Pak orë pas lirimit, mësohet se blutë e Vlorës kanë shkuar në banesë dhe e kanë arrestuar përsëri.

Arrestimi është bërë për shkak se ndaj tij ka një vendim të drejtësisë italiane, që e ka dënuar me 12 vjet burg për trafik droge.

Burimet shprehen se urdhëri i drejtësisë italiane kishte pak kohë që ishte në dorë të policisë shqiptare, por nuk dihet pse nuk është ekzekutuar më përpara, ndërkohë Policia e Vlorës ka ndërhyrë pasi Sinomati është liruar.

Kush është Sokol Sinomati

Mbrëmjen e 7 janarit 2024, Sokol Sinomatit i ekzekutuan të birin me snajpet në ballkonin e shtëpisë, 23-vjeçarin, Gëzim Sinomati.

Sokol Sinomati, ka qenë pjesë e bandës së “Gaxhait” në vitin 1997 në Vlorë.

Ai ishte  i dënuar për vrasjen e ndodhur në 3 janar të vitit 2000, ku gjatë një tentative për të ekzekutuar Sokol Nuho, ka qëlluar gabimisht Luigj Xhafën, kalimtar të rastit.

Në 2014 gjykata e Lartë  atëherë me relator Edmond Islamaj vendosën që Armando Sulejmani (Cipuri) dhe Sokol Sinomati, të dy ushtarë të Gaxhait, të mos dënoheshin me burgime përjetë si pjesëmarrës në bandën e armatosur të Gaxhait, por të dënoheshin përfundimisht me akuzën e “Vjedhjes me dhunë” në bashkëpunim, duke u dënur përfundimisht me 16 vite burgim. Ky vendim solli lirimin e tyre nga qelia,edhe pse ishin të akuzuar dhe dënuar për një tjetër vrasje të kryer në Vlorë, në vitin 2002 në Skelë, ku i vdekur mbeti Elton Tato.

Pas lirimit, ai u largua nga Shqipëria në vitin 2017-n, drejt Belgjikës, ku sërish merrej me aktivitet të paligjshëm dhe u arrestua aty në vitin 2021, për çështje droge. Në fund të vitit 2022 ai u ekstradua në Tiranë, për ngjarjen e regjistruar në vitin 2002-in në Skelë, ku i vrarë mbeti Elton Tato dhe u plagos Robert Boraku./albeu.com

The post Nuk zgjat shumë gëzimi i “Buzëderrit”, dje u lirua nga Amnistia, sot iu vunë prangat sërish appeared first on Albeu.com.

Por për cilat krime akuzohet ai?

Pjesë nga dokumentari i emisionit ‘Në Shënjestër’

Nëse Bernard Sinomataj dhe e shkuara e tij e lidhur ngushtësisht me krimin, mund të jetë një nga arsyet që çuan në eliminimin e nipit të tij Gëzim Sinomataj, a mund të jetë kthyer edhe e shkuara e babait të viktimës, në fundin e tij?!

A mund të jetë vrasja e të birit, një ndëshkim për aktivitetin kriminal të Sokol Sinomataj, të njohur ndryshe si ‘Buzëderri’?!

Dhe cilat janë këto ngjarje kriminale, që edhe pse të vjetra në kohë, mund të kenë rikthyer edhe njëherë në vëmendje larjen e hesapeve të pambyllura. Tashmë duke mos kursyer as fëmijët, qofshin këta edhe të pafajshëm. Siç mund të jetë rasti i të riut, Gëzim Sinomataj.

Po për të kuptuar se cilat janë fajet në jetë të babait të tij, është me vend të kthehemi shumë pas në kohë, në vitin e mbrapshtë 1997. Viti kur Sokol Sinomataj, atëkohë në moshën e djalit të tij tashmë të ndjerë, u përfshi në bandën e drejtuar nga ‘Gaxhai’, emri i vërtetë Gazmir Brakaj.

Një nga personazhet më emblematikë të krimit gjatë këtij viti në qytet, por edhe më vonë me bëmat e tij.

Një fraksion i krimit në qytetin e trazuar rëndë nga mungesa e rendit dhe sigurisë dhe vrasjeve të shumta, që luftonte kundër bandës tjetër rivale, asaj të drejtuar nga Zani Çaushi.

Luftë midis dy bandave që kishte sjellë shumë të vrarë në qytet, ku nuk u kursyen as punonjës të policisë. Të cilët shpejt me t’u vendosur rendi në qytet, do të përballeshin me drejtësinë, dhe do të vuanin dënimet e tyre për krimet e kryera.

Ashtu si edhe Sokol Sinomataj, që ishte në bankën e të akuzuarve si pjesë e bandës së ‘Gaxhait’.

Sokol Sinomataj, i njohur me nofkën ‘Buzëderri’ ka një të shkuar kriminale si anëtar i bandës së Gazmir Brakës, i njohur si ‘Gaxhai’.

Në këtë bandë bënin pjesë Gazmir (Gazmend) Braka (Gaxhai), Armando Sulejmani (Çipuri), Sokol Sinomataj (Buzëderri), Edmond Leskaj (Mond Fshatari) si edhe Gazmend Nebiu.

Akuzat ndaj kësaj bande lidhen me vrasjet me paramendim të shtetasve Sadik Kurti, Avdul Bajrami, Dhimitraq Mishka, Zihni Haruni, Robert Myftari, vjedhjes me dhunë në dëm të shtetasve Artur Pashaj, Vladimir Mema dhe Flamur Xhelaj si edhe vrasjes për shkak të cilësive të veçanta të punonjësit të policisë Viron Rrapaj.

Pikërisht një nga vrasjet ku ka qenë i pranishëm edhe Sokol Sinomataj, është edhe ajo efektivit të policisë, Viron Rrapaj. Edhe pse Sinomataj nuk ka qëlluar ndaj punonjësit të komisariatit të policisë Vlorë, sipas të dhënave të siguruara nga dosja hetimore në ngarkim të bandës së ‘Gaxhait’, ai del se ka qenë i pranishëm në momentin kur posta e policisë u rrethua nga pjesëtarët e bandës kriminale.

Gjithçka sipas kësaj dosje, ndodh më 11 maj 1997. Dhe vinte pas shumë krimeve të tjera që banda e ‘Gaxhait’ kishte kryer në qytet, por edhe ashpërsimit të rivalitetit me bandën e Zani Çaushit.

Luftë e përgjakshme e cila ishte ndezur edhe më shumë pas vrasjes nga banda e Zani Çaushit, të njërit prej njerëzve besnik të ‘Gaxhait’.

Më datë 11 Maj 1997, anëtarë të bandës së ‘Gaxhait’, kanë shkuar të organizuar në Komisariatin e Policisë Vlorë, me qëllim për të marrë një mjet të blinduar dhe para se të largoheshin ata kanë vrarë oficerin e policisë, Viron Rrapaj.

Sipas dëshmive që dolën gjatë hetimit, rezulton se nga ana e Policisë kishte të dhëna se bandat që vepronin në qytet do të sulmonin Komisariatin e Policisë për të marrë prej aty mjetet e blinduara.

Në fillim, rreth orës 11.00 të datës 11 Maj 1997 në komisariat kanë shkuar tre-katër persona të armatosur.

Njëri prej tyre është prezantuar si ‘Gaxhai’ dhe ka kërkuar që të merrte kontakt me drejtuesit e policisë dhe të merrte blindat për t’u mbrojtur nga Zani.

Pas disa minutash para Komisariatit të Policisë erdhën mjaft makina dhe prej tyre zbritën rreth 30-40 persona të armatosur të cilët u futën në oborrin e Komisariatit.

Por me të shkuar në komisariatin e Vlorës, duket se banda e ‘Gaxhait’ kishte hasur në kundërshtimin e efektivëve të policisë që ndodheshin aty në atë moment, të cilët kanë refuzuar që t’u dorëzojnë blindat.

Por ndërsa duket se gjithçka ishte mbyllur aty dhe banda po tërhiqej qetësisht nga komisariati, një nga pjesëtarët më të rrezikshëm të grupit kriminal, i njohur si ‘Kakami’ qëllon dhe vret në derën e komisariatit, punonjësin e policisë, Viron Rrapaj.

Ndërsa dëshmitarët në gjyq, identifikuan ndër të tjerë, si të pranishëm gjatë sulmit ndaj policisë, edhe Sokol Sinomatajn.

Oficeri i Policisë, Haxhi Dersha, u shpjegoi pjesëtarëve të grupit kriminal se nuk mund t’i merrnin mjetet e blinduara.

Pasi u sqaruan personat e armatosur u tërhoqën prej Komisariatit.

Por duke dalë nga oborri i Komisariatit Alfred Nebiu (Kakami) ka parë policin Viron Rrapaj në derën e brendshme të Komisariatit dhe ka qëlluar në drejtim të tij duke e vrarë.

Përveç Alfredit, deklaruesi I.B por dhe persona të tjerë që kanë qenë aty të pranishëm kanë mundur të njohin nga anëtarët e bandës, edhe të pandehurin Gazmir Braka (Gaxhain), Sokol Sinomataj dhe Armando Sulejmanin i cili kur u zhvillua ngjarja ka patur një debat me policin Andrea Kanani për t’i marrë antiplumbin.

Por këto nuk ishin të vetmet krime makabre që banda e ‘Gaxhait’, ku bënte pjesë edhe Sokol Sinomataj, po kryente ndërkohë në Vlorë dhe në rrethinat e saj.

Dëshmitë e personave okularë apo që kishin qenë pre e kësaj dhune mizore, janë rrëqethëse.

Një nga këto krime të dokumentuara, që iu faturua bandës së ‘Gaxhait’, ishte edhe ai ndodhur në fshatin Armen të Vlorës, më 13 Qershor të vitit 1997.

Më datë 13 Qershor 1997 në fshatin Armen, Vlorë, shtetasi Robert Boraku i ka dalë përpara automjetit ku po udhëtonin shtetasit Ligor dhe Dhame Koreta, Dhimitraq dhe Taqo Mishka dhe Panajot Qirjo dhe ka qëlluar ndaj tyre, duke i lënë të plagosur.

Ndërkohë që nga ky shkëmbim zjarrit mbeti i plagosur dhe vetë Robert Boraku.

Vetëm tri ditë më pas, konkretisht më 19 Qershor 1997, Robert dhe Niko Boraku së bashku me personin e njohur si ‘Gaxhai’, kanë vrarë dhe më pas kanë djegur trupin e shtetasit Dhimitraq Mishka, kufoma e të cilit u gjend në vendin e quajtur Shamogjin.

Sipas hetimeve rezulton se ditën e ngjarjes, banda e ‘Gaxhait’ ka shkuar dhe e ka marrë viktimën në fshatin Mëkat tek klubi i vëllait të tij Andrea Mishka.

Më pas ata e kanë çuar në qendër të fshatit Cerkovinë ku dhe e kanë torturuar. Më tej ata e kanë ekzekutuar në bazën eksperimentale në Shamogjin dhe më pas e kanë djegur kufomën.

Por aktiviteti kriminal i bandës ka qenë aq i vrullshëm, sa ata kanë kryer tortura dhe vrasje të ngjashme, edhe brenda një dite.

Rezulton se në të njëjtën ditë kur rrëmbyen dhe ekzekutuan shtetasin Dhimitraq Mishka, banda mori peng dhe vrau shtetasin Zini Haruni.

I cili edhe ky pasi u torturua u vra në fshatin Cerkovinë ku ishte edhe baza e bandës së ‘Gaxhait’.

Po në këtë datë, pra më 19 Qershor 1997 nga ana e bandës së ‘Gaxhait’, u krye një tjetër krim.

Sipas të dhënave që dolën edhe nga hetimi, në vendin e quajtur Shamogjin pranë një karburanti, anëtarët e bandës rrëmbyen shtetasit Zini Haruni dhe Ardian Tase, të cilët ndërkohë ishin duke udhëtuar nga Fieri për në Vlorë.

Pasi lëshuan Ardianin, ata morën me një furgon të bardhë Ziniun dhe e çuan në fshatin Cerkovinë, të cilin e vranë një ditë më pas tek punishtja e mermerit pranë këtij fshati.

Në lidhje me këtë vrasje u arrit të provohej se ‘Gaxhai’ së bashku me pjesëtarët e tjerë të organizatës së tij kriminale, vranë për hakmarrje shtetasin Zini Haruni, për shkak të rivalitetit me grupin e Zani Çaushit.

Emri i Sokol Sinomataj në këto sipërmarrje kriminale, del më qartë edhe në ekzekutimin e Robert Myftarit, i cili u qëllua në makinën e tij ndërsa po udhëtonte me bashkëshorten.

Ishte vetë viktima i cili para se të jepte shpirt në spital i kishte rrëfyer së shoqes, se njëri nga ata që e qëlluan ishte Sokol Sinomataj, ‘Buzëderri’, i bandës së ‘Gaxhait’.

Një tjetër vrasje e kryer nga banda e ‘Gaxhait’, ku sërish motivet dalin të jenë rivaliteti midis grupeve kriminale, është dhe ajo e shtetasit Robert Myftari.

Kështu më datë 8 Gusht 1997 në vendin e quajtur ‘Skelë’ pranë lokalit ‘Miami’ në Vlorë, i pandehuri Sokol Sinomataj ka qëlluar me armë zjarri kundrejt shtetasit Robert Myftari, i cili gjatë kësaj kohe ishte duke udhëtuar me makinë me gruan e tij Amarilda Halili.

Sipas dëshmisë së gruas së viktimës, ngjarja ka ndodhur rreth orës 20.30 të kësaj dite, kur makina e tyre u ndalua nga disa persona.

Të cilët ajo rrëfeu se pasi ata ndaluan makinën, një prej personave të armatosur tha se ky qenka Berti i Shaveres, një nga ata të ‘Çoles’, lagje në Vlorë ku kishte qendrën banda e Zanit.

Vetë Robert Myftari para se të humbte jetën në spital, i tregoi gruas se një nga ata që e qëlloi ishte Sokol ‘Buzëderri’ i bandës së ‘Gaxhait’

Një tjetër episod dhune që lidhet sërish me ngjarjet e vitit 1997, ku del të jetë i përfshirë Sokol Sinomataj ‘Buzëderri’ është edhe ai i qershorit të këtij viti.

Ai që e identifikoi ndër të tjerë, ishte një punonjës i policisë.

Gjatë gjykimit arritëm të provojmë se pjesëtarë të bandës së ‘Gaxhait’, kanë vjedhur me dhunë shtetasin Ardian Skënderi.

Dëshmi të cilat ky shtetas i dha edhe para kësaj gjykate në seancën e datës 7 Shkurt 2006.

‘…Në qershor të vitit 1997 kam qenë me grupin e gatshëm të Drejtorisë së Policisë Vlorë. Ka qenë fillimi i qershorit të këtij viti, kur po udhëtoja në një furgon në të cilin ndodheshin dhe tre persona të tjerë. Por pa arritur në fshatin Shamogjin pranë Institutit, vura re se na dolën përpara tre persona të armatosur dhe me maska. Njëri prej tyre u afrua dhe më kërkoi armën por nuk e kisha me vete, ndërsa tjetri më tha: ‘Na falni shef por situatën e kemi ne nën kontroll’.

Unë me vete në atë moment kisha 168 000 lekë të rrogës të cilat mi mori personi që komunikoi me mua. Ndërsa dy të tjerët qëndronin në distancë me automatik në dorë. Gjatë bisedës njëri prej tyre më qëlloi me qytën e armës në nofull. Në këtë moment unë arrita të njoh njërin prej personave që ishte Sokol Sinomataj (Buzëderri)

Një tjetër episod kriminal, ku edhe këtu del emri i Sokol Sinomataj dhe që vazhdon të lidhet me aktivitetin e tij në kuadër të bandës së Gaxhait, gjatë vitit 1997, është ai edhe i grabitjes me dhunë, të një automjeti.

Por që fatmirësisht në këtë rast nuk pati të lënduar si në rastet e ngjashme, ku banda kishte bërë kërdinë duke torturuar dhe vrarë njerëz të pafajshëm jo vetëm me mendimin për t’i grabitur, apo edhe në dyshimet se ata ishin pjesë e bandave rivale në qytet.

Në fund të muajit Prill të vitit 1997 pranë Bashkisë Vlorë disa persona të armatosur i kanë marrë me forcë në kërcënimin e armëve automjetin shtetasit Artur Pashai.

Ky shtetas ka mundur të identifikojë si persona të armatosur të pandehurin Edmond Leskaj, Sokol Sinomataj dhe Armando Sulejmani.

Automjeti në momentin që është marrë nga tre të pandehurit ka qenë duke u drejtuar nga shtetasi Enver Gjoni edhe ky punonjës i firmës rentiere ‘Vefa’ si dhe pronari i makinës, shtetasi Artur Pashai.

Por me gjithë këto krime të përbindshme, edhe pse Prokuroria kërkoi dënim të përjetshëm për Sokol Sinomataj. në përfundim të gjykimit, Gjykata e Lartë e cilësoi fajtor vetëm për vjedhje me dhunë.

Ndërkohë që ai ishte gjykuar edhe për vrasjen e Elton Tatos dhe plagosjen e Robert Borakut, ngjarje e ndodhur në qershor të vitit 2002.

Vite pritje pas hekurave të cilat në fakt iu dukën shumë të gjata, anëtarit të përkushtuar të bandës së ‘Gaxhait’.

I cili në vitin 2017, duke përfituar nga një leje shpërblyese, mundi të dilte nga burgu i sigurisë së lartë në Peqin dhe të mos kthehej më aty.

Duke zgjedhur të largohej nga Shqipëria, për t’u strehuar bashkë me të birin, Gëzimin, në Belgjikë.

Largim nga vendi i qëndrimit të vuajtjes së dënimit, për të cilin Gjykata e Elbasanit, e dënoi edhe me 1 vit e 6 muaj burgim.

Sokol Sinomataj, i cili pas arrestimit në Belgjikë, u ekstradua drejt Shqipërisë, ku aktualisht po vuan dënimin e parë me 16 vite heqje lirie, në burgun e Fushë-Krujës.

Teksa ai ishte i pranishëm, i shoqëruar me forca të shumta policie, edhe në varrimin e të birit.

Që ishte edhe fëmija i tij i vetëm.

Ndërsa policia ka dhënë një shpërblim të majmë për atë që do të japë informacion se kush e vrau Gëzim Sinomataj, mbrëmjen e 7 Janarit, të shumta janë pikëpyetjet mbi këtë vrasje.

A lidhet në të vërtetë ekzekutimi i tij me aktivitetin e vjetër dhe të ri kriminal të babait dhe xhaxhait të tij?

Dhe a do ta trazojë edhe njëherë qetësinë relative që ishte vendosur gjatë viteve të fundit në Vlorë?

Apo kjo vrasje do të përmbysë sërish kupën e paderdhur të gjakut që ka ngërthyer këtë qytet në shumë vite?

Sagë e mbushur me viktima të panumërta, në të shumtën të zhdukura pa nam dhe nishan.

Qoftë edhe si ky ekzekutim, skena që mund t’i prodhojnë vetëm regjisorët e filmave të famshëm të zhanrit aksion apo ‘fiction’.

The post Gëzim Sinomataj u ekzekutua me snajper teksa po pinte cigare në ballkon, ja lista me krimet e bandës së “Gaxhait”, pjesë e saj dhe babai i 23-vjeçarit appeared first on Albeu.com.

Në fokus të kontrolleve janë edhe automjetet me xhama të zinj.

Qëllimi i këtyre kontrolleve është evidentimi i personave që lëvizin me armë zjarri, sende të forta apo lëndë narkotike.

Kontrolle dhe për arrestimin e personave në kërkim apo eksponentët e krimit. Drejtuesit e automjeteve nxirren nga makina dhe kontrollohen në imtësi.

Është e 5-sta ditë që FNSH dhe Renea ushtrojnë të tilla kontrolle të imtësishme.

Policia ka intensifikuar kontrollet pas ekzekutimit mafioz të Gëzim Sinomatajt në ballkonin e shtëpisë, më 7 janar.

23-vjecari ishte duke pirë cigare në ballkon kur u qëllua për vdekje me snajper. Autorët u arratisën dhe policia arriti të gjente vetëm makinën tip “BMW” që dyshohet se u përdor në krim duke u djegur.

Ditën e djeshme të paktën 15 persona u shoqëruan në komisariat, por ditën e sotme u lanë të lirë pasi nuk kishte prova që i implikonte me ngjarjen e rëndë./albeu.com

The post Ekzekutimi mafioz i Gëzim Sinomatajt, FNSH dhe RENEA sërish kontrolle në Vlorë appeared first on Albeu.com.

Mwsohet se drejtori i Përgjithshëm i Policisë, ndodhet sërish në Vlorë, ku edhe ka zhvilluar takime me ekspertë dhe grupin hetimor të ngritur për zbardhjen e kësaj ngjarjeje.

Nga këqyrja e kamerave të sigurisë, policia dyshon në përfshijnë e disa personave në këtë vrasje.

Verifikime po kryhen edhe mbi disa automjete, që dyshohen se mund të ketë larguar autorët e ngjarjes dhe pas djegies së automjetit tip BMW pas krimit.

The post Vrasja e 22-vjeçarit në Vlorë/ Hapen kamerat e sigurisë, dyshohet për disa persona appeared first on Albeu.com.

Sokol Sinomati, ka qenë pjesë e bandës së “Gaxhait” në vitin 1997 në Vlorë, teksa në foto shfaqet bashkë me të akuzuarit e tjerë të kësaj bande në Gjykatën e Tiranës në vitin 1999.

“Ky eshte Sokol Sinomati në banken e te akuzuareve me banden e gaxhait në vitin 1999 në gjykaten e Tiranes” – shkruan shkurtimisht Artan Hoxha në foton e publikuar në rrjetet sociale.

Sokol Sinomati është i dënuar për vrasjen e ndodhur në 3 janar të vitit 2000, ku gjatë një tentative për të ekzekutuar Sokol Nuho, ka qëlluar gabimisht Luigj Xhafën, kalimtar të rastit.

Në 2014 gjykata e Lartë  atëherë me relator Edmond Islamaj vendosën që Armando Sulejmani (Cipuri) dhe Sokol Sinomati – të dy ushtarë të Gaxhait – të mos dënoheshin me burgime përjetë si pjesëmarrës në bandën e armatosur të Gaxhait, por të dënoheshin përfundimisht me akuzën e “Vjedhjes me dhunë” në bashkëpunim, duke u dënur përfundimisht me 16 vite burgim. Ky vendim solli lirimin e tyre nga qelia,edhe pse ishin të akuzuar dhe dënuar për një tjetër vrasje të kryer në Vlorë, në vitin 2002 në Skelë, ku i vdekur mbeti Elton Tato.

Pas lirimit, ai u largua nga Shqipëria në vitin 2017-n, drejt Belgjikës, ku sërish merrej me aktivitet të paligjshëm dhe u arrestua aty në vitin 2021, për çështje droge. Në fund të vitit 2022 ai u ekstradua në Tiranë, për ngjarjen e regjistruar në vitin 2002-in në Skelë, ku i vrarë mbeti Elton Tato dhe u plagos Robert Boraku

Edhe i biri Gëzim Sinomati jetonte në Belgjikë, teksa kishte ardhur në vendin tonë dy herë brenda muajit, sepse i vdiq gjyshja dhe siç duket kishte vendosur të priste edhe të atin, që thuhet se do të dilte nga burgu për pak ditë, pasi i përfundonte dënimi.

Por, kundërshtarët, vepruan shpejt dhe e ekzekutuan dy ditë më parë, edhe pse ka dyshime se autorët mund të kenë ngatërruar shënjestër. Dyshohet se ata mund të kishin si qëllim të vrisnin xhaxhain e viktimës, Benard Sinomati, vëllai i Sokolit, i cili ndodhej në të njëjtën banesë. Edhe ky i fundit jetonte në Belgjikë dhe kishte dy muaj që kishte ardhur në Shqipëri.

Gjithashtu vlen të theksohet fakti se Benard Sinomatit, dy vite më parë, në 3 janar të vitit 2022, i vunë 150 gram lëndë plasëse tritol në makinën që e kishte parkuar në të njëjtën lagje ku iu ekzekutua nipi 23 vjeçar.

The post FOTO-LAJM/ Ky është “Buzëderri” që i vranë të birin me snajper, pjesë e bandës së “Gaxhait” appeared first on Albeu.com.

Rrumbullaku ka ngritur një grup të posaçëm hetimor, për të hetuar ngjarjen.

Gjithashtu, Rrumbullaku ka zhvilluar një analizë shumë të gjatë, prej 24 orësh.

Analizë, ngjarja e ndodhur, problematikat brenda dhe jashtë vendit. Pjesë e analizës, dosjet e ngjarjeve të vjetra dhe grupet kriminale.

Po bashkëpunohet me agjencitë ligjzbatuese brenda dhe jashtë vendit. Janë grumbulluar një numër i madh i pamjeve filmike në zonë dhe në itinerarin që kanë lëvizur autorët.

Drejtori i Përgjithshëm ka urdhëruar hartimin e një plani të detajuar operacional kombëtar, për parandalimin e ngjarjeve kriminale dhe për goditjen e grupeve kriminale.

The post Ekzekutimi i 22-vjeҫarit Gëzim Sinomati në Vlorë/ Ҫfarë thotë Muhamet Rrumbullaku appeared first on Albeu.com.

I riu u qëllua teksa ishte në ballkonin e banesës, ku kishte dalë për të pirë cigare, nga një makinë tip ‘BMË X3’ e vjedhur me targa të dubluara.

Gëzim Sinomati, është qëlluar nga sedilja e pasme e makinës në një distancë prej 35-40 m.

Në pjesën e pasme të makinës që u përdor nga atentatorët dhe që u gjet e djegur është gjetur një bllok betoni, që ishte modifikuar në sediljen e pasme për të qëndruar qitësi.

Grupi hetimor dyshon se kemi të bëjmë me një qitës profesionist.

Blloku i betonit ka shërbyer për të mbështetur armën, në mënyrë që mos të ketë tronditje dhe të mos gabojë.

Dyshohet po ashtu, se është vrasës profesionist me pagesë.

Arma nuk është gjetur dhe as gëzhoja deri në këto momente.

Janë mbledhur thuajse 50 kamera sigurie të bizneseve, por edhe qytetit me qëllim i identifikimi.

Autorët nuk janë identifikuar, pasi kanë qëndruar në zonë të pandriçuar dhe janë shmangur kamerave.

The post Ekzekutimi i 22-vjeҫarit Gëzim Sinomati në Vlorë, dyshohet për vrasës me pagesë, ҫfarë u gjet te makina e autorëve appeared first on Albeu.com.

Rasti më i fundit ishte ajo e Vlorës, ku 23-vjeçari Gëzim Sinomati u ekzekutua në pak sekonda me një plumb në kokë, teksa ishte duke pirë cigare në ballkonin e banesës së tij.

Vrasja e të riut ishte e mirëmenduar deri në detaje, ku deri më tani hetuesit nuk kanë gjetur asnjë gjurmë nga autorët. Të favorizuar nga errësira dhe njohja e terrenit, ekzekutorët janë larguar pa lënë gjurmë dhe kanë djegur mjetin tip BMW, në të cilin nuk kishte asnjë shenjë apo send nga autorët.

Por shumë vrasje të bujshme me snajper kanë mbetur ende pa u zbardhur dhe pa autor.

Më 7 janar 2020 Kastriot Reçi u ekzekutua me armë zjarri përpara lokalit të tij në qendër të Rrëshenit, teksa rihapi plagën e vjetër të hakmarrjes në Mirditë në fillim të 2020-ës. Emri i tij ishte lakuar prej kohësh për trafikim droge, edhe pse në fakt nuk ishte skeduar asnjëherë. Reçi u ekzekutua në një plan të mirëorganizuar me një plumb të vetëm në zemër me snajper, që dyshohet vrasës me pagesë. Pasi takon një grua e cila mbante përdore një fëmijë në shëtitoren e qytetit, qëllohet dhe bie menjëherë në tokë.

Atentat me snajper i është bërë edhe Ardjan Çapjas në vitin 2020, ku u qëllua të paktën një herë dhe plumbi e kapi në zonën e shpatullës duke i shkaktuar dëmtimë jo vdekjeprurëse. Në drejtim të tij u qëllua prej kodrës së Krastës nga një largësi e pazakontë për armë të thjeshta. Arma, që u përdor nga autorët për të qëlluar në drejtim të Ardjan Çapjës u gjet brenda makinës tip “Volkswagen”, e cila u dogj disa kilometra larg vendit të atentatit.

Një tjetër ekzekutim me snajper është edhe ajo e Xhabir Shegës (Vid Shega) në verën e vitit 2015 pasi kishte kryer 12 vite burg për vrasjen e Indrit Bajrit në vitin 2001. Me shënjestrën që kishin marrë autorët nga Kalaja e Shkodrës, dy plumba me snajper në gjoks, i morën jetën Shegës, teksa ndodhej në oborrin e banesës. Shega dyshohet të ishte përfshirë edhe në një krim tjetër të ndodhur në vitin 1999 në një local në Shkodër ku u ekzekutuan pesë persona njëkohësisht. Prokuroria nuk arriti ta vërtetonte kurrë se kush e ekzekutoi Shegën me snajper.

Ndërkohë që në shtator të vitit 2022 Akil Nerjaku, i njohur ndryshe si “Kili” i Shijakut, i shpëtoi mrekullisht një atentati të mirëmenduar. Sapo “Kili” doli nga mjeti i tij i blinduar G-Class, ai u qëllua me snajper nga brenda një furgoni. Ai arriti të shpëtonte, ndërsa plumbi ka përshkruar një tjetër automjet me targa të huaja që ishte i parkuar.

Por për të parandaluar ngjarjet e tjera kriminale, policia kohët e fundit ka arrestuar disa persona, të cilët janë kapur me snajper në makinë. Mes personave që janë arrestuar, është edhe ish efektivi i RENEA-s Remal Rada, i cili është dënuar nga Gjykata e Tiranës me 7 vjet e 9 muaj burgim.

The post Vrasjet më të bujshme me snajper, si u ekzekutuan viktimat në sekondë pa patur mundësi reagimi appeared first on Albeu.com.

Dyshohet se atentatorët kanë shtënë nga makina e cila ka qenë parkuar para ballkonit të 22- vjeçarit.

Makina tip “BMW” ka qenë parkuar rreth 30 minuta para pallatit dhe kur ka dalë në ballkon shenjestra, është shtënë, pasi një plumb e ka marrë në kokë dhe ka përfunduar në tavanin e shtëpisë.

Një dyshim tjetër mund të jetë dhe në ndonjë mjedis përball pallatit. Ndërkohë, nuk është gjëtur asnjë gëzhojë në vendngjarje.

 Si ndodhi ngjarja

I kthyer pak ditë më parë nga Belgjika për të festuar Vitin e Ri pranë familjes, 23-vjeçari u qëllua me snajper nga persona ende të paidentifikuar, duke ndërruar jetë në vend. Autorët u larguan nga vendi i ngjarjes, ndihmuar edhe nga errësira, dhe dogjën automjetin tip “BMW” me të cilin dyshohet se kryen krimin.

Automjeti u gjet nga policia duke u djegur në lagjen “24 Maji”.

Emri i tij, veçanërisht mbiemri është i njohur për drejtësinë. Para disa kohësh i është vendosur dhe tritol në afërsi te banesës së tij.

22-vjeçari Gëzim Sinomati është djali i Sokol Sinomatit i cili njihet me nofkën “buzëderri”. Ai u arratis nga burgu i Peqinit në vitin 2017, pasi kishte marrë leje në burgun e Peqinit dhe nuk u kthye më.

Shpallja e tij në kërkim me kartele jeshile rezulton të jetë kryer në datë 12 shtator 2017. Menjëherë, sapo doli nga burgu, ai mori të vëllain Bernardin dhe djalin adoleshent asokohe dhe u largua nga Shqipëria. Dyshohet se u vendosën në Belgjikë. Në vitin kur ai u arratis, Sokol Sinomati vazhdonte të vuante dënimin për vrasjen e Elton Tatos dhe plagosjen e Robert Borakut, ngjarje që sipas vendimit të gjykatës së Vlorës ka ndodhur në qershor të vitit 2002.

Por ai njihet gjithashtu si ushtar i grupit të Gaxhait tregojnë kartelat e policisë Sokol Sinomati dhe Armando Sulejmani (Cipuri) pavarësisht se u gjetën fajtorë nga shkalla e parë e krimeve të rënda për pjesëmarrje në bandën e armatosur të Gazmir Brakës( Gaxhai), gjykata e lartë në vendimin Nr.48 i shpalli fajtorë vetëm për vjedhje me dhunë.

Kjo mund të jetë pista e parë për vrasjen e djeshme në Vlorë, por do të jenë hetimet që mund të nxjerrin në dritë të tjera pista./albeu.com

The post DETAJE/ Krimi mafioz që tronditi Vlorën, makina e autorëve qëndroi 30 minuta e parkuar para pallatit të 22-vjeçarit appeared first on Albeu.com.

Por, kush është Sokol Sinomati, babai i të riut që u ekzekutuame armë zjarri.

Në vitet 2000, në moshën 27-vjeçare tronditi qytetin e Vlorës, duke qëlluar me breshëri automatiku ndaj Sokol Nuhos.

I vetëshpallur si anëtar i bandës së Gazment Brrakës, ai zbriti nga makina e tij tip “Benz”, dhe qëlloi në mes të ditës me breshëri automatiku ndaj Sokol Nuhos, në atë kohë 29-vjeç.

Ky i fundit ishte i armatosur, dhe prandaj i është kundërpërgjigjur për vetëmbrojtje duke qëlluar me pistoletë teksa qëndronte i ulur brenda në lokal.

Mirëpo, shënjestra e tij, shpëtoi pasi asnjë plumb nuk e preku. I vrarë aksidentalisht mbeti  Luigj Xhafa, 42-vjeç, i cili po lëvizte me biçikletën e tijn pak metra më tutje.

Ai gjeti vdekjen mënjëherë, duke u goditur nga një plumb në anën e djathtë të krahërorit.

Në atë kohë dëshmitarët okularë, treguan se të plagosur mbetën edhe dy kalimtarë të tjerë, një burrë dhe një grua.

Mjekët e spitalit të Vlorës, deklaruan se askush nuk është paraqiturpër të kërkuar ndihmë.

“Buzderi” ishte larguar në drejtim të Radhimës, ku dhe u strehua në një nga vilat e plazhit.

Ai u rrethua nga forca të shumta policie dhe për plot 3 orë nuk pranoi të dorëzohej, madje kërcënonte se do të hapte zjarr, gjë që nuk e bëri.

Më pas u dorëzua.

Burime për mediat, bënë me dije se ai pranoi se qëlloi në drejtim të Nuhos, për shkak të një sherri të vjetër.

Tanimë, 23 vite më vonë, djali i tij është ekzekutuar pabesisht, teksa rrinte në ballkonin e banesës së tij, në katin e tretë të një pallati në lagjen “Hajro Çakërri”.

The post Njihej me nofkën “Buzderi”, kush është babai i 22-vjeҫarit Gëzim Sinomati që u ekzekutua në Vlorë appeared first on Albeu.com.