Shfaqja është e bazuar në ngjarje të vërtetë – përplasjen e gazetarit legjendar Edward R. Murrow me senatorin Joseph McCarthy gjatë kohës së “gjuetisë së shtrigave” kundër komunistëve – dhe sipas Clooney-t, ky kontekst historik është pikërisht ajo që po tërheq audiencën e gjerë sot.

“Në çdo shfaqje po vijnë shumë njerëz. Mendoj se ata ndiejnë nevojën të jenë bashkë në një hapësirë ku mund të dëgjojnë dhe të reflektojnë për atë se kush jemi kur jemi në versionin më të mirë të vetes. Dhe kjo është gjë e mirë. Mendoj se po u japim njëfarë lehtësimi, sepse shumë njerëz – ndoshta edhe nga ata që janë këtu sonte – ndihen sikur po jetojmë në versionin më të keq të vetes si shoqëri”, tha ai.

Edhe pse i vetëdijshëm për klimën pesimiste, Clooney nënvizoi se Amerika ka kaluar kohë më të errëta në të kaluarën.

“Po, ky është një moment zhgënjyes dhe për shumë njerëz edhe frikësues. Por unë mund të them me siguri se kemi kaluar periudha shumë më të vështira. Në vitin 1968, thuajse çdo qytet në Amerikë digjej. Garda Kombëtare kishte rrethuar Shtëpinë e Bardhë dhe Kapitolin. Kishim humbur Martin Luther King-un dhe Bobby Kennedy-n. Pra, kjo nuk është hera e parë që kalojmë kriza të thella”, theksoi aktori.

Duke komentuar mbi profesionin e gazetarisë, Clooney u shpreh se sot është më e vështirë dhe më e rrezikshme se kurrë të jesh gazetar.

“Është e frikshme të jesh gazetar sot. Profesioni juaj është nën sulm. Shumica e mediave po përballen me presione dhe sulme të vazhdueshme. Kjo ndodh zakonisht kur në skenë dalin figura demagogjike. Sulmet e para shkojnë për gazetarët, sepse përmes tyre njerëzit marrin informacionin”, tha ai.

I pyetur nëse beson se trumpizmi do të mbijetojë edhe pas një mandati të dytë të Donald Trumpit, Clooney u përgjigj prerë: “Jo, nuk mendoj. Mendoj se do të jetë shumë e vështirë. Mbani mend këtë: Donald Trump është një figurë e famshme. Ai është një ‘celebrity’. Ka yllin e tij në ‘Hollywood Walk of Fame’. Unë nuk e kam. Dhe nuk e kërkoj – thjesht po e them”.

Kur Cooper u përpoq të bëjë një shaka për këtë, Clooney shtoi: “Ai është një yll televiziv dhe njëkohësisht president i Shteteve të Bashkuara. Dhe u zgjodh në mënyrë të ligjshme dhe të drejtë. Nuk po ankohem – kjo është mënyra se si funksionon demokracia. Por ai është gjithashtu karizmatik dhe për ata që e duan, është edhe qesharak. Për shumë të tjerë, jo”.

Sipas Clooney-t, e ardhmja e trumpizmit do të varet nga aftësia për të gjetur një figurë tjetër me të njëjtin ndikim: “Kur gjithçka të përfundojë – dhe do të përfundojë – ata do të duhet të gjejnë dikë tjetër që të mund ta përcjellë të njëjtin mesazh me të njëjtin lloj karizme. Dhe një person të tillë nuk e kanë”.

The post George Clooney: Amerika është në një moment të vështirë, por jo në më të keqin në histori appeared first on Albeu.com.

Më konkretisht, aktori i njohur me shkrimin e tij në New York Times vuri në dukje nevojën për të gjetur një kandidat tjetër për zgjedhjet në SHBA.

“Unë e dua Joe Biden. Si senator. Si nënkryetar dhe si president. E konsideroj mikun tim dhe besoj në të. Unë besoj në karakterin e tij. Unë besoj në etikën e tij. Gjatë katër viteve të fundit, ai ka fituar shumë nga betejat me të cilat është përballur.

Por e vetmja betejë që ai nuk mund ta fitojë është beteja kundër kohës. Askush nga ne nuk mundet. Është e dhimbshme të thuhet, por Joe Biden me të cilin isha tre javë më parë në një event  bamirësie nuk ishte Joe Biden i vitit 2010. Ai nuk ishte as Joe Biden i 2020. Ai ishte i njëjti njeri që pamë të gjithë në debat”, tha ai.

Më pas shtoi: ‘A ishte i lodhur? Po. A ishte ai i ftohtë? Ndoshta. Por liderët tanë të partisë duhet të mos na thonë se 51 milionë njerëz nuk e panë atë që ne sapo pamë. Të gjithë jemi kaq të tmerruar nga perspektiva e një mandati të dytë të Trump, saqë kemi zgjedhur të injorojmë çdo shenjë paralajmëruese. Intervista e George Stephanopoulos vetëm sa përforcoi atë që pamë javën e kaluar. Si demokratë, ne kolektivisht e mbajmë frymën ose e ulim volumin sa herë që shohim presidentin që respektojmë të largohet nga Air Force One ose të kthehet te mikrofoni për t’iu përgjigjur një pyetjeje të papërshkrueshme.

Bëhet fjalë për moshën. Asgje me shume. Por edhe asgjë që mund të kthehet mbrapsht. Ne nuk do të fitojmë në nëntor me këtë president. Për më tepër, ne nuk do të fitojmë Dhomën e Përfaqësuesve dhe do të humbasim Senatin. Ky nuk është vetëm mendimi im, ky është mendimi i çdo senatori dhe guvernatori me të cilin kam biseduar personalisht. Secili prej tyre, pavarësisht se çfarë thonë publikisht…

Le të dëgjojmë Wes Moore dhe Kamala Harris dhe Gretchen Whitmer dhe Gavin Newsom dhe Andy Beshear dhe JB Pritzker dhe të tjerë. Le të bien dakord kandidatët që të mos sulmojnë njëri-tjetrin, por në kohën e shkurtër që kemi, të fokusohemi në atë që do ta bëjë këtë vend të fluturojë lart. Pastaj ne mund të shkojmë në Kongresin e Demokratëve muajin tjetër dhe ta gjejmë atë.“

The post George Clooney për Joe Biden: E dua atë, por ne kemi nevojë për një kandidat tjetër appeared first on Albeu.com.

Legjenda e Hollivudit ka thënë se dëshiron të drejtojë një konsorcium për të blerë klubin e Championship.

Ylli “Eleven Ocean”, George, 60 vjeç, filloi të ndiqte Rams pasi u prezantua me ta nga aktori i lindur në Derby, Jack O’Connell.

Dhe pasi përpjekja e tij për të blerë klubin spanjoll Malaga dështoi në vitin 2020, George la të kuptohej se po synonte një blerje në “Pride Park”.

Ai tha: “Derbi ka një klub të madh futbolli me një histori fantastike dhe jam i sigurt se ka gjithashtu një të ardhme të madhe.

“Unë e di që ka pasur probleme në kohët e fundit, por asgjë nuk mund të rregullohet dhe në këto rrethana ekipi ka punuar shumë dhe ka luajtur mirë.

“Është e qartë për mua, duke parë, se si lojtarët në fushë, edhe tifozët kanë luajtur rolin e tyre në fushë.

“Interesi im për futbollin sigurisht që është rritur vitet e fundit dhe disa vite më parë më pyetën nëse do të doja të përfshihesha me një grup të tjerëve që kërkonin të blinin klubin e futbollit Malaga në Spanjë.

“Ishte një perspektivë mjaft emocionuese, por në fund dështoi. Ndoshta të kesh një klub futbolli është gjëja tjetër më e mirë. Ndoshta, një ditë…”

Klubi me para të kufizuara ka qenë në administrim për gjashtë muaj dhe janë të dëshpëruar për një blerës./ h.ll/albeu.com

The post Aktori i famshëm i Hollywood dëshiron të blejë klubin ku trajner është Rooney appeared first on Albeu.com.

Shtëpia ka një pishinë, një fushë tenisi si dhe 25 hektarë vreshtë për verë dhe rrethohet nga kopështe.

Mësohet se prona i përket shekullit të 18-të, ndërsa u restaurua në vitin 1990 nga arkitekti Bruno Lafourcade.

The post Pishinë, fushë tenisi e e jo vetëm: Pamje nga vila 7 milion dollarëshe e George dhe Amal Clooney (FOTO LAJM) appeared first on Albeu.com.