Sakaq, Edlira Çepani shprehet se do vazhdojë misionin e Bogdanit dhe do t’i ngrejë lart të gjithë vlerat dhe kauzat për të cilat ai ka luftuar.

“1 vit pa ty Gert! Duket edhe si një përjetësi, por edhe sikur ishte dje që na dhe përqafimin e fundit… Çdo ditë e çdo vit pa ty do duket si një përjetësi, e do duket sërish sikur të kemi aty në çdo moment!

Dhimbja nuk kalon me kohën, thjesht na e lehtësojnë pak barrën njerëzit që na duan e tek të cilët gjejmë mbështetje dhe ngushëllim…

Jemi të bekuar se kaq shumë njerëz na kanë dashur e na duan fort, kaq shumë miq nga e gjithë bota që të kujtojne me mall dhe respekt, e që sot janë sërish duke të kujtuar ty, si një dritë që ndriçoje zemrat e kujtdo që kishe pranë.

Ne do e vazhdojmë hap pas hapi misionin tënd, do t’i ngremë lart gjithë vlerat dhe kauzat për të cilat ti luftove fort, deri sa të kemi jetë! Të duam pafund e do jemi çdo ditë plot mall, deri ditën kur të takohemi sërish, drita jonë!”-shkruan Çepani.

The post Një vit pa Gerti Bogdanin, emocionon bashkëshortja Edlira Çepani: Më duket sikur më përqafove dje, e çoj deri në fund kauzën tënde appeared first on Albeu.com.

Ai ka emocionuar me mesazhin që ka dhënë për vajzën duke e mbështetur për humbjen e rëndë që përjetoi në Shtator të 2024.

Ai është shprehur se e donte Gert Bogdanin si djalin e tij, ndërsa shton se edhe ai e donte atë.

Babai i Edlirës: Ishte një emision për zgjedhjet në Amerikë dhe për Trumpin. Më merr në telefon në darkë vonë. Edhe më thotë jam kshu kshu. Edhe biseduam çik përpara. Kur mbaroi vonë më merr në telefon, më thotë e ndoqe? I thashë: Fjalë për fjalë. Dhe i thashë shkëlqyeshëm në çdo gjë dhe në argumenta edhe në pjekuri edhe në anën diplomatike, në të gjitha gjërat thashë. Je i shkëlqyer. Prandaj fli rehat thashë (qesh).

Eriona Rusi: Pra sikur u ndatë, ishte telefonata juaj e fundit?

Babai i Edlirës: E fundit. Ai në mëngjes iku, ishte ora 11, 12 kur biseduam. Po e kam fjalën që ishte shumë xhentil shumë i dashur, i kërkonte gjërat në perfeksion.

The post “E kisha si djalin tim”/ Vjehrri tregon telefonatën e fundit me Gert Bogdanin (VIDEO) appeared first on Albeu.com.

Çepani tha se ka vendosur të mos lejojë që dhimbja ta pushtojë, por të mbajë mend vetëm momentet e bukura me Bogdanin.Ajo tregoi gjithashtu mbështetjen që ka marrë nga njerëzit në rrugë, të cilët i japin forcë për të vazhduar përpara dhe për të çuar përpara misionin që ajo dhe Bogdani kishin nisur.

“Sa herë zgjohem, zgjohem në një realitet që nuk jam dakort. Dhimbja nuk mbaron, por mësohesh që ditë pas dite vendos një maskë, sikur po jeton një ditë normale. Por nuk është ditë normale. Sa herë dal në rrugë, ka njerëz që më ndalojnë dhe më japin një përqafim.

Ka plot njerëz që më kanë shkruar, që kanë pasur histori të ngjashme, por më kanë dhënë shumë forcë. Më kanë dhënë forcë dhe një llojë përgjegjësie për të vazhduar misionin që kishim kur u kthyem në Shqipëri. Ai ishte një njeri me integritet, që dha shembullin e një jete me vlera.

Një nga ditët më të vështira të jetës. Nuk dua ta kujtoj më atë ditë. Aty kuptova që çdo gjë mund të ndryshojë shumë shpejt. Por unë bashkë me vajzat, do të vazhdojmë jetën, por duket kujtuar vetëm gjërat e bukura, dhe ky është vendimi që unë kam marrë. Dua të mbaj mend imazhin e Gertit, atë njeriun e mirë dhe me integritet,” tha Çepani.

Ish-deputeti demokrat Gerti Bogdani ndërroi jetë më 18 shtator 2024, në moshën 44-vjeçare, pas një arresti kardiak. Largimi i tij tronditi jo vetëm familjen dhe miqtë, por edhe opinionin publik.

The post Pesë muaj pa Gerti Bogdanin, Edlira Çepani zbulon vendimin e rëndësishëm që ndryshoi jetën e saj appeared first on Albeu.com.

Derbi i kryeqytetit që do të luhet në stadiumin “Air Albania” dhe startoi në orën 20:00.

Klubi i Tiranës ka mbajtur homazhe për ish-deputetin Gerti Bogdani, i cili u nda nga jeta pak ditë më parë pas një ataku kardiak.

44-vjeçari ishte një tifoz besnik i bardhebluve, ndaj edhe klubi i Tiranës, vendosi që para sfidës ndaj Partizanit, të nderonte deputetin e ndjerë, ku vendosur lule pranë fotos së Bogdanit të vendosur në një pjesë të stadiumit.

Siç duket edhe në pamje, fotot e Bogdanit janë shfaqur në stadium, teksa para ndeshjes ka folur drejtori sportivi i bardhebluve, Agim Ibraimi.

“Ne si klub shprehim ngushëllimet më të thella për familjen Bogdani, e dimë që ka qenë tifoz i Tiranës. Besojmë se sot do fitojmë për të. Këto janë ndeshje të cilat duhen luftuar dhe shijuar, 3 pikët janë 3 pikë. Për këto ndeshje nuk kanë nevojë të motivohen lojtarët, derbi duhet fituar”, tha ai.

The post “Do fitojmë për të!”/ Nis derbi i kryeqytetit. Futbollistët e Tiranës nderojnë Gert Bogdanit appeared first on Albeu.com.

Teksa fliste, lotët nuk thaheshin nga sytë e tij, e shpesh shpërthente në të qara me ngashërim, por thekson se donte motra e tij, bashkëshortja e Gertit, që të ishte në studio e të fliste për të!

Ai tregoi momentin se si e mori vesh lajmin që tronditi familjen…

“Sapo ndodhi ma thanë direkt, kaluan disa minuta pasi e gjetën në atë gjendje në tualet dhe e dërguan në spital. Hajde se nuk është mirë Gerti më thanë, nuk është ndjerë mirë dhe është në gjendje të fikti. Nuk e besoja kurrë që mund të kishte diçka të keqe, ishte më i forti ndër ne. Dukej sikur do na përcillte Gerti një nga një, se mendonim se do bënte këtë parakalim. Kur shkova në urgjencë mendova se ka ndonjë gjendje të fikti. Pashë skenën pastaj dhe ishin mbi kokën e Gertit mbi 15 veta që kërkonin ta mbanin dëshpërimisht në jetë, fillova të kuptoja se ishte gjëja serioze”, tha ai.

The post “Pashë 15 veta mbi kokën e tij”, Arbër Çepani tregon momentet e fundit të Gerti Bogdanit: Më thanë eja se nuk është mirë! appeared first on Albeu.com.

Gerti Bogdani, do të përcillet ditën e sotme drejt banesës së fundit, pasi humbi jetën në mënyrë tragjike ditën e djeshme, në moshën 44-vjeçare.

Figura dhe personaliteti i tij do të nderohen ditën e sotme në Kuvendin e Shqipërisë, pjesë e të cilit ai ishte për 2 mandate, duke ardhur nga radhët e Partisë Demokratike.

Homazhet dhe ceremonia e lamtumirës, do bëhen sot në Sallën e Seancave Plenare të Parlamentit të Shqipërisë, nga ora 10:00 deri në 12:00 dhe varrimi do të bëhet më pas në varrezat e Sharrës.

The post Lamtumira për Gerti Bogdanin, nisin homazhet në nderim të ish-deputetit appeared first on Albeu.com.

Kuvendi i Shqipërisë, njoftoi një ditë më parë se seanca plenare që ishte planifikuar për të enjten do të shtyhet, pasi do të hapë dyert për homazhet në nderim të ish-deputetit.

Ish-deputeti i Partisë Demokratike, Gert Bogdani, u nda nga jeta para kohe në moshën 44-vjeçare pas një arresti kardiak, ndërsa po zhvillonte një takim me disa miq të tij në një prej hoteleve në bulevardin “Dëshmorët e Kombit”.

Në një reagim prekës në rrjete sociale, bashkëshortja e tij, aktivistja Edlira Çepani, lajmëroi se ceremonia e lamtumirës do të zhvillohet nga ora 10:00 deri në 12:00 dhe varrimi do të bëhet më pas në varrezat e Sharrës.

“Homazhet dhe ceremonia e lamtumirës, do bëhen ditën e nesërme dt. 19 Shtator 2024, në Sallën e Seancave Plenare të Parlamentit të Shqipërisë, nga ora 10:00 deri në 12:00 dhe varrimi do të bëhet më pas në varrezat e Sharrës”, shkroi ajo.

Profil/ Kush ishte Gerti Bogdani?

Jeta e Gerti Bogdanit për fat të keq nuk ishte ishte e gjatë, por në 44 vitet e tij, arriti të linte shenjë në politikë.

Ai ishte studenti ekselent, i cili braktisi Shtetet e Bashkuar të Amerikës për tu rikthyer në vitin 2005 në Shqipëri ku hodhi hapat e para të karrierës së tij politike pranë Partisë Demokratike.

Në 2007 ai fitoi garën e parë elektorale të tij në zgjedhjet e pjesshme vendore, ku u zgjodh kryetar i Minibashkisë numër 10 në Tiranë, e cila ishte dhe lagjja e tij ku u rrit.

Ai veshi për herë të parë xhaketën e deputetit në zgjedhjet parlamentare të 28 qershorit të 2009, mandat të cilin e rinovoi edhe në garën elektorale të 2013.

Paralelisht me mandatin e ligjvënësit ai drejtoi Forumin Rinor të Partisë Demokratike, si dhe mbajti postin e sekretarit për Marrëdhëniet me Jashtë të PD-së, detyre nga e cila hoqi dorë në vitin 2019 pasi politika nuk ishte me ne planet e tij.

Gara e fundit elektorale për Gerti Bogdanin, ishin primaret e Sali Berishës, ku kërkoi te ishte kandidat për Bashkinë e Tiranës, por në sfidën e zhvilluar në 2022 në Partine Demokratike ai nuk fitoi dot.

Baba i dy vajzave dhe bashkëshort i aktivistet Edlira Çepani, Gerti Bogdani, vitet e fundit ishte tërhequr nga politika aktive, për sfida të reja, të cilat u ndërprenë në mes për shkak se zemra e tij pushoi së rrahuri para kohe për nga një arrest kardiak.

The post Përcillet sot në banesën e fundit ish-deputeti Gert Bogdani, do zhvillohen homazhe në nderim të tij në Kuvend appeared first on Albeu.com.

Mes rreshtave Osmani ka shprehur ngushëllimet për familjen, bashkëshorten dhe fëmijët, e gjithashtu ka shkruar se të ndjerin e njihte prej më shumë se dy dekadash.

Në mesazhin e saj ngushëllues, presidentja Osmani shkruan kështu:

“Me dhimbje të thellë e pranuam lajmin për ndarjen e parakohshme nga jeta të mikut, ish-deputetit demokrat dhe aktivistit të Partisë Demokratike, Gerti Bogdani.

Ky lajm i hidhur preku zemrat, jo vetëm të familjes së tij, por të të gjithëve që e njohën, përfshirë edhe mua për më shumë se dy dekada.

Gjatë gjithë këtyre viteve të angazhimit të tij politik, Gerti nuk ishte thjesht një deputet e aktivist politik i përkushtuar, por një përkrahës i palëkundur i Kosovës.

Në çdo rol që mbante dhe në çdo mundësi që iu dha, ai e mbështeti Kosovën me përkushtim dhe pasion.

Përkushtimi i tij i palëkundur dhe përpjekjet e tij të palodhura për ta afirmuar Kosovën dhe shqiptarët nuk do të harrohen kurrë.

Gjithmonë do ta kujtoj Gertin, jo vetëm si një koleg, por si një mik të vërtetë, një njeri me integritet, bujari dhe besnikëri.

Ikja e parakohshme e tij është humbje jo vetëm për familjen, të afërmit, e miqtë, por edhe për politikën dhe parlamentarizmin shqiptar.

Humbja e tij është e pamatshme, ndërkaq dhimbja ime është me familjen, në këtë kohë të vështirë.

Gerti iku, por pas la shëmbëlltyrën e profesionistit, politikanit dhe mbi të gjitha të njeriut të mirë!

Në këto çaste të rënda për familjen, bashkëndjej me ju dhe ju inkurajoj që të gjeni forcë në përballimin e dhimbjes. I përhershëm qoftë kujtimi për Gerti Bogdanin!”

The post Vjosa Osmani reagon për vdekjen e Gert Bogdanit: Do ta kujtoj jo vetëm si koleg, por edhe si mik appeared first on Albeu.com.

“Bota është një vend i pavlerë pa ty! Do të të dua çdo ditë të jetës derisa të takohemi sërish, drita e çdo rrugëtimi tim!” shprehet Çepani.

Ish-deputeti i Partisë Demokratike, Gerti Bogdani ka ndërruar jetë ditën e sotme (18 shtator) në moshën 44-vjeçare. Lidhur me ndarjen nga jeta të ish-deputetit ka reaguar edhe policia. Sipas njoftimit bëhet me dije se ish-deputeti është gjetur pa ndjenja në ambientet e një hoteli në bulevardin “Dëshmorët e Kombit” pasi kishte pësuar arrest kardiak. Gjithashtu nga veprimet e kryera paraprakisht dyshohet se vdekja ka ardhur për shkaqe natyrale.

Reagimi i plotë:

Ti e dije qe jeta ime s’ka kuptim pa ty! Ti e dije qe nuk ishe thjesht gjysma ime me e mire, ishe jeta ime!! Ti ishe shoku im, dashuria ime, familja ime, skuadra ime! Ti e di qe une nuk jetoj dot pa ty! S’di a ta thashe ndonjehere mjaftueshem sa te adhuroj!!! Zoti merr prane vetes me te miret, por ty s’duhet te te kishte marre, se une, Ajra dhe Reinarti kemi nevoje per ty, per dashurine tende per jeten, per keshillen e drejte qe jep gjithmone, per modelin e duhur qe je gjithmone! Bota eshte nje vend i pavlere pa ty! Do te te duam perjete, bashkeshorti, babai, shoku dhe njeriu me i mire qe do jetoje ndonjehere ne kete bote! Do te te dua çdo dite te jetes derisa te takohemi serish, drita e çdo rrugetimi tim!
Homazhet dhe ceremonia e lamtumirës, do bëhen ditën e nesërme dt. 19 Shtator 2024, në Sallën e Seancave Plenare të Parlamentit të Shqipërisë, nga ora 10:00 deri në 12:00 dhe varrimi do të bëhet më pas në varrezat e Sharrës.

The post FOTO/ Ndarja nga jeta e Gerti Bogdanit, reagon sërish bashkëshortja: Bota është një vend i pavlerë pa ty! appeared first on Albeu.com.

Të gjitha aktivitetet e Partisë Demokratike në datat 18 dhe 19 shtator në të gjithë territorin do të anulohen.

Në të gjitha selitë e Partisë Demokratike flamuri kombëtar dhe flamuri i PD do të ulen në gjysmështizë dhe në orën 12.00 do të mbahet një minutë heshtje në të gjitha selitë e Partisë Demokratike.

“Në nderim të figurës së ish-deputetit Gert Bogdani, Partia Demokratike ka shpallur ditë zie ditën e enjte, datë 19 shtator 2024. Të gjitha aktivitetet e Partisë Demokratike në datat 18 dhe 19 shtator në të gjithë territorin do të anulohen.

Në të gjitha selitë e Partisë Demokratike flamuri kombëtar dhe flamuri i PD do të ulen në gjysmështizë dhe në orën 12.00 do të mbahet një minutë heshtje në të gjitha selitë e Partisë Demokratike.

ZYRA E MEDIAS DHE KOMUNIKIMIT, PARTIA DEMOKRATIKE”, thuhet në njoftim.

The post Ish-deputeti Gerti Bogdani u nda sot nga jeta, PD shpall nesër ditë zie appeared first on Albeu.com.