Sipas Prokurorisë, hetimet e procedimit penal nr.1944/2024 kanë zbuluar se persona të armatosur kanë kaluar rrethimin e jashtëm të banesës së Bejtjes, kanë hyrë në oborr dhe kanë qëlluar disa herë me armë zjarri, duke i shkaktuar atij vdekjen e menjëhershme. Minuta më vonë, në fshatin Hasan, Fushë-Krujë, është gjetur duke u djegur një automjet tip Land Rover, i përdorur nga autorët për t’u larguar nga vendngjarja.

Nga provat e administruara, Prokuroria thotë se Ilir Beqaraj, ka qenë në zona pranë banesës së Bejtjes përpara ngjarjes, gjë që vërtetohet nga të dhënat e GPS-it të automjetit që ai kishte marrë me qira.

Më tej, ekspertiza biologjike ka konkluduar se në automjetin Volkswagen Golf të zi, në pronësi të E.H., të arrestuar më 19 mars 2024 dhe i përdorur nga autorët pas djegies së Land Rover-it, është identifikuar profili gjenetik i Beqarajt, si dhe i personave F.P. dhe E.H., të dyshuar se kanë marrë pjesë në ekzekutim.

Pas hetimeve, Prokuroria ka veçuar procedimin penal ndaj Beqarajt më 28 shkurt 2025, duke e konsideruar atë bashkëpunëtor dhe ndihmës në vrasjen e Gentian Bejtjes.

Prokuroria kërkon shpalljen fajtor të Ilir Beqarajt për tre vepra penale:

-“Vrasje me paramendim” në bashkëpunim – neni 78/1 dhe 25 i Kodit Penal
Dënimi i kërkuar: 21 vite burgim.

-“Mbajtje pa leje e armëve dhe municionit”, në formën e mbajtjes në banesë – neni 278/4 i Kodit Penal
Dënimi i kërkuar: 2 vite burgim.

-“Falsifikimi apo përdorimi i dokumenteve të falsifikuara” – neni 189/1 i Kodit Penal
Dënimi i kërkuar: 1 vit burgim.

The post Vrasja e Gentian Bejtjas, Prokuroria kërkon 23 vite burg për autorin e dyshuar appeared first on Albeu.com.

Ilir Beqaraj, i cili ka përdorur dhe mbiemrat Brahimi dhe Mançellari, është marrë i pandehur për veprat penale “Vrasje me paramendim” kryer në bashkëpunim, “Mbajtje pa leje dhe prodhim të armëve” dhe “Falsifikim i letërnjoftimeve, pasaportave”.

Nga hetimet e Prokurorisë ka rezultuar se Ilir Beqaraj, ka ndihmuar vrasësit duke i larguar nga vendi i ngjarjes, pas atenatit.

“Ky shtetas me veprimet e tij aktive ka mundur të largojë autorët e vrasjes nga vendi i ngjarjes, duke i çuar ata në fshatin Hasan ku edhe kanë mundur të djegin makinën me të cilën kryen vrasjen, kjo e dokumentuar edhe nga pamjet filmike të administruara nga prokuroria. Teksa u provua se ky shtetas në kohë të ndryshme me mjetin e tij ka qenë në afërsi të banesës së viktimës.

Nga hetimet rezultoi se në automjetin e përdorur nga autorët për t’u larguar menjëherë pas djegjes së automjetit me të cilin u krye vrasja, është përfituar profil gjenetik i shtetasve, Ilir Beqaraj dhe F.P. të cilët dyshohet se kanë pasur rol në vrasjen e shtetasit Gentjan Bejtja”, – njofton organi i akuzës.

Prokuroria thotë se hetimet vijojnë për persona të tjerë të përfshirë.

Ilir Beqaraj,  është arrestuar që në muajin Mars të vitit 2024, i cili u vu në pranga bashkë me Edison Haxhiun, pas analizimit të pamjeve filmike nga grupi hetimor.

Ai ishte zhvendosur në Tiranë, ku jetonte me qira në një vilë luksoze në Lundër, ku nga kontrolli i ushtruar i janë gjetur edhe dy pistoleta, njëra me leje dhe tjetra pa leje.

Zhvendosja në kompleksin luksoz, ku qëndrojnë disa nga eksponentët e krimit të organizuar në Shqipëri, kishte bërë që ai të punësonte Edison Haxhiun, me qëllim për të kryer disa punë të familjes, përfshirë dhe transportimin e fëmijëve të Beqaraj në shkollë.

Vrasësit e Gentjan Bejtjas, kanë qenë me një automjet “Range Rover”, ku shofer dyshohet se ka qenë Ilir Beqaraj, dhe pas atentatit e dogjën në fshatin Hasan.

Prej andej ata janë larguar me një automjet “Golf 7”, e cila përdorej nga Edison Haxhiu dhe Ilir Beqaraj.

The post Vrasja e Gentian Bejtjas/ Dërgohet për gjykim Ilir Beqaraj, largoi vrasësit nga vendi i ngjarjes appeared first on Albeu.com.

Makina e autorëve pasi është identifikuar nga kamerat e sigurisë, është gjurmuar nga hetuesit në afërsi të zonës së Lundrës në një lavazh, ku Edison Haxhiu, e ka dërguar për ta larë në mënyrë që të fshinin gjurmët, por është ndërhyrë menjëherë nga policia dhe është arrestuar.

Ish-polici i Burgjeve, Gentian Bejtja, u ekzekutua pasditen e 15 Marsit, brenda rrethimit të banesës së tij në Larushk të Fushë-Krujës.

Të arrestuarit për këtë ngjarje kriminale janë Ilir Beqaraj dhe Edison Haxhiu.

The post Vrasja e Gentian Bejtjas/ Të arrestuarit nuk pranojnë të bashkëpunojnë me hetuesit appeared first on Albeu.com.