Nëse gjatë punëve të shtëpisë përfundoni me gishtat të ngjitur me njëri-tjetrin, ose ngjisni pa dashje diçka që nuk ishte në plan, super ngjitësi mund të kthehet shpejt në një telash. Kjo ndodh për shkak të cianoakrilatit, përbërësit shumë të fuqishëm që gjendet te super ngjitësi dhe produkte të ngjashme, i cili nuk hiqet lehtë.

Mënyra më e thjeshtë për ta larguar ngjitësin nga lëkura

Dr. John Anthony, dermatolog në Cleveland Clinic, shpjegon se si mund të hiqet super ngjitësi nga lëkura.

“Lajmi i mirë është se gishtat tuaj nuk do të mbeten të ngjitur përgjithmonë. Edhe pse super ngjitësi është jashtëzakonisht i fortë, ai nuk është i përhershëm dhe lidhja mund të shkëputet. Zgjidhja më e thjeshtë është të provoni ta lani pjesën e ngjitur të trupit ose ta mbani të zhytur në ujë të ngrohtë me sapun. Sapuni i duarve ose detergjenti i enëve veprojnë mirë ndaj ngjitësit. Larja zakonisht e zbut ngjitësin dhe e dobëson lidhjen, sidomos nëse veproni brenda disa minutash, para se ai të forcohet plotësisht”, këshillon dr. Anthony.

Sipas tij, çelësi është durimi. Meqë super ngjitësi është prodhuar që t’i rezistojë ujit, mund të nevojiten 10 deri në 15 minuta derisa të fillojë të lirohet. Sapo të nisë të shkëputet, ai duhet fërkuar ose hequr me kujdes, pa e tërhequr fort, transmeton Telegrafi.

Edhe produktet me përmbajtje yndyrore ose vajore mund të ndihmojnë

Dr. Anthony thekson se produktet e yndyrshme ose ato me bazë vaji mund të depërtojnë nën shtresën e tharë të ngjitësit dhe të zbusin lidhjen e tij me lëkurën. Disa prej tyre gjenden lehtësisht edhe në shtëpi dhe janë të sigurta për përdorim në lëkurë, si:

vazelina

vaji për bebe

vaji mineral

vaji i ullirit

vaji i kokosit

vaji bimor

kremi për duar.

Pavarësisht cilin prej këtyre produkteve zgjidhni, aplikojeni me masazh të lehtë mbi lëkurë dhe lëreni të veprojë rreth 10 minuta, që të ndihmojë në zbutjen e super ngjitësit. Kur të vëreni se ngjitësi po lirohet, hiqeni ose fërkojeni ngadalë dhe me kujdes.

Acetoni për thonjtë

Shumica e produkteve për heqjen e manikyrit përmbajnë aceton, një tretës kimik i fuqishëm që shpërbën manikyrin. Po ashtu, acetoni mund të shpërbëjë edhe cianoakrilatin, substancën që i jep super ngjitësit forcën e tij. Megjithatë, dermatologu Anthony nënvizon se ky produkt duhet përdorur me kujdes, pasi nuk është i butë për lëkurën.

“Produktet me bazë acetoni mund ta largojnë super ngjitësin nga lëkura, por mund ta thajnë dhe irritojnë atë. Përdorni sasinë më të vogël të mundshme dhe mos e përzieni me kimikate të tjera”, paralajmëron dr. Anthony.

Nëse vendosni ta provoni këtë mënyrë, hidhni një sasi të vogël heqësi manikyri me aceton në një pambuk ose në një leckë të butë. Prekni lehtë zonën e ngjitur dhe prisni derisa ngjitësi të zbutet. Më pas, largojeni ose fërkojeni butësisht. Në fund, zona duhet larë patjetër me ujë dhe sapun, pastaj të vendoset krem hidratues.

Dr. Anthony shton se edhe heqësit e manikyrit pa aceton mund të ndihmojnë për largimin e super ngjitësit nga lëkura, por efekti i tyre është shumë më i ngadaltë krahasuar me produktet që përmbajnë aceton.

Çfarë duhet shmangur kur përpiqeni të hiqni super ngjitësin?

Vetë emri “super” tregon se bëhet fjalë për një ngjitës shumë të fortë. Për këtë arsye, shkëputja e tij në mënyrë të sigurt kërkon kohë dhe nuk duhet bërë me nxitim. Dr. Anthony këshillon:

Mos e tërhiqni me forcë lëkurën e ngjitur me super ngjitës, sepse mund ta dëmtoni lëkurën dhe të përfundoni me flluska të dhimbshme ose edhe më keq.

Mos përdorni objekte të mprehta, si brisk, gërshërë ose thikë, për ta shkëputur ngjitësin. Mund ta prisni lëkurën dhe ta përkeqësoni problemin.

Mos përdorni mjete të forta gërryese, si letër zmerile, për ta “gërryer” ngjitësin. Materiale të tilla mund ta dëmtojnë lëkurën, duke shkaktuar gërvishtje dhe prerje.

Mos përdorni ujë të nxehtë për të provuar ta “shkrini” ngjitësin, sepse mund ta digjni lëkurën.

Mos përdorni kimikate të forta për ta shkëputur super ngjitësin, sepse rrezikoni djegie kimike.

“Secila prej këtyre metodave mund ta irritojë dhe dëmtojë lëkurën. Ka mënyra më të sigurta dhe më efikase”, paralajmëron dr. Anthony.

Ai këshillon që ndihma mjekësore të kërkohet menjëherë nëse dikush e gëlltit super ngjitësin, ose nëse ai bie në fytyrë apo në zonën gjenitale.

Ndihmë mjekësore duhet kërkuar edhe pas një incidenti me super ngjitës nëse shfaqen:

dhimbje të forta

ënjtje

mpirje ose humbje e qarkullimit të gjakut

reaksione të rënda alergjike.

The post Çfarë duhet të bëni fillimisht nëse super ngjitësi ju bashkon gishtat appeared first on Albeu.com.

Nervat çlirojnë ngarkesë elektrike dhe enët e gjakut ngushtohen ndjeshëm duke i tërhequr kapilarët e gjakut dhe duke krijuar rrudhje të lëkurës.

Nuk ka asgjë për t’u shqetësuar pasi gjithçka shkon në vendin e duhur përsëri. Por nëse gishtat tuaj rrudhen pa pasur kontakt me ujin duhet të shkoni te mjeku pasi janë shenja të mundshme të diabetit ose teroides.

Ndjesia e rënies pak përpara se t’ju zërë gjumi

Të paktën 70 përqind e njerëzve në botë kanë përjetuar ndjesinë e frikshme të të rënit pak përpara se t’i zëjë gjumi. Hovi i pavullnetshëm i trupit është subjekt i shumë studimesh.

Megjithatë disa studime, të cilave u referohet AgroËeb.org, thonë se rënia e temperaturës së trupit, ngadalësimi i rrahjeve të zemrës dhe frymëmarrjes shkakton këtë dridhje të beftë përpara gjumit.

Sipas studimeve të tjera, truri i dërgon sinjale muskujve të tendosen sepse qetësimi i tyre para gjumit keqinterpretohet nga trupi si rënie nga lartësitë. Nëse arrini të dëgjoni pulsin tuaj në vesh, atëherë duhet të dini se kjo ndodh si pasojë e turbulencave në enët e gjakut tek zona e qafës dhe kokës.

Tiku i pavullnetshëm i pulitjes së qepallave

Sipas të dhënave dridhja e shpeshtë e qepallave është e padëmshme.

Shkencëtarët besojnë se ajo ndodh si pasojë e lodhjes, kafeinës dhe stresit.

Kërcitja e gjunjëve pas qëndrimit ulur

Nëse kaloni shumë kohë ulur dhe ngriheni menjëherë në këmbë, gjunjët do të kërcasin dhe lëshojnë zhurma të çuditshme.

Këto zhurma nuk duhet t’ju alarmojnë nëse shfaqen pa dhimbje. Bëhet fjalë për çlirim të gazrave kockorë në hapësirat mes gjymtyrëve. Lëvizja i lubrifikon gjymtyrët, ndërsa qëndrimi pa lëvizur i përthan ato./AgroWeb.org

The post Pse na rrudhen gishtat kur rrimë në ujë? appeared first on Albeu.com.

Mjeku Karl Krushelnicki paralajmëron se ky zakon në rini mund të rezultojë në dobësim të lëvizshmërisë së duarve dhe ulje të kapjes në jetën e mëvonshme. Njerëzit që plasarisin rregullisht nyjet e tyre mund të humbasin deri në 75 për qind të kapjes së tyre ose të mos jenë në gjendje t’i hapin kavanozët aq lehtë sa rriten.

Kruselnicki i referohet një studimi në të cilin morën pjesë 300 subjekte të cilët kishin zakon të plasnin rregullisht nyjet e tyre për 35 vjet.

“Edhe pse dikur besohej se ky zakon mund të shkaktonte artrit, kjo nuk është vërtetuar shkencërisht. Plasaritja e nyjeve mund të çojë në ënjtje të lehtë të tyre, por problemi kryesor që shfaqet si rezultat në 75 përqind është në fakt një shtrëngim i dobësuar”, shprehet ai.

Ky ekspert shpjegon se çfarë ndodh kur tërhiqni gishtin për të dëgjuar kërcitjen e kyçit të dorës.

“Më pas hapësira mes kockave rritet, gjë që prek ligamentet dhe krijon vakum. Por energjia e çliruar është vetëm shtatë për qind e asaj që nevojitet për të dëmtuar kërcin”.

The post Mjeku ju paralajmëron të hiqni dorë nga ky zakon: Pse kërcitja e gishtave është e dëmshme appeared first on Albeu.com.

Në gishtin e madh

Vendosja e unazës në gishtin e madh tregon se je një person i besueshëm dhe ke një personalitet të fortë.

Në gishtin tregues

Tregon se je një person me autoritet, fuqi dhe aftësi të papara për të udhëhequr.

Në gishtin e mesit

Kur e vendos unazën në gishtin e mesit, do të thotë se je një person i qendrueshëm që mban premtimet.

Në gishtin e katërt

Gishti i katërt lidhet me dashurinë. Nëse e mban në këtë gisht, do të thotë po shijon një fejesë apo martesë. Në raste të tjera, tregon se je është kreativ dhe ka një shpirt të bukur.

Në gishtin e vogël

Vendosja e unazës në këtë gisht tregon se je një person inteligjent dhe i ndjeshëm./albeu.com

The post Nga gishti i madh tek i vogli: Ja ç’tregon vendosja e unazës për personalitetin tënd appeared first on Albeu.com.