Kryeministri Albin Kurti në fjalën e tij u ndal gjatë te raportet me Serbinë, duke u shprehur se për fqinjin verior qeveria e tij i ka tre alternativa.

“Për rininë e kemi punësimin, për gratë e kemi barazinë, për rininë i kemi shtesat, për opozitë e kemi opozitën, për Serbinë e kemi policinë, e ushtrinë, e dialogun, për pleqtë e kemi pensionin dhe për të gjithë e kemi shëndetësinë. Pra secili në vend të vetit”, tha Kurti duke dërguar një mesazh të qartë në Beograd.

“Janë dy parti, të cilët kanë qeverisur më së gjati. Herë bashkë e herë ndaras, por të cilat na e kanë bërë dëmin më të madh në raport me kojshinë tonë të keq.

Ne nuk mund ta ndryshojmë gjeografinë dhe historinë, por ne mund ta ndryshojmë të ardhmen duke filluar qysh tash.

Njëra prej këtyre partive, LDK është e tillë që Presidenti i Serbisë i thotë “Razumen”, dhe partia tjetër PDk është e tillë që Presidenti i Serbisë i thotë: “We are not problematic guys”.

Por, koalicioni jonë, Vetëvendosje, Guxo dhe Alternativa i thotë atij ashtu siç është, ministër i Millosheviçit, aparati shtetëror e kriminal i të cilit nuk do të ketë vend, sepse do ta ndjekim në çdo kënd, cep më cep, në Republikën e pavarur, demokratike e progresiste të Kosovës”, tha Kurti.

The post “Për Serbinë e kemi ushtrinë e policinë” – Kurti mesazh Vuçiçit nga Gjakova: Do ju ndjekim cep më cep! appeared first on Albeu.com.

Hetimet për këtë ngjarje tragjike tashmë po udhëhiqen nga Prokurori i Shtetit, Armend Hamiti, i cili ka zbardhur disa detaje nga hetimet e deritanishme.

Në një prononcim për mediat kosovare, Hamiti raportohet të ketë thënë se aktualisht se nuk ka të arrestuar, por ka persona që janë intervistuar në cilësinë e të dyshuarve.

Ai thekson se në mesin e të dyshuarve është edhe 32-vjeçari Asdren Begolli, që po qëndronte me të ndjerën, natën e ngjarjes tragjike, në hotel.

“Rasti është duke u trajtuar me dyshimet si Hetim i vdekjes/vetëvrasje. Nuk ka persona të arrestuar. S’ka persona të dyshuar lidhur me rastin. Jemi në fazë të hetimeve. Jemi t’u këqyrë, tash po i pres rezultatet, ekspertizat, se a ka najsen tjetër”,- ka thënë Hamiti.

The post Vdekja tragjike e 34-vjeçares nga Gjakova, detaje nga hetimet appeared first on Albeu.com.

Shtatëvjeçari Avdi Morina nga Gjakova mbeti i vdekur mbrëmjen e së dielës. Kontakti i telave të energjisë elektrike me ujin në banjën e shtëpisë i morën jetën vogëlushit.

Ai hyri në banjë për të bërë dush pasi kishte përfunduar lojën në rrugën “Xheladin Nushi” të Gjakovës.

Me të dëgjuar zhurmën, reagoi nëna e Avdiut. Në përpjekje për të shpëtuar të birin, ajo pësoi lëndime nga energjia elektrike, por është jashtë rrezikut për jetë.

Policia e prokuroria dolën në vendngjarje për të hetuar vdekjen. Ndërsa, nga KEDS-i i thanë Klan Kosovës se kanë dërguar një ekip ekspertësh në vendngjarje, dhe se shumë shpejt do të dalin me një raport për rastin. /Express/

The post Tragjike, hyri për të bërë dush, 7-vjeçarin nga Gjakova e zë korenti, humb jetën appeared first on Albeu.com.

Akuzat për tradhti janë bërë mollë sherri mes një çifti të moshuar në Gjakovë, të cilët u përleshën pas mosmarrëveshjeve, me ç’rast bashkëshorti 91-vjeçar dyshohet se ushtroi dhunë fizike ndaj gruas së tij 78-vjeçare.

Kjo ngjarje ka ndodhur në rrugën “Nëna Terezë” në Gjakovë, në orët e mëngjesit të ditës së djeshme, kur dikush e njoftoi Policinë për këtë rast të dhunës në familje.

Burimet nga Prokuroria kanë bërë me dije se motivi i gjithë sherrit që plasi në këtë familje janë akuzat e burrit, i cili e ka rrahur bashkëshorten e tij, duke i bërë presion, se gjoja se ajo e ka tradhtuar me një person.

Kjo ka bërë që Policia të aktivizohet dhe ta arrestojë të dyshuarin, i cili është shoqëruar në stacion policor, ku ka dhënë deklaratë në lidhje me rastin. Përveç tij, para hetuesve policorë ka dëshmuar edhe viktima, e cila ka vendosur të shkojë te e bija për të jetuar, pasi aty ndihet më e sigurt.
Të dyshuarin 91-vjeçar, Prokurori i Shtetit ka vendosur që ta hetojë në procedurë të rregullt për dhunë në familje.

The post Dyshonte se e kishte tradhtuar, 91-vjeçari dhunon fizikisht bashkëshkorten e tij appeared first on Albeu.com.

“Ne duam të kemi një marrëveshje me qeverinë e Kosovës siç e kemi në Ballkanin e Hapur për të pasur korridoret e gjelbra të operatorëve ekonomikë të autorizuar, të cilët kalojnë pa asnjë ndalesë. Edhe për këtë na duhet të kemi një marrëveshje”, tha Rama.

Gjithashtu kryeministri Rama u shpreh se Porti i Durrësit, duhet të jetë rajonal.

“Ka shumë kompani që përdorin në mënyrë intensive portin e Durrësit. Ne duam të kemi një marrëveshje me qeverinë e Kosovës siç e kemi në Ballkanin e Hapur për të pasur korridoret e gjelbra të operatorëve ekonomikë të autorizuar, të cilët kalojnë pa asnjë ndalesë. Edhe për këtë na duhet të kemi një marrëveshje. Për këtë duhej të firmosej nesër dhe nuk e di për çfarë arsye u shty nga ana e qeverisë së Kosovës. Pavarësisht kësaj duhet ta bëjmë një orë e më parë këtë gjë. Kemi sjellë me vete projektin e ri të portit të Durrësit që është konceptuar si port i përbashkët që ose duhet të jetë rajonal me rëndësi të dorës së parë ose ne humbasim një potencial të madh siç e kemi humbur për dekada të tëra”, tha Rama./albeu.com

The post “Porti i Durrësit duhet të jetë rajonal”, Rama: Marrëveshja me qeverinë e Kosovës u shty appeared first on Albeu.com.

Nga ngjarja e rëndë kanë mbetur tre të vdekur dhe një i lënduar, të cilët dyshohet se ishin nga Kosova.

Bild.de raporton se Flamur R. Ka qëlluar dy fëmijët e tij, 11 dhe 13 vjeç, si dhe gruan, ndërsa në fund qëlloi edhe veten. Ai dhe dy fëmijët kanë vdekur, kurse gruaja është në gjendje të rëndë.

Policia gjermane është njoftuar rreth orës 23:00 dhe ka gjetur fëmijët pa shenja jete në shtëpi. Në vendngjarje ka ndërruar jetë edhe babai 44-vjeçar, ndërsa gruja 38-vjeçare, është dërguar në spital e plagosur rëndë.

Hetuesit nuk kanë dhënë shumë detaje në lidhje me këtë rast, madje as kombësinë e viktimave.

Ndërkohë mediat kosovare kanë raportuar se familja është nga Gjakova, gjë që mbetet për tu konfirmuar./albeu.com/

The post E rëndë në Gjermani, shqiptari vret fëmijët, gruan e më pas veten (FOTO LAJM) appeared first on Albeu.com.

Kandidati i AAK-së, Ardian Gjini po fiton bindshëm me 68.17% të votave.

Mimoza Kusari Lila ka 31.83% të votave.

The post Numërohen mbi 30% e votave në Gjakovë, kryeson bindshëm Gjini appeared first on Albeu.com.

Kandidati i Mytaher Haskuka nga Lëvizja Vetëvendosje kryeson me 41,52%. Në vendin e dytë me një diferencë shumë të madhe pas është Shaqir Totaj nga PDK me 30,57% të votave.

Në Gjakovë janë numëruar 58,27% e votave. Ardian Gjini nga AAK vijon që të kryesojë por është ende larg kapërcimit të 50% për të shmangur balotazhin. Deri tani ai ka marrë 47,93% përballë 38,23% të Mimoza Kusari Lilës nga Lëvizja Vetëvendosje.

Në Pejë nuk ka më asnjë dyshim. Nga 76,15% e votave Gazmend Muhaxheri i LDK-së siguroi fitore bindëse me 60,45% të votave./albeu.com

The post Rezultatet e fundit nga Prizreni, Peja dhe Gjakova: Fitore, zhgënjim, pritje dhe ankth appeared first on Albeu.com.

10 kosovarë vdiqën tragjikisht në një aksident të rëndë komunikacioni mëngjesin e së dielës në autostradën Bregana-Lipovac afër Slavonski Brod në Kroaci, teksa po udhëtonin nga Frankfurti për në Kosovë.

Në mesin e viktimave janë dy gra nga komuna e Gjakovës.

Gazeta Reporteri mëson se viktimat ishin nënë e bijë dhe po udhëtonin nga Gjermania për në Kosovë bashkë me 65 pasagjerët tjerë që ndodheshin në autobusin e Deva Tours.

Raportohet se vajza është e moshës madhore, mbi 18 vjeç.

Policia kroate ka lëshuar ​​një deklaratë duke detajuar rrethanat e aksidentit tragjik me autobus në autostradën afër qytetit Slavonski Brod.

Policia kroate tha se në orën 6:19 të mëngjesit të sotëm pranoi raportin e aksidentit në autostradën A3 Bregana-Lipovac, në korsinë jugore, afër qytetit Slavonski Brod. Në deklaratën e Policisë është përshkruar se si autobusi me 67 pasagjerë dhe dy shoferë, doli nga autostrada.

Kryeministri Albin Kurti ka arritur në vendin ku një autobus me mërgimtarë u aksidentua dhe pritet të vizitojë të lënduarit që po trajtohen në spital. Bashkë me të janë edhe ministrja e Punëve të Jashtme, Donika Gërvalla, ministri i Punëve të Brendshme, Xhelal Sveçla, ministri i Shëndetësisë, Arben Vitia si dhe shefi kabinetit të Vjosa Osmanit, Blerim Vela.

Presidentja e Kosovës, Vjosa Osmani, e ka shpallur të hënën ditë zie, për shkak të këtij aksidenti i cili ua mori jetën 10 personave, kryesisht mërmitarë që po vinin nga Gjermania për pushime në Kosovë.

Shefi i Mbrojtjes Civile në Kroaci, Damir Trut dhe Ministri i Shëndetësisë Vili Berosh ishin po ashtu në vendin e ngjarjes tragjike ku vdiqën 10 persona si pasojë e aksidentimit të një autobusi kosovar i cili po vinte nga Frankfurti në Prishtinë.

Pasi e vizitoi spitalin në Slavonski Brod, ku 45 të lënduar kërkuan ndihmë, Vili Berosh iu drejtua publikut, duke treguar se 15 persona janë lënduar rëndë, në mesin e të cilëve një vajzë e mitur, raporton Index.hr.

Drejtori i spitalit rajonal, Dr. Josip Samarxhiq tha se 45 persona ishin pranuar në spital që nga mëngjes, të cilët kishin kërkuar ndihmë mjekësore pas këtij aksidenti të rëndë në autostradë afër Slavonski Brod, dhe se tetë prej tyre u lënduan rëndë.

Sipas mediumit kroat, 24sata.hr, shoferët e autobusit nga Kosova që po bartte mërgimtarë nga Frankfurti për në Prishtinë kishin pushuar në Bregana për gjysmë ore para aksidentit. Aty ata ishin ndërruar dhe drejtimin e autobusit e kishte marrë shoferi tjetër.

The post Identifikohen dy viktima nga tragjedia në Kroaci, nënë e bijë nga Gjakova vdiqën së bashku në aksident appeared first on Albeu.com.