Mund t’iu duket qesharake, por rezulton se tendenca e seksit mashkull për të qëndruar ulur në tualet për një kohë të gjatë shpjegon edhe pse ata në përgjithësi kanë një aktivitet më normal të zorrëve sesa femrat.

“Çdo grua që jeton me një burrë e di se është e vërtetë që meshkujt kalojnë më shumë kohë në banjë sesa femrat në përgjithësi, por në realitet, ata kanë shumë më pak gjasa të vuajnë nga problemet e zorrëve dhe kapsllëku kronik sesa femrat”, tha gastroenterologu, Kyle Steller për Yahoo.

Cila është arsyeja e kohës shtesë të mashkullit që kalon në tualet?

Psikologia gastrointestinale, Madison Simmons nga Klinika e Cleveland tha se shpjegimi mund të jetë biologjik. Si fillim, trupi duhet të jetë i relaksuar për t’i vënë gjërat në lëvizje, me sa duket. Meshkujt, rezulton, priren të ndihen më të relaksuar kur janë në tualet sesa gratë, shpjegoi Simmons. Kjo është për shkak se ata kanë një “ndërprerës binar” që i ndihmon ata të hidhen papritur në përgjigjet “lufto ose ik” (pjesë e një mekanizmi evolucionar mbijetese që përgatit një person të përballet fizikisht me një kërcënim ose rrezik të menjëhershëm).

Funksioni kryesor i sistemit nervor autonom është ruajtja e shëndetit të trupit, balancimi i aktivitetit të sistemeve të trupit dhe ruajtja e energjisë me kalimin e kohës dhe nga ana tjetër, përgatitja e tij për aktivitetin e mbijetesës afatshkurtër. Në mënyrë që tretja të kalojë siç duhet, trupi duhet të jetë në një gjendje të relaksuar. Bërja e kalimit nga stresi i përditshëm në relaksimin në tualet inkurajon atë që Simon e quan “funksioni i pushimit dhe i tretjes”. Kur trupi është në gjendje relaksimi dhe dita për shumicën e të rriturve është relativisht stresuese, a është çudi që ata nuk nxitojnë të ngrihen dhe të shkojnë? Burrat, tha Simmons, thjesht mund të “shijojnë të kalojnë kohë në këtë gjendje relaksi përpara se të kthehen përsëri në jetën e tyre stresuese”.

Hulumtimet e mëparshme zbuluan gjithashtu se burrat kanë më shumë gjasa të lexojnë në tualet, gjë që u merr më shumë se mesatarja e pesë minutave që u duhen shumicës së njerëzve për ta bërë, sipas Klinikës Cleveland. Një studim tjetër nga Universiteti i Oksfordit zbuloi se burrat zakonisht qëndrojnë më shumë në telefon sesa gratë kur janë në banjë (gjë që është e rrezikshme në vetvete).

The post Ja arsyeja pse burrat rrinë më shumë në “WC” sesa gratë appeared first on Albeu.com.

Enciklopedia Britannica dhe Rekordet Botërore Guinness i kanë dhënë Nilit në Afrikë titullin “lumi më i gjatë në botë”. Por një ekspeditë braziliane në lumin e Amazonës, po vë në dyshim çdo gjë.

“Nili është si një krimb dhe Amazona është një anakonda. Që është lumi më i madh dhe me më shumë vëllim në botë, kjo është e sigurt, por do të vërtetojmë se është edhe lumi më i gjatë në botë.”

Udhëheqësi 55-vjeçar i ekspeditës, Yuri Sanada.

Një ekspeditë prej 7000 kilometrash

Dilemat për gjatësinë vijnë kryesisht nga çështja se ku fillon Amazona. Gjithmonë është menduar se lumi nis nga burimet e lumit Apurimac në Perunë jugore, por së fundmi shkencëtarët po pretendojnë se kanë zbuluar një burim lumi më të largët, në Perunë Veriore. Zbulimi i burimit të ri shton 77 kilometra në gjatësinë e Amazonës.

Megjithatë, përveç çështjes së gjatësisë, ekspedita ka synime edhe më të mëdha për të dokumentuar dhe për të zbuluar plotësisht biodiversitetin e pasur të pyjeve tropikale të Amazonës. Rruga e planifikuar e ekspeditës prej 7000 kilometrash do të nisë nga burimi i supozuar në Mantaro, thellë në Andet peruane dhe për të vazhduar më pas në Peru, Kolumbi dhe Brazil.

Megjithatë, pavarësisht këtyre synimeve optimiste, ky nuk është një udhëtim pa rrezik. Në këtë lloj ekspedite, shumë gjëra mund të shkojnë keq, si p.sh varkat e lundrimit që mund të dëmtohen apo edhe rreziqet e xhunglës nga kafshët e egra si anakondat, bretkosat helmuese etj. Por pjesa më e rrezikshme sipas udhëheqësit të ekspeditës është ndërveprimi njerëzor. Ekipi mund të ndeshet me njerëz të tjerë në zona të thella që mund të jenë grupe kriminale të shpërndarjes së drogës ose dhe komunitetet vendase që jetojnë në xhungël.

Cilido qoftë rezultati i ekspeditës, ekipi shprehet se do të donte të eksploronte Nilin më pas, duke përdorur të njëjtat teknika dhe metoda matjeje. Nili, i cili rrjedh nëpër Afrikën verilindore përpara se të arrijë në Detin Mesdhe nëpërmjet Egjiptit, gjithashtu përballet me debate rreth burimit të tij.

Pas përfundimit të ekspeditës, një dokumentar dhe një film pritet të debutojnë në vitin 2026. Ndër të tjera, përmes ekspeditës besohet se mund të nxitet turizmi ndërkombëtar, si dhe të rritet ndërgjegjësimi për mbrojtjen e natyrës së jashtëzakonshme të Amazonës.

The post Cili është lumi më i gjatë në botë? appeared first on Albeu.com.

Për këtë, një grup studiuesish morën 11 të rritur të shëndetshëm, të moshës së mesme dhe të moshuar që të uleshin në laboratorin e tyre për 8 orë, që përkon me një ditë standarde pune. Këtë e bënë për një javë rresht, ku secilën ditë eksperimentin e praktikonin në forma të ndryshme. Në një ditë pjesëmarrësit lëvizën shumë pak gjatë 8 orëve, në një ditë tjetër ecnin për një minutë çdo gjysmë ore, një ditë tjetër lëvizën nga 5 minuta çdo orë dhe një tjetër ditë ecën nga 5 minuta çdo gjysmë ore.

Qëllimi ishte të gjendej koha e saktë e lëvizjeve për të shmangur rreziqet që mund të vinin nga qëndrimi i gjatë ulur, siç janë nivelet e sheqerit në gjak apo sëmundjet e zemrës.Sipas studiuesëve u zbulua se një shëtitje e lehtë prej 5 minutash çdo gjysmë ore ishte e vetmja strategji që uli ndjeshëm nivelet e sheqerit në gjak krahasuar me qëndrimin ulur gjatë gjithë ditës. Në veçanti, 5 minuta ecje çdo gjysmë ore reduktuan rritjen e sheqerit në gjak dhe uljen e rrezikut për sëmundjet e zemrës në 60 për qind të tyre.

Përveç përfitimeve të shëndetit fizik, kishte edhe përfitime për shëndetin mendor. Gjatë studimit, ata i kërkuan pjesëmarrësve të vlerësonin gjendjen e tyre mendore duke përdorur një pyetësor. Gjithashtu zbuluan se krahasuar me qëndrimin ulur gjatë gjithë ditës, një shëtitje e lehtë 5-minutëshe çdo gjysmë ore zvogëloi ndjenjat e lodhjes, i vendosi pjesëmarrësit në një humor më të mirë dhe i ndihmoi ata të ndiheshin më energjikë.

Njerëzit që qëndrojnë ulur për orë të tëra, zhvillojnë sëmundje kronike , duke përfshirë diabetin, sëmundjet e zemrës, demencën dhe disa lloje kanceri me ritme shumë më të larta, sesa njerëzit që lëvizin gjatë gjithë ditës. Një mënyrë jetese e ulur gjithashtu i vë njerëzit në një rrezik shumë më të madh të vdekjes së hershme. Por vetëm ushtrimet fizike të përditshme mund të ndryshojë efektet e dëmshme shëndetësore të qëndrimit ulur.

The post Ja çfarë duhet të bëni që mos keni dhimbje nëse qendroni gjatë ulur appeared first on Albeu.com.

Nuk është sekret se intelekti është një cilësi shumë e vlerësuar.

Studimet tregojnë se kur kjo cilësi është prezente te femrat, ajo mund të ndihmojë në rritjen e jetëgjatësisë së partnerit si dhe të parandalojë problemet me kujtesën.

Studiuesit britanikë dhe skocezë e “University of Aberdeen” përcaktuan se burrat që martohen me gra inteligjente jetojnë më gjatë, janë më të lumtur dhe gjithashtu vuajnë më rrallë nga sëmundje të trurit si Alzheimer.

Çuditërisht, disa burra që ishin të martuar me gra shumë inteligjente, doli se kishin një tru më të “dobët” fizikisht teksa u skanuan, por ata nuk vuanin nga asnjë simptomë e shëndetit të dobët mendor.

Burrat në Shqipëri kanë ”pushtetin” mbi paranë e biznesin, gratë rrisin peshën në politikë

Ata ishin plotësisht të bindur në aftësitë dhe kompetencat e tyre mendore. Për fat të keq, ende mbizotëron ideja se bukuria e një gruaje vlen më shumë se sa intelekti i saj.

Por, ky studim tregon se një burrë që “zgjedh” inteligjencën te partnerja e tij, do ta ketë më të lehtë të kujdeset për shëndetin e tij fizik dhe psikologjik.

The post Studimi: Burrat që lidhin jetën e tyre me gra inteligjente, jetojnë më gjatë appeared first on Albeu.com.

Japonezët kanë “sekretet” e tyre për të bërë këtë dhe ju duhet të filloni të mbani shënime:

1. Sa më pak, aq më mirë

E kemi fjalën për porcionet e ushqimeve. Duhet të kuptoni që “shumë herë nga pak” është më mirë se një pjatë e madhe që do t’ju bëjë të ndiheni të fryrë. Porcionet e vogla do t’ju mbajë larg mbingopjes dhe si rezultat larg kilogramëve të tepërt.

2. Hani derisa të ndiheni 80% të ngopur

Nuk rekomandohet të hani shpejt pasi duhen të paktën 20 minuta nga koha që nisni të ushqeheni që truri të dërgojë sinjale tek stomaku. Japonezët e dinë këtë dhe përdorin një rregull të thjeshtë: hanë derisa të ndihen 80% të ngopur ose thënë ndryshe hanë 8 nga 10 lugët e ushqimit.

3. Përdorni një lugë çaji me vaj ulliri dhe vetëm 0.9 gram kripë

Rekomandohet ta reduktoni sasinë e kripës në 0.9 gram në ditë dhe të mos ndani një lugë çaji me vaj ulliri kur gatuani.

4. Ata preferojnë të ecin në vend që të ushtrohen.

Janë gjatë gjithë kohës aktivë, por aktiviteti i tyre i preferuar është ecja. Duke bërë këtë ata kombinojnë mbajtjen e trupit në formë dhe kënaqësinë emocionale në të njëjtën kohë. Duke ecur, mund të flasin, mund të njihen me njerëz të rinj dhe në të njëjtën kohë, të ushtrohen.

5. Dushet e gjata me avull dhe vajra esencialë

Banjot e gjata janë shumë të rëndësishme për shëndetin e tyre dhe jo vetëm! Japonezët përdorin vajra esencialë që ndihmojnë në zbutjen dhe relaksimin e lëkurës. Kujdesuni të mos e kaloni masën e qëndrimit në dush, por shijojeni kohën aty dhe meditoni.

The post LISTA/ 5 sekrete nga japonezët për të jetuar shëndetshëm dhe më gjatë appeared first on Albeu.com.