Gërvalla Archives - Albeu.com

Berisha bën deklaratën e fortë: Rama jep urdhër që Donika Gërvalla të mos shkelë në Shqipëri

M C — Sat, 21 Mar 2026 16:34:19 +0000

Kreu i Partisë Demokratike Sali Berisha gjatë një bashkëbisedimi me qytetarët në rrjetet sociale ka bërë një deklaratë të fortë. Lideri i opozitës deklaroi se Kryeministri Edi Rama, duke iu referuar si argat i Presidentit serb Aleksandër Vuçiçit, ka urdhëruar ambasadat që të mos kenë asnjë lloj takimi me ministren e Drejtësisë së Kosovës, Donika Gërvalla, pasi kjo e fundit denoncoi publikisht letrën e përbashkët Rama-Vuçiç.

Sipas Kryedemokratit, Rama ka urdhëruar që të pamundësojë çdo vizitë zyrtare në Shqipëri, për Gërvallën. Sa i përket letrës, Berisha theksoi se Rama dhe Vuçiç, duke i quajtur si padroni dhe argati e bënë këtë në kundërshtim me interesat flagrante të kombeve të tyre dhe vetëm e vetëm për pushtetin e tyre.

“Ata nuk pajtohen kurrë, as me farsën zgjedhore, as me bllokimin e luftës kundër korrupsionit dhe bllokimin e drejtësisë. Por duhet të kemi një gjë parasysh, lëvizja e fundit e Edi Ramës është lëvizja më antishqiptare që është bërë ndonjëherë, lëvizje me të cilën Edi Rama kërkoj nga BE-ja që ti japin Shqipërisë së bashku me Serbinë vetëm marrëveshjen tregtare dhe lëvizjen e lirë, kurse paketën politike dhe përfitimet dhe të drejtën e votës të mos e japin.

Pse e bëri Edi Rama këtë akt? Edi Rama dhe Aleksandër Vuçiç, padroni dhe argati e bënë këtë në kundërshtim me interesat flagrante të kombeve të tyre dhe vetëm e vetëm për pushtetin e tyre. Por ana tjetër, Edi Rama me këtë akt antikombëtar e rreshtoi Shqipërinë krahas Beogradit, krahas aleatit kryesor të Moskës në rajon.
Barazoi Shqipërinë me Beogradin i cili nuk respekton sanksionet e BE dhe NATO-s ndaj Rusisë. I cili nuk pranon kurrë të njohë Kosovën.

Edi Rama e gjeti tani për ortak një akt i shëmtuar antikombëtar, por që ka treguar para shqiptarëve karakterin e vet dhe dua të informoj shqiptarët se, ky argat i Vuçiçit ka urdhëruar ambasadat që të mos kenë asnjë lloj takimi me ministren e Drejtësisë së Kosovës, Donika Gërvalla sepse ajo denoncoi publikisht me guxim letrën e përbashkët Rama-Vuçiç.

Arrin deri në këtë verbëri që të kërkojë, e cila me shumë mundësi Donika është edhe shtetase shqiptare se, ajo ka ardhur këtu fëmijë dhe është rritur në Shqipëri, shkon në verbërira të pafundme. Megjithatë e them këtu prap se, nuk ka asgjë më jetike se sa të mbrojmë vokacionin tonë perëndimor, të mbrojmë procesin e integrimit tonë në BE. Në vend të pasaportës Europiane që premtoi në çdo miting dhe takim, tani ofron pasaportën e Beogradit. Ne këtë nuk do të ja pranojmë kurrë,” tha Berisha.

Gërvalla kritikoi Ramën dhe Vuçiç lidhur me editorialin e përbashkët që në gazetën gjermane Frankfurter Allgemeine Zeitung. Gjatë kritikave të saj, ajo tha se krijohet përshtypja se sa herë që Vuçiç gjendet nën presion nga Bashkimi Evropian, Rama del në mbështetje të tij.

“Nga ana e kryeministrit Rama, i cili i tejkalon edhe ato kur kemi mbyllur njërin sy në të kaluarën, është artikulli i fundi i publikuar së bashku me Vuçiqin në gazetën prestigjioze gjermane. Unë mendoj që qytetarët e Kosovës nuk kanë për t’ia falur atë artikull kryeministri Rama. Sepse krijohet përshtypja herë pas herë që gjithmonë atëherë kur Vuçiqin BE-ja, Evropa e mbështetë me shpatulla për muri, del Edi Rama dhe e nxjerrë nga ajo situatë. Nuk duhet të ketë për Shqipërinë alternativa me Serbinë që nuk kalojnë nëpër Kosovë. Rruga nga Tirana nëpër Beograd qon nëpër Prishtinë, edhe gjeografikisht, edhe ekonomikisht edhe në çdo aspekt. Kështu, secili kryeministër apo president shqiptar që e harron këtë ta dini që afatgjatë ka për të bërë gabime të mëdha që kanë për ta dëmtuar kombin tonë më shumë”, tha Gërvalla në reagimin e saj.

The post Berisha bën deklaratën e fortë: Rama jep urdhër që Donika Gërvalla të mos shkelë në Shqipëri appeared first on Albeu.com.

Gërvalla paralajmëron rreziqet e shtrirjes së ndikimit rus në Ballkan

D Marku — Sun, 29 Sep 2024 21:32:57 +0000

Kosova mbështet përpjekjet për të ndaluar liderët jo-demokratikë për të mohuar të drejtat e qytetarëve të tyre dhe destabilizuar rajonet e ndryshme të botës.

Kështu ka deklaruar shefja e diplomacisë kosovare Donika Gërvalla në takimin ministror për situatën urgjente në Venezuelë, në kuadër të Asamblesë së Përgjithshme të OKB-së, ku mori pjesë me ftesë të sekretarit amerikan të Shtetit, Antony Blinken dhe ministres së Punëve të Jashtme të Argjentinës Diana Mondino.

Në fjalën e saj, ministrja Gërvalla vuri në pah edhe angazhimin e Venezuelës në Ballkan përmes miqve dhe satelitëve të Rusisë në rajon, me partneritete dhe lidhje të reja ekonomike, për të cilat tha se kërkojnë një vëmendje të shtuar dhe kujdes të veçantë.

Ministrja Gërvalla ndodhet për vizitë në Nju Jork në kuadër të sesionit të 79-të të Asamblesë së Përgjithshme të OKB-së.

The post Gërvalla paralajmëron rreziqet e shtrirjes së ndikimit rus në Ballkan appeared first on Albeu.com.

Gërvalla “kryqëzon” Lajçak: I dërguari evropian ka dështuar në procesin e dialogut me Serbinë

Xh — Fri, 19 Jan 2024 18:26:18 +0000

Ministrja e Jashtme e Kosovës, Donika Gërvalla akuzoi të dërguarin europian Miroslav Lajçak, se ka dështuar në punën e tij sa i takon procesit të dialogut Kosovë Serbi.

Kjo, pasi masat e BE ndaj Kosovës nuk janë hequr edhe pse janë përmbushur kushtet.

“Ai ka hyrë pa strategji dhe pa vizion në këtë proces të dialogut dhe si duket, i tillë do të largohet nga ky dialog kur t’i skadoj mandati. Banjska është dëshmia më e mirë që Lajçaku e ka dështuar gjithë procesin e dialogut”, tha Gërvalla.

Ministrja e Jashtme e Kosovës vlerësoi Britaninë e Madhe për të cilën tha se ka qenë gjithmonë pararendëse e zhvllimeve të reja në Ballkanin perëndimor.

“Kam parë vendosmërinë britanisë së madhe për të ndihmuar që moska dhe beogradi të mos e terrorizojnë këtë pjesë të europës. Mbretëria e Bashkuar i ndez alarmet pak më herët se vendet e tjera.”

Po ashtu ministrja foli për vizitën e fundit të ministrit të Jashtëm të vendit tonë Igli Hasani në Prishtinë dhe marrëdhëiet me Shqipërinë.

“Kam hasur në një partner që në mënyrë të mirëfilltë interësohet për Kosovën, koordinojmë planet tona e punën tonë. Mesazhet e fuqishme që përcoilli Hasani për mua nuk ishtin asnjë befasi. “

Sa i takon sulmit terrorist të Banjskës në 24 shtator Gërvalla tha se BE nuk ka dalë edne në një konluzion të qartë.

The post Gërvalla “kryqëzon” Lajçak: I dërguari evropian ka dështuar në procesin e dialogut me Serbinë appeared first on Albeu.com.

“Kam respekt maksimal”, akademiku shqiptar tregon lidhjen familjare që ka me Ministren e Jashtme të Kosovës

Tau Lanti — Fri, 06 Oct 2023 19:59:40 +0000

Akademiku Apollon Baçe, ka vlerësuar në figurën e Ministres s Jashtme të Kosovës, Donika Gërvalla.

I ftuar në “Breaking” të gazetares, Dafina Hysa, Baçe ka zbuluar se Donika Gërvalla është ish-nusja e djalit të tij.

Ai tha se pavarësisht se djali i tij dhe Gërvalla janë divorcuar, ai gëzon respekt maksimal për nënën e nipit të tij.

Baçe theksoi Donika është një person që punon fort, ndërsa rrëfeu dhe një histori të sajën personale me serbët, të cilët i kanë vrarë babain.

The post “Kam respekt maksimal”, akademiku shqiptar tregon lidhjen familjare që ka me Ministren e Jashtme të Kosovës appeared first on Albeu.com.

Gërvalla i përgjigjet Vuçiçit: Pavarësia e Kosovës nuk shkel Kartën e OKB-së

K Agaj — Fri, 22 Sep 2023 07:37:38 +0000

Ministrja e Punëve të Jashtme dhe Diasporës e Kosovës, Donika Gërvalla, ka dënuar fjalimin e presidentit të Serbisë, Aleksandar Vuçiq, të mbajtur para Asamblesë së Përgjithshme të OKB-së, dhe tha se ishte një “tentim për shtrembërim të historisë” lidhur me Kosovën.

Gërvalla hodhi poshtë pretendimet e Vuçiqit se “zanafillën e agresionit rus në Ukrainë e sheh te pavarësimi i Kosovës, dhe paturpshëm pretendon se më 2008 Serbisë i ka ndodhur kjo që i ndodhë Ukrainës sot”.

“Deklarata e shpalljes së pavarësia e Kosovës nuk është shkelje e ligjit ndërkombëtar, e as rezolutave dhe dokumenteve të tjera relevante të OKB-së, rrjedhimisht as Kartës së OKB-së. Këtë e ka gjykuar dhe vendosur trupi më i lartë juridik i OKB-së, Gjykata Ndërkombëtare e Drejtësisë, në opinionin e saj të nxjerrë më 22 korrik 2010,me kërkesë të vet Serbisë”, tha Gërvalla përmes një deklarate të lëshuar në orët e vona të 21 shtatorit.

Vuçiq para Kombeve të Bashkuara akuzoi shtetet Perëndimore se kanë “shkelur brutalisht” Kartën e OKB-së dhe Rezolutën 12 44, duke e njohur pavarësinë e Kosovës dhe duke “i mohuar të gjitha parimet që sot po i mbrojnë”.

Rezoluta 12 44 e Kombeve të Bashkuara, së cilës iu referua Vuçiqi, i dha fund luftës në Kosovë. Ndër të tjera, rezoluta parasheh mandatin e misionit paqeruajtës të NATO-s, KFOR, me qëllim të mbrojtjes së të gjithë qytetarëve të Kosovës.

“Me këto shpifje dhe përpjekje për shtrembërim të historisë, presidenti i Serbisë ka keqpërdorur rëndë foltoren e Asamblesë së Përgjithshme të OKB-së. Nëse ka një ngjashmëri mes agresionit rus në Ukrainë dhe rastit të Kosovës, ajo është vetëm te fakti se Rusia sot ka marrë në shënjestër Ukrainën dhe ukrainasit ashtu si Serbia më 1999 kishte marrë në shënjestër Kosovën dhe shqiptarët e Kosovës”, tha Gërvalla, duke shtuar se për këtë arsye Kosova përkrah Ukrainën në luftën kundër Rusisë.

Për dallim nga Kosova, Beogradi, aleat i Moskës, nuk ka vendosur sanksione ndaj Rusisë pas nisjes së pushtimit të paprovokuar të Ukrainës shkurtin e vitit të kaluar.

Edhe më herët, zyrtarë rusë kanë tërhequr paralele mes Kosovës dhe Ukrainës. Në prill të vitit 2022 presidenti rus, Vladimir Putin, e kishte krahasuar Kosovën me dy rajonet separatiste në Ukrainë, Donjeckun dhe Luhanskun, të njohura bashkërisht si Donbas.

Këto krahasime janë cilësuar si “injorancë” nga zyrtarët në Kosovë.

Gërvalla në reagimin e saj po ashtu akuzoi Vuçiqin se gjatë fjalimit të tij në OKB shkeli zotimet e bëra në Marrëveshjen drejt normalizimit, që Kosova dhe Serbia arritën më herët gjatë këtij viti.

“Më atë marrëveshje, presidenti i Serbisë është pajtuar edhe që Serbia të mos flasë në emër të Republikës së Kosovës në forumet ndërkombëtare, dhe të mos e kundërshtojë anëtarësimin e Republikës së Kosovës në cilëndo organizatë ndërkombëtare, përfshirë OKB-në”, shtoi Gërvalla.

Ajo kërkoi nga bashkësia ndërkombëtare, veçmas Shtetet e Bashkuara dhe Bashkimi Evropian që të “dënojnë një gjuhë të tillë” të përdorur nga Vuçiq, dhe “t’ia rikujtojnë atij obligimet që ka marrë me pajtimin e shprehur në Bruksel dhe Ohër”.

Marrëveshja drejt normalizimit të raporteve, e përbërë prej 11 nenesh, parasheh që palët të mos pengojnë njëra-tjetrën në anëtarësime në organizata të ndryshme ndërkombëtare. Po ashtu, aty parashihet edhe një nivel të vetëmenaxhimit për komunitetin serb në Kosovë dhe njohje të ndërsjellë të simboleve shtetërore, ndërsa kërkon nga Prishtina dhe Beogradi që t’i zbatojnë, po ashtu, të gjitha marrëveshjet e mëhershme të dialogut. /REL

The post Gërvalla i përgjigjet Vuçiçit: Pavarësia e Kosovës nuk shkel Kartën e OKB-së appeared first on Albeu.com.

Gërvalla: Kosova nuk do të kërkojë rrugica për të zbatuar një asociacion që shkel Kushtetutën

K Agaj — Mon, 16 Jan 2023 12:04:03 +0000

Ministrja për Punë të Jashtme dhe Diasporë e Kosovës, Donika Gërvalla, ka thënë të hënën se Kosova nuk do të kërkojë rrugica për të zbatuar një asociacion, “i cili shkel Kushtetutën e vendit”.

“Cila do të jetë rrjedha e bisedave në Bruksel në kuadër të marrëveshjes finale, cilat do të jenë konsesionet që edhe Serbia do të jetë e gatshme të bëjë në raport me të drejtat e minoriteteve në Serbi, e shumë e shumë tema të tjera, mbetet të diskutohen në kuadër të dialogut”, ka thënë Gërvalla në një konferencë të përbashkët me ministren e Jashtme të Sllovenisë, Tanja Fajon, kur është pyetur për zbatimin e marrëveshjes për Asociacionin e komunave me shumicë serbe.

“Por, Asociacioni për të cilin palët janë marrë vesh në Bruksel, por për të cilin palët janë marrë vesh që të zbatohet vetëm pasi të ketë kaluar Gjykatën Kushtetuese të Kosovës, nuk mund të zbatohet sepse e shkel kushtetutën dhe një Qeveri, një gjë që nuk do të duhej të bënte kurrë, është që të merrte vendime të cilat shkelin ligjet dhe kushtetutën e vendit”, ka shtuar Gërvalla.

Kosova dhe Serbia kanë arritur marrëveshje për Asociacionin më 2013 dhe më pas më 2015 mbi parimet për themelimin e tij.

Po më 2015, Gjykata Kushtetuese e Kosovës ka gjetur se marrëveshja nuk është në harmoni të plotë me Kushtetutën.

Serbia kërkon që Kosova të zbatojë marrëveshjet e arritura, por Qeveria e Kosovës është deklaruar kundër një asociacioni njëetnik.

Javën e kaluar, Këshilltari i lartë i Departamentit amerikan të Shtetit, Derek Chollet, ka thënë se “Kosova duhet të përmbushë të gjitha zotimet në kuadër të dialogut, përfshirë edhe formimin e Asociacionin e komunave me shumicë serbe” dhe se pret nga “Qeveria e Kosovës të vendosë disa propozime në tryezë”.

SHBA-ja, madje, ka paralajmëruar se do të kërkojë “partnerë alternativë” për formimin e Asociacionit, në rast se Qeveria e Kosovës nuk e gjen një mënyrë për ta themeluar atë.

Gërvalla ka thënë se Kosova është e përgatitur për finalizim të procesit të dialogut dhe se dialogu duhet të nisë këtë vit me intensitet dhe jo me takime në gjashtë muaj.

Kosova dhe Serbia kanë nisur negociatat për normalizimin e marrëdhënieve më 2011, me ndërmjetësimin e Bashkimit Evropian.

Procesi i negociatave pritet të përfundojë me marrëveshje ligjërisht të detyrueshme.

Ndonëse Kosova deklaron se kjo marrëveshje duhet të përfshijë njohjen e ndërsjellë, Serbia nuk pranon, duke insistuar në “zgjidhje kompromisi”. /REL

The post Gërvalla: Kosova nuk do të kërkojë rrugica për të zbatuar një asociacion që shkel Kushtetutën appeared first on Albeu.com.

Tjetër protestë në Prishtinë, Shoqata Sindikale e diplomatëve parashtron 14 kërkesa për Gërvallën

E S — Wed, 21 Sep 2022 12:41:31 +0000

Shoqata Sindikale e zyrtarëve dhe diplomatëve të MPD-së ka bërë me dije se të enjten me 22 shtator do të protestojnë përpara objektit të kësaj ministrie, derisa kanë listuar një varg kërkesash për ministren Donika Gërvalla.

Një prej kërkesave është edhe siç thonë nga Sindikata “ndërprerja e hakmarrjes ndaj sindikatës dhe kryetarit në pajtim me ligjin dhe organizimin sindikal”.

Përveç kësaj kërkohet shfuqizimi i të gjitha vendimeve që Sindikata i cilëson si ‘arbitrare” e përmes të cilave thonë se janë larguar shumë kolegë nga puna pa vendim gjykate.

“Shihemi nesër (e enjte) me date 22.09.2022, ne ora 12:00”, thuhet në komunikatë.

Lista e kërkesave të Sindikatës:

Me poshte gjeni pikat/kerkesat e protestes:

1. Që menjëherë të kthehet rendi Kushtetues dhe ligjshmëria e përligjur në Shërbimin e Jashtëm;

2. Te nderprehet sulmi kunder aktivitetit sindikal, gjegjesisht kryetarit te Shoqates z. Agron Maloku, dhe kthimi i tij ne MPJD;

3 Të shfuqizohet menjëherë nga Qeveria e Republikës së Kosovës Rregullorja 1/2022 mbi Riorganizimin dhe Sistematizimin ne MPJD. Fillimisht të bëhen ndryshimet ligjore pastaj të funksionalizohen aktet nënligjore.

4. Të vendosen në pozita udheheqëse të Sekretarit dhe të tjerët sipas ligjit dhe hierarkisë së administratës.(Të largohen menjëherë nga detyrat diletantët dhe Klika menaxhuese e vendosur me vendime të jashtligjshme: Behar Isma me koeficientin 9 e që ushtorn detyrën e zv. SP me diktate dhe arbitraritet të paligjshëm; Vigan Berisha bashkëpjesmarrës në paligjshmëri; Ragip Zejnullhu…. dhe të ndërmerren masat disciplinore dhe mjete juridiko-gjyqësore për shkeljet e vazhdueshme ligjore që janë duke i bërë;)

5. Te nderpritet hakmarrja ndaj sindikates dhe kryetarit te saj menjehere ne pajtim me ligjin per organizimin sindikal.

6. Të shfuqizohen të gjitha vendimet arbitrare që kanë shkaktuar largimin e kolegëve nga puna dhe të mos merren vendime për largimin nga puna pa vendim të gjykatëes.

7. Të aplikohet sistemimi adekuat i kolegëve me përvojë dhe me grada diplomatike;

8. Të ndërpritet përndjekja dhe segregacioni i diplomatëve dhe zyrtëve me përvojë të gjatë diplomatike, mbi baza administrative, gjinore dhe etnike, e që e tërë kjo prapavij të diferencimit adminostrativo-politik;

9. Te nderpriten konkurset e shpallura ne menyre kunder ligjore (i jashtem dhe levizje paralele).

10. Të ndërpritet përndjekja dhe diskriminimi i diplomatëve nëpër komisione të kurdisura;

11. Të ketë trajtim meritorë sipas praktikave të mira ndërkombëtare të zyrtarëve diplomatik në MPJD në Ligjin për Pagat;

12. Të përmirësohen kushtet e punës në hapësirat e MPJD-së dhe te drejtat tjera te zyrtareve dhe diplomateve ne MPJD.

13. Gradimet selektive, privilegjuese dhe diskriminuese

14. Nxjerrja e aktemerimeve ne menyre selektive dhe mohimi per nje pjese te nëpunësve civil

The post Tjetër protestë në Prishtinë, Shoqata Sindikale e diplomatëve parashtron 14 kërkesa për Gërvallën appeared first on Albeu.com.

Gërvalla në ABC: “Open Ballkan” shinë paralele, jo e nevojshme

E S — Mon, 18 Oct 2021 21:20:12 +0000

Zv/kryeministrja dhe ministrja e Jashtme e Kosovës, Donika Gërvalla e ftuar mbrëmjen e sotme në emisionin “LOG” në “ABC” pavarësisht se Vetëvendosje nuk fitoi asnjë komunë në raundin e parë u shpreh se partia e saj nuk ka rënie. “Po të shihni sondazhet nuk e konfirmojnë që mund të ketë rënie të Vetëvendosjes apo pakënaqësi me punën.

Zgjedhjet komunale kanë specifikat e veta, po ti krahasoni me të 2017, do të shihini që rënie nuk ka, por po të shihni dinamikën e 6 muajve të fundit dhe raundin e parë, rezultatin duhet ta llogarisni në fund” tha ajo. Sa i përket rezultateve të PDK-së dhe LDK-së Donika Gërvalla tha se “kanë rrugë të gjatë për të dëshmuar që janë në rrugën e reformimit”.

Gjatë takimeve sot në Tiranë, Donika Gërvalla kërkoi krijimin e një aleance ballkanike kundër Serbisë. Shefja e diplomacisë së Kosovës e cilësoi Serbinë kërcënim, jo vetëm për Kosovën.

“Serbia është kërcënim për rajonin jo vetëm për Kosovën. Edhe për Bosnjën. Serbia është shumë agresive ka destabilizuar situatën në Malin e Zi, është një faktor jo stabiliteti dhe duhet të angazhohemi më mirë” tha ajo.

E pyetur nëse ndjen se Shqipëria ka një qasje tjetër ndaj Serbisë, Donika Gërvalla u ndal te nisma “Open Ballkan” si pika e vetme që ndan palët dhe e cilësoi shinë paralele të Procesit të Berlinit. “Shinat alternativa nuk janë të nevojshme” tha ajo.

The post Gërvalla në ABC: “Open Ballkan” shinë paralele, jo e nevojshme appeared first on Albeu.com.