Rama deklaroi se të dy i ka patur dhe do t’i ketë miq, teksa u shpreh shumë krenar për këtë miqësi, teksa aludimet i konsideroi si përralla dhe histori propagandistike.

Më tej, ai shtoi se ka miqësi edhe me kundërshtarët e tyre, dhe nuk dihet nëse në këtë rast i referohej Richard Grenellit apo Viktor Orbanit, pasi përmendi fotot që ka në rrjet apo takimet.

Rama theksoi se historitë me amerikanë, duhet t’i lëmë t’i zgjidhin amerikanët me njëri-tjetrin.

Komentet Rama i bëri pas akuzave të Sali Berishës dhe strategut amerikan të fushatës së tij, Chris LaCivita, të cilët janë shprehur se kryeministri është kukulla e George Sorosit.

Armando Ramaj: O Rama, po si ta kishte publikuar Leksi foton për inat publikoje dhe ti foton me të dhe tregoje që je burrë.

Edi Rama: Unë Alex Sorosin e kam pasur mik, të atin e kam mik. I kam pasur dhe do t’i kem miq dhe jam shumë krenar për atë miqësi që e kemi shumë të qartë bashkë. Përrallat dhe historitë propagandistike që kërkojnë të lidhin gjëra që as nuk kanë lidhje fare, mua nuk më impresionojnë. Dhe, siç kam miq Alexin, të atin, kam edhe miq të tjerë që nuk janë miq me ta, por nuk bëj spekulime dhe abuzime me miqtë. Mos u bëni qesharakë, lërini historitë mes amerikanësh, t’i zgjidhin amerikanët me njëri-tjetrin. Mos gënjeni veten se këtu ku jemi ne jemi kërthiza e botës, etj etj. Mos ma qaj mua hallin fare për miqtë e mi. Unë kam shumë miq dhe mes tyre janë kundërshtarë apo armiq dhe nuk po filloj të t’i numëroj, por merr shih të gjithë koleksionin e fotografive dhe takimeve të mia dhe do shohësh më shumë se sa një rast se kjo që po të them është më se e vërtetë, dhe në nivelet më të larta, unë kam besimin të jem. Kështu që këto historitë me kukulla dhe me mjeshtra mos i hani se nuk iu çojnë as gjëkundi.

The post Je kukull e Soros, fshive fotot/ Rama u përgjigjet akuzave: Alex Sorosin e kam mik dhe jam shumë krenar, kam miqësi dhe me armiqtë e tij appeared first on Albeu.com.

George Soros është një biznesmen amerikan i rreshtuar politikisht dhe ekonomikisht me të majtën amerikane, që njihet si financues i mediave propagandistike, organizatave dhe kandidatëve presidencialë.

Soros është një ndër njerëzit më të pasur të botës, me një pasuri që shkon mbi 8 bilionë dollarë. Soros ka qenë aktiv si filantropist që prej vitit 1979 kur krijoi në Nju Jork Fondin e Shoqërisë së Hapur dhe nisi themelimin e Fondacioneve Lokale të Shoqërisë së Hapur fillimisht në Hungari (1984) pastaj në Bashkimin Sovjetik (1987).

The post George Soros pëson goditje në tru teksa mbante fjalim në një forum appeared first on Albeu.com.

Përktheu: Alket Goce-AlbEu.com

George Soros, investitori legjendar, filantropi dhe objektivi i përhershëm i krahut të djathtë  në SHBA, po ia dorëzon kontrollin e perandorisë së tij 25 miliardë dollarëshe djalit të tij më të vogël, Alexander Soros, një njeri i vetë-përshkruar si një mendimtar i qendrës së majtë, që u rrit me vetëdijen mbi pasurinë e madhe të familjes por që nuk mendohej se mund të ishte pasardhësi i mundshëm.

Në intervistën e parë që nga përzgjedhja e tij, 37-vjeçari thotë se synon të zgjerojë zbatimin e parimeve liberale të babait të tij. “Ne mendojmë njësoj mbi shumë gjëra”- thotë i riu Soros, teksa shton se përqafon disa kauza të ndryshme nga i ati. Ato përfshijnë të drejtat e votës dhe abortit, si dhe barazinë gjinore.

Ai planifikon të vazhdojë të përdorë pasurinë e familjes për të mbështetur politikanët amerikanë me prirje të majta. “Unë jam një njeri më politik se babai”- thotë Alex. Kohët e fundit ai u takua me zyrtarë të administratës Biden, udhëheqësin e shumicës në Senat, Chuck Schumer dhe disa krerë shtetesh, përfshirë presidentin e Brazilit Luiz Inácio Lula da Silva dhe kryeministrin e Kanadasë Justin Trudeau, për të mbrojtur çështjet që lidhen me themelimin e familjes.

Fondacionet e Shoqërisë së Hapur të Soros, të njohura shkurtimisht si OSF, financojnë rreth 1.5 miliardë dollarë në vit grupet që mbështesin të drejtat e njeriut në mbarë botën dhe që ndihmojnë në ndërtimin e demokracive. Por paratë e fondacionit shkojnë gjithashtu për universitetet dhe organizata të tjera arsimore.

Po ashtu fondacioni ka mbështetur fushatat zgjedhore të prokurorëve të qarkut dhe zyrtarëve të zbatimit të ligjit në SHBA që synojnë të ulin normat e burgosjeve dhe paragjykimet racore në sistemin e drejtësisë. Alex thotë se është i shqetësuar për mundësinë e rikthimit të Donald Trump në Shtëpinë e Bardhë, duke deklaruar se fondacionit do të luajë një rol të rëndësishëm në garën presidenciale të 2024-ës.

Disa analistë dyshuan nëse George Soros, aktualisht 92 vjeç, do të hiqte dorë nga roli i tij sa kohë që është ende gjallë. Madje në një intervistë dhënë disa vite më parë ai tha: “në parim nuk dua që fondacioni të drejtohej nga ndonjë prej fëmijëve të mi. Mendoj se ai duhet të menaxhohet nga dikush që është më i përshtatshmi për këtë post”.

Për vite me radhë, njerëzit e afërt me George besonin se gjysmë-vëllai më i madh i Alex, Jonathan Soros, 52 vjeç, një avokat me përvojë financiare, ishte pasuesi i sigurt i miliarderit të famshëm. I gjatë dhe me një trup atletik, Jonathan luante shpesh tenis me të atin, punoi për një periudhë në fondacion dhe e stabilizoi atë gjatë kohërave të trazuara.

Pastaj ndodhi një përplasje midis të dyve dhe një ndryshim i qasjes. Alex arriti të fitojë besimin e babait të tij, duke qëndruar në krah të tij në udhëtimet që bënte në zyrat e organizatës nëpër botë. “Ai e ka fituar besimin tim”- konfirmoi George. Në dhjetor të vitit të kaluar, bordi i OSF zgjodhi Aleksin si kryetar të tij, duke zëvendësuar zyrtarisht të atin.

Alex Soros është i vetmi anëtar i familjes në komitetin e investimeve që mbikëqyr Menaxhimin e Fondacionit Soros, kompania që mbikëqyr paratë për fondacionin dhe familjen. Deri më tani puna e Alext në organizatën e familjes ka nxjerrë në pah një stil të menaxhimit kolegjial që ndryshon nga ai i babait të tij, thonë kolegët e tij.

Alex kujdeset për detajet që George në përgjithësi i injoronte. Ai mban një bllok të vogël gjatë takimeve, të cilat i mbush me shënime, që më pas ua ndan stafit. “Ai është një drejtues shumë praktik”- thnotë Anthony Romero, drejtor ekzekutiv i Unionit Amerikan për Liritë Civile, që merr financime nga OSF.

Përzgjedhja e Alex, një fans i rrymës hip-hop dhe një tifoz i ekipit New York Jets të futbollit amerikan, dukej dikur e pamundur. Sepse Alex fliste me vështirësi në takime dhe ishte më i njohur për jetën e tij mondane. George Soros e ndërtoi pasurinë e tij në vitet 1970-1980 si një menaxher pionier i fondacioneve financiare.

Ai investoi shumë në tregjet globale të aksioneve, obligacioneve dhe valutës, bazuar në parashikimet e tij për ndryshimet ekonomike dhe politike. Soros investonte vetëm pasi kishte shqyrtuar një rrjet të gjerë informacioni, përfshirë të dhënat e klasifikuara të marra nga një rrjet kontaktesh të ngushta në politikë dhe biznes.

Vetëm basti se vlera e paundit britanik në vitin 1992 do të binte në pikiatë, i garantoi më shumë se 1 miliardë dollarë fitime. Ajo që e dallonte George ishte aftësia e tij për të ndryshuar drejtimin e investimeve thotë Stanley Druckenmiller, ish-shefi i investimeve në kompaninë e tij.

Pas rënies së Murit të Berlinit në vitin 1989, aktiviteti filantropi i Soros u fokusua në mbështetjen e demokracive në ish-bllokun sovjetik dhe gjetkë. Në vitin 2004, ai u sulmua ashpër në SHBA, kur deklaroi se parandalimi i rizgjedhjes së presidentit George W. Bush ishte “fokusi kryesor” i jetës së tij.

Ai e mbështeti fushatën presidenciale të Barack Obamës në vitin 2008, teksa shkaktoi kritika të mëtejshme për mbështetjen e programeve të shkëmbimit të gjilpërave dhe legalizimin e marijuanës për përdorim mjekësor.

George, që ka lindur në Hungari, e mbylli degën e fondacionit në këtë vend në vitin 2018 pasi u bë objektiv i sulmeve të kryeministrit Victor Orban.

Që nga ajo kohë kritikuesit janë shtuar. Muajin e kaluar, Elon Musk shkroi në Twitter se George Soros “më kujton Magneto-n”, një personazh i librit komik të Marvel, që ashtu si George, është një i mbijetuar i Holokaustit. Në përgjigje të kritikave për krahasimin, Musk shtoi se George “dëshiron të gërryejë vetë strukturën e qytetërimit tonë”, një deklaratë që nxiti një krtikë ndaj miliarderit nga ana e Lidhjës Anti-Shpifje.

“Kur ata duan të fajësojnë dikë, unë jam njeriu i preferuar”- ishte kundërpërgjigja e George.

Jonathan është fëmija i tretë nga martesa e parë e George me Annaliese Soros. Ai ka një vëlla dhe një motër. Prindërit e tij u ndanë kur Jonathan ishte 7 vjeç dhe babai i tij u transferua në një apartament shumë pranë shtëpisë së familjes përballë Central Park në Nju Jork.

Ai u rrit i pasur, por George nuk ishte bërë ende një figurë financiare e njohur ndërkombëtarisht. Pas diplomimit në Universitetin Wesleyan në vitin 1992, Jonathan kaloi dy vjet duke punuar në një zyrë të re të fondacionit Soros në Budapest. Ai iu bashkua fondacionit Soros në vitin 2002, pasi u diplomua për drejtësi dhe politika publike në Harvard.

Ai u bë drejtues i kmpanisë pasi disa drejtues u larguan ose u zëvendësuan. Jonathan fitoi respekt nga kolegët dhe shihej si trashëgimtari i dukshëm i babait të tij. “Unë prisja që Jonathan të ishte pasardhësi i George”- thotë Aryeh Neier, president i OSF në vitet 1993-2012.

Por dallimet midis tyre e përmbysën planin e trashëgimisë. George është një njeri impulsiv. Ndërsa Jonathan është një natyrë e qetë dhe shumë analitike. Jonathan e respektonte shumë të atin, por u tërhoq nga kompania kur nuk ra dakord me vendimet e babait të tij, sipas njerëzve që punonin me ta.

Sot Jonathan jeton në Manhatan me gruan dhe tre fëmijët e tij. Sipas njerëzve përreth tyre ai dhe Alex sillen në mënyrë miqësore më njëri-tjetrin kur takohen, por nuk kanë një marrëdhënie të ngushtë. Alex, më i madhi nga dy djemtë nga martesa e Goerge me gruan e tij të dytë, Susan Weber, dëshironte të ishte më i afërt me të atin kur rritej në fshatin luksoz Katonah në New York.

Kur ishte i ri, Alex ishte një tip i mbyllur, mbipeshë dhe ndihej i turpëruar nga pasuria e familjes së tij, tregojnë miqtë e fëmijërisë. Në adoleshencë, Alex shoqërohej ndonjëherë nga truproja ndërsa udhëtonte jashtë vendit dhe emri i familjes tërhoqi mbi të një vëmendje të padëshiruar.

Alex u afrua më shumë me babain e tij, pasi nëna e tij bëri kërkesën për divorc në vitin 2004. “Pas divorcit, im atë e mori më seriozisht prindërimin”- kujton Alex, që në atë kohë u doktorua për histori në Universitetin e Kalifornisë.

Ata kalonin orë të tëra së bashku duke diskutuar idetë dhe politikën globale. Alex nuk drejton si babai i tij. Ai ndihet shumë në siklet në mjedise të mëdha publike, thonë kolegët e tij. Dhe ai ka si pengesë mungesën relative të përvojës në skenën botërore. Por emërimi i tij mund të ndihmojë organizatën. “Gjithsesi Alex nuk ka gjasa të jetë ai që George Soros ishte për të djathtën”- thotë Romero. /albeu.com

Marrë me shkurtime

The post Kush është Alex Soros, 37-vjeçari që ka marrë në dorë perandorinë financiare të babait të tij George Soros appeared first on Albeu.com.

Financieri me origjinë hungareze tha se djali i tij “e kishte fituar”, në një intervistë me Ëall Street Journal.

Vitet e fundit, ish-menaxheri i fondit mbrojtës 92-vjeçar është bërë fokusi i komploteve antisemite.

Një zëdhënës i Soros konfirmoi për BBC detajet e intervistës së publikuar të dielën.

George Soros është gjithashtu një nga donatorët më të mëdhenj të Partisë Demokratike të SHBA. Alex, një 37-vjeçar i diplomuar në histori, është një nga pesë fëmijët e tij.

Alex është i vetmi anëtar i familjes që ulet në komitetin e investimeve për Menaxhimin e Fondeve Soros, mjeti për të cilin Ëall Street Journal thotë se po menaxhon 25 miliardë dollarë për familjen dhe fondacionin bamirës.

Alex mori detyrën në Fondacionet e Shoqërisë së Hapur (OSF) si kryetar në dhjetor dhe është gjithashtu përgjegjës për “super PAC” të babait të tij, një mekanizëm amerikan për të drejtuar fondet për partitë politike.

Ndërsa ata ndajnë gjerësisht të njëjtat pikëpamje politike, sipas Ëall Street Journal, ai është “më politik” se babai i tij dhe se do të bënte fushatë kundër përpjekjes së Donald Trump për të kandiduar për një mandat të dytë si president i SHBA.

“Aq sa do të doja të nxirrja para nga politika, për sa kohë që pala tjetër po e bën këtë, do të duhet ta bëjmë edhe ne”, tha Alex Soros.

Ai tha se Fondacionet e Shoqërisë së Hapur do të ndiqnin të njëjtat synime që kishte nën drejtimin e babait të  tij, duke përfshirë fjalën e lirë, reformën e drejtësisë penale, të drejtat e pakicave dhe refugjatëve dhe mbështetjen e politikanëve liberalë. Por ai gjithashtu dëshiron të përfshijë nisma për të drejtat e votës, abortin dhe barazinë gjinore, ndërsa ndjek një axhendë më të fokusuar në SHBA.

Babai i tij, George Soros, lindi në Hungari, ku si fëmijë jetoi tmerrin e pushtimit nazist në vitet 1944-45. Familja e tij fshehu identitetin e tyre hebre për të mbijetuar.

Pas luftës ai u largua nga Hungaria për në Londër, më vonë u zhvendos në Nju Jork ku vazhdoi të fitonte miliarda përmes aktiviteteve të tij të fondit mbrojtës.

Ai fitoi famë në Mbretërinë e Bashkuar pasi bëri 1 miliard dollarë në mënyrë korrekte duke vënë bast se paundi do të binte në vitin 1992.

Kur u rrëzua muri i Berlinit, duke i hapur rrugën krijimit të qeverive demokratike në ish-bllokun sovjetik, ai themeloi Fondacionet e Shoqërisë së Hapur (OSF) për të mbështetur procesin. OSF tani shpenzon rreth 1.5 miliardë dollarë në vit për të mbështetur kauzat liberale, organizatat arsimore dhe të drejtat e njeriut në më shumë se 120 vende.

The post George Soros i dorëzon “frenat” e perandorisë prej 25 miliardë dollarësh djalit të tij, Aleksit appeared first on Albeu.com.

Përktheu: Alket Goce-AlbEu.com

E kam kaluar gjithë jetën time duke u përpjekur ta kuptoj botën në të cilën kam lindur, dhe mund të pretendoj se kam arritur një sukses modest. Që në një moshë relativisht të hershme,  e kuptova se kuptimi ynë mbi botën është në thelb i papërsosur. Kjo sepse ne jemi pjesë e botës në të cilën jetojmë.

Ne jemi edhe pjesëmarrës por edhe vëzhgues. Si pjesëmarrës, duam të ndryshojmë botën në favorin tonë. Si vëzhgues, duam ta kuptojmë realitetin ashtu siç është. Këto dy objektiva ndërhyjnë ndaj njëri-tjetrit. Por kjo nuk prek të gjitha fushat e realitetit në mënyrë të barabartë.

Për shembull, astronomët mund t’i afrohen njohurive të përsosura, sepse ata kanë një kriter objektiv, si lëvizja e yjeve, që i jep mundësi të gjykojnë nëse parashikimet e tyre janë të sakta. Ndërkohë sociologët socialë nuk e kanë aq të lehtë. Sepse sjellja e njerëzve pasqyron tashmë të kuptuarit e tyre të papërsosur mbi botën.

Atëherë si mund ta kuptojmë gjendjen aktuale të punëve? Ne duhet të gjejmë një mënyrë për të dalluar atë që është e rëndësishme nga ajo që është më pak e rëndësishme. Le ta nisim me një pohim të guximshëm. Ndërsa dy sisteme të qeverisjes janë të angazhuar në një luftë për dominim global, qytetërimi ynë është në rrezik kolapsi, për shkak të përparimit të paepur të ndryshimeve klimatike.

Unë kam qenë gjithmonë i magjepsur nga shtresa e akullit të Grenlandës, e cila është disa kilometra e trashë dhe është ndërtuar gjatë mijëra viteve. Korrikun e vitit të kaluar atje ndodhi një ngjarje ekstreme e motit. Ishte aq ngrohtë saqë shkencëtarët që punojnë atje mund të luanin volejboll me këmisha me mëngë të shkurtra dhe pantallona të shkurtra.

Shkrirja e plotë e shtresës së akullit të Grenlandës, do të rriste me 7 metra nivelin e oqeaneve. Dhe kjo përbën një kërcënim për mbijetesën e qytetërimit tonë. Nuk isha i gatshëm që ta pranoja atë fat, ndaj u përpoqa të zbuloja nëse mund të bëhej diçka për ta shmangur atë. Kontaktova me David King, një shkencëtar i klimës, që ka qenë këshilltar kryesor shkencor i qeverive të mëparshme britanike. King ka një plan për të riparuar sistemin klimatik. Ai dëshiron të rikrijojë efektin albedo, duke krijuar re të bardha lart mbi tokë. Me garancitë e duhura shkencore dhe në konsultim me komunitetet vendase, ky projekt mund të ndihmojë në rivendosjen e sistemit klimatik të Arktikut, që dikton funksionimin e të gjithë sistemit klimatik global.

Ritmi i përshpejtuar i ndryshimeve klimatike do të shkaktojë një migrim në shkallë të gjerë, për të cilin bota nuk është e përgatitur si duhet. Në rast se nuk e ndryshojmë mënyrën se si përballemi me ndryshimet klimatike, qytetërimi ynë do të shkatërrohet tërësisht nga rritja e temperaturave që do t’i bëjë praktikisht të pajetueshme pjesë të mëdha të botës.

Ne duhet të riorientojmë institucionet tona financiare ndërkombëtare, veçanërisht Bankën Botërore, që të fokusohen në ndryshimin e klimës. Presidenti i Bankës Botërore, David Malpass, një mohues i ndryshimeve klimatike, dha pak dorëheqjen pak ditë më parë.

Tani do të ndalem shkurtimisht tek gjeopolitika. Dy sisteme qeverisëse po luftojnë për dominimin global. Një shoqëri e hapur dhe një tjetër e mbyllur. Unë e kam përcaktuar qartë dallimin mes tyre:në një shoqëri të hapur, roli i shtetit është të mbrojë lirinë e individit; në një shoqëri të mbyllur, roli i individit është t’i shërbejë interesave të shtetit.

Si themelues i Fondacioneve të Shoqërisë së Hapur, shoqëritë e hapura janë padyshim të preferuara e mia, dhe unë i konsideroj ato moralisht superiore ndaj atyre të mbyllura. Por kur flasim për epërsi morale, hasim një vështirësi:të dyja sistemet e cilësojnë veten superiore. Prandaj, shoqëritë e hapura duhet të dallohen, duke e mbrojtur realisht lirinë e individit. Kjo sigurisht do t’i joshte edhe njerëzit që jetojnë në shoqëri të mbyllura. Natyrisht, shtetet represive mund të mbizotërojnë ende, sepse mund të jenë në gjendje t’i detyrojnë nënshtetasit e tyre që t’u shërbejnë atyre.

Në fakt dy sistemet kanë pikat e tyre të forta dhe të dobëta. Duke i kuptuar më mirë ato, ne mund të përmirësojmë të kuptuarit tonë për botën. Turqia e presidentit Recep Tayyip Erdoğan është ndoshta rasti në interesant i një vendi që kërkon të jetë pjesë e të dyja kampeve. Erdogan është i angazhuar në mënyrë aktive me të dyja anët e luftës në Ukrainë, dhe është vendosur si një ndërmjetës neutral mes tyre. Ai e ka keq-menaxhuar ekonominë turke dhe do të përballet në maj me zgjedhje. Të gjitha përpjekjet e tij janë të përqendruara në fitoren e tyre.

Ai është afruar më shumë me Putinin, që synon ta shndërrojë Turqinë një qendër shpërndarjeje të naftës ruse, dhe kjo do t’i japë Erdoganit paratë që i nevojiten për zgjedhjet. Ndërkohë ky i fundit është bërë më autokratik në shtëpi. Por përpiqet të burgosë kundërshtarin e tij më të fuqishëm, kryetarin e bashkisë së Stambollit, dhe të ndalojë pjesëmarrjen në zgjedhje të partisë kurde.

Por nuk do të mund ta shkelë traditën që i lejon partitë politike të mbikëqyrin numërimin e votave. Dhe kjo do ta bëjë të vështirë manipulimin e rezultatit. Tërmeti me magnitudë 7.8 që goditi Turqinë në fillim të këtij muaji është një tragjedi. Tronditja e shkaktuar prej tij po kthehet në një zemërim popullor në shumë zona të prekura për shkak të reagimit të ngadaltë të qeverisë dhe dëshirës për të kontrolluar të gjitha përpjekjet e ndihmës.

Praktikat e dobëta të ndërtimit dhe modeli i rritjes i drejtuar nga ndërtimi i Erdogan e përkeqësuan gjithçka. Mënyra më e mirë për të adresuar këto çështje është mbajtja e zgjedhjeve. Situata aktuale ka disa ngjashmëri me Luftën e Ftohtë, por dallimet janë shumë më të mëdha.

Në Ukrainë po zhvillohet një luftë e vërtetë që ka ndryshuar gjithçka. Deri në tetor 2022, Ukraina po fitonte në fushën e betejës. Më pas me ndihmën e Iranit, Rusia nisi përdorimin e dronëve në një shkallë të gjerë. Synimi i tyre ishte t privonin popullsinë civile nga energjia elektrike dhe uji që të dobësonin moralin e tyre.

Kjo strategji e ka vendosur Ukrainën në pozita mbrojtëse. Ushtria ruse është e dëshpëruar. Ajo është e udhëhequr keq, e pajisur keq dhe e demoralizuar. Putin e kuptoi këtë dhe nisi një lojë të dëshpëruar. Angazhoi Yevgeny Prigozhin, që zotëron një ushtri mercenarësh të quajtur Grupi Vagner, dhe është i etur të provojë se mund të bëjë më mirë se ushtria e rregullt.

Putin e lejoi atë të rekrutonte të burgosur nga burgjet. Kjo lëvizje e shkel ligjin në Rusi, por Putini nuk i bindet asnjë ligji. Basti funksionoi. Me ndihmën e të burgosurve, Vagner nisi të fitonte territor. Ushtria ukrainase e ngadalësoi përparimin e saj, por po humbte më shumë se 100 ushtarë të stërvitur në ditë.

Ukraina u përball me një zgjedhje strategjike:ose të angazhohej në frenimin e Vagner ose

t’i lejonte Rusisë një fitore propagandistike dhe të ruante burimet e saj të kufizuara për

një kundërsulm. Në dhjetor, presidenti Zelensky shkoi në Uashington dhe ra dakord me presidentin Joe Biden, se e vetmja mënyrë për t’i dhënë fund luftës është ta fitojmë atë.

Por Biden e paralajmëroi Zelensky-n se ka kufij ndaj asaj që ai është i gatshëm të bëjë. Një Luftë e Tretë Botërore duhet të shmanget me çdo kusht, teksa duhet të ruhet mbështetja e Evropës për Ukrainën. Një kundërsulm i mundshëm i ukrainasve këtë pranverë, mund të përcaktojë fatin e luftës.

Një fitore e Ukrainës do të sillte shpërbërjen e perandorisë ruse. Rusia nuk do të përbënte më një kërcënim për Evropën dhe botën. Ky do të ishte një ndryshim i madh për mirë. Do të sillte lehtësim të madh për shoqëritë e hapura dhe do të krijonte probleme të jashtëzakonshme për shoqëritë e mbyllura. /albeu.com

Marrë me shkurtime

Shënim:George Soros, kryetar i Menaxhimit të Fondeve Soros dhe Fondacioneve të Shoqërisë së Hapur.

The post Nga George Soros: Ngrohja globale, luftërat e nxehta, shoqëritë e mbyllura appeared first on Albeu.com.

Kreu i qeverisë tha se po jetojmë në kohë të vështira që mund të jenë edhe më të vështira, por se pavarësisht kësaj është optimist “sepse ka disa lajme të rëndësishme nga viti i kaluar që lidhen me pozicionin politik të Ballkanit Perëndimor në Evropë dhe në botë”.

“Nuk do të jetë kurrë e lehtë dhe nuk pres që të bëhet më e lehtë. Mendoj se të gjithë duhet të përgatitemi që të bëhet më e vështirë, sepse gjërat po ndërlikohen në çdo front… Duhet të punojmë me zell, të përpiqemi të punojmë edhe më shumë, të mos humbasim besimin, të vazhdojmë dhe të mos harrojmë kurrë nga vijmë. Ballkani Perëndimor, nuk ka qenë kurrë në një pozicion më të mirë”, tha Rama.

I pyetur se çfarë do të thotë për rajonin që Mali i Zi ka për herë të parë një kryeministër që është shqiptar kombëtar, Rama tha: “Jo vetëm që është shqiptari i parë që është kryeministër i Malit të Zi, por është edhe kryeministri i parë që vërtet nuk heziton të thotë se është shqiptar apo është ky apo ai. Mënyra se si i trajton disa çështje të pazgjidhura është e guximshme, por mbi të gjitha e admirueshme, sepse nuk ka hendek mes asaj që thotë dhe asaj që bën, gjë që nuk është shumë e zakonshme në politikë dhe në jetë”.

Rama foli edhe për problemin e Kosovës, marrëveshjen e propozuar franko-gjermane mes Beogradit dhe Prishtinës, marrëdhëniet e tij me presidentin e Serbisë, Aleksandar Vuçiç.

“E ndoqa deklaratën e fundit të presidentit Vuçiç nga Davos dhe mendoj se ishte mjaft e respektueshme duke pasur parasysh mënyrën se si ai shprehu nevojën për të ecur përpara. Sigurisht, në mënyrën e tij karakteristike shumë të veçantë të komunikimit, por shprehu respekt”, komentoi Rama.

Për faktin se ai ka marrëdhënie të mira me Abazoviçin dhe Gjukanoviçin, si dhe me Vuçiçin dhe Kurtin, pavarësisht marrëdhënieve të tensionuara mes këtyre liderëve në rajon, Rama tha: Dëgjo, Milo po sulmon Dritanin dhe Dritani, nuk e di nëse ai po sulmon Milon apo jo, por supozoj se eshte keshtu edhe pse Dritani eshte shume me i fiksuar pas korrupsionit dhe krimit te organizuar si nje fenomen qe duhet zhdukur nga shoqeria malazeze. Ka edhe shumë sulme mes Presidentit të Serbisë dhe Kryeministrit të Kosovës, të cilat ndonjëherë janë edhe më të rënda. Dhe njerëzit më pyesin, si është e mundur që je, e di, por imagjinoni sikur të gjithë të dukeshin bardh e zi dhe nëse të gjithë mbanin pozicionet e tyre dhe nëse askush nuk fliste me askënd. Gjërat nuk mund të ishin më mirë. Pra, është gjithmonë më mirë të bisedoni me njerëzit, të përpiqeni të kuptoni arsyet, të paraqisni argumentet tuaja. Presidenti Vuçiq dhe unë kemi gjithmonë qëndrime shumë të forta, pikëpamje krejtësisht të ndryshme për çështjen e Kosovës, të cilën ai e quan Kosovë dhe Metohi. Për mua është shteti i lirë, demokratik, sovran i Kosovës. Por nëse situata është e tillë për momentin, mendoj se ndërkohë gjërat, e dini, po përparojnë, gjërat po ndryshojnë. Gjërat po ecin në drejtimin e duhur. Ngadalë, por ata po lëvizin. Dikur nuk kishim komunikim dhe ishte e pamundur të imagjinohej që serbët dhe shqiptarët të ishin në të njëjtën tryezë. Kështu që do të marrë kohë, por kjo është në rregull”.

Rama më pas përmendi një shembull tjetër që e bën atë një politikan të veçantë jo vetëm në rajon.

“Unë, për shembull, jam një mik shumë i mirë i George Soros dhe Rexhep Tajip Erdogan, e dini, dhe ky është një nivel konflikti edhe më i lartë, le të themi një duel në shkallë botërore”, tha kryeministri i Shqipërisë.

Rama foli edhe për projektin Open Balkans, tema ekonomike që lidhen me bashkëpunimin mes Shqipërisë dhe Malit të Zi si dhe vendeve të Ballkanit Perëndimor… Biseda u mbyll me një temë krejtësisht apolitike, në të cilën kryeministri shqiptar komentoi Malin e Zi nga këndvështrimi i profesionit të tij kryesor, një artist.

“Mali i Zi është i vogël, por është vend i artistëve të mëdhenj. Njëri prej tyre ka qenë miku im shumë i dashur nga Tuzi, Leo Gjokaj, ka ndërruar jetë, por kam kujtime të mrekullueshme për të, dhe falë tij e njoh skenën e artit malazez dhe historia e saj më mirë arti që është i pabesueshëm, vërtet i pabesueshëm”, përfundoi Rama./Albeu.com/

The post “Jam mik i mirë i Soros dhe Erdogan”, Rama për mediat malazeze: Dialogu Serbi-Kosovë po bën përparim appeared first on Albeu.com.

I pyetur nga moderatori Xhafo se a po mbështet George Soros Partinë Socialiste, Veliaj tha se e vetmja forcë që ka përfituar nga fondacioni Soros është Paria Demokratike.

Pjesë nga biseda:

Xhafo: Duke qenë se ju jeni një investim i Sorosit dhe Rama mik i tij. A mund të themi se Sorosi po prish rregullat e lojës?

Veliaj: Nuk ka asnjë qindarkë të George Soros për PS. Ndërkohë që është e provuar që Fondacioni Soros ka ndihmuar PD të themelohet të paguajë rrogat të themelojë pluralizmin, gazetat e para dhe shumë anëtarë të shoqërisë Civile.

Xhafo: Nuk thashë që ju ka pagur, por po ju mbështet?

Veliaj: Më rezulton se e vetmja parti që është financuar, për tu themeluar për të paguar rrogat është PD.

Xhafo: Deri në cilin vit ka dhënë lek Soros për PD?

Veliaj: Unë nuk i mbaj pishtarin PD-së, deri në vitet 90-të. Si ka mundësi që partia që është financuar më shumë është tradhtare, mosmirënjohëse, është virtyt i atyre që drejtojnë PD. Pse mo unë e kam fajin që PD, Basha Berisha nuk dalin në zgjedhje. Po më pyet për PD që nuk më ha thepi fare. Kur ti nuk shkon në zgjedhje dhe tregon indiferentizëm për militantët e tu, për këta njerëz që nuk kanë respekt për njerëzit e tyre ti më thua pse shajnë Sorosin.

Xhafo: Çfarë nënkuptoni me mbështetje?

Veliaj: Mbështetja kryesore që provohet me letra është ajo financiare.

Gjithashtu ka folur dhe për raporton me djalin e George Soros, Alex-in, me të cilin tha se kanë një raport special.

“Kemi vite që njihemi dhe unë besoj që të kesh shok dhe të jesh besnik me shokët s’është e jashtëligjshme, kemi një raport special dhe unë s’e kam kompleks, jam krenar. Kur një njeri babai i të cilit ka bërë më shumë shkolla në Shqipëri dhe ku bukëshkalët që kanë marrë bursa dhe u paguhej rroga në qeveri të Sali berishës, kur këta janë mosmirënjohës, këta duhet të ndihen keq. Unë jam superkrenar. Vala më e madhe e shkollave ka qenë nga Soros. Vala e dytë është kjo që po kalojmë tani dhe t’i thuash plaç një njeriu që ndërton shkolla dhe të paguan shkollën. Unë jam mirënjohës jo vetëm me Aleks Sorosin por me çdo njeri që ka bërë mirë në këtë vend. Unë besoj që ky është një qytet mirënjohës, ne jemi racë mirënjohëse”, tha Veliaj.

The post Veliaj mohon financimin e PS nga Soros, flet për marrëdhëniet me Alex-in: Kemi raport special appeared first on Albeu.com.

Politika budućnosti je politika pomirenja i ekonomske saradnje! ??❤??

Radna večera lidera Zapadnog Balkana uoči Samita Inicijative #OpenBalkan. ??????????@avucic @ediramaal @DKovachevski @Vijeceministara @AlexanderSoros pic.twitter.com/vTCIV4Wl5y

— Dr Dritan Abazovic (@DritanAbazovic) June 7, 2022

Në këtë takim marrin pjesë 5 shtete të Ballkanit Perëndimor.

Në darkën e shtruar, në një tavolinë janë parë Edi Rama, Aleksandër Vuçiq, Dimitar Kovaçevski, Dritan Abazoviq dhe Aleksandër Soros, djali i George Soros.

Në të njëjtën tavolinë ishte edhe përfaqësuesi i Bosnje e Hercegovinës, Zoran Telegtija.

Kryeministri i Malit të Zi, Dritan Abazoviç, ka postuar fotot në rrjetin social Tëitter.

“Politika e së ardhmes është politika e pajtimit dhe e bashkëpunimit ekonomik!”, ka shkruar ai.

“Darka e punës e liderëve të Ballkanit Perëndimor përpara Samitit të Iniciativës Open Balkan”, përfundoi ai./albeu.com/

The post Soros i pranishëm në tryezë, dalin pamjet nga darka e liderve të “Ballkanit të Hapur” (FOTO LAJM) appeared first on Albeu.com.

Duke folur në një darkë mbrëmë në margjinat e Forumit Ekonomik Botëror në Davos, investitori dhe filantropisti tha se lufta e ka tronditur Evropën në thelb.

Ai i kërkoi botës që të përdorë të gjitha burimet tona për ta çuar luftën në një fund të hershëm, duke shtuar se mënyra më e mirë dhe ndoshta e vetmja për të ruajtur qytetërimin tonë është të mposhtim Putinin sa më shpejt të jetë e mundur.

Evropa ishte gjithashtu në një pozicion më të fortë se sa mendonte, në lidhje me varësinë e saj nga gazi rus, shtoi ai.

Putini e kishte vendosur gazin në depo në vend që ta eksportonte në Evropë, duke krijuar mungesë. Por Rusia do t’i mbarojë hapësirat e magazinimit deri në korrik dhe nuk do të ketë zgjidhje tjetër veçse të shesë në Evropë, e cila është tregu i saj i vetëm, vuri në dukje Soros.

“Mendoj se Putini ka qenë shumë i zgjuar në një lloj shantazhi ndaj Evropës, duke kërcënuar se do të ndërpresë gazin, por në fakt rasti i tij është shumë më pak i fortë sesa pretendon”, tha ai.

BE-ja po përpiqet të shkurtojë varësinë e saj nga karburantet fosile ruse me dy të tretat deri në fund të vitit.

Por përpjekjet për të ndaluar importet ruse janë penguar për shkak të hezitimit nga Gjermania. Hungaria gjithashtu ka kundërshtuar ndalimin e naftës ruse./albeu.com

The post Soros: Pushtimi rus mund të jetë fillimin e Luftës së Tretë Botërore appeared first on Albeu.com.

Pas përshkrimit të presidentit amerikan si një “ diktator dhe kriminel,” në dëm të homologut të tij rus, ka shpërthyer një debat i gjerë, me miliarderin George Soros që flet për mundësinë e një lufte të tretë botërore.

Megjithatë, duke shkruar në Project Syndicate, biznesmeni shpjegon pse planet e presidentit rus mund të bien në vesh të shurdhër.

“Putini ishte një agjent shumë i zgjuar i KGB-së, por nuk duket më kështu. Pas një fiksimi të caktuar, duket se ka humbur lidhjen me realitetin. Ai sigurisht nuk e vlerësoi saktë situatën në Ukrainë”, vëren ndër të tjera Soros në artikullin e tij.

“Rusia mund ta humbasë luftën”, tha ai.

Detaje nga shkrimi i George Soros

Pushtimi rus i Ukrainës më 24 shkurt shënon fillimin e një lufte të tretë botërore që mund të shkatërrojë qytetërimin tonë.

4 shkurti – fillimi i festimeve Kineze të Vitit të Ri Hënor dhe Olimpiadës Dimërore të Pekinit – disa ditë para pushtimit, u parapri nga një takim i gjatë midis Presidentit rus Vladimir Putin dhe homologut të tij kinez.

Në fund të këtij takimi, të dy burrat publikuan një dokument prej 5000 fjalësh , të cilin e kishin hartuar me shumë kujdes dhe ku shpallnin fillimin e një bashkëpunimi të ngushtë mes dy vendeve. Ky dokument është më i fortë se çdo traktat dhe konsiderohet se i kanë paraprirë negociatave të detajuara.

U habita që Xi, me shumë gjasa, siç tregojnë faktet, i dha leje Putinit të pushtonte territorin ukrainas dhe të fillojë një luftë kundër saj.

Ai duhet të jetë shumë i sigurt për t’u rizgjedhur si udhëheqës i përjetshëm i Kinës më vonë këtë vit. Pasi ka mbledhur të gjithë pushtetin në duart e tij, Xi ka hartuar me kujdes skenarin me të cilin do të arrijë të duket i denjë për Mao Ce Dunin dhe Deng Xiaoping.

Me mbështetjen e Xi, Putin filloi të realizonte ëndrrën e jetës së tij me barbari të pabesueshme. Teksa i afrohet moshës 70-vjeçare, Putin mendon se koha për të lënë gjurmë në historinë ruse është ose tani ose kurrë. Megjithatë, perceptimi i tij për rolin e Rusisë në sistemin botëror mund të përshkruhet si i çoroditur. Ai duket se beson se populli i tij ka nevojë për një Tsar që mund ta ndjekë verbërisht.

Kjo, megjithatë, është e kundërta e një shoqërie demokratike dhe është një vizion që shtrembëron “shpirtin” rus, i cili konsiderohet shumë emocional.

Si fëmijë, kisha takuar shumë herë ushtarë rusë që nga pushtimi i Hungarisë në vitin 1945. Po t’i pyesje, do të ndajnë me ty edhe copën e fundit të bukës. Më vonë, në fillim të viteve 1980, fillova atë që unë e quaj “bamirësi politike”.

Së pari, ngrita një institucion në vendin tim, Hungari. Kur Mikhail Gorbachev erdhi në pushtet në 1985, shpërbërja e Bashkimit Sovjetik kishte filluar tashmë. Ngrita një institucion në Rusi dhe më pas bëra të njëjtën gjë në të gjitha shtetet pasardhëse. Në Ukrainë, në fakt, e bëra këtë para se të bëhej një vend i pavarur. Unë gjithashtu vizitova Kinën në 1984 dhe isha i huaji i parë që u lejua të ngrinte një institucion (të cilin e mbylla në 1989, pak para masakrës së Sheshit Tiananmen).

Unë nuk e njoh personalisht Putinin, por e kam parë nga afër ardhjen e tij në pushtet, plotësisht i vetëdijshëm për mizorinë e tij. Ajo ka shkatërruar kryeqytetin çeçen, Grozny, ashtu siç po kërcënon të bëjë për momentin me kryeqytetin ukrainas, Kiev.

Ai ishte i zgjuar, por…

Putin ishte një agjent shumë i zgjuar i KGB-së, por nuk duket më kështu. Pas një fiksimi të caktuar, duket se ka humbur lidhjen me realitetin. Ai sigurisht nuk e vlerësoi siç duhet situatën në Ukrainë. Ai priste që ukrainasit rusisht-folës t’i mirëpresin ushtarët rusë me krahë hapur. Përkundrazi, megjithatë, doli se ata nuk ishin të ndryshëm nga pjesa tjetër e popullsisë që fliste ukrainas. Ukrainasit kanë bërë rezistencë tepër të guximshme kundër forcave të tyre shumë më të fuqishme.

Në korrik 2021, Putin publikoi një raport të gjerë duke pretenduar se rusët dhe ukrainasit ishin me të vërtetë një popull dhe se ukrainasit ishin mashtruar nga trazirat neo-naziste. Pjesa e parë e argumentit të tij ka një bazë historike, duke pasur parasysh se Kievi ishte selia origjinale e Kishës Ortodokse Ruse. Në pjesën e dytë, megjithatë, ai që është mashtruar është Putini. Ai duhej ta dinte më mirë. Shumë ukrainas luftuan me guxim gjatë protestave të Euromaidanit në 2014.

Ngjarjet e vitit 2014 e zemëruan Putinin. Megjithatë, ushtria ruse nuk u paraqit mirë kur u urdhërua të sulmonte vëllezërit e saj ukrainas. Korrupsioni sistemik në mënyrën se si jepen kontratat e mbrojtjes ka luajtur gjithashtu një rol të rëndësishëm në performancën e dobët të ushtrisë. Megjithatë, në vend që të fajësojë veten, Putini duket se fjalë për fjalë është çmendur.

Ai vendosi të ndëshkojë Ukrainën sepse rezistoi dhe duket se po vepron pa asnjë pengesë. Ajo hedh në betejë të gjithë ushtrinë ruse dhe shpërfill të gjitha rregullat e luftës, duke bombarduar pa dallim, kryesisht popullsinë civile. Shumë spitale janë dëmtuar dhe rrjeti i energjisë që furnizon termocentralin bërthamor të Çernobilit (i cili aktualisht është i pushtuar nga trupat ruse) është dëmtuar. Në Mariupolin e rrethuar, 400,000 njerëz kanë qenë pa ujë dhe ushqim për gati një javë.

Rusia mund ta humbasë luftën. Shtetet e Bashkuara dhe Bashkimi Evropian po dërgojnë armë mbrojtëse në Ukrainë dhe po përpiqen të blejnë MIG të prodhimit rus që pilotët ukrainas dinë t’i përdorin. Këto mund të bëjnë një ndryshim. Pavarësisht nga rezultati, megjithatë, Putini ka bërë tashmë mrekulli në forcimin e vendosmërisë dhe unitetit të BE-së, shkruan protothema. 

The post George Soros: Pushtimi rus i Ukrainës shënon fillimin e Luftës së Tretë Botërore appeared first on Albeu.com.