Sipas delegacionit, modeli italian konsiderohet eksperimental dhe pionier, i cili ka pësuar ndryshime me kalimin e kohës, siç ndodh zakonisht me projekte të reja.

Aktualisht, sipas tyre, qendra në Gjadër është plotësisht funksionale dhe përputhet me kuadrin europian që synon të përshpejtojë riatdhesimin e personave që nuk plotësojnë kushtet për azil.

“Ndërsa e majta kërkon të çmontojë modelin Shqipëri të qeverisë së Giorgia Meloni, ne jemi këtu për ta mbrojtur dhe për të vazhduar luftën kundër emigracionit të paligjshëm, që ka sjellë një ulje mbi 70% të zbarkimeve”, deklaroi Augusta Montaruli, deputete e Fratelli d’Italia dhe pjesë e delegacionit, sipas “Il Giornale”.

Në të njëjtën linjë, deputetja Sara Kelany theksoi se synimi është të hidhen poshtë, me fakte, narrativat që e konsiderojnë projektin si jofunksional apo si një shpërdorim fondesh. “Është një projekt që funksionon dhe që përfaqëson një model për të gjithë Europën”, u shpreh ajo.

Në përfundim të vizitës, në një deklaratë zyrtare, grupet parlamentare të Fratelli d’Italia konfirmuan se qendra në Gjadër është “e mbushur dhe funksionale”, ashtu siç ishte paralajmëruar nga kryeministrja Meloni. Sipas tyre, në këtë strukturë kanë kaluar 536 persona me rrezikshmëri të lartë shoqërore, shumë prej të cilëve janë riatdhesuar.

Delegacioni falënderoi gjithashtu forcat e rendit dhe stafin social e shëndetësor për punën e kryer, ndërsa bëri të ditur se qendra për procedurat e përshpejtuara kufitare është gati për t’u vënë në funksion sapo të hyjë në fuqi pakti i ri europian për migracionin dhe azilin.

The post Delegacion i “Fratelli d’Italia” inspekton qendrën e emigrantëve në Gjadër: Projekt që funksionon dhe që përfaqëson një model për të gjithë Europën appeared first on Albeu.com.

“Mbajtje që cenon të drejtën për shëndet”

Në vendim thuhet se “mënyrat me të cilat aktualisht është i ndaluar paditësi në CPR-në e Gjadrit cenojnë të drejtën e tij themelore për shëndet”. Një shkelje aq e hapur, sa që kërkonte një masë të menjëhershme mbrojtëse. “Pamundësia për të përmirësuar gjendjen për shkak të mungesës së trajtimit mjekësor dhe përkeqësimit të vazhdueshëm të kushteve shëndetësore të paditësit, me pasoja të paparashikueshme, justifikon lëshimin e një vendimi urgjent pa dëgjuar palën tjetër”, thekson gjykata.

Rasti që çoi në këtë vendim

Gjykata mori vendimin në përgjigje të kërkesës së një shtetasi të ndaluar, i cili ishte transferuar nga CPR-ja e Torinos. Ai ishte ndaluar thjesht sepse, ndonëse kishte punuar vazhdimisht, nuk kishte asnjë kontratë pune që t’i siguronte dokumentacion të rregullt. Pas transferimit në Shqipëri, ai nisi të shfaqte “pagjumësi” dhe makthe të përsëritura, “ankth të shpeshtë”, gjendje depresive, humbje oreksi, pa mendime vetëvrasëse.

Pa qenë i informuar dhe pa nënshkruar asnjë lloj “pëlqimi”, një kusht i domosdoshëm për terapitë jashtë protokolleve të sistemit shëndetësor kombëtar – atij i janë dhënë psikotropë të fortë, “pa recetë të duhur mjekësore dhe për qëllimin e vetëm të qetësimit”.

Antiepileptikë si qetësues

Konkretisht, atij iu dha Rivotril, një antiepileptik i fortë. Disa javë më vonë, për shkak të përkeqësimit të shpejtë të gjendjes shëndetësore, iu shtua edhe një tjetër ilaç i njohur si “trittico”, një sedativ dhe antidepresiv. Ky “koktej” farmaceutik përdoret shpesh në mënyrë të pakontrolluar edhe në CPR-të brenda territorit italian, siç është zbuluar nga një hetim i Altraeconomia, i cili evidentoi rritjen alarmante të blerjeve të antiepileptikëve, që përfaqësojnë benzodiazepinat me kosto të ulët.

Në rastin e Shqipërisë – dhe ndoshta jo vetëm – paraqiten disa problematika serioze. Së pari, administrimi i terapisë jashtë protokolleve (off-label) lejohet vetëm pasi pacienti të jetë informuar plotësisht dhe të ketë dhënë pëlqimin me shkrim. Së dyti, në dosjen shëndetësore të paditësit është përmendur edhe nevoja për ndihmë psikologjike, e cila nuk është ofruar asnjëherë.

“Terapia jashtë kushteve ligjore”

Sipas gjyqtarit, “jo vetëm që paditësi nuk po merr trajtim të përshtatshëm për gjendjen e tij shëndetësore, e cila duket se po përkeqësohet vazhdimisht, por terapia i është dhënë jashtë kushteve dhe garancive të parashikuara nga ligji”. Gjithashtu, “terapia psikologjike, e rekomanduar që nga hyrja e tij në Gjadër, nuk është ofruar, por janë zhvilluar vetëm vetëm seanca monitorimi”.

Kush janë mjekët që ofrojnë kujdes në CPR?

Deri këtu, kemi të bëjmë me një rast individual. Por gjykata vë në dukje edhe probleme strukturore më të thella. “Nga ditari klinik – shkruan gjykata – nuk kuptohet se cilës organizatë i përkasin mjekët që e kanë në kujdes paditësin, apo nëse janë apo jo pjesë e Shërbimit Shëndetësor Italian. Në fakt, në Shqipëri nuk ka një strukturë të përhershme të këtij shërbimi, ndërkohë që është e qartë se paditësi duhet të trajtohet nga një strukturë e përshtatshme siç është një qendër për shëndetin mendor pranë ASL-së.”

Problem i përhapur në të gjitha CPR-të

Këto arsye ishin të mjaftueshme për të pranuar kërkesën e paditësit dhe për të urdhëruar lirimin e menjëhershëm dhe kthimin e tij në Itali. Por ajo që zbulohet në këtë vendim nuk është vetëm problem i këtij rasti të veçantë.

Ashtu si në Shqipëri, edhe në CPR-të në Itali, kujdesi shëndetësor nuk është përgjegjësi e drejtpërdrejtë e Shërbimit Shëndetësor Kombëtar, siç është në burgje, por sigurohet nga enti menaxhues. Kjo është një dobësi e njohur edhe nga një vendim i fundit i Gjykatës Kushtetuese, e cila ndonëse evidentoi një sërë shkeljesh dhe mangësish, që nga mungesa e kujdesit shëndetësor deri te cenimi i të drejtës për lidhje emocionale, nuk u shpreh për kushtetutshmërinë e normave përkatëse, duke ia lënë vendimmarrjen ligjvënësit.

Rreziku i një vale padish

Ndër problemet e evidentuara është edhe mungesa e qartësisë për kompetencat e gjyqtarit civil në rastet e mbajtjes në CPR. Aktualisht, siç rikujton Gjykata e Romës, gjyqtari mund të vendosë vetëm për vazhdimin ose ndërprerjen e ndalimit, por jo për transferimin në një CPR tjetër, veprim që gjithsesi nuk do të zgjidhte problemin e trajtimit shëndetësor, pasi nuk parashikohet që në këto qendra kujdesi të ofrohet nga Shërbimi Shëndetësor Kombëtar.

Për këtë arsye, siç thekson gjykata, “duhet të konsiderohet se, në këtë rast, masa e vetme e përshtatshme për të mbrojtur të drejtën për shëndet të paditësit është ndërprerja e menjëhershme e ndalimit dhe lirimi i tij”. Një vendim që vendos një precedent dhe mund të hapë rrugën për paditë e ardhshme të të gjithë personave të ndaluar./ La Repubblica

The post Marrëveshja Rama-Meloni për refugjatët/ Gjykata e Romës: Nuk garantohet e drejta për kujdes shëndetësor appeared first on Albeu.com.

Për zbatimin e kësaj marrëveshje është angazhuar vetë kryeministrja e Italisë, Giorgia Meloni e cila është shprehur e vendosur për realizimin e këtij objektivi, që sipas saj është përshëndetur nga të gjitha vendet e Bashkimit Evropian.

Sipas marrëveshjes me Italinë, të nënshkruar mes dy qeverive më 6 nëntor të vitit 2023, porti i zbarkimit të refugjatëve nga vendet e treta është Shëngjini, ku është ngritur qendra pritëse. Ndërsa në Gjadër është ngritur kampi ku emigrantët do të qëndrojnë deri në shqyrtimin e kërkesave për azil.

The post Marrëveshja me Italinë për emigrantët, të mërkurën viziton kampin e Gjadrit ish-kryeministri italian Matteo Renzi appeared first on Albeu.com.

Vendimi i qeverisë Meloni që ndryshoi listën për “vendet e sigurta” disa ditë më parë nuk konsiderohet ende i ligjshëm, sepse sipas gjykatësve të Romës, duhet përshtatur me listën e Bashkimit Europian. Për këtë do të pyetet Gjykata e të Drejtave të Njeriut në Strasburg, ndaj seksioni i emigracionit e ka pezulluar vendimin e mëparshëm të qeverisë së Melonit, që do të thotë se refugjatët do të bëjnë një xhiro tjetër, nga Shqipëria në Itali.

Pak ditë më parë në Shëngjin zbritën 8 emigrantë, njëri prej të cilëve për shkaqe shëndetësore u rikthye direkt në Itali, ndërsa 7 të tjerë u akomoduan në Gjadër, bazuar në marrëveshjen mes Shqipërisë dhe Italisë.

The post Gjykata e Romës pezulloi qëndrimin e e tyre në Shqipëri, largohen nga kampi i Gjadrit 7 emigrantët e ardhur nga Italia appeared first on Albeu.com.

Në thelb, vendimi i gjykatës së Romës përcaktonte se “procedura kufiri i përshpejtuar”, nuk mund të zbatohet për migrantët që vijnë nga vende të tjera, që konsiderohen të sigurtë vetëm nga Italia dhe jo nga legjislacioni evropian.

Tani është e qartë, për Gjykatën e Drejtësisë së BE-së, nuk vend nuk mund të përcaktohet i sigurtë, nëse edhe një pakicë e vogël qytetarësh janë në rrezik dhe i takon gjyqtarit përgjegjës që të dallojë rast pas rasti nëse riatdhesimi do të rrezikonte jetën e personit.

Më 21 tetor, Qeveria Meloni, miratoi një dekret ligjor që shënon përmirësimin e listës së “vendeve të sigurta”.

Pika e pritjes së emigrantëve në Shëngjin dhe tre objektet e akomodimit në Gjadër, ai për azilkërkuesit, ai për emigrantët që do të riatdhesohen dhe burgu, prej dy javësh kanë mbetur pa “mysafirë” por të populluar thuajse 300 punëtorë: përkthyes, pastrues, personel mjekësor dhe infermierët, oficerët e policisë, policia financiare dhe karabinierët.

The post Kampet në Gjadër/ Nga e hëna rinis operacioni, emigrantët nga “vendet e sigurta” do të akomodohen në Shqipëri appeared first on Albeu.com.

Xhixho u shpreh se; kjo marrëveshje nuk ishte transparente që në prezantimin që iu bë.

Gjithashtu, Xhixho u shpreh senuk mund të gjejmë asnjë përfitim që mund të ketë Shqipëria nga kjo marrëveshje.

Ne kemi qenë kundër kësaj marrëveshje jo transparente, kërkuam informacion por çështja thjesht u zbatua nuk u diskutua thuajse fare dhe tani shohim që ajo që e goditi këtë marrëveshje ishte Gjykata e Romës.

 Erisa Xhixho: Ne  e kemi kundërshtuar sepse kjo marrëveshja cenon dhe ka shkelje të renda ligjore sa i takon edhe ligjeve e konventave.

Rama erdhi dhe thjesht e shpalosi këtë marrëveshje pa pasur asnjë transparencë, së pari duhej sqaruar se çfarë përfiton Shqipëria nga kjo marrëveshje. Asgjë, ne thjesht na shtohet një problem që nuk na takon të merremi.

Interesi ka qenë personal i Edi Rams i cili e trajton Shqipërinë për interesa personale dhe jo si vendin e Shqiptarëve.

The post Refugjatët në Gjadër/ Erisa Xhixho: Gjykata e Romës “goditi” marrëveshjen Rama-Meloni appeared first on Albeu.com.

Qendra e Gjadrit është dorëzuar dy ditë më parë, të mërkurën, për testim.

Brenda një jave, ambientet do të hapen për të akomoduar personat e parë që do t’i nënshtrohen procedurave të përshpejtuara kufitare.

Kampi në Gjadër, parashikohet të ketë tre dhoma për vizita ambulatore, dy dhoma me tre shtretër, një sallë operacioni, një laborator analizash, një dhomë me instrumente për radiografi dhe ekografi, një dhomë për vizita psikologjike dhe psikiatrike.

Një ekip mjekësh duhet të punojnë brenda kësaj strukture 24 orë në ditë: një mjek i specializuar në anestezi dhe reanimacion, një mjek i specializuar në kirurgjinë e përgjithshme, një mjek i specializuar në ortopedi me aftësi kirurgjikale, një personel mjekësor i specializuar në psikiatri, një infermiere instrumentale, një punonjës social, një teknik laboratori, një teknik radiologjie dhe një punonjës shëndetësor i specializuar në radiologji.

The post Përfundon puna në Gjadër dhe Shëngjin, brenda javës mbërrijnë emigrantët e parë appeared first on Albeu.com.

“Do të duhen edhe disa javë që gjithçka të jetë e përsosur. Do të kisha preferuar që të kishte filluar më herët. Sytë e botës janë përqendruar në këtë iniciativë”, deklaroi Meloni pas takimit me homologun britanik Keir Starmer.

“Nuk i kam problem kritikat. Modeli që qeveria italiane ka projektuar si qendër për përpunimin e kërkesave për azil nën juridiksionin italian dhe europian në një vend të huaj nuk ishte provuar më parë. Nëse funksionon, dhe besoj se do të funksionojë, të gjithë do të kuptojnë se ekziston një mënyrë edhe për elementin e frenimit të grupeve kriminale”, theksoi ajo, shkruan Ansa.

Marrëveshja mes Italisë dhe Shqipërisë për emigrantët, ka ngjallur interes të madh në Mbretërinë e Bashkuar. Kryeministri britanik Keir Starmer që ndodhet në Itali, u takua me homologen Giorgia Meloni, ndërsa në fokus të bisedës do të jetë edhe lufta ndaj emigracionit të paligjshëm.

Vetë Starmer ka thënë se është “i interesuar” të mësojë rreth skemës së Italisë për të dërguar emigrantët në Shqipëri

The post Kampet e emigrantëve në Shëngjin e Gjadër/ Georgia Meloni: Duhen edhe pak javë për të nisur projektin! appeared first on Albeu.com.

Ajo u ka dhënë porosi anëtarëve të partisë së saj që të jenë të kujdesshëm, pasi do të jenë nën vëzhgimin e të gjithë botës.

“Brenda pak javësh do të jetë gati Protokolli me Shqipërinë dhe ne duhet të jemi shumë të kujdesshëm dhe skrupuloz ndaj këtij projekti sepse sytë e botës i kemi mbi ne. Të gjithë e kuptojnë se kjo nismë mund të ndryshojë tërësisht mënyrën e menaxhimit të emigracionit të parregullt. Ata të cilët janë të interesuar që emigracioni i paligjshëm të vijojë, do të përpiqen të na vënë shkopinj nën rrota”, ka thënë Meloni, sipas Ansa.

The post Kampet e emigrantëve në Gjadër e Shëngjin/ Georgia Meloni porosi të vetëve: Bëni kujdes, do përpiqen të na vënë shkopinj me rrota appeared first on Albeu.com.

Kësaj here është Gazeta “La Stampa”, e cila i ka kushtuar një artikull kampit në Shëngjin dhe Gjadër, ku raporton se qendrat e emigrantëve janë pothuajse gati për t’u hapur.

Por ka një problem, nuk ka kanalizime, ku sipas gazetës italiane mbetjet do të shkarkohen në lumin Drin.

Për momentin është vendosur që gjithçka të hidhet në lumin Drin, sipas informacioneve të mia, emigrantët e parë mund të mbërrijnë këtu nga data 10 shtator deri në fund të muajit. Ata po nxitojnë për t’i çuar atje.

Aleksandër Preka, është menaxheri komunal i këtij qyteti të vogël në veri të Shqipërisë. Një vend i harruar në hartën e botës, i famshëm për një aeroport ushtarak të mbyllur në 1996 dhe asgjë tjetër.

“Kemi qenë tre mijë banorë në kohën e komunizmit, kemi mbetur gjashtëqind. Por tani po vijnë të gjithë këta njerëz të rinj dhe që do të vijnë”.

Tani është e qartë, e dukshme për syrin, e përcaktuar jashtëzakonisht. Këtu është fusha: kontejnerët, rrjetat, gardhet. Kudo ka karabinierë dhe policë italianë.

“Këto shtëpi jepen me qira për një shumë prej 30 deri në 50 eurosh në muaj, ushtarët tuaj i kanë marrë 400 euro në muaj për dy vjet”, thotë Aleksandër Preka nga dyqani i tij i ushqimeve.

Është i vetmi dyqan në kilometra rrugë: Ka qepë, hudhra, patate, pije të gazuara, ëmbëlsira dhe cigare. Heshtjen, rreth e rrotull, e thyen vetëm ekskavatori që ende godet mbi tokën e djegur për të vendosur tubat e fundit.

Qendra e parë e paraburgimit të emigrantëve italianë e ndërtuar në tokë të huaj tashmë është gati. Nuk kishte asnjë dyshim se puna do të vazhdonte në portin e Shëngjinit: Pika e pritjes për treqind persona mund të hapej nesër.

Ndodhet midis varkave, plazhit dhe një parku të vogël argëtimi. Kjo do të jetë ndalesa e parë për emigrantët që u nisën drejt Italisë dhe u deportuan në Shqipëri, me zgjedhje të qeverisë italiane në marrëveshje me qeverinë shqiptare.

Nga atje ata nuk do të shohin asgjë: i gjithë perimetri është i rrethuar. Por mbase do të dëgjojnë këngët e fundit të verës që shpërthejnë nga lokalet buzë detit.

Më pas, pas procedurave të identifikimit, ata do të ngarkohen në autobusë dhe do të dërgohen në Gjadër.  Pesëmbëdhjetë kilometra, në brendësi.

Këtu mungon ende lidhja me kanalizimet dhe fillojnë dyshimet. Qendra e paraburgimit administrativ Gjadër është ndërtuar në ajër. Toka ishte e papërshtatshme. Nuk kishte themele. Nuk kishte asnjë sistem elektrik, nuk kishte ujë. Kjo është arsyeja e vonesave. Dje ata po testonin lidhjen e internetit, e cila do të jetë thelbësore për të menaxhuar në distancë mijëra raste për mijëra jetë në pritje të gjykimit.

E pranuar apo e refuzuar? Dhe kur do ta disponojnë zyrtarët italianë këtë punë? Me çfarë sigurie juridike? Kampi do të ketë 1150 vende për paraburgim dhe 24 për një burg të vogël të brendshëm. Ka shumë pyetje të pazgjidhura.

Për ndërtimin e dy strukturave deri më tani janë shpenzuar 800 mijë euro. Por është një shpenzim, të cilit i mungojnë të gjithë ata “zëra në fund të listës” që kanë të bëjnë me udhëtimin, ushqimin dhe akomodimin për ata që do të marrin pjesë – ose do të duhet të marrin pjesë në këtë operacion në Shqipëri.

Është dashur të jetë gati në maj. Do të jetë në ditët në vijim, më së voni në vjeshtë. Të gjitha punimet janë të autorizuara me procedura të veçanta. Materialet u blenë nga qeveria italiane nga kompani në Trento, Colaziocorte dhe Carimate.

Ato janë pjesë për ndërtimin e kontejnerëve të cilët përgjithësisht përdoren nga të zhvendosurit nga tërmetet ose ndonjë fatkeqësi tjetër.

Sot punëtorët që ngritën kampin janë shqiptarë, kosovarë dhe malazezë. Ata punojnë gjithë verën, edhe të shtunave dhe të dielave, sepse e dinë atë frazë që përsërit kryetari i bashkisë së qytetit.

“Ata janë me nxitim për të marrë emigrantët e parë. Nuk mund të vonojmë më”.

Dhe në fakt ka nisur rekrutimi për treqind punëtorë shqiptarë që do të duhet të mbështesin operatorët italianë në menaxhimin e dy ambienteve të paraburgimit.

Njoftimi i sapo publikuar nis kështu: “Kompania Medihospes e cila do të menaxhojë kampet e refugjatëve Shëngjin dhe Gjadër, duke filluar nga muaji gusht, kërkon staf emergjence për shërbimet brenda kampeve sipas profileve të mëposhtme”. Kërkojnë psikologë, ndërmjetës kulturorë, përkthyes, punonjës socialë, teknikë IT.

Për një “punonjës për shërbime të thjeshta”, punë që përfshin detyrat e shpërndarjes dhe dërgesës së ushqimit, shoqërimin e emigrantëve, pastrimin e akomodimit dhe ambienteve të përbashkëta, paga bazë do të jetë 1 mijë e 200 euro në muaj për 38 orë punë në javë.

“Por a e dini sa fiton një mësues i shkollës së mesme shqiptare? Më pak se 600 euro në muaj”.

Në lokalin e vetëm në Gjadër flasin për këtë. Nga paratë që po mbërrijnë bashkë me emigrantët. Për faktin se punëtorët në këtë zonë nuk kishin fituar asnjëherë 30 euro për një ditë pune.

“Po bëj të gjitha instalimet për lidhjen në ueb”, thotë punëtori Andrit Prenga.

“Jemi pranë përfundimit të punës. Por ende mungojnë kontejnerët e fundit, mungon porta e hyrjes, pastaj është problemi se ku do të shkarkojnë ujërat e zeza”.

Ata kanë vendosur që do të derdhen në lumë, dhe nga lumi në det. Në luftën mes të varfërve, të fundit do të jenë ata brenda kafazeve. Ata janë gati t’i mbushin ato. Anijet e të dëbuarve janë gati të mbërrijnë.

“Nuk është aq e lehtë të ikësh nga këtu. Mali u dogj. Ju nuk mund të fshiheni në bimësi. Dhe gjithsesi, nëse duan të ikin, le të ikin. Të gjithë e dimë se nuk do të qëndronin me ne”.

Në drejtim të bregut, rreshtat e ndërtesave dymbëdhjetëkatëshe ndërpresin pamjen e horizontit dhe fshehin detin. Një restaurator ka mbuluar restorantin e tij të ri me piktura ku paraqitet “dashamirësja” Giorgia Meloni. Rreshtat e çadrave janë ende të mbushura me turistë përgjatë bregdetit të Shëngjinit.

Po kush janë turistët shqiptarë? Vetë shqiptarët, të cilët kthehen në shtëpi nga e gjithë Evropa për pushime.

“Nuk e di nëse ajo që do të ndodhë këtu është e drejtë”, thotë z. Artur Bahiti.

“Por për mua emigrantët janë të mirëpritur. Sepse edhe unë kam qenë emigrant dhe nuk do ta harroj kurrë”.

The post La Stampa për kampet në Gjadër dhe Shëngjin: Mungojnë kanalizimet, mbetjet do të hidhen në lumin Drin appeared first on Albeu.com.