Këto lëvizje vijnë në kuadër të një rifreskimi të drejtimit vendor, të kërkuar nga kryeministri Edi Rama gjatë një mbledhjeje me drejtuesit e Qarkut Tiranë.

Të emëruarit e rinj janë:

Ilir Mëngra, nënkryetar për punët publike,

Vasilika Vjero, nënkryetare për financat dhe zhvillimin ekonomik,

Blendi Sulaj, nënkryetar për territorin dhe menaxhimin e zhvillimit rural,

Gentian Keri, nënkryetar për administratën e Bashkisë.

Emërimet janë bërë nëpërmjet një procesi seleksionimi, ku kriteri kryesor ka qenë vlerësimi mbi bazë të meritokracisë, me synimin për të rritur efektivitetin në qeverisjen vendore.

Ndryshimet nuk prekin kryetaren e komanduar të Bashkisë së Tiranës, Anuela Ristani, e cila do të vijojë të ushtrojë funksionet e saj dhe të delegojë firmën e Erion Veliajt, i cili ndodhet në arrest që prej datës 10 shkurt 2025, pas urdhrit të lëshuar nga SPAK.

Ky rikonfigurim i drejtimit bashkiak, konsiderohet si pjesë e një reformimi të thelluar në administratën vendore të kryeqytetit.

The post Dorëheqjet në Bashkinë Tiranë/ Ja kush do të jenë 4 nënkryetarët e rinj (EMRAT) appeared first on Albeu.com.

“Ora News” ka mësuar se 4 personat që janë në hetim quhen Gentian Këri, me detyrë ish-kryetar i Komisionit të Prokurimeve Publike, Spiro Kuro, me detyrë zv/kryetar i këtij komisioni dhe dy anëtarët Leonard Gremshi dhe Hektor Balluku.

Të 4 këta persona, dy ish-ministrat, zyrtarë të tjerë në ministrinë e Shëndetësisë dhe kompaninë konçesionare “Sani Service”, janë duke u hetuar nga SPAK, pas një vendimi detyrues nga gjykata për të thelluar veprimet hetimore.

Sipas këtij dokumenti, 4 zyrtarët e KPP, janë njerëzit që në 23 shtator 2015 kanë marë në shqyrtim ankesën e Bashkimit të Operatorëve Ekonomike, “Action Laundry”, “S.S.I”, “Mario Gugliemo” dhe “Brema Ambiente”, kompani këto që janë renditura humbesë në garën për konçesionin e sterilizimit.

Bashkimi i këtyre kompanive, kërkonin nga KPP, të shfuqizonte vendimin e muajit Maj 2015 të Komisionit të Dhënies së Konçesionit në Ministrinë e Shëndetësisë, tek kompanitë fituese që udhëhiqeshin nga “Servizi Italia” dhe “Investital” e Ilir Rrapaj.

Sipas ankesës së “Action Laundry” përllogaritej që konsorciumi i udhëhequr nga “Servizi Italia” S.p.a, që u klasifikua i pari, e ofroi shërbimin për 1 vit në vlerën e 1 miliardë lekë, kundrejt ofertës 753 milion lekë të ofruar nga grupi i operatorëve të udhëhequr nga “Action Laundry”, që u rendit e dyta.

Kompania me qendër në Durrës pretendoi se diferenca për 1 vit kap vlerën 250 milion lekë, ose për 10 vjet një vlerë prej 2.5 miliardë lekë më pak të shpenzuara (17.8 milionë euro).

Por në shtator 2015, KPP-ja ka pranuar pjesërisht ankesën e “Action Laundry” dhe i ka kërkuar Ministrisë së Shëndetësisë të rivlerësojë ofertat, pasi ka vërejtur se mbledhja e pikëve në vlerësimin e parë kishte gabime matematikore.

Katër anëtarët e KPP-së në vendimin prej 46 faqesh argumentonin se:

“…në respekt të parimit të transparencës dhe barazisë si dy ndër parimet kryesore të zhvillimit të procedurës së dhënies së koncesionit, autoriteti kontraktor (Ministria e Shëndetësisë) ka gabuar në mbledhjen aritmetike të pikëve në total… Sa më sipër, Komisioni i Prokurimit Publik gjykon se autoriteti kontraktues në rivlerësimin e procedurës duhet të kryejë edhe mbledhjen e saktë aritmetike të pikëve dhënë operatorëve ekonomikë pjesëmarrës në këtë procedurë…”.

Pas këtij vendimi detyrues nga KPP, procedura e mbledhjes së pikëve është mbajtur në datën 28 shtator 2015 në Ministrinë e Shëndetësisë. Dhe pikërisht në këtë ditë është shpallur fituesi ku sërish ka qenë bashkimi i operatorëve “Servizi Italia”.

Por çuditërisht, këtë herë kjo kompani ka marrë më shumë pikë se në vlerësimin e parë.

Nga 73.98 pikë që kishte fituar në vlerësimin e parë, tani ishte vlerësuar me 91.03 pikë. Pra me një diferencë prej 22 pikësh më shumë.

Në anën tjetër, bashkimi i operatorëve që përfaqësohej nga “Action Laundry” ka marrë 45 pikë, nga 42.83 që kishte marrë në rivlerësimin e parë.

Pas këtij vednimi në muajin dhjetor 2015 Ministri Ilir Beqja, ka firmosur kontratën koncesionare, duke kthyer koncesionin e sterilizimit të paisjeve kirurgjikale, kontratën më të shtrenjtë të partneritetit publik privat të qeverisë “Rama” në sektorin e shëndetësisë.

Kjo kontratë deri në fund të vitit 2022, i ka kushtuar taksapaguesve shqiptarë, rreth 76 milionë euro.

The post Zbulohen 4 emrat e tjerë që po hetohen për sterilizimin. Gentian Këri dhe 3 anëtarë të KPP, në skaner bashkë me Canin dhe Beqjan appeared first on Albeu.com.