“Nuk do të toleroj më”/ Ish-bashkëshorti doli me fatura, reagon Jonida Maliqi

D Marku — Tue, 19 Nov 2024 15:08:47 +0000

Jonida Maliqi ka bërë një hap të ri, duke paditur ish-bashkëshortin e saj, Gent Prizrenin, për mosplotësimin e detyrimeve ekonomike ndaj djalit të tyre, Dan. Pas 8 vitesh nga divorci, Jonida, e shoqëruar nga avokati i saj, u paraqit ditën e djeshme në Gjykatën e Tiranës, duke kërkuar që ish-partneri i saj të përmbushë angazhimet financiare të marra për mbështetje të fëmijës së tyre.

Sipas kërkesës së Jonidës, ata kishin rënë dakord që Gent Prizreni të paguante një shumë prej 2 mijë eurosh çdo muaj për nevojat e Danit. Këngëtarja ka kërkuar që ky marrëveshje të zbatohet, duke i kërkuar ish-bashkëshortit që të respektojë detyrimet që ka marrë përsipër ndaj fëmijës së tyre.

Në reagimin e tij të menjëhershëm, Gent Prizreni publikoi disa dokumente dhe fatura bankare që vërtetojnë se ka derdhur shuma të caktuara në llogarinë e Jonidës, duke i dhënë përgjigje pretendimeve të saj. Ai e ka mbështetur qëndrimin e tij me prova konkrete që sipas tij, tregojnë se ka përmbushur detyrimet e tij financiare.
Megjithatë, këngëtarja nuk ka mbetur pa reaguar. Pasi ai publikoi faturat, Jonida u shpreh në rrjetet e saj sociale, duke lënë një mesazh që duket se ka pasur një qëllim të drejtpërdrejtë.

“Çfarë kam toleruar më parë, nuk do e toleroj sërish dhe jam e vendosur në këtë! Mbaj mend tetor 2022 deri në mars 2023,” shkroi Jonida, duke lënë të kuptohet se ka kaluar një periudhë të vështirë, dhe se nuk do të lejojë më të tolerojë sjellje që nuk janë në interesin e djalit të saj.

The post “Nuk do të toleroj më”/ Ish-bashkëshorti doli me fatura, reagon Jonida Maliqi appeared first on Albeu.com.

Ka punuar me shumë moderatorë dhe aktorë të njohur, por kë zgjedh Gentian Zenelaj si “kolegun e tij të preferuar”

E S — Tue, 20 Sep 2022 12:32:30 +0000

Aktori Gentian Zenelaj është prej vitesh tashmë pjesë e artit dhe e ekraneve shqiptare. E kemi parë në rolin e aktorit të humorit, më pas në atë të moderatorit, ku si rrjedhojë ka punuar me shumë emra të tjerë të njohur të botës së televizionit dhe spektaklit.

Mes shumë kolegëve, disa prej të cilëve janë edhe miq të tij, Gentit iu kërkua sot gjatë një interviste të veçojë njërin prej tyre me të cilin ka pasur më shumë kimi.

Gazetarja: Ke dhënë shumë shfaqje në skenë por ke punuar edhe me shumë të tjerë në televizion, me kë ke më shumë kimi?

Zenelaj u shpreh fillimisht se është një person që përpiqet të jetë pozitiv dhe të kalojë mirë me të gjithë, por si emër ai veçoi atë të Saimir Kodrës. Ky i fundit ka punuar prej disa vitesh tashmë me Gentian Zenelaj në emisionin “Stop.”

“Të them të drejtën, unë kam alkimi me të gjithë por përderisa kam kimi me Saimirin. Kam 8 vite, kemi alkimi shumë të mirë, Saimir është në linjën e vet, unë jam në linjën time. Pra jemi si uji me çokollatën për njëri-tjetrin. Unë kaloj mirë me njerëzit, përpiqem të jem pozitiv”, tregoi aktori.

The post Ka punuar me shumë moderatorë dhe aktorë të njohur, por kë zgjedh Gentian Zenelaj si “kolegun e tij të preferuar” appeared first on Albeu.com.

genti Archives - Albeu.com

“Nuk do të toleroj më”/ Ish-bashkëshorti doli me fatura, reagon Jonida Maliqi

Ka punuar me shumë moderatorë dhe aktorë të njohur, por kë zgjedh Gentian Zenelaj si “kolegun e tij të preferuar”