Ajo u shpreh se në janar 2025, Kryeministri Edi Rama, zhvilloi një konferencë për shtyp me rastin e hapjes së rezidencës artistike Vila 31 x Art Explora, ku u deklarua publikisht se rinovimi i kësaj godine ishte kryer nga një studio arkitekturore ndërkombëtare.

Sipas saj nëse rinovimi i kësaj godine është kryer nga studio e huaj me mbështetje të një fondacioni ndërkombëtar, atëherë Kryeministri ka detyrimin të sqarojë publikisht se ku kanë përfunduar 1.2 milion euro nga paratë e taksapaguesve shqiptarë?

Deklarata e zëdhënëses së Antikorrupsionit në PD, Genta Vangjeli:

Në janar 2025, Kryeministri Edi Rama zhvilloi një konferencë për shtyp me rastin e hapjes së rezidencës artistike Vila 31 x Art Explora, ku u deklarua publikisht se rinovimi i kësaj godine ishte kryer nga një studio arkitekturore ndërkombëtare.

Në njoftimet publike në rrjetet sociale, faqja zyrtare e Vilës 31 x Art Explora bën me dije se në Prill 2025, godina është rinovuar me mbështetjen e fondacionit Art Explora në Francë.

Restaurimi i Vilës 31 është prezantuar si një punë e kryer nga studio arkitekturore NeM Architects.

Por dokumentet zyrtare tregojnë një histori tjetër.

Rezulton se 1.2 milion euro nga fondet publike janë prokuruar më herët për rikonstruksionin e Vilës 31 nga Drejtoria e Shërbimeve Qeveritare, me miratim të Kryeministrit.

Madje, operatori ekonomik ‘Valona Konstruksion shpk’ është shpallur fitues i tenderit, dhe më 21 korrik 2023 ka lidhur kontratën nr. 144/17 me Drejtorinë e Shërbimeve Qeveritare, me afat realizimi 12 muaj, pikërisht për rikonstruksionin e Vilës 31.

Këto fakte ngrenë dyshime serioze për mënyrën se si janë përdorur paratë e shqiptarëve.

Nëse rinovimi i kësaj godine është kryer nga studio e huaj me mbështetje të një fondacioni ndërkombëtar, atëherë Kryeministri ka detyrimin të sqarojë publikisht:

Çfarë punimesh ka realizuar konkretisht operatori fitues Valona Konstruksion shpk?

Ku kanë përfunduar 1.2 milion euro nga paratë e taksapaguesve shqiptarë?

Transparenca për fondet publike nuk është çështje propagande, por detyrim ligjor dhe moral ndaj qytetarëve.

Çdo mospërputhje mes deklarimeve publike dhe dokumenteve zyrtare kërkon sqarim të menjëhershëm dhe të plotë, sepse shqiptarët nuk mund të trajtohen si spektatorë të propagandës së qeverisë, ndërsa miliona euro nga taksat e tyre mbeten pa përgjigje.

The post Denoncimi i PD, Vangjeli: Rinovimi i Vilës së ish-diktatorit 1.2 milionë euro me para publike, Rama deklaroi se u financua nga Art Explora appeared first on Albeu.com.

Zëdhënësja e Antikorrupsionit në PD, Genta Vangjeli, publikoi data të takimeve të Alex Soros përgjatë viteve të fundit me kryeministrin Edi Rama..

“Nga të dhënat e publikuara, vetëm në vitet e fundit rezulton se Alex Soros ka zhvilluar takime të shumta me Kryeministrin Rama, përfshirë:

• 2021: pushimet, edhe në shoqërinë e KM Rama, gjatë korrikut deri më 2 shtator, si dhe një tjetër takim më 13 nëntor;

• 2022: takime më 9 qershor, 25 gusht, 4 shtator, 23 shtator, 12 nëntor;

• 2023: takime më 17 shkurt, 21 maj, 4 korrik, 3 shtator, 21 shtator, 10 nëntor;

• 2024: takime më 24 janar, 19 shkurt, 5 mars, 18 maj, 8 korrik, 29 gusht, 28 shtator;

• 2025: takime të dokumentuara më 23 janar, 17 shkurt dhe në qershor”, zbuloi ajo.

Vangjeli shprehet se Partia Demokratike kërkon që të hetohen zyrtarisht këto takime, fluturimet e Alex Soros drejt Shqipërisë, arsyet e vërteta të tyre, si dhe çdo veprim i ndërmarrë nga këto kontakte.

“Ka zëra që flasin për mundësimin nga Edi Rama të takimeve konfidenciale të Soros, duke përdorur Shqipërinë si një vend të sigurt e të fshehtë, larg syve të mediave dhe shërbimeve ndërkombëtare të inteligjencës”, theksoi zëdhënësja e PD.

Deklarata e plotë:

Ndryshe nga çdo figurë tjetër e huaj, Alex Soros, ka zgjedhur ta dokumentojë vazhdimisht raportin me Kryeministrin shqiptar, duke publikuar foto dhe momente nga takimet me të.

Pakrahasimisht me çdo personalitet tjetër frekuenca e fotove të publikuara nga takimet me Ramën tregon vetëm një pjesë të kontakteve ndërmjet tyre.

Edhe pse në përqindje shumë më të ulët sesa takimet e tyre reale, frekuenca e fotove të publikuara nga vetë Soros me Ramën është jo vetëm e pazakontë, por tregues i konfidencës ‘vëllazërore’ siç e quan Alex në postimet e tij.

Nga të dhënat e publikuara, vetëm në vitet e fundit rezulton se Alex Soros ka zhvilluar takime të shumta me Kryeministrin Rama, përfshirë:

• 2021: pushimet, edhe në shoqërinë e KM Rama, gjatë korrikut deri më 2 shtator, si dhe një tjetër takim më 13 nëntor;

• 2022: takime më 9 qershor, 25 gusht, 4 shtator, 23 shtator, 12 nëntor;

• 2023: takime më 17 shkurt, 21 maj, 4 korrik, 3 shtator, 21 shtator, 10 nëntor;

• 2024: takime më 24 janar, 19 shkurt, 5 mars, 18 maj, 8 korrik, 29 gusht, 28 shtator;

• 2025: takime të dokumentuara më 23 janar, 17 shkurt dhe në qershor.

Nga këto publikime, del qartë se Alex Soros disa herë në vit, me kohëzgjatje të pazakontë, takohet me Kryeministrin Rama, shpesh në Shqipëri, ku sipas tij, përfundimi i sezonit veror pranë ‘vëllait të tij’ Edi Rama është kthyer tashmë në traditë.

Partia Demokratike kërkon që të hetohen zyrtarisht këto takime, fluturimet e Alex Soros drejt Shqipërisë, arsyet e vërteta të tyre, si dhe çdo veprim i ndërmarrë nga këto kontakte.

Ka zëra që flasin për mundësimin nga Edi Rama të takimeve konfidenciale të Soros, duke përdorur Shqipërinë si një vend të sigurt e të fshehtë, larg syve të mediave dhe shërbimeve ndërkombëtare të inteligjencës.

Ciladoqoftë e vërteta, ajo duhet zbardhur, sidomos tani në dritën e akuzave të Presidentit Trump kundër Soros dhe kërkesës që të hetohet sipas Aktit RICO në Shtetet e Bashkuara.

PD përsërit thirrjen për FBI që, në kuadër të hetimeve në Amerikë të përfshijë edhe aktivitetin e George e Alex Soros në Shqipëri.

The post Thirrja e PD-së: FBI të hetojë aktivitetin e George dhe Alex Soros në Shqipëri! E përdorën si vend të sigurtë e të fshehtë, zhvilluan takime të konfidenciale me Ramën appeared first on Albeu.com.

Sipas Vangjelit, fluturimi i fundit i Ramës drejt Hagës, ku mori pjesë në samitin e NATO-s, u realizua me një avion charter VIP të markës Gulfstream G IVSP, i cili nuk është pronë e shtetit shqiptar dhe dyshohet të jetë marrë me qira me kosto të larta, mes 6,500 dhe 7,500 dollarë për orë fluturimi.

Sipas marrëveshjes së vitit 2020 mes Drejtorisë së Shërbimeve Qeveritare dhe Air Albania, fluturimet e kryeministrit duhet të kryhen me avionin Airbus A319 të regjistruar në emër të shtetit, por për fluturimin në Hagë është përdorur një avion tjetër, çka ngre pyetje mbi zbatimin e marrëveshjes dhe transparencën në shpenzimet.

PD kërkon nga qeveria të publikojë faturën tatimore të këtij udhëtimi, vlerën totale të shpenzuar për charterat e kryeministrit dhe mënyrën e pagesave ndaj ofruesit të shërbimit Air Albania, pasi në databazën e thesarit rezulton vetëm një pagesë simbolike prej 200 mijë lekësh që nga viti 2019.

Deklarata:

Kryeministri shqiptar Edi Rama ka udhëtuar disa ditë më parë drejt Holandës për të marrë pjesë në samitin e NATO-s, duke zbritur në aeroportin Schiphol në Hagë me një avion charter të markës Gulfstream G IVSP VIP, me numër regjistrimi TC-EMR (sipas pamjeve të publikuara nga mediat).

Ky avion nuk është në pronësi të shtetit shqiptar dhe, dyshohet të jetë marrë me qira me një kosto që varion nga 6,500 deri në 7,500 dollarë për orë fluturimi, duke përfshirë karburantin, ekuipazhin, shërbimin VIP dhe udhëtimin privat. Avioni “TC EMR” është i njohur ndërkombëtarisht për fluturimet luksoze dhe përdoret nga klientë të nivelit të lartë.

Në 30 Janar 2020 Drejtoria e Shërbimeve Qeveritare ka lidhur një marrëveshje bashkëpunimi me Air Albania me objekt ofrimin e shërbimit të fluturimeve të posacme charter për KM e RSH.

Sipas pikës 3.1.6 të kësaj akt-marrëveshjeje Air Albania do të vendosë në dispozicion të DSHQ mjetin

Avion Air craft Airbus A319

Kapacitet mbartës 32 persona

Kodi i rregjistrimit TC -ANA

Vitet e përdorimit 20

Pagesat variojnë sipas destinacionit dhe sipas pikës pikës 3.2.4 , DSHQ merr përsipër pagimin e faturës tatimore lëshuar nga Air Albania.

Sipas mediave, e pyetur nga BIRN, Agjencia për Media dhe Informim deklaroi se: “Kryeministria nuk ka paguar ndonjëherë dhe nuk paguan për chartera, por ka një marrëveshje kuadër me kompaninë Air Albania, në një shumë vjetore mesatare të shpenzimeve vjetore të kryeministrit në vitet paraardhëse”.

Qytetarët shqiptarë në fakt meritojnë përgjigje të qarta lidhur me:

A është zbatuar pika 3.2.6 e akt marrëveshjes së lidhur ndërmjet Air Albania dhe DSHQ, duke qenë se avioni me të cilin KM fluturoi në Hagë është i ndryshëm nga ai i përcaktuar në aktmarrëveshje, dhe nëse po, kërkojmë të publikohet dakortësimi me shkrim i Air Albania

Sa është vlera e fluturimit të udhëtimit të KM në Hagë sipas faturës tatimore respektive lëshuar nga ofruesi i shërbimit?

Sa është çmimi i paguar deri tani nga DSHQ për udhëtimet charter të KM?

Duke qenë se në thesar nuk gjejmë fatura të ekzekutuara sipas nominimit akt marrëveshjes dt 30 Janar 2020, si është procedurar me pagesat në favor të ofruesit të shërbimit Air Albania, i cili sipas data bazës së spending data nga thesari që prej v.2019 deri tani, rezulton të ketë përfituar vetëm 200 mijë lek për udhëtime.

The post Partia Demokratike: Pse qeveria fsheh shpenzimet e fluturimeve të Ramës drejt Hagës? appeared first on Albeu.com.

PD solli edhe pamjet për të provuar këtë skandal:

“Zoti Celibashi duhet të jetë me dije se përgjegjësia e KQZ-së fillon me procedurën e prokurimit, zbatimin e saj, lidhjen dhe implementimin e plotë e të suksesshëm të kontratës përfshirë mirëmenaxhimin e fondeve publike.

E meqenëse kontrata është ende në fazë zbatimi të marri masat e parashikuara në aktet ligjore dhe në kontratën respektive kundrejt përgjegjësve të dështimit të përmbushjes së detyrimeve kontraktuale”,– thekson Vangjeli.

Deklarata e plotë:

Në konferencën për shtyp të datës 10 Qershor Kreu i KQZ z. Ilirjan Celibashi u prononcua pa asnjë lloj droje se procesi i votimit nga jashtë është zhvilluar në mënyrë model … dhe shpërndarja e zarfeve në shtetin grek nuk cenoi procesin për mënyrën si u organizua si dhe për integritetin e tij…

Zbatimi i kontratës nr.1358/20 datë 4 prill 2025 së lidhur ndërmjet KQZ dhe kontraktorit DHL kërkon zbatimin e kushteve tërësisht të ndryshme nga sa paraqitet në pamjet në vijim…

Fotot e sapondjekura kanë mbërritur në adresën tonë nga qytetarë që jetojnë në Greqi dhe votuan në këtë vend, të cilët deklarojnë se tërhoqën dhe dorëzuan zarfet me fletët e votimit në magazina ku shiten cigare e jo vetëm….

Ky ishte procesi model sipas z. Celibashi, ku adresat e qytetarëve janë nëpër “tabachino”, dhe zarfet tërhiqen e dorëzohen në këto ambiente.

Këto sa i takon votimit në Greqi, ndërkohë akoma nuk kremi një përgjigje përse DHL nuk paraqet provat e dorëzimit të zarfit tek çdo votues në diasporë, në Itali, Shtetet e Bashkuara apo Mbretërinë e Bashkuar…

Sipas z. Celibashi përgjegjësia e KQZ përfundon te përzgjedhja e operatorit me reputacion sa më të mirë me sa më pak para, si dhe ndërtimi i një kontrate të mirë e cila është ende në zbatim.

Zoti Celibashi duhet të jetë me dije se përgjegjësia e KQZ-së fillon me procedurën e prokurimit, zbatimin e saj, lidhjen dhe implementimin e plotë e të suksesshëm të kontratës përfshirë mirëmenaxhimin e fondeve publike.

E meqenëse kontrata është ende në fazë zbatimi të marri masat e parashikuara në aktet ligjore dhe në kontratën respektive kundrejt përgjegjësve të dështimit të përmbushjes së detyrimeve kontraktuale …

The post Vota e diaspores/ PD denoncon skandalin: Zarfet u tërhoqën në dyqane duhani në Greqi appeared first on Albeu.com.

Duke falenderuar qytetarët për besimin që kanë në qëndrimin e Partisë Demokratike për mbrojtjen e tyre, njoftojmë se banorë të fshatit Bradashesh (Elbasan), kanë paraqitur ankesën e tyre për shtetasin me inicialet D. B., pjesë e strukturave të Policisë së Shtetit.

Personi i mësipërm akuzohet për bllokimin e hapësirave publike duke penguar 3 familje të përdorin rrugën për të shkuar në banesat e tyre.

Për shqetësimin e tyre janë me dije:

Kryeplaku i fshatit Bradashesh;

Inspektoriati i Mbrojtjes së Territorit pranë bashkisë Elbasan;

Shërbimi për Çështjet e Brendshme dhe ankesat pranë Ministrisë së Brendshme;

Drejtoria Vendore e Policisë Elbasan dhe Drejtoria e Përgjithshme e Policisë së Shtetit;

Agjencia e Mbikëqyrjes Policore.

Pas kalvarit të përsëritur 3 herë me lirimin e sheshit nga strukturat shtetërore përkatëse, shtetasi i mësipërm ka ribllokuar hapësirën publike, duke krijuar konflikt me banorët e prekur nga fenonemi dhe duke injoruar zbatimin e detyruar të ligjit.

Inspektoriati i Mbrojtjes së Territorit pranë bashkisë Elbasan me anë të vendimit nr.212, datë 19.09.2020 ka urdhëruar prishjen e objektit të kundraligjshëm dhe lirimin e rrugës për banorët.

Bllokuesit e rrugës kallëzuar për veprën penale të “vetëgjygjësisë” nga banorët të cilëve i pengohet kalimi në hapësirën publike, paditën vendimin e IMT Bashkia Elbasan, duke kërkuar pavlefshmërinë e tij dhe deri në përfundim të gjykimit të çështjes gjykata ka nxjerrë vendimin e ndërmjetëm për marrjen e masës së sigurimit të padisë.

Vetë z. Muhamet Rrumbullaku, vlerëson shqetësues veprimet e punonjësit të komisariatit të Policisë Elbasan D. B. të cilat kanë cenuar imazhin e punonjësit të Policisë së Shtetit në sytë e publikut.

Partia Demokratike, kërkon marrjen e masave urgjente ndaj punonjësit të policisë së shtetit që ka bllokuar rrugën, lirimin e menjëhershëm të hapësirës publike, dhe zgjidhjen e menjëhershme të shqetësimit të qytetarëve të cilët sikurse vërtetojnë këto pamje se vetë ata, të moshuarit dhe fëmijët e tyre detyrohen të kalojnë nëpër përrua për të bërë të mundur daljet dhe mbërritjen në banesat e tyre.

Qeverisja e Edi Ramës, nuk siguron dot as përdorimin e hapësirës publike, nuk mundëson dot as shërbimet bazë ndaj qytetarëve të cilët duhet të presin me vite, derisa e drejta e tyre të njihet nga gjykata..

Bashkë të çlirojmë Shqipërinë nga padrejtësitë ….

Partia Demokratike do jetë gjithmonë në shërbim të qytetarëve …

The post Genta Vangjeli: Polici në Elbasan bllokon hapësirën publike, asnjë institucion nuk u shkon në ndihmë banorëve appeared first on Albeu.com.

Në këtë kuadër, vetëm 35 kandidatë janë raportuar si të pezulluar apo dorëhequr, duke ngritur shqetësime të mëdha nga ana e PD-së për ligjshmërinë e kandidimit të pjesës tjetër të listës.

Në vijim, Partia Demokratike argumenton në detaje bazën kushtetuese dhe ligjore që sipas saj nuk lejon interpretim të dyfishtë ndërmjet dorëheqjes dhe pezullimit, dhe kërkon që KQZ të përjashtojë nga kandidimi ata individë që nuk kanë respektuar në mënyrë të plotë këtë standard ligjor.

Deklarata:

Në përgjigje të kërkesës zyrtare së Partisë Demokratike me objekt: “Dhënie informacioni”, Komisioni Qendror i Zgjedhjeve paraqiti listën me emrat e kandidatëve për deputetë të Partisë Socialiste të cilët kanë deklaruar pezullimin apo dorëheqjen nga funksioni përkatës nëpërmjet deklaratës së pranimit të kandidimit sipas modelit përkatës miratuar me Udhëzimin e Komisionerit Shtetëror të Zgjedhjeve nr. 2, datë 22.01.2025.

Konkretisht sipas KQZ janë deklaruar të pezulluar apo dorëhequr nga funksioni vetëm 35 kandidatë nga lista e plotë e kandidaturave të PS.

Partia Demokratike po ndjek me vëmendje zbatimin e detyrimeve ligjore për të gjithë kandidatët e jo vetëm këta 35, e në këto kushte :

Ju ridrejtua KQZ për të verifikuar ligjshmërinë e kandidimit për të tjerë zyrtarë të lartë të cilët nuk janë pjesë e listës me 35 emrat të administruar nga KQZ, duke mos konsideruar standartin ligjor.

Në përmbushje të nenit 69 të Kushtetutës së RSH dhe sa i takon Kodit Zgjedhor si ligje supreme mbi të gjitha ligjet e tjera, dhe përmbushjes së nenit 63 pika 4/g të tij, ligjvënësi ka përcaktuar në mënyrë taksative “heqjen dorë” si detyrim ligjor që duhet të përmbushet nga secili kandidat, që do të thotë largimin nga detyra shtetërore dhe nuk ka lënë asnjë hapsirë opsionale si “pezullimi” që nënkupton ndalimin përkohësisht të funksionit ose ndërprerjen e tij për një farë kohe për tu rikthyer në detyrë në pamundësi të fitores së mandatit të deputetit.

Prandaj, për secilin kandidat i cili ka zgjedhur pezullimin mbështetur në dispozita të tjera ligjore që nuk prevalojnë mbi kodin zgjedhor e as Kushtetutën e RSH, ku citohet shkurt dhe qartë “heqja dorë” , Partia Demokrative kërkon nga KQZ të mos trajtojë si të barazvlefshme “heqjen dorë” me “pezullimin” dhe të përjashtojë kandidatët për këto arsye :

a.moszbatim të Kushtetutës së RSH neni 69;

b.moszbatim të Kodit Zgjedhor të RSH, nenin 63 pika 4/g;

c. moszbatim të Udhëzimit të KSHZ nr.2 datë 22 Janar 2025, “Për Përcaktimin e rregullave për depozitimin dhe verifikimin e dokumentacionit të kandidimit…….”,

d. moszbatim të Deklaratës për pranimin e kandidimit;

dh.sqarimit mbi mënyrën e plotësimit të dokumentit Deklaratë e Kandidadit për hapje llogarie bankare të posaçme,

e. Parandalimin e përdorimit të aseteve dhe burimeve njerëzore të institucionit për qëllime zgjedhore sipas nenit 91 të Kodit Zgjedhor cilësuar njëkohësisht si vepër penale parashikuar nga neni 328/a i Kodit Penal të RSH , nga kandidatët e njëkohësisht titullarë të padorëhequr por të pezulluar momentalisht me potencial rikthimi pas rezultatit zgjedhor.

Kategoritë e funksionarëve shtetërorë të përcaktuar në nenin 69 të Kushtetutës nuk mund të kandidojnë e as të zgjidhen deputetë, pa hequr dorë nga detyra.

Mandati i fituar në kundërshtim me sa më lart është i pavlefshëm dhe PD po ndjek e do vijojë me secilin rast.

The post Genta Vangjeli për KQZ-në: Kandidatët e PS që nuk japin dorëheqje nga posti, të mos lejohen të marrin pjesë në zgjedhje appeared first on Albeu.com.

Sipas saj, edhe pse janë paguar rreth 43 milionë lekë për ndërtimin e kësaj godine, ajo nuk është ndërtuar kurrë, një fakt që është vërtetuar nga fotot e marra në terren.

Gjithashtu, Vangjeli theksoi se ky është një rast tjetër abuzimi me fondet publike dhe se ka dyshime për shkelje të ligjit dhe abuzim me detyrën shtetërore.

Ajo i bëri thirrje SPAK-ut të ndërmarrë hetime të thelluara për këtë çështje dhe të dërgojë për gjykim ata që kanë shkelur ligjin dhe kanë vjedhur paratë e shqiptarëve.

Deklarata:

Në datën 5 Mars 2025 aktivistët Aurel Kujtimi dhe Andrea Bregu kallëzuan në SPAK Kryetarin e Bashkisë së Tiranës Erion Veliaj dhe ish-drejtoreshën e RSU nr.1 Anila Shehu për një tjetër aferë korruptive lidhur me procesin e rindërtimit e konkretisht ndërtimin e godinës tip në RSU NR.1 (Nr.19) në Qytetin Studenti.

Studentët treguan se përveç mohimit të së drejtës për informim lidhur me këtë rast:

Së pari, ekzistojnë dyshime për abuzim me detyrën shtetërore ku dëmi është i dyfishtë qoftë me fondet publike por edhe me gjurmën dhe territorin e pretenduar për t’u ndërtuar godina nr. 19,

Së dyti, godina nuk u ndërtua kurrë vërtetuar nga fotot e marra në terren,

Së treti, për këtë godinë u paguan rreth 43 milionë lekë të vjetra në favor të kontraktorit i cili do kryente ndërtimin.

Partia Demokratike kreu verifikimet e saj për procedurat e kryera nga bashkia Tiranë për ndërtimin e godinës 19 dhe rezultuan këto fakte shtesë:

Në datën 6 Dhjetor 2019 Erjon Veliaj në cilësinë e kryetarit të AK bashkia Tiranë, zhvillon procedurën me negocim me objekt shembja e ndërtesave godina 15,18,19 në qytetin studenti dhe kontraktori ishte kompania ARB & Trans 2010 shpk e cila ka qenë deri në vitin 2018 në pronësi të drejtpërdrejtë të Administratorit të Njësisë Administrative Zall Herr të bashkisë Tiranë, të përfshirë në aferën e 5 D, Arben Maloku dhe aktualisht në pronësi të babait të tij.

Sipas Spending Data për këtë procedurë ky subjekt u pagua 25.2 milion lekë ekzekutuar në datën 4 Mars 2020 dhe 20 Shtator 2020.

Përveç pagesës për punë të pakryer në vlerën 4.3 mil lekë në favor të ndërtuesit ekzekutuar në dt. 8 Shtator 2023, Erjon Veliaj në datën 12 Nëntor 2021 ka lidhur kontratën me objekt mbikëqyrja e punimeve për objektin rikonstruksion i godinës TIP në RSU nr.1 (nr.19) me operatorin Instituti ‘Dekliada’ shpk në pronësi drejtorit të Ministrisë së Infrastrukturës dhe Energjisë Mehmet Hasalami, subjekt ky i kontraktuar nga bashkia Tiranë ndër të tjera edhe për vlerësimin e objekteve të dëmtuara nga tërmeti 26.11.19, rindërtim banesash apo godinës RSU 3 nr.4.

Edhe pse sipas Spending Data nuk rezulton pagesë e përfituar nga ky subjekt për godinën 19 në RSU 1, prezent dhe fakt është se në zbatim të ligjit nr.8402 datë 10.09.1998 Për kontrollin dhe disiplinimin e punimeve të ndërtimit, i ndryshuar, neni 7, si dhe VKM nr.610, datë 22.09.2022 Për përcaktimin e rregullave të detajuara për mënyrën e caktimit të mbikëqyrësit, detyrat dhe përgjegjësitë e tij, kushtet dhe elementet e përgjithshme të sigurimit të përgjegjësisë profesionale, si dhe rregullat, procedurat dhe mënyrën e mbajtjes së dokumentacionit gjatë zhvillimit të punimeve, neni 7 e vijues, mbikëqyrësi i punimeve është i detyruar të kontrollojë dhe është përgjegjës për zbatimin e punimeve të ndërtimit, në përputhje me lejen e ndërtimit, projektin, kushtet teknike të projektimit, të zbatimit, si dhe destinacionin e objektit.

Gjithashtu, situacionet e paraqitura nga sipërmarrësi, në fazat e ndryshme të punimeve kontrollohen dhe miratohen nga mbikëqyrësi i punimeve. Pagesa mund të kryhet vetëm në bazë të këtij miratimi.

Çfarë situacionesh ka miratuar mbikëqyrësi kur në këtë objekt nuk ka ndërtim…

Partia Demokratike ka denoncuar disa herë përdorimin e fatkeqësive natyrore duke abuzuar me dashje me keqmenaxhimin e ndarjen e parave publike dhe rasti i mësipërm është një tjetër shembull.

Në këto kushte apelojmë SPAK të konkludojë me hetimet respektive për këtë aferë të kallëzuar nga studentët dhe dërgojë për gjykim shkelësit e ligjit dhe vjedhësit e parave të shqiptarëve.

The post Genta Vangjeli: Godina Nr.19 në “Qytetin Studenti” nuk u ndërtua kurrë, edhe pse u paguan 43 mln lekë nga Bashkia Tiranë appeared first on Albeu.com.

Sipas PD, këto shkelje janë raportuar pranë Komisionit Qendror të Zgjedhjeve, por deri tani nuk janë marrë masa ndaj përgjegjësve.

Gjithashtu, Vangjeli tha se për 16 raste është filluar hetimi administrativ, ndërkohë që për 6 raste nuk është nisur asnjë hetim dhe për 2 raste është vendosur pushimi i hetimit.

Ajo theksoi se, për të gjitha rastet që janë duke u hetuar, nuk janë marrë masa penalizuese nga KQZ, duke kërkuar nga ky organ të ndërmarrë masa konkrete për të parandaluar veprimet e paligjshme dhe të sigurojë zhvillimin e një gare zgjedhore të ndershme dhe të barabartë për zgjedhjet parlamentare të 11 Majit.

Partia Demokratike, ka kërkuar veprime të menjëhershme për të mbrojtur procesin zgjedhor dhe për të parandaluar ndikimet e mundshme të ministrave dhe zyrtarëve të lartë qeveritarë.

Deklarata:

“Mbështetur në të dhënat e administruara nga PD lidhur me evidencat tona që kanë të bëjnë me shkelje administrative gjatë procesit të deritanishëm parazgjedhor, bëjmë me dije se:

Deri tani janë denoncuar pranë Komisionit Qendror të Zgjedhjeve 27 raste të cilat lidhen me shkelje të kryera nga zyrtarë të kabinetit qeveritar si Belinda Balluku, Ogerta Manastirliu, Blendi Gonxhe, apo të tjerë zyrtarë përfaqësues të institucioneve shtetërore qëndrore dhe vendore.

Për këto 27 raste ankimimi KQZ ka vendosur:

Pranimin e tyre dhe fillimin e hetimit administrativ për 16 raste;

Mosfillim hetimi për 6 raste;

Pushim të hetimit për 2 raste.

Për të gjitha rastet për të cilat ka nisur hetim administrativ nuk kemi ende masa penalizuese të marra nga Komisioni Qendror i Zgjedhjeve.

Partia Demokratike kërkon nga KQZ marrjen e masave konkrete për shkeljet e evidentuara dhe shkelësit konkretë për të penguar kryerjen e veprimtarive publike të ndaluara sipas Kodit Zgjedhor të RSH, Vendimit nr.9/2020 të Komisionit Rregullator, veprime këto të cilat nuk sigurojnë mbarëvajtjen e procesit zgjedhor dhe cenojnë zhvillimin e një gare të ndershme dhe të barabartë ndërmjet palëve për zgjedhjet parlamentare të 11 Majit”, shprehet Genta Vangjeli.

The post Partia Demokratike: Ministrat e Ramës 27 shkelje të Kodit Zgjedhor deri tani, por KQZ nuk ka dhënë asnjë masë ndaj tyre appeared first on Albeu.com.

Ajo thekson se kjo pronë e ligjshme e saj, u shfrytëzua qetësisht si njësi tregtare nga Dhana deri në momentin kur ka rënë tërmeti në vitin 2019.

Vangjeli shton gjithashtu, se lokali nuk ishte dëmtuar sa për tu shembur dhe kjo theksohet edhe sipas verifikimeve të komisioneve përkatëse.

Ajo tha së në këtë truall, u rindërtua i njëjti pallat dhe në katin e parë njësia tregtare qëndron bosh që nga momenti i rindërtimit.

Në pritje të rimarrjes së pronës së saj ligjore dhe si i vetmi mjet me të cilin siguron të ardhurat familjare, Dhana nëpërmjet avokatit të saj i është drejtuar fillimisht Bashkisë Lezhë, dhe përfaqësuesve të institucioneve të tjera dhe përgjigja e tyre ishtese do dali vendimi i qeverisë se si do veprohet me këtë njësi tregtare.

Vangjeli thekson se Simonele Floriri, drejtoresha e Rindërtimi pranë Bashkisë Lezhë, i ka shpjeguar verbalisht të interesuarës se kjo njësi tregtare, do të bëhej çerdhe për komunitetin dhe për këtë është marrë vendim nga institucioni i Bashkisë.

Deklarata e zëdhënëses së antikorrupsionit në PD, Genta Vangjeli:

Procesi i rindërtimit si për shumë shtetas të tjerë dëmtoi edhe një qytetare të Lezhës. Znj. Betulla Veli Dhana përpara pak ditësh paraqiti pranë Partisë Demokratike denoncimin lidhur me pasurinë e saj me sipërfaqe 56 m2, me vendndodhje në katin e parë të pallatit nr. 98 në Lagjen Gurra, Lezhë, vërtetuar nga certifikata e pronësisë.

Kjo pronë e ligjshme e saj u shfrytëzua qetësisht si njësi tregtare nga znj.Dhana deri në momentin kur ka rënë tërmeti në vitin 2019, i cili e dëmtoi sipas verifikimeve të komisioneve përkatëse, ndonëse lokali sipas denoncueses nuk ishte dëmtuar aq sa për tu prishur.

Kështu u rindërtua i njëjti pallat që ka patur nr. 98, në katin e parë të së cilit e njëjta njësi tregtare gjithashtu, e cila qëndron bosh që nga momenti i rindërtimit. Në pritje të rimarrjes së pronës së saj ligjore dhe si i vetmi mjet me të cilin siguron të ardhurat familjare, znj. Dhana nëpërmjet avokatit të saj i është drejtuar fillimisht Bashkisë Lezhë, dhe përfaqësuesve të institucioneve të tjera dhe përgjigja e tyre ishte: Do dali vendimi i qeverisë se si do veprohet me këtë njësi tregtare.

E njëjta kërkesë i është drejtuar Kryeministrit Rama dhe premtimi ishte se do merrnin përgjigje së shpejti… Topi ping pong me pronën dhe bukën e qytetares së thjeshtë vazhdoi…. Znj. Simonele Floriri prezantuar si Drejtoresha e Rindërtimi pranë Bashkisë Lezhë i ka shpjeguar verbalisht të interesuarës se kjo njësi tregtare, do të bëhej çerdhe për komunitetin dhe për këtë është marrë vendim nga institucioni i Bashkisë, e për informacion të mëtejshëm znj. Dhana duhej të drejtohej me shkrim.

Sipas kësaj porosie, denoncuesja dërgoi kërkesë për informacion e cila përfundoi në dorën e drejtorit të zyrë së Urbanistikës pranë Bashkisë Lezhë, por pa sukses, përgjigja ishte e njëjtë: duhet të dilte vendimi i qeverisë.

Atëherë zonja i ridrejtohet KM Rama por edhe pas përgjigjes, asnjë zgjidhje për rimarrjen e pronës njësi tregtare të znj. Dhana. Ajo theksoi se ka mësuar nga burime jozyrtare se prona e saj do të bëhet çerdhe për fëmijë dhe në vendin ku ka qenë çerdhja do ndërtohet një pallat.

Së fundi znj. Dhana i është drejtur organeve të hetimit për shkeljet e evidentuara. Që shteti shqiptar nën drejtimin e Edi Ramës nuk mbron pronën e qytetarëve përkundrazi ky është fakt. Edi Rama me programin e tij të “suksesshëm” të rindërtimit të japi përgjigje pyetjes: Çfarë duhet të bëjë znj. Bedulla Veli Dhana për t’ju rikthyer prona e saj legjitime me të cilën ushqehet? Edi Rama për veten e tij jeton në saraje por njerëzve të thjeshtë nuk i jep çfarë i takon …

The post Akuzat e PD: Bashkia Lezhë i rrëmben pronën qytetares për ta bërë çerdhe, por në truallin e çerdhes do të ndërtohen pallate appeared first on Albeu.com.

‘Emisioni Plug identifikoi emra të tjerë të eksponentëve të PS të cilët mbajnë apo kanë mbajtur detyra në rang ministri apo zyrtarësh të lartë dhe një gjë është e sigurt, sigurt Erjon Veliaj nuk gënjeu për kolegët e tij në drejtësinë e re pranë KPK, KLGJ, SPAK, dhe Prokuroninë e Përgjithshme’ -u shpreh Vangjeli.

Deklarata e plotë:

Sikurse u prezantua pak ditë më parë në emisionin investigativ Plug, Organizatat e financuara nga Soros dhe kontrolluara nga Erion Veliaj, dhe bashkëshortja e tij, Balkan Youth Link Albania ose shkurt BYLA, institut Benussi, dhe SHIZI nuk kanë shërbyer vetëm si mekanizma fitimi parash për çiftit Veliaj-Xoxa , por mbi të gjitha Rrjeti i OJF-ve, ishte një investim për kapjen e ‘Drejtësisë së Re’.

Emrat e lidhur me këto oragnizata të drejtuara nga Veliaj-Xoxa janë:

Klotilda Ferhati Bushka, aktualisht deputete e PS dhe drejtuese e Komisionit të Ligjeve në Kuvend aty ku kalojnë aktet ligjore dhe nënligjore edhe për Reformën në Drejtësi, poste këto të fituara si shpërblim për ofrimin e shërbimeve të ekspertizës apo konsulencës për disa vite që znj.Bushka kreu për shoqatën e Integrimit të Zonave Informale dhe Balkan Youth Link Albania.

Kryetari i Gjykatës së Lartë Sokol Sadushi si dhe drejtuesi i shkollës së Magjistraturës Arben Rakipi dhe funksionar të tjerë të drejtësisë, të cilët janë akuzuar nga opozita se i shërbejnë qeverisë kanë qenë pjesëmarrës të shpështë në aktivitetet dhe konferencat për reformën në Drejtësi të organizuara nga vetë Ajola Xoxa, nëpërmjet institutit ‘Benussi’.

Kreu i KLGJ së, institucionit që lidhet me emërimet dhe kontrollin e të gjithë gjyqtarëve në RSH znj.Narueda Llagami, ish Kryetare e Këshillit të Lartë Gjyqësor, në CV e saj deklaron se për disa vite ka punuar në Shoqatën për Integrimin e Zonave Informale, kontrolluar nga Erion veliaj dhe bashkëshortja e tij. Zonja Llagami u dekorua si drejtuese e KLGJ pas suksesit të punimit shkencor si bashkëbotuese së bashku me bashkëshorten e Veliajt lidhur me kuadrin ligjor mbi shërbimet e kujdesit shëndëtësor në v.2017, financuar nga instituti Benussi.

Kreu i Komisionit të Pavarur të Kualifikimit, Roland Ilia, i cili ka pasur në dorë fatin e qindra gjyqtarëve dhe prokurorëve në vend, njëherazi ka qenë relatori i Vetingut të munguar të Altin Dumanit, dhe që sot duhet të hetojë Erion Veliajn, rezultoi i përfshirë në rrjetin e organizatave të kontrolluara apo drejtuara nga Veliaj, dhe Xoxa.

Pranvera Pustina, (bashkëshortja e Floran Pustina, themelues i MAJFT dhe njohje e vjetër e Veliajt, i përfshirë në dosjen e inceneratorit të Tiranës). Zonja Pustina me detyrë Shefe e Kabinetit e Prokurorit të Përgjitshëm Olsian Çela, si një tjetër element që tregon ndikimin e Erion Veliajt në sistemin e drejtësisë, si rasti i zvarritjes që Prokuroria e Përgjithshme ka bërë me korrespodencën me autoritetet greke për të konfirmuar dëbimin dhe dënimin për Gjyqtaren Irena Gjoka Maneku, e cila me vendimet e saj la për një vit të izoluar liderin e opozitës Sali Berisha.

Emisioni Plug identifikoi emra të tjerë të eksponentëve të PS të cilët mbajnë apo kanë mbajtur detyra në rang ministri apo zyrtarësh të lartë si Delina Fico, Milva Ekonomi, Eglantina Gjermeni, Arbjan Mazniku (Zv.Ministër Arsimi), Endri Fuga (Adjutanti i Ramës), Leart Kola (Drejtor i Rinisë ne MMRS), Andi Kanaj (Drejtor i AMSHC), etj si të lidhur me organizata të themeluara me financimet e Soros).

Një gjë është e sigurt Erjon Veliaj nuk gënjeu për kolegët e tij në drejtësinë e re pranë KPK, KLGJ, SPAK, dhe Prokuroninë e Përgjithshme.

The post Genta Vangjeli: OFT-të nuk kanë shërbyer vetëm si mekanizma fitimi parash për çiftit Veliaj-Xoxe appeared first on Albeu.com.