Këtë mesazh Berisha ka zgjedhur ta shpërndajë ditën e sotme, në 100 vjetorin e vendosjes së marrëdhënieve diplomatike mes SHBA dhe Shqipërisë.

“Mesazh i mikut të madh të kombit shqiptar, Presidentit George W. Bush me rastin e 100 vjetorit të vendosjes së marrëdhënieve diplomatike midis dy vendeve”, ka shkruar Berisha.

Mesazhi i plotë i Berishës:

Unë dhe Laura ju dërgojmë përshëndetje dhe urimet më të ngrohta për mbarë popullin shqiptar teksa festojmë 100-vjetorin e marrëdhënieve diplomatike midis Shteteve të Bashkuara dhe Shqipërisë, ky gur kilometrik i veçantë është një dëshmi i miqësisë midis dy vendeve tona dhe vlerave tona të përbashkëta demokratike. Në vitin 2007 isha krenar që u bëra presidenti i parë i Shteteve të Bashkuara që vizitonte Shqipërinë. Laura dhe unë nuk e harrojmë kurrë kohën që kaluam në vendin tuaj të bukur. Ne u bëmë vetë dëshmitarë të mikpritjes suaj të sinqertë dhe të përkushtimit tuaj ndaj demokracisë dhe marrëdhëniet e forta me Shtetet e Bashkuara.

Kujtoj gjithashtu pasionin tuaj për zhvillim dhe tolerancë. Jam i lumtur të shoh Shqipërinë dhe Shtetet e Bashkuara teksa vazhdojë të punojnë krah për krah si aleatë në NATO dhe në Këshillin e Sigurimit të OKB-së duke mbrojtur demokracinë, paqen dhe të drejtën e njeriut. Shpirti shqiptar që kurrë nuk resht së përpjekuri për liri dhe tradita juaj e besës për t’u shtrirë dorën e ndihmës njerëzve në nevojë, janë vlera të cilat shpresoj do të bëhen shembull për të tjerët. Shqipëria është një forcë e së mirës në botë dhe Shtetet e Bashkuara janë krenare që e quajnë mike dhe aleate. Gëzuar të gjithëve 100-vjetorin e miqësisë sonë jetëgjatë!

Ambasada e SHBA-së në bashkëpunim me ministrinë e Jashtme ditën e sotme organizuan një event të kuadër të përvjetorit. Të pranishëm ishin edhe përfaqësues të opozitës që nga Lulzim Basha e deri te Agron Gjekmarkaj. Ndërsa Sali Berisha nuk ishte i pranishëm.

The post 100-vjetori i marrëdhënieve me SHBA-në, Berisha poston mesazhin e George W. Bush për shqiptarët (FOTO LAJM) appeared first on Albeu.com.

Gafën Bush e bëri në një event në Dallas të mërkurën kur ai po kritikonte sistemin politik të Rusisë.

George W Bush, gjatë tetë viteve të tij si president i Shteteve të Bashkuara ka bërë shpesh gafa, shkruan The Guardian.

Në një event në Dallas të mërkurën kur ai po kritikonte sistemin politik të Rusisë ngatërroi Ukrainën me Irakun.

“Rezultati është mungesa e kontrolleve dhe ekuilibrave në Rusi dhe vendimi i një njeriu për të nisur një pushtim tërësisht të pajustifikuar dhe brutal të Irakut”. Ai e korrigjoi shumë shpejt duke thënë “E kam fjalën për Ukrainën”.

Bush urdhëroi pushtimin e Irakut në 2003 për të gjetur dhe shkatërruar armët e pretenduara të shkatërrimit në masë që nuk u gjetën kurrë.

Konflikti i zgjatur shkaktoi qindra mijëra viktima dhe zhvendosi shumë të tjerë./albeu.com/

The post Ish-presidenti amerikan Bush ngatërron Ukrainën me Irakun appeared first on Albeu.com.

Ai ka shtuar se për këtë gjë ka edhe prova, duke sqaruar përmes një postimi në rrjetet sociale disa prej fakteve që ai ka për këtë gjë.

Guri ka ironizuar edhe ata që sipas tij e tallin përmes komenteve, pasi sipas tij nuk dinë se ç’bëjnë.

 Postimi i Sazan Gurit:

Në 30-40 komente lidhur me origjinen albane apo ilire te presidentit amerikan Xh. Bush, qe jo pak, qe fali o Zot se nuk dine se cthone ose perpiqen qe me nder tallin …….qellon dhe mjafton nje dhe vetem nje qe t’ju tregojë vendin pergjigjeve therese te te tjereve. Edhe Zoti nje eshte, por te jep shpresen dhe guximin per betejat per t’i vazhduar…. Ndaj një falenderim të madh e mirënjohje për ju o miq të shtrenjtë. Nuk e di sesi mund te takohemi, por me keni gati per çdo hall tuajin dhe te vendit 100 ore ne dite, le te jete ajo 24 oreshe…

Ja si reagon një person (z. Ylli Saraci) që lajmin e fotos e përcjell me hulumtime dhe e vesh me artefakte, sikundër bënte i madhi mason shqiptar, ndjesë pastë, Maksi Zotaj.

Mesa kam hulumtuar familja Bush me origjine nga Skocia jane nje nga 11 familjet e famshme me origjine te larget Albane. Neper sallonet e tyre jashtë vemendjes se publikut të gjere, keto biseda konsumohen ndermjet personave te veçante, mjaft te besuar. Fakti qe ndaloi ne Fushë-Kruje ndodhi, sepse e dine mire se aty afer ndodhet Zgerdheshi ose Albanopoli i lashte.

Fakte te tjera:

Hoqi kollaren, vetem kur ndodhet ne shtepine e tij, nje zyrtar i rangut kaq te larte e ben kete gjë.

Perveshi menget, sikur donte t’i jepte sinjal dikujt ne qarqet boterore ose (elites qe na lufton me metoda perfide indirekte), se ky vend dhe ky popull eshtë nen mbrojtjen time si nje nga familjet me origjine Albane. Mos harrojme elementet e shumte kulturor te Skocezeve me popullin tone si dhe emigrimet e lashte nga teritoret tona drejt Veriut te kontinentit ne disa vale.

Dhe ne fund, hyri me nje furre buke si per te vazhduar traditen e Albaneve te lashte qe mikut i ofrohet buka dhe shtepia.

Ai (Bushi) e ceku edhe kete tradite te lashte, me te cilen behen tre, dhe treshi eshte nje numer mjaft i rendesishem per popullin me te lashte ne bote, sepse treshin e ka trajtuar mjaft Petro Zheji. Selenitet ose Hiperotet e lashte Hënen e paraqisnin ne tre nivele, ashtu si ciklet e jetes, lindja, rritja (hene e plote) dhe vdekja, zvoglimi i saj.

E fundit: E mori shqiperine dhe kosoven “zvarre” sa ishte vete ne pushtet dhe te paren e futi ne kotecin e sigurt te NATO-s dhe te dytit i dha pamvarsine me shprehjen “enough is enough”.

Mesazhi

Së paku, paska material për diskutim dhe jo për……

The post Befason Sazan Guri: Presidenti Bush ka qenë shqiptar dhe kam prova për këtë, kot më tallin ata që komentojnë appeared first on Albeu.com.

Barbara dhe burri i saj Craig Coin janë bekuar me një vajzë, të cilën e kanë pagëzuar me emrin Cora Georgia.

“Laura dhe unë jemi të lumtur të njoftojmë ardhjen e mbesës sonë të re në botë. Barbara lindi Cora-Georgia në Maine. Foshnja është e shëndetshme dhe e lezetshme. Laura dhe unë jemi krenarë dhe mirënjohës”, u shpreh George W. Bush.

Lajmi i ëmbël për anëtaren e re të familjes Bush i ka befasuar të gjithë, pasi askush nuk e dinte që 39-vjeçarja Barbara ishte shtatzënë.

 

View this post on Instagram

 

A post shared by Jenna Bush Hager (@jennabhager)

The post Po e mbante të fshehtë, vajza e George Bush bëhet nënë për herë të parë (FOTO LAJM) appeared first on Albeu.com.