Presidenti francez Macron do të takojë kryemistren italiane Meloni. Macron ishte ai që e telefonoi dhe i sugjeroi të takoheshin. Ky është një takim i rëndësishëm dypalësh nga njëra anë duke zbutur Kryeministren italiane shumë të zemëruar që ishte përjashtuar nga takimi i vullnetarëve në Shqipëri dhe nga ana tjetër, duke folur për Francën si një partner strategjik të rëndësishëm veçanërisht tani.

Presidenti francez mbërriti disa minuta pas orës 18:00 në Romë, një xhiro nderi në oborrin e Palazzo Chigi, himne kombëtare dhe më pas u ngjitet në katin e parë për të diskutuar një axhendë vërtet të ngjeshur.

Ajo që ka rëndësi është se sonte, përsëri nga Elizeja, bëhet e ditur se Italia konsiderohet “një partner i rëndësishëm, me një rol vendimtar për të luajtur në procesin evropian të vendimmarrjes”, veçanërisht në lidhje me konfliktin ukrainas, edhe sepse të dy vendet bien dakord të mbrojnë Kievin dhe nga këtu fillojmë përsëri duke bërë një bilanc të takimit midis rusëve dhe ukrainasve dje në Stamboll.

Dhe duke verifikuar vazhdon Elizeja që të dy vendet janë realisht në gjendje të vazhdojnë së bashku për çështjet thelbësore. Por ka edhe çështje të brendshme, për shembull emigracioni, marrëdhëniet me Donald Trump dhe tarifat.

The post Macroni vizitë në Itali/ Pritet nga Meloni, çfarë diskutuan dy liderët evropianë appeared first on Albeu.com.

Kreu i qeverisë, ka bërë një gjest që ka tërhequr vëmendjen, duke hequr çadrën pavarësisht shiut që binte, duke u ulur në gjunjë përpara kryeministres italiane Meloni.

The post Samiti i Komunitetit Politik Europian në Tiranë/ Georgia Meloni mbërrin në tapetin e kuq, Rama i ulet në gjunjë (VIDEO) appeared first on Albeu.com.

“Jini të lumtur me familjet tuaja, të afërmit dhe njerëzit që doni”, ka shkruar Meloni në foto.

Kreu i qeverisë italiane këto ditë ndodhet me pushime në Pulia të Italisë jugore së bashku me vajzën e saj, ish-partnerin Andrea Giabruno, motrën dhe kunatin.

The post Georgia Meloni uron pushime të mbara me një FOTO nga pishina me vajzën appeared first on Albeu.com.

Sipas saj, ka pasur komente për kohën e ngritjes së structures, ku na kanë akuzuar që po ngrinim një qendër si Guantanamo, pastaj na kritikuan për vonesa.

Gjithashtu, Meloni theksoi se; “Jemi të bindur se këto shpenzime nuk duhet të konsiderohen si shpenzime shtesë, sepse edhe në Itali do të kishte kosto”.

Georgia Meloni: “Do të ketë edhe një zonë ku do të mbahen emigrantë, ‘të burgosur’, nëse do të kryhen vepra penale. Siguria do të garantohet nga autoritet italiane. Do të jetë e hapur që nga 1 gusht 2024. Ka pasur komente edhe për kohën e ngritjes së strukturës. Na kanë akuzuar që po ngrinim një qendër si Guantanamo, pastaj na kritikuan për vonesa. Jam e bindur që gjërat do të funksionojmë.

Është hapur një fazë e re për menaxhimin e fluksit emigrator. Mund të shërbejë edhe për vende të tjera. Duam të lëmë gjithçka pas krahëve dhe t’u themi që do e realizojmë me sukses. Vonesa prej 2 muajsh është prej terrenit disi të vështirë në Gjadër, por këto qendra do të shërbejnë për problemin që vijon që prej ’91. Nga vendet të quajtura të sigurta, kanë mbërritur në Itali 11 mijë persona. Gjysma prej tyre janë subjekte vulnerabël.

Një garë për sa i përket shpenzimeve të transportit, që arrin 13.5 milionë euro, edhe për sa i përket situatës në Detin e Kuq apo Mesdhe do të shohim mundësinë e trajtimit të këtyre emigrantëve. Jemi të bindur se këto shpenzime nuk duhet të konsiderohen si shpenzime shtesë, sepse edhe në Itali do të kishte kosto. Mund të jetë një mjet i fuqishëm për të penguar emigrantët që të mbërrijnë në brigjet tona.

Mund të jetë një instrument për të luftuar trafikun e qenieve njerëzore. Këtë vit, kemi arritur edhe një ulje prej 60% të emigrantëve të paligjshëm, për rrjedhojë edhe kostot janë ulur. Me kapacitetin e këtyre qendrave, ne në Itali do të kursejmë rreth 136 milionë euro. Jemi mjaft të kënaqur, dua të falënderoj të gjithë ata që e bënë të mundur të gjithë këtë”.

The post Qendra e emigrantëve hapet në 1 gusht/ Georgia Meloni: Të lëmë gjithçka pas krahëve dhe t’u themi që do e realizojmë me sukses appeared first on Albeu.com.

Georgia Meloni, ka falenderuar kryeministrin Edi Rama dhe Shqipërinë, për ndihmën që i kanë dhënë vendit të saj në lidhje me zgjidhjen e situatës me emigrantët, duke nënshkruar marrëveshjen që çoi në krijimin e kampit në Gjadër dhe pikës së pritjes në Shëngjin.

Gjithashtu, ajo tha se shpreson që kjo marrëveshje, të jetë shembull edhe për vendet e tjera të BE.

Meloni foli edhe në lidhje me sulmet që janë ndërmarrë ndaj kryeministrit Rama dhe qeverisë së tij nga mediat italiane, veprime që u ndërmorën pas nënshkrimit të marrëveshjes.

“E lumtur që jam këtu dhe kam rastin të takoj kryeministrin Rama që pati mundësinë të verifikonte situatën ku ndodhen punimet.

Vendet tona janë dy vende mike, vende që historikisht kanë bashkëpunuar dhe ta falenderoja edhe popullin shqiptar për mundësinë dhe ndihmën që na dhanë që të realizonim këtë marrëveshje. Shpresoj të ketë shembull edhe për BE. Përsëris afërsinë mes dy vende, për sulmet që i janë bërë Ramës dhe qeverisë së tij. Qeveria shqiptare nuk ka bërë asgjë veçse na ndihmoi. Ishte një fushatë denigruese ndaj qeverisë shqiptare. Nuk është hera e parë që Rama e Shqipëria i ofrojnë bashkëpunim Italisë”, tha ajo.

The post Georgia Meloni: Shpresoj që marrëveshja për emigrantët të jetë shembull për BE, Rama dhe Shqipëria, shënjestër të një fushate denigruese appeared first on Albeu.com.

Kjo është bërë e ditur nga bashkëpunëtorët e kryeministres, të cilët kanë sqaruar se Meloni po merr veten pas një problemi “otolit” që e detyron të qëndrojë në shtrat dhe në errësirë.

Meloni ndodhet në këtë gjendje prej dy ditësh dhe shkaku, siç shpjegojnë bashkëpunëtorët e saj, është diagnostikimi me “sindromën otolitike”.

Po sipas bashkëpunëtorëve të saj, gjendja e kryeministres po përmirësohet dhe tashmë ka arritur të ngrihet dhe të flasë në telefon.

Fillimisht u dyshua se ishte simptomë e gripit, por duke vuajtur për disa ditë nga marramendjet dhe të përzierat, ajo u vizitua në shtëpi nga një specialist ORL i cili konstatoi “vertigo beninje paroksizmale pozicionale”, pra problemin me otolitet, i cili paraqet simptoma të ngjashme.

Pavarësisht se gjendja e saj po përmirësohet, Meloni duhet që qëndrojë dhe disa ditë në shtrat si masë paraprake.

The post Georgia Meloni në gjendje të keqe shëndetësore, detyrohet të shtyjë konferencën vjetore appeared first on Albeu.com.

Përktheu: Alket Goce-AlbEu.com

Pak njerëz mund të pretendojnë se ardhja e mbi 100.000 emigrantëve të paligjshëm në Britani nga Franca me varka të vogla që nga viti 2018, nuk është një katastrofë. Por cila fjalë do ta përshkruante më mirë mbërritjen në Itali nga Afrika Veriore në rrugë detare të 100.000  emigrantëve të paligjshëm që nga fillimi i këtij viti?

Shifra aktuale është 2 herë më e madhe sesa numri i zbarkimeve të paligjshme nga deti gjatë së njëjtës periudhë të vitit të kaluar. Kjo do të thotë se totali i këtij viti, do të thyejë gati me siguri rekordin e vendosur në 2016-ën, që ishte 181.436.

Vetëm fundjavën që kaloi më shumë se 4.000 emigrantë mbërritën me varka në ishullin e vogël italian të Lampedusa-s, që ndodhet në gjysmë të rrugës midis Tunizisë dhe Italisë.

Numri rekord i mbërritjeve të paligjshme të emigrantëve nga deti në Itali këtë vit duket se vërteton faktin që kryeministrja e re konservatore e vendit, Giorgia Meloni, ashtu si homologu i saj britanik Rishi Sunak, ka dështuar plotësisht në mbajtjen e premtimit të dhënë gjatë fushatës zgjedhore të vitit 2022 për të ndalur zbarkimet.

Në fakt situata në Itali – pra në Evropë – do të ishte shumë më e keqe po të mos ishte ajo në krye të vendit. Sepse ajo e di, siç e dinë që të gjithë, që sapo emigrantët zbarkojnë në vend, është praktikisht e pamundur t’i dëbosh kudo qoftë, e lëre më pastaj në Ruanda.

Ndaj fokusi kryesor i Melonit nuk është në trajtimin e emigrantëve pasi mbërrijnë në Itali, por në ndalimin e tyre për të shkuar në Itali. Që kur erdhi në pushtet tetorin e vitit të kaluar, ajo ia ka kushtuar një pjesë të madhe të energjisë së saj presionit ndaj liderëve hezitues të Bashkimit Evropian, për të rënë dakord mbi faktin se kriza e emigrantëve nuk është vetëm problemi i Italisë, por i gjithë Evropës dhe se BE-ja duhet ta paguajë – pra të japë ryshfet – Afrikën e Veriut për t’i penguar emigrantët që nga pika nga ku nisen për të ardhur në Evropë.

Tradicionalisht, Libia ka qenë pika e preferuar e nisjes së trafikantëve të njerëzve në Mesdheun qendror, edhe pse është mbi 300 milje larg Siçilisë. Megjithatë, për herë të parë këtë vit ka më shumë nisje emigrantësh nga Tunizia, e cila është shumë më afër Italisë.

Tunizia është një vend në prag të falimentimit dhe kolapsit. Ëndrrat që frymëzuan Pranverën e saj Arabe janë zhdukur në shkretëtirën e Saharasë. Presidenti i saj, Kais Saied, që u zgjodh në këtë post në vitin 2019, e pezulloi demokracinë në vitin 2021 dhe që nga ajo kohë sundon përmes dekreteve.

Prandaj Meloni e ka kthyen kokën nga Tunizi. Në mars, ajo i paralajmëroi liderët e BE-së në një samit të Këshillit Evropian se “nëse Tunizia zhytet në kolaps” Italia – dhe për pasojë Evropa – rrezikohet nga mbërritja nga deti e deri 900.000 emigrantëve nga Tunizia”.

Ndërkohë, shërbimet sekrete italiane paralajmëruan për një numër tjetër prej 685.000 emigrantësh të gatshëm të zbarkojnë në Itali nga Libia, vend që ka qenë tradicionalisht pika e nisjes së tyre që kur “ne” rrëzuam nga pushteti kolonel Gaddafin në vitin 2011.

Edhe pse anëtarë themelues të BE-së, italianët tallen vazhdimisht nga francezët dhe gjermanët cinikë, pavarësisht historisë së Italisë si zemra rrahëse e Evropës. Por Meloni po shfaqet vazhdimisht si liderja më e rëndësishëm në Evropë. Dhe kjo mbi të gjitha për shkak të forcimit të së djathtës në përgjithësi në gjithë kontinentin.

Por edhe për shkak të dështimit të presidentit francez Emmanuel Macron apo kancelarit gjerman Olaf Scholz për të mbushur vakuumin e lënë nga Angela Merkel si liderja de facto e BE-së. Në muajin korrik, Bashkimi Evropian nënshkroi një marrëveshje në Tunis me presidentin Saied, të nxitur nga Meloni pas disa muajsh aktiviteti intensiv diplomatik.

Brukseli premtoi t’i japë Tunizisë 105 milionë euro për të ndaluar anijet me emigrantë. Po ashtu BE i dha 150 milionë euro ndihmë si këstin e parë të një pakete të gjerë ndihmash dhe investimesh në shumën totale 1 miliardë euro. Ky pakt është i ngjashëm me marrëveshjen që BE-ja arriti në 2016-ën me Turqinë, pas vendimit katastrofik të Merkel për t’i hapur portat për të gjithë emigrantët në vitin 2015.

Ajo ra dakord t’i jepte Erdoganit 6 miliardë euro për të ndalur kalimin e anijeve me emigrantë drejt Greqisë. Në rastin e Turqisë, shumë nga ata që kërkonin të kalonin në Greqi ishin refugjatë të vërtetë nga Siria dhe Afganistani. Në rastin e Tunizisë dhe Libisë, shumë prej tyre vijnë nga vende që nuk janë zona lufte.

Mendohet se në Itali ndodhen të paktën gjysmë milioni emigrantë të paligjshëm. Shumica zhvendosen në vendet më në veri, si Britania, ku kushtet janë më të mira. Vitin e kaluar, 105.129 emigrantë mbërritën nga deti në Itali. Tre vendet kryesore të origjinës ishin Egjipti, Tunizia dhe Bangladeshi, ku nuk ka luftëra, megjithëse Siria dhe Afganistani u renditën në vendin e katërt dhe të pestë.

Pati 77.195 kërkesa për azil. Nga kërkesat e regjistruara në vitin 2022, vetëm 12 për qind iu dha statusi i refugjatit, edhe pse shumë të tjerëve iu dha leja për të qëndruar. Por ndonjëherë Italia vetëm deporton rreth 5000 emigrantë në vit. Pra, ka shumë pak ndryshim. Zbarkimet e emigrantëve nga deti këtë vit e kanë tejkaluar tashmë totalin e vitit të kaluar.

Dhe 3 vendet kryesore të origjinës nuk janë zona lufte: Guinea, Bregu i Fildishtë dhe Tunizia.

Por të paktën marrëveshja e nënshkruar së fundmi me Tunizinë po e redukton disi fluksin.

Falë marrëveshjes së BE-së të ndërmjetësuar nga Meloni, roja bregdetare tuniziane ka ndalur dhe kthyer mbrapsht këtë verë mbi 40.000 emigrantë, krahasuar me vetëm 15.000 gjatë gjithë vitit 2022. Vetëm natën e 14-15 gushtit ata ndaluan 18 varka me 630 emigrantë në bord.

Sikur roja bregdetare franceze të bënte të njëjtën gjë në Kanalin anglez! Ndërkohë në Libi, që nga viti 2017, qeveritë e njëpasnjëshme të krahut të majtë në Itali kanë paguar dhe pajisur si duhet rojet bregdetare libiane për të ndalur dhe kthyer mbrapsht varkat me emigrantë që nisen nga brigjet libiane.

Aktualisht ata arrijnë të ndalin rreth 30.000 emigrantë në vit. E majta italiane dhe aleatët e saj globalë po përpiqen të heshtin mbi këtë iniciativë. Por edhe e djathta kur u ngjit në pushtet e kuptoi se nuk kishte alternativë. Në shkurt, Meloni rinovoi edhe për 3 vite të tjetra pagesat që i bën Italia rojes bregdetare libiane teksa u dërgoi edhe me 5 pesë anije të tjera patrullimi.

Lëvizja e radhës e Melonit do të jetë bindja e partnerëve të saj në BE që të krijojnë kampe në Afrikën e Veriut për t’i përpunuar kërkesat për azil. Por asaj mund t’i duhet të presë pas zgjedhjeve të majit të vitit të ardhshëm, në të cilat e djathta pritet të arrijë një fitore të madhe dhe të ketë për herë të parë në historinë e saj kontrollin e shumicës së Parlamentit Evropian. Megjithatë, një gjë është e sigurt:Meloni dhe Italia nuk mund ta mbrojnë të vetëm Evropën. /albeu.com

The post A do ketë sukses Meloni me planin e saj për frenimin e zbarkimeve ilegale në Itali? appeared first on Albeu.com.

Vizita private e Melonit në Shqipëri mori vëmendjen e mediave italiane, ndërsa mbetet mister fakti nëse Meloni u takua apo jo me Tony Blair, i cili po ashtu ishte në jug të Shqipërisë këto ditë. Blair fluturoi me helicopter të ushtrisë nga Tirana për në Himarë për të shmangur trafikun e rënduar dhe infrastrukturën e pa përfunduar të rrugëve në jug.

Media italiane Corriere della Sera i ka kushtuar një artikull vizitës së saj në Shqipëri, ndërsa shton se stafi i ish-kryeministrit Blair u ka konfirmuar se nuk ka pasur një darkë me Melonin, por nuk kanë përjashtuar një takim të mundshëm.

Sipas Corriere, Meloni do të kthehet sërish në Pulia në fermën Beneficio në Ceglie Messapica për të pushuar edhe disa ditë përpara sfidave që e presin në shtator.

Shkrimi i plotë i Corriere della Sera

Pas udhëtimit në Shqipëri, Giorgia Meloni kthehet në Pulia. Pritet mëngjesin e sotëm zbarkimi nga trageti Prince në portin e Brindisit. Takimi i mundshëm me Tony Blair mbetet i mbuluar me mister (“Jo darkë”, siguron stafi i ish-kryeministrit britanik për thashethemet e qarkulluara, pa përjashtuar megjithatë një takim). Meloni do të kthehet në fermën Beneficio në Ceglie Messapica për pamjen e fundit të pushimeve.

Në qytetin e vjetër të Vlorës, e përshëndet me përzemërsi kryeministri shqiptar Edi Rama, i cili publikon disa foto me kryeministren italiane në rrjetet sociale, duke thënë se është i nderuar që e ka të ftuar: «Motra e Shqipërisë, vëllai i Italisë. Ishte një nder”.

Meloni rikthehet në Itali duke e ditur se e pret një “vjeshtë sfiduese”, siç deklaron ajo për gazetën Pulia. Përtej dosjeve që presin qeverinë, nga ligji i buxhetit, reforma në drejtësi e deri te ratifikimi i Mes-it, megjithatë, ‘temperatura politike’ në ditët kur ajo ishte larg u rrit edhe brenda mazhorancës, duke përfshirë drejtpërdrejt dy drejtuesit e forcave kryesore të koalicionit, si dhe zëvendëskryeministrat, Antonio Tajani dhe Matteo Salvini, në konkurrencë të ngushtë për zgjedhjet evropiane pranverën e ardhshme.

Liderja i Ligës Veriore merr shkas nga situata në Spanjë pas votimit për të lëshuar një paralajmërim të ashpër: “Kjo është ajo që ndodh kur qendra e djathtë vendos veton dhe ndahet, e majta fiton pavarësisht se ka më pak vota”.

Carlo Fidanza, i cili drejton Melonians në Parlamentin Evropian, flet gjithashtu për një “konvergjencë shqetësuese midis të majtës dhe aktivistëve të pavarësisë katalanase” për zgjedhjen e socialistes Francina Armengol si presidente e kongresit spanjoll.

Megjithatë, ndalimi i Salvinit është qartë një përgjigje ndaj ndërhyrjes po aq të ashpër të Tajanit një ditë më parë: “Asnjë hezitim ndaj socialistëve, por kurrë asnjë marrëveshje në Evropë me Le Pen dhe Afd”.

Është kjo klimë inkandeshente midis dy sekretarëve të partive kryesore aleate që i shkakton Melonit një shqetësim shtesë të pashmangshëm. Në fund të fundit, plaga për rregullin e fitimeve shtesë, e vendosur direkt nga Meloni në Këshillin e fundit të Ministrave, është ende e freskët, e vlerësuar nga Liga dhe shumë e papëlqyer nga Forza Italia.

Për momentin, megjithatë, është pamja e fundit e pushimeve puliane. 4 ditët në Shqipëri do të ishin shënuar nga relaksi maksimal, mes plazhit të rezidencës së Ramës dhe disa shëtitjeve me skaf që nuk i kanë shpëtuar mediave përtej Adriatikut që filmuan motrën e Melonit, Arianën, dhe kunatin, ministri Francesco Lollobrigida, në bordin e varkës së madhe me kryeministrin dhe familjen. Me të edhe Marcello Gemmato, nënsekretar dhe besnik i kryeministres.

Por shumë janë duke pritur për një telefonatë në ditët në vijim: udhëheqësit, kolegët, sipërmarrësit, miqtë. Është e kotë t’i pyesësh ata, heshtja reziston. “Ne jemi ushtarë”, bëjnë shaka ata. Por tashmë flitet për një darkë, në orët në vijim, ndoshta në vetë fermën Beneficio, me ftesa mjaft të përzgjedhura./

The post Misteri, a u fsheh një takim kokë më kokë Meloni-Blair në jug të Shqipërisë, çfarë po luhet nën tavolinë? appeared first on Albeu.com.

Meloni e ka përshkruar atë si një nga figurat më me ndikim në historinë e Italisë.

“Silvio Berlusconi ishte mbi të gjitha një luftëtar, ai ishte një njeri që kurrë nuk kishte frikë të ngrihej për bindjet e tij dhe ishte pikërisht ai guxim dhe vendosmëri që e bëri atë një nga njerëzit më me ndikim në historinë e Italisë”, tha Meloni në një videomesazh, duke përshëndetur “përparimet e tij të vërteta në botën e politikës, komunikimit dhe biznesit”.

“Me të, Italia mësoi se nuk duhej t’i vendoseshin kurrë kufij. Mësoi se nuk duhej të dorëzohej kurrë. Me të ne luftuam, fituam, humbëm shumë beteja. Dhe gjithashtu për të do t’i arrijmë qëllimet që kemi vendosur së bashku. Lamtumirë Silvio”, shtoi ajo.

The post Vdekja e Berlusconit, Meloni: Një nga njerëzit më me ndikim në historinë e Italisë appeared first on Albeu.com.

Ajo u prit nga Rama dhe gjithashtu foli edhe për mediat.

“Kemi përgjegjësi të mëdha kundrejt vendeve të PB sidomos edhe pas agresionit rus ndaj Ukrainës,. Është e rëndësishme të forcojmë procedurën e anëtarësimit këtyre vendeve në BE si dhe ka shumë çështje për të cilat duhet të punojmë së bashku, ekonomi siguri kibernetike etj. Do të përpiqemi të bëjmë maksimumin për çështje si Roaming dhe shumë të tjera. Mund të mbështeteni te Italia”, ka thënë ajo.

The post Kryeministrja italiane mbërrin në samit: Të forcohet procedura e anëtarësimit të vendeve të BP në BE appeared first on Albeu.com.