Njohja përmes mesazhit prekës të postuar nga Princesha e Monakos në Instagram tregon se puna e tij do të jetojë përmes kujtimeve, imazheve dhe ngjarjeve të rëndësishme – siç është dasma e saj në vitin 2011.

“Me trishtim të madh mësuam për vdekjen e Giorgio Armani-t. Ai ishte një figurë ikonike në botën e modës dhe krijoi e formësoi trendet që ndikuan breza të tërë. Ndër veprat e tij të shumta ishte edhe fustani im i nusërisë, në korrik 2011. Puna dhe arritjet e tij do ta mbijetojnë atë dhe do të vazhdojnë të jenë të pranishme në të ardhmen.”
Stilisti kryesor italian i modës ka ndërruar jetë, duke lënë pas një trashëgimi të paçmuar, përfshirë një nga krijimet më të përjetshme të haute couture: fustanin e nusërisë së Charlene.

Dasma e Princeshës Charlene dhe Princit Albert të Monakos u zhvillua në korrik 2011, përpara udhëheqësve, familjes mbretërore dhe personazheve të famshëm nga e gjithë bota. Ishte një ceremoni që kombinonte aristokracinë moderne me elegancën e përjetshme – dhe fustani i saj i nusërisë nuk mund të kishte qenë më pak se kaq.

Charlene i besoi Giorgio Armani-t dhe Armani Privé-s për të krijuar një fustan nusërie që jo vetëm ishte mahnitës, por edhe në harmoni të përsosur me personalitetin e saj. Ajo ka qenë mike dhe ambasadore e shtëpisë italiane të modës që nga viti 2007.

Rezultati ishte një fustan nusërie i bardhë me supe të hapura, i bërë nga saten në një nuancë elegante të bardhë të errët. Dizajni kishte një siluetë të drejtë, pa ekzagjerim, ndërsa detajet nxirrnin në pah modën e lartë në një mënyrë diskrete dhe mbretërore.

The post Giorgio Armani dizenjoi edhe fustanin e nusërisë së Princeshës Charlene, çfarë shkroi ajo për të appeared first on Albeu.com.

Trupi i stilistit legjendar u vendos për homazhe publike, ndërsa e hëna është shpallur ditë zie zyrtare në qytetin e Milanos.

Sipas asaj që është bërë e ditur, ceremonia private e varrimit do të mbahet nesër në fshatin e lindjes së Armanit, Valta di Rentina, në provincën Piacenza, në juglindje të Milanos.

Homazhe nga bota e modës, politikës dhe sportit

Në homazhet publike morën pjesë figura të njohura nga fusha të ndryshme si moda, arti, politika dhe sporti. Donatella Versace solli një buqetë me lule të bardha të shtunën, ndërsa vëllai i saj, Santo Versace, u shfaq i përlotur të dielën.

Ndër të pranishmit ishin gjithashtu Dean dhe Dan Caten, dyshja kanadeze pas markës Dsquared2, krijuesi i linjës së Ferrarit, Rocco Iannone, stilisti britanik Neil Barrett dhe italiani Andrea Incontri.

The post Funerali i Giorgio Armanit, ja ku do të jetë banesa e fundit e stilistit legjendar appeared first on Albeu.com.

Por kush ishte Giorgio Armani dhe si nisi karriera e tij në botën e modës?

Kthesa në jetën e Armanit ndodhi pas punës së tij të parë në një dyqan në Itali ku ishte përgjegjës për ekspozimin e veshjeve në vitrinë. Këtu ai fitoi dhe eksperiencën e parë në fushën e marketingut dhe të modës.

Gjatë viteve 1960, ai filloi punë si dizajner në një firmë veshjesh për meshkuj, ku në të njëjtën kohë punonte dhe si i pavarur duke bërë dizajne dhe për 10 kompani të tjera.

Disa vite më vonë, nga hapja e një zyre dizajni, ai u bë një ndër figurat kryesore për disa prej shtëpive më të mëdha të botë.

E para në treg është hedhur Armany Beauty si një bashkëpunim me L’Oreal e më pas Armani Junior, Armani Jeans dhe Emporio Armani, të ndjekura në vitin 1982 nga prezantimi i të brendshmeve, rrobave të banjës dhe aksesorëve Emporio.

Më vonë një dyqan u hap fillimisht në Itali me emrin Emporio ndjekur nga pas me butikun e parë për veshje, Giorgio Armani.

Nga punonjës i thjeshtë, në një ikonë e modës, sot Armani ka krijuar një perandori me vlerë mbi 10 miliardë dollarë, e cila së bashku me veshjet përfshinte aksesorë, orendi shtëpiake, parfume, kozmetikë, libra, lule dhe madje edhe çokollata, duke e renditur atë në 200 miliarderët më të mëdhenj në botë, sipas Forbes.

Për vdekjen e tij kanë reaguar një sërë peronalitetesh botërore të botës së modës dhe më tej, përfshirë këtu dhe kryeministren e Italinë, Giorgia Meloni e cila shkruan:

“Giorgio Armani na lë në moshën 91 vjeç. Me elegancën, maturinë dhe kreativitetin e tij, ai arriti t’i sillte shkëlqim modës italiane dhe të frymëzonte të gjithë botën. Një ikonë, një punëtor i palodhur, një simbol i më të mirës së Italisë. Faleminderit për gjithçka.”

The post Bota e modës në zi! Kush ishte Giorgio Armani që la pas një trashëgimi miliarda dollarëshe appeared first on Albeu.com.