Kafkat u zbuluan në rajonin e Kocaşinanit, përgjatë lumit Kızılırmak. Gjatë gërmimeve janë zbuluar edhe një sërë fosilesh të tjera, përfshirë mbetje të gjirafave prehistorike, elefantëve, mamuthëve, rinocerontëve, dhive, antilopave, breshkave dhe derrave.

Arkeologu Ömer Dağ i tha agjencisë turke të lajmeve Anadolu se ekipi i tij po përqendrohet kryesisht në fosilet e elefantëve, duke gërmuar në zonën përreth digës.

“Mund ta quajmë këtë vit ‘vitin e elefantit’,” tha Dağ. “Që nga fillimi i gërmimeve në vitin 2018, kemi zbuluar dy kafka. Por vetëm këtë vit, gjatë një sezoni të vetëm, kemi gjetur tre,” shtoi ai, duke theksuar se edhe pse dhëmbët janë disi të dëmtuar, njëra nga kafkat u gjet me nofullën e poshtme të paprekur.

Analizat radiometrike i datojnë këto gjetje rreth 7.7 milionë vjet më parë. Shumica e fosileve të elefantëve janë zbuluar në zonën Sevril, e cila tani njihet si “brezi i elefantëve”. Arkeologu theksoi rëndësinë e këtyre gjetjeve për shkak të madhësisë dhe gjendjes së mirë të ruajtjes së fosileve të megafaunës, të cilat kanë tërhequr vëmendje shkencore ndërkombëtare.

“Përqendrimi i elefantëve në vende të caktuara dhe dendësia e tyre na ofrojnë informacione të vlefshme në lidhje me paleogjeografinë e zonës,” shtoi Dağ.

The post Gërmimet në Turqi zbulojnë kafka elefantësh 7.7 milionë vjeçare appeared first on Albeu.com.

Mes të vdekurve një i porsalindur dhe dy fëmijë. Janë 4 të plagosur dhe 230 të zhvendosur. Shkollat mbeten të mbyllura në ishull. Dekreti i qeverisë shpalli gjendjen e jashtëzakonshme dhe ka një ndarje fillestare prej 2 milionë eurosh.

Balta që shkatërroi një zonë të Casamicciola Terme, pas përmbytjes së mëngjesit të së shtunës, vazhdon të nxjerrë trupa. Ekipet e shpëtimit që punojnë në via Celario kanë identifikuar dhe nxjerrë viktimën e tetë të përmbytjes. Bëhet fjalë për një burrë, identiteti i të cilit nuk bëhet ende i ditur dhe së shpejti do të transportohet në morgun e spitalit të ishullit.

Mbrojtja civile: Italia është një territor i brishtë, 94% e bashkive në rrezik
Italia “e zhvlerëson bukurinë me brishtësinë: ne kemi më shumë se 94% të bashkive tona subjekt rrëshqitjeje dheu, kanë rrezik erozioni dhe përmbytjeje bregdetare, me ekspozim shumë të lartë të popullsisë dhe flasim vetëm për rrezik hidrogjeologjik”. Kështu deklaroi kreu i mbrojtjes civile Fabrizio Curcio. “Kemi më shumë se 620 mijë rrëshqitje të vëzhguara, dmth dihet, kemi një territor kryesisht sizmik, në disa zona dhe rajone. Të gjitha komunat klasifikohen me rëndësi të konsiderueshme sizmike”, shtoi ai.

The post Rrëshqitjet e dheut në Itali, nxirret viktima e tetë, vazhdojnë gërmimet për 5 të zhdukurit appeared first on Albeu.com.