fama dhe të ardhurat që sjell futbolli kanë qenë vetëm pika e nisjes për disa prej emrave më të njohur të këtij sporti. Pas largimit nga fusha, ose edhe gjatë karrierës, ata kanë ndërtuar biznese të fuqishme në fusha të ndryshme.

David Beckham, Mathieu Flamini, Gerard Piqué, Gary Neville, Lukas Podolski, Louis Saha dhe Michael Owen janë shtatë futbollistët e përzgjedhur nga GOAL si shembuj të suksesit jashtë futbollit.

Për këta ish-lojtarë, përfundimi i karrierës sportive nuk shënoi fundin e arritjeve financiare. Në shumë raste, ai u kthye në hapin e parë drejt një angazhimi të ri në botën e biznesit.

David Beckham – investime me vlerë miliarda

David Beckham, ish-lojtar i Manchester Unitedit dhe Real Madridit, konsiderohet ndër futbollistët që kanë pasur suksesin më të madh në sipërmarrje. Ai është bashkëpronar i Inter Miamit në MLS dhe ka investuar gjithashtu te Salford City.

GOAL e përllogarit pasurinë e Beckham rreth 2 miliardë euro. Përmes kompanive të tij, ai administron një numër të madh aktivitetesh, marrëveshjesh tregtare dhe investimesh në sport.

Mathieu Flamini – sipërmarrja në bioteknologji

Mathieu Flamini u bë pjesë e industrisë së bioteknologjisë pasi bashkëthemeloi GF Biochemicals, pas eksperiencave të tij me Arsenalin dhe Milanin.

GF Biochemicals merret me prodhimin e acidit levulinik, një material me origjinë bimore që mund të shërbejë si zëvendësues më i qëndrueshëm i derivateve të naftës në produkte të ndryshme.

Sipas GOAL, pasuria e Flaminit shkon në rreth 11 miliardë euro. Megjithatë, ish-mesfushori francez ka sqaruar se vlera e aseteve të kompanisë nuk është e njëjtë me pasurinë e tij personale në para të gatshme.

Gerard Piqué – media, Kings League dhe FC Andorra

Gerard Piqué e ktheu interesin e tij për sportin në një sipërmarrje me ndikim të madh mediatik. Në vitin 2017 ai krijoi Kosmos Global Holding, kompani që vepron në sektorët e sportit, medias dhe argëtimit.

Projekti që i ka sjellë më shumë vëmendje është Kings League. Ky kompeticion i futbollit me shtatë lojtarë ka fituar një audiencë të gjerë në internet dhe është shtrirë në tregje të ndryshme.

Piqué zotëron edhe FC Andorrën, ndërsa pasuria e tij llogaritet në rreth 100 milionë euro.

Lukas Podolski – restorante, akullore dhe muzikë

Fituesi i Kupës së Botës me Gjermaninë në vitin 2014 ka investuar në disa lloje biznesesh.

Ai ka ngritur rrjetin e restoranteve Mangal Döner dhe ka krijuar markën e akullores Ice Cream United. Podolski është përfshirë gjithashtu në organizimin e një prej festivaleve më të mëdha muzikore në Gjermani.

Ish-futbollisti është ndër bashkëthemeluesit e Baller League dhe ka marrë shumicën e aksioneve të klubit ku u rrit, Górnik Zabrze.

Gary Neville – sipërmarrje në prona, hoteleri dhe media

Legjenda e Manchester Unitedit ka shtrirë aktivitetin e tij në pasuritë e paluajtshme, hoteleri, media dhe sport.

Neville është bashkëpronar i Salford Cityt dhe ka marrë pjesë në projekte si Hotel Football, Stock Exchange Hotel dhe platforma mediatike The Overlap.

Ai është gjithashtu bashkëthemelues i University Academy 92, ndërsa vijon të jetë një prej analistëve më të njohur të futbollit në Angli. Pasuria e tij vlerësohet nga 80 deri në 120 milionë euro.

Michael Owen – investimet në garat me kuaj

Michael Owen, fitues i Topit të Artë në vitin 2001, ka orientuar një pjesë të konsiderueshme të pasurisë drejt sportit të garave me kuaj.

Kur ishte vetëm 22 vjeç, ai bleu Manor House Stables në Cheshire dhe e zhvilloi atë si një qendër moderne për përgatitjen e kuajve të garave.

GOAL vlerëson se pasuria e ish-sulmuesit të Liverpoolit, Real Madridit dhe Manchester Unitedit është më e madhe se 60 milionë euro.

Louis Saha – platformë teknologjike për sportistë dhe artistë

Louis Saha, ish-sulmues i Manchester Unitedit, Fulhamit dhe Evertonit, identifikoi një mundësi të re biznesi përpara se të përfundonte karrierën.

Ai bashkëthemeloi AxisStars, një platformë digjitale që u ofron sportistëve dhe artistëve ndihmë në administrimin e karrierës, investimeve dhe jetës pas pensionimit.

Sipas artikullit, vlera e kompanisë tashmë ka kaluar 5 miliardë euro.

The post Nga stadiumi te sipërmarrja: shtatë futbollistë që krijuan perandori biznesi appeared first on Albeu.com.

Gerard Pique, ish-kapiteni i Barcelonës, ka ringjallur debatin mes dy gjigantëve spanjollë, duke e krahasuar ekipin e tij të vjetër me rivalin historik, Real Madridin, në një moment kur të dyja palët po përgatiten për sezonin 2026/27.

Në vlerësimin e tij, Barcelona mban ende një pozitë më të favorshme krahasuar me Los Blancos, edhe pse Reali ka bërë disa lëvizje në merkato gjatë verës.

“Bindja ime është se Barcelona, edhe në këto çaste, ka një epërsi të vogël”, ka deklaruar Pique. “Kur ke fituar dy kampionatet më të fundit, kjo të jep një status dhe një siguri që të lejon ta fillosh stinorin si favoriti kryesor. Megjithatë, gjithçka duhet vërtetuar në fushën e lojës”.

Si një ndër avantazhet kryesore, ai veçoi punën dhe stabilitetin që sjell trajneri Hansi Flick në krye të skuadrës.

“Të gjesh Hansi Flickun në sezonin e tretë në pankinë përbën një nga pikat më të forta të Barcelonës. Lojtarët dhe ekipi tashmë janë integruar plotësisht me këtë projekt”, shtoi ai.

Pique argumentoi se vijimësia e trajnerit dhe fakti që lojtarët e kuptojnë në thellësi filozofinë dhe stilin e tij të lojës, i japin Barcelonës një avantazh të dukshëm që në start të sezonit.

The post Pique ndez debatin mes dy gjigantëve spanjollë: Barcelona hyn si favorite në sezonin e ri, pavarësisht goditjeve të Realit appeared first on Albeu.com.

Cesc Fabregas dhe Gerard Pique janë dy nga lojtarët që u rikthyen. Fabregas ishte një lojtar thelbësor për Arsenalin e Arsen Venger. Ai u largua në moshën 16 vjeç dhe kaloi nëntë sezone me klubin anglez përpara se Barcelona, me Pep Guardiolën si trajner, ta rikthente atë për 35 milionë euro.

Pike, luajti pesë sezone për Barcelonën. Ai bëri të njëjtën gjë atë verë. Ata kishin luajtur së bashku në akademinë e të rinjve të Barcelonës dhe ishin të së njëjtës moshë. Pike shkoi te Mançester Junajtid, i cili pagoi pesë milionë euro për të. Megjithatë, ai nuk mundi të gjente një vend në ekip, ku Ferdinand dhe Vidiç formuan një dyshe të paprekshme në qendër të mbrojtjes.

Në vitin 2008, pas një periudhe huazimi te Zaragoza, ai u kthye te Barcelona, ku qëndroi deri në pensionimin e tij në vitin 2023, duke fituar çdo titull të mundshëm.

The post Historia/ Pique dhe Fabregas te Barcelona, rikthimi në shtëpi i tyre appeared first on Albeu.com.

Legjenda spanjolle foli për turneun, ish-shokët e tij të ekipit të Barcelonës dhe dha mendimin e tij mbi garën për Topin e Artë.

Ish-ylli i Barçës u pyet se kë do të preferonte për të fituar Topin e Artë të ardhshëm. Ai e përmendi Lamine Yamalin mbi Ousmane Dembele.

“Kam pasur mundësinë të ndaj dhomën e zhveshjes me Dembelen dhe Laminen. Të dy janë djem të jashtëzakonshëm”, ka thënë fillimisht Pique.

“Unë e preferoj Lamine sepse ai është te Barcelona tani dhe gjithashtu në Kings League. Do të doja që Lamine të fitonte”.

“Ai është shumë i ri, shumë i talentuar. Mendoj se është shumë i veçantë. Por do të doja edhe Ousmane. Dhe nëse në fund fiton, do të jem i lumtur për të”, përfundoi spanjolli.

The post Pique zgjedh fituesin e Topi të Artë midis Yamal dhe Dembele appeared first on Albeu.com.

Kjo është pjesë e një hetimi që po bëhet ndaj Superkupës së Spanjës, aty ku Federata e Futbollit të Spanjës arriti marrëveshje me Arabinë Saudite që kjo garë të luhej në Lindjen e Mesme.

Kosmos kishte vepruar në këtë marrëveshje si ndërmjetës, dhe gjykata tashmë ka dhuruar që 3 milionë euro bonuse që ishin paguar ndaj Kosmosit nga kompania saudite SELA, t’i vendoset një embargo.

Diario AS pretendon se kjo ështe vetëm një nga pesë llogaritë bankare që lidhen me Piquen, dhe që janë duke u hetuar nga organet e rendit.

Ky hetim do të synojë që të dëshmojë nëse pati parregullsi gjatë pagesës së parave, ndonëse deri më tani asnjë provë nuk është paraqitur.

Marrëveshja ishte arritur gjatë kohës kur në krye të Federatës ishte Luis Rubiales, por pasi u publikuan disa mesazhe të zërit dhe biseda mes Rubiales dhe Piques në shtyp, u ngritën dyshime lidhur me marrëdhënien e tyre.

Pique në të kaluarën e kishte mohuar ndonjë konflikt interesi, po ashtu kishte mohuar edhe raportin miqësor me Rubiales apo marrëveshjen me Arabinë Saudite. /Telegrafi/

The post Pique në telashe të mëdha, Gjykata Spanjolle i ngrin llogaritë bankare, dyshohet për mashtrime në Superkupën e Spanjës appeared first on Albeu.com.

Aktori apo i dashuri i ri i Shakirës ka qenë pjesëmarrës në klipin e kësaj të fundit të këngës Punteria, ku edhe dyshohet që nisi gjithçka.

Tani, burimet e brendshme kanë konfirmuar se ata janë bashkë, por nuk janë ‘shumë të përfshirë’, gjë që ka lehtësuar shumë miqtë e 47-vjeçares Shakira, të cilët thuhet se kanë frikë se ai do t’i thyejë zemrën.

Një burim tha për DailyMail se miqtë e saj janë të shqetësuar se aktori hyri në lidhje me Shakirën vetëm për famë.

Tutje u aludua se aktori vetëm dëshiron që njerëzit ta dinë emrin e tij, duke qenë se ai ka qenë në lidhje me vajza më pak të famshme.

Shakira thuhet se ende nuk e ka harruar ishin e saj, futbollistin Gerard Pique.

The post Shakira në lidhje me aktorin britanik 16 vjet më të ri appeared first on Albeu.com.

Vinicius Jr shënoi dy gola teksa Real Madridi përmbysi disavantazhin e dy golave për të shkëputur një pikë në Mestalla dhe për të krijuar një epërsi prej shtatë pikësh në tabelë ndaj vendit të dytë.

Bellingham mendoi se ia kishte fituar ndeshjen ekipit të tij, kur në minutën e gjashtë shtesë të takimit, ai shënoi me kokë nga afërsia, vetëm për gjyqtarin Gil Manzano i cili i fryu bilbilit për ta përfunduar ndeshjen kur krosimi u dha brenda zonës.

Lojtarët dhe stafi i Real Madridit të frustruar me vendimin e gjyqtarit protestuan ashpër ndaj tij, ku për pasojë anglezi mori karton të kuq.

Ky incident ka qenë temë diskutimi në Spanjë, ndërsa Pique tashmë ka shprehur frustrimin e tij ndaj Manzanos në një intervistë për Marca.

“Ne të gjithë e dimë nivelin që ka ky gjyqtar. Ai më ka përjashtuar mua ndaj Osasunës dhe unë nuk kam thënë asgjë, por përkundër kësaj, që në fund nuk ka rëndësi për mua, ai ka një histori që unë nuk e kuptoj, sepse ai është një gjyqtar ndërkombëtar, andaj ai duhet të jetë në nivelin më të lartë”, ka thënë Pique fillimisht.

“Kjo nuk ishte hera e parë që ai e ka bërë këtë. E kuptoj që Madridi mund të ankohet, ai duhej t’i frynte bilbilit shumë më herët, vendimi i tij ishte i padrejtë, ishte shumë vonë kur i dha fund ndeshjes. T’i frysh bilbilit në momentin kur krosoni, nuk ka kuptim”, përfundoi ish-mbrojtësi spanjoll. /Telegrafi/

The post Gerard Pique i del në mbrojtje Real Madridit: Vendimi i gjyqtarit ishte i padrejtë appeared first on Albeu.com.

Nuk do të luajë më si lojtar aktiv, por do ta drejtoj ekipin nga bankina.

“Është një vit i ri dhe pasi e kam menduar mirë, kam vendosur të rikthehem në futboll. Më mungon shumë. Këtë herë nuk do të jetë si lojtar. Do të jetë si trajner. Do të ndaj më shumë detaje në fund të javës”, ka thënë Pique.

Nuk dihet ende nëse Pique do të fokusohet në stolat e futbollit profesionist apo ky vendim do të lidhet me Ligën e Mbretërve. Legjenda spanjolle luajti 616 ndeshje si lojtar i Barçës për klubin e jetës së tij me të cilin shënoi 53 gola dhe dha 13 asistime, i dha fund karrierës në fushë më shumë se një vit më parë.

Ishte 3 nëntor 2022 kur ai njoftoi se do të luante ndeshjen e tij të fundit në Camp Nou. Ai e bëri atë dy ditë më vonë kundër Almerias duke luajtur 85 minuta. Më parë, në karrierën e tij, ai ka luajtur për Zaragoza ku ka luajtur 28 ndeshje dhe Manchester United, klub për të cilin ka luajtur 23 herë.

Anëtar i gjeneratës që fitoi një Botëror dhe një Kampionat Evropian me Kombëtaren, ai ka katër tituj të Ligës së Kampionëve në rekordin e tij të shkëlqyer (një me United). Përveç tre Kupave të Botës për Klube, tre Superkupa Evropiane, tetë Liga Spanjolle, një Ligë Premier, shtatë Copa del Rey, tre Superkupa Evropiane, gjashtë Superkupa Spanjolle, një Kupë Anglie dhe një Superkupë Anglie.

Skuadra e Piques është në Andorra, një klub në të cilin ai ka qenë aksioneri më i madh që nga fundi i 2018-ës dhe i cili që kur mori detyrën si president u shndërrua nga një tjetër klub i dytë B në arritjen e promovimit në të dytin në 2022 për t’u vendosur në ekipi në kategorinë e argjendtë të futbollit spanjoll me Eder Sarabia në stol. /Telegrafi/

Es un nuevo año y después de pensarlo detenidamente he decidido volver al fútbol. Lo echo mucho de menos. Esta vez no será como jugador. Será como entrenador. Compartiré más detalles al final de la semana.

— Gerard Piqué (@3gerardpique) January 9, 2024

The post Pique i rikthehet futbollit, por tani si trajner appeared first on Albeu.com.

46-vjeçarja po zhvendoset në Florida pasi nënshkroi një marrëveshje për kujdestarinë e fëmijëve me ish partnerin Gerard Pique.

Ndjekësit kanë hamendësuar nëse ajo do të largohet nga Barcelona me djemtë e saj Milan, dhjetë vjeç dhe Sasha, që pas publikimit të tradhtisë së Pique.

Media spanjolle ‘OK Diario’ thotë se nëna e dy fëmijëve mund të ketë një arsye tjetër për të përshpejtuar lëvizjen e saj në Miami, e kjo për shkak të një burri misterioz.

“Duket se këngëtarja kolumbiane po kalon kohe me mashkullin misterioz që e takoi në Miami dhe ka qenë në kontakt me të për katër muaj.”

Nuk ka pasur asnjë koment nga Shakira për raportet spanjolle, raporton DailyMail.

Shakira dhe Pique i dhanë fund lidhjes së tyre pas 11 vitesh së bashku. Ata nënshkruan marrëveshjen në një gjykatë në Barcelonë muajin e kaluar. Si pjesë e marrëveshjes, futbollisti Pique, tashmë në lidhje me bukuroshen katalanase Clara Chia, 23 vjeç, do të kalojë pushimet me fëmijët e tij./Albeu.com/

The post Shakira harron Pique, fotografohet krah një mashkulli në Miami appeared first on Albeu.com.

Kjo media kujton deklaratën e qendërmbrojtësit i cili vihej në dispozicion të klubit për t’u larguar nga skuadra do t’i duhej.

Mësohet se Barcelona po pret largimin e tij pasi tani është një nga lojtarët që merr më pak minuta pasi ka Christensen, Kounde, Garcie dhe Araujo, shto fakti se ka një nga pagat më të larta në skuadër./albeu.com

The post Po “ngroh” stolin, Barcelona pret që Pique të bëjë gati “valixhet” appeared first on Albeu.com.