin e udhëtarëve pa e ditur arsyen e vonesave. Sipas tij, në radhë kishte fëmijë, të moshuar, gra dhe persona të sëmurë, ndërsa shumë prej tyre po qëndronin pa ushqim.

The post Kolona të gjata në kufirin Mal i Zi–Kroaci, mërgimtarët presin mbi 15 orë pa ushqim e ujë appeared first on Albeu.com.

Prej më shumë se 12 orësh, bashkatdhetarët tanë po qëndrojnë të bllokuar në një kolonë disa kilometra të gjatë në kufirin mes Kroacisë dhe Malit të Zi.

Sipas raportimit të IndeksOnline, lëvizja është ngadalësuar për shkak të problemeve teknike gjatë procesit të verifikimit në pikën e kontrollit kufitar.

Qindra mërgimtarë që janë nisur drejt atdheut kanë rrëfyer për io përvojën e tyre, duke thënë se pritja ka nisur që në orët e mëngjesit.

Një bashkatdhetar, i cili foli në kushte anonimiteti, deklaroi se ndodhej në kolonë prej 12 orësh dhe se nuk e dinte sa ishte zgjatur radha pas tij. Ai tregoi se, ndonëse deri në destinacion kishin mbetur 15 kilometra, prisnin aty që nga mëngjesi. Sipas tij, askush nuk e di arsyen e situatës, ndërsa njerëzit po ndëshkohen nga pritja e gjatë. Në radhë, siç tha ai, ka fëmijë, të moshuar, gra dhe persona të sëmurë, si dhe shumë udhëtarë që kanë mbetur pa ushqim.

Ai njoftoi gjithashtu se një autoambulancë sapo ishte afruar për t’u ardhur në ndihmë udhëtarëve.

The post Kolona kilometrike në kufirin Kroaci–Mali i Zi, mërgimtarët të bllokuar prej mbi 12 orësh appeared first on Albeu.com.

Disa mbetje mortore, për të cilat dyshohet se i përkasin Halim Sopajt, u zbuluan më 23 korrik në një zonë malore pranë fshatit Shkozë të Malishevës. Sopaj rezultonte i zhdukur që nga 5 tetori i vitit të kaluar.

Pas raportimit të zhdukjes, Drejtoria Rajonale e Policisë në Gjakovë, së bashku me institucionet e tjera kompetente, kishte ndërmarrë disa operacione radhazi kërkim-shpëtimi, por pa arritur ta lokalizonte atë.

Sipas njoftimit të Policisë, mbetjet mortore të viktimës u dërguan në Institutin e Mjekësisë Ligjore (IML) për ekzaminimet përkatëse. Sot, autoritetet janë informuar zyrtarisht se procesi i ekzaminimit ka përfunduar, ndërsa pas konsultimit me prokurorin e shtetit, mbetjet mortore iu dorëzuan familjarëve.

The post Mbetjet mortore të gjetura në Malishevë dyshohet se i përkasin Halim Sopajt appeared first on Albeu.com.

Bëhet me dije se të ndjerët janë të moshave 82 dhe 62-vjeç. Sipas informacionit të policisë, nuk kanë shenja dhune dhe vdekja dyshohet të jetë nga shkaqe natyrale.

Njoftimi:

Më datë 09.12.2025:-u gjet në sipërfaqen e tokës në pronësi të tij, në fshatin Kalush, trupi i pajetë i shtetasit H. B., 82-vjeç. Nga këqyrja paraprake e trupit nuk janë konstatuar shenja dhune. Paraprakisht, dyshohet se ky shtetas e ka humbur jetën prej shkaqeve natyrale;

-u gjet në banesën e tij, në lagjen nr. 13, trupi i pajetë i shtetasit B. M., 62-vjeç. Nga këqyrja paraprake e trupit nuk janë konstatuar shenja dhune. Paraprakisht, dyshohet se ky shtetas e ka humbur jetën prej shkaqeve natyrale.

The post E rëndë në Durrës/ Dy persona gjenden pa shenja jete, dyshohet se… appeared first on Albeu.com.

Mësohet se i moshuari jetonte prej vitesh i vetmuar në banesë, pasi ishte i divorcuar nga bashkëshortja dhe i braktisur nga fëmijët.

Ka qenë motra e tij e cila ka bërë kërkesë për ndihmë në komisariatin e Korçës, pasi prej gati 1 muaji nuk kishte kontakt me të vëllain.

Pas denoncimit, Policia e Korçës ka shkuar në banesë dhe pasi kanë hapur derën, kanë gjetur pa shenja jete 82-vjeçarin.

Trupi i viktimës u transportua në morgun e spitalit.

The post E rëndë në Korçë, i moshuari gjendet pa shenja jete në banesën e tij appeared first on Albeu.com.

Bretkosat u gjetën në enë të vogla plastike. Qytetarja braziliane, e cila udhëtoi për në qytetin e Sao Paolos nëpërmjet Panamasë, tha se i mori bretkosat si dhuratë nga një komunitet lokal në Kolumbinë jugore.

Ndërsa, policia lokale tha se çdo bretkosë mund të arrijë një çmim prej rreth 1000 dollarë amerikanë.

Sekretarja e Ekologjisë në Bogota, Adriana Soto njoftoi se gjoba për posedimin e një prej këtyre bretkosave, të njohura si bretkosat arlekin, mund të arrijë në rreth 56 milionë pesos (14,300 dollarë).

Gjëndrat e tyre të lëkurës, prodhojnë një helm shumë të fortë që është përdorur në të kaluarën nga vendasit për të veshur majat e shigjetave të tyre të gjuetisë.

Helmi është mjaft i fortë për të vrarë kafshët e vogla, shkruan BBC.

Bretkosat Harlequin, më të vogla se gishti i madh i njeriut, janë një specie kritikisht e rrezikuar që mund të gjendet në pyjet me lagështi përgjatë bregut të Paqësorit midis Ekuadorit dhe Kolumbisë, dhe në vende të tjera të Amerikës Qendrore dhe Jugore.

Sipas policisë lokale, për shkak të statusit të tyre si specie të rrezikuara, ato janë shumë të kërkuara në mesin e koleksionistëve privatë në tregjet ndërkombëtare.

Trafikimi i kafshëve të egra, është i zakonshëm në Kolumbi dhe në të gjithë Amerikën Latine, një rajon i pasur me biodiversitet.

Amfibët, gjitarët e vegjël dhe pjesët e gjallesave detare, janë veçanërisht të popullarizuar nga tregtarët, sipas BBC.

The post Gruas i gjenden 130 bretkosa helmuese në bagazhin e aeroportit appeared first on Albeu.com.