Kur vjen puna tek fëmijët, gërrhitja në disa raste mund të jetë shkak për shqetësim.

Shkaktarët e gërhitjes te fëmijët

Një përllogaritje mesatare tregon se 1 në 10 fëmijë gërhet natën.

Një nga shkaqet kryesore të gërhitjes tek fëmijet ka të bëjë me akumulimin e tepërt të indeve në pjesën e fytit që luajnë një rol pengues.

Bajamet e mëdha ose mishi i huaj pengojnë frymëmarrjen e qetë dhe shkaktojnë gërhitje.

Probleme të tjera që shkaktojnë gërhitje janë:

Alergjitë,

Infeksionet e fytit,

Azma,

Kocka dhe kërci i devijuar i hundës,

Apnea e gjumit.

Kur bëhet shqetësuese gërhitja te fëmijët

Prindërit duhet të shkojnë tek pediatri në rastet kur fëmija:

Gërhet shumicën e netëve të javës,

Gërhitja është shumë e shpeshtë gjatë natës,

Gërhitja është shumë e zhurmshme,

Fle me gojë hapur,

Has vështirësi në frymëmarrje gjatë gjumit.

Këto probleme mund të sinjalizojnë apnean e gjumin, një problem që ka të bëjë me vështirësinë në frymëmarrje që mund të ndërpresë gjumin e fëmijës rregullisht.

Ndërprerja e gjumit mund të shkaktojë plogështi, lodhje, probleme me përqendrimin dhe vëmendjen tek fëmijët.

Apnea nuk është shumë e përhapur tek fëmijët, por nëse ajo shfaqet mund të shkaktojë probleme serioze shëndetësore që prekin zemrën dhe mushkëritë.

Mbipesha dhe gërrhitja

Mjekët shpjegojnë se fëmijët mbipeshë dhe ata që lindin parakohe janë më të predispozuar të gërrhasin.

Gërrhitja mund të jetë prevalente edhe tek fëmijët me Sindromën Down, ata të prekur nga çrregullimet neuromuskulare e të tjerë.

Trajtimet enevojshme kundër gërhitjes

Trajtimet kundër gërhitjes mund të rekomandohen nga një pediatër.

Kur bëhet fjalë për mishin e huaj dhe bajamet, pediatri mund të rekomandojë një ndërhyrje kirurgjikale.

Nëse problemi qëndron tek mbipesha, pediatri mund të rekomandojë rënien nga pesha.

Nëse fëmija vuan nga apnea e gjumit, mjeku sërish mund të rekomandojë rënien nga pesha ose një ndërhyrje kirurgjikale.

Sapo problemi me apnean e gjumit të zgjidhet, në 90 përqind të rasteve, fëmijët nuk gërrhasin më./AgroWeb.org

The post 5 shenjat shqetësuese të gërhitjes te fëmijët appeared first on Albeu.com.

Apnea e gjumit është një çrregullim që shkakton ndalimin dhe fillimin e frymëmarrjes në mënyrë të përsëritur, gjë që mund të rezultojë në gërhitje gjatë natës. Hulumtimet kanë sugjeruar gjithashtu se mund të ketë një lidhje të rëndësishme midis apneas së gjumit dhe një gamë më të gjerë problemesh shëndetësore, të tilla si obeziteti, ankthi dhe depresioni.

Pra, ai gjumë i ndërprerë mund të ketë ndikim në shëndetin e përgjithshëm të dikujt. Rekomandohet të flini në anën tuaj ose me kokën të ngritur dhe jo me shpinë në mënyrë që graviteti të mos i shtyjë rrugët e frymëmarrjes poshtë dhe t’i mbyllë ato.

The post Në cilën anë duhet të flini për të shmangur gërhitjen? Ju a zbulon mjeku appeared first on Albeu.com.